ميلسنا 2014

[mischocolat]

مرحبا بنات

ميلسنا هالسنه نباه اكثر تفاعل ...تجارب.... فايده
ياليت كل وحده تحط لنا تجربتها في اي شي عيبها وياب وياها نتيجه بهالطريقه بتنفع غيرها وبتنفع نفسها بعد يوم بتسأل عن شي الكل بيرد عليها
لكن اللي ما عندها شغله الا الاسئله وحتى كلمة شكرا للي يرد عليها ما تقول هاي الانسانه X
ملاحظه صغيرونه لو سمحتو : سوو سيرج بالنت عن اي سؤال في بالكم وشوفو تجارب غيركم وممكن تعرضونها هنا ...سوو سيرج عن الماركه اللي في بالكم وادخلو موقع الشركه وشوفو وين مواقع محلاتهم وبأي بلد .....لان كثرة بعض الاسئله مثل وين بلاقي هذا ووين ينباع هذا وبكم هذا تاخذ مكان كبير من الميلس بالوقت اللي ممكن انتي تعرفين كل هالاشيا بالتيلفون او النت واذا ما عرفتيه حياج هنا بالميلس

خلونا نركز على الفايده القصوى بعيد عن الاسئله المكرره

أنا أول شي بحط لكم سكراب بيسك يعني اساسي شفته بالنت وقلت افيدكم فيه



واضح بالصوره المكونات مكتوبه .....سكر اسمر وحليب بودره



تخلطينهم بكميات متساويه وبيكون بهالشكل
احتفظي بالخليط الاساسي هذا بزجاجه جافه بعيده عن الاضاءه والرطوبه لافضل النتايج

هذا الخليط الاساسي لعمل السكراب اللي يتكون من مواد طبيعيه موجوده عندج بالبيت
ممكن تستخدمين وياه الروب ....شريش...عسل...ماءورد...زيت زيتون...صندل... كركم...سفيداب...كاكاو...بابايا...فراوله...خيار مبروش...عصير الليمون..شرايح البرتقال...حبه سودا...شوفان...قهوه
اي مكون ترتاح له بشرتج اخلطيه ويا ملعقه كبيره من الماسك الاساسي وجربيه



الحين دور السؤال: شو أكثر الاسئله اللي تنطرح بالقسم او الميلس تحسينها ترفع ضغطج ؟؟؟؟

أنا عن نفسي ما أحب هالسؤال : الشغله الفلانيه ..اللي تنباع بالمحل الفلاني ..كم سعرها ؟؟؟؟؟ اتصلي المحل او سيري له واسئلي مب لهالدرجه

المزيد من آخر المواضيع من نفس القسم:

• سكراب الشوفان وعصير الليمون لتقشير البشرة في...
• طريقة استخدام زيت شجرة الشاي لعلاج الهالات...
• طريقة عمل مرطب شفايف طبيعي بالجريب فروت حصري
• سكراب القهوه للقدمين واهم فوائده حصري
• تعرفي على ابرز فوائد زيت الورد السحرية...
• سكراب الروزماري الفعال لتقشير القدمين في...
• طريقة عمل مقشر شفايف طبيعي بأربع مكونات فقط...
• افضل فيتامينات لصحة وجمال البشرة حصري
• سكراب القرفة وزيت جوز الهند لتقشير الشفايف...
• خلطات سحرية لتبييض الابطين والمنطقة الحساسة

[mischocolat]

اذا شفت تفاعل من صوبكم بحط لكم انواع من السكراب اللي ممكن تسوينه بالبيت من مكونات موجوده عندج وبتاخذين نتيجه فعاله بشكل كبير تغنيج عن انواع كثيره من الماسكات اللي تنباع

وملاحظه صغيرونه من فضلكم : ما نبا رفع للموضوع من التاجرات عشان يلطعن اعلاناتهن

[ام يوسف21]

مبروك افتتاح الميلس
في سكراب اسويه لويهي وناسبني لان بشرتي جافه وحساسه رز مطحون وماي ورد

[استغفر الله..]

واخيرا تجمع جديد
انا عندي هوس ماسكات وكريمات وسوالف البيوتي
واكثر شي احس اني استفدت منه هو ماسك الروب احسه يعطي الويه نضاره وغير انه طبيعي يعني لو ماضرج مابيفيدج


انزين عندي سؤال صغنون
انا بشرتي كانت بيضا ومع الشغل والجامعه والمشي فالشمس والحر احس اني اسمريت يعني لون ويهي غير عن لون اذني حتى =(
يعني حتى بين صبوعي لما افتحهم يبين لونهم غير عن لون ايدي عكس قبل لون 1
شوممكن استعمل بحيث انه يرد لوني السابق او على الاقل تفتح ويهي وايدي بكمن درجه

للعلم اني ماتم شي ماستخدمته ومب عارفه شو اسوي الحيين


وشكرا عالموضوع الحلو ان شالله بنتفاعل معاكم

[Zai]

انا بعد عندي اسمرار بمفاصل اصابع ايدي و اماكن ثانية

من اسبوعين سويتلي جدول وبديت فيه

الاحد : تقشير ( ليمون +سكر + زيت اللوز )
الاثنين : كركم+ ليمون + زيت اللوز او الزيتون ) قبل كنت اضيف فازلين بس لاحظت انه يسمر
الثلاثاء: تقشير
الاربعاء : بريك
الخميس : استخدم خلطة خذيتها من تاجرة اسمها خلطة العروس
الجمعة: ----- بريك
السبت: ماسك للشعر

و استعمل كريم مرطب بشكل يومي

[ام يوسف21]

ابا سكراب للجسم قوي جربت اللي بالجمعيه والطبيعي اللى جربت لاش او بدي شوب تخبرني شو الافضل

[وجدان الفجر]

شكراً أختي مس شوكليت على هذا التجمع الجديد . مشاركة معاكم ولي عودة بإذن الله .

[mischocolat]

شكراً أختي مس شوكليت على هذا التجمع الجديد . مشاركة معاكم ولي عودة بإذن الله .

العفو حبيبتي ونتريا مشاركتج

[ams3a]

السلام عليكم
مس جوكليت هل هاي معلومه صحيحه
ان نحن لازم نستخدم المرطب قبل وضع كريم الاساس حتى لو كان كريم الاساس يحتوي على مرطب
وهل ها الترتيب صحيح (مرطب كونسيلر فاونديشن بودره)
وفي حاله نستخدم واقي شمس كيف يكون الترتيب قبل الفاونديشن

[mischocolat]

السلام عليكم
مس جوكليت هل هاي معلومه صحيحه
ان نحن لازم نستخدم المرطب قبل وضع كريم الاساس حتى لو كان كريم الاساس يحتوي على مرطب
وهل ها الترتيب صحيح (مرطب كونسيلر فاونديشن بودره)
وفي حاله نستخدم واقي شمس كيف يكون الترتيب قبل الفاونديشن

لا مب صحيح
اللي لازم تحرصين عليه قبل المكياج هو البيس للبشره المختلطه والدهنيه بشكل كبير
والكريم المرطب قبل المكياج للبشره الجافه (بشرط الفاونديشن مايحتوي على ترطيب عشان يثبت المكياج)
لأحسن النتايج بالنسبه لنوع بشرتج استخدمي بخاخ مقلل الدهون - بيس - فاونديشن -كونسيلر -بودره (ممكن تستغنين عن البخاخ لو مب في حاجته وايد)
دايما خلي الكونسيلر فوق الفاونديشن عشان عقب ما توحدين لونج تشوفين المناطق اللي بتخفينها وتحطين عليها الكونسيلر

[ams3a]

شكرا مس جوكليت ع هاي المعلومات
باانسبه لكريم العيون انا الحمدلله ما عندي مشاكل معينه
وممكن اسم الفاونديشن من ماركه مبيلين

[mischocolat]

ابا سكراب للجسم قوي جربت اللي بالجمعيه والطبيعي اللى جربت لاش او بدي شوب تخبرني شو الافضل

ليش السكراب القوي......اذا كنتي من زمان ما استخدمتي سكراب يكفي 3مرات أول اسبوع مع ترطيب عميق وخلاف مره او مرتين بالاسبوع حسب نوع جلدج
لاش عندهم سكراب للجسم حلو وايد يعيبني وعقبه كريم ترطيب بعد من عندهم
بودي شوب من زمان ما اشتريت عنهم
جربتي املاح الحليب ؟؟؟؟وايد حلوه يوم تخلطينها بروحج وكل مره تضيفين لها مكونات سائله

[ام يوسف21]

املاح الحليب اللي فيه صورة البقرة جربته من زمان زين ذكرتيني فيه بجربه ان شاء الله

[Zai]

املاح الحليب وين احصله ؟

[ام يوسف21]

بكارفور بتحصلية اذا اللى تقصده مس شكولت اللى عليه صورة البقرة