ترهل البطن بعد الولادة .. عندكم حل

[المغتربة]

السلام عليكم

شو الحل لترهل البطن بعد الولادة


انا كملت فترة طويلة و خلاص فقدت الامل و سويت رياضة و ضعفت بس
البطن بعده مترهل و افكر اسوي شفط و شد بطن عن كوزموسيرج


اللي مجربة تفيدني بليييييييييييزو تخبرني بالتكاليف و افضل دكتورة تجميل ف كوزموسيرج و هل يعور و كيف يتم الخياطة

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ЗђσσĐί ♥]

كان ودي أساعدج بس مــا عندي علم بالموضوع..
بالتوفيق يا رب ..^^

[Cobon]

ما عندي فكرة
بس كثرة الولادات تسبب ترهل و الرياضة ما بتكون حل للموضوع
ع الاقل لو بتسوين وقفي حمل كذا سنة عسب تستمعين بالجسم الممشوق

مري عليهم في كوزموسيرج و هم يعطونج شرح مفصل

[نيران الثلوج]

هذا ردي على موضوع وحدة من الخوات اتمنى يفيدج وانصح بالشد وليس الشفط الشفط تحسين كنه جلدج مسلوخ وايد صعب



من 5سنين تقريبا جربت عند الدكتورة سحر القاضي الزفتة وكانت بكوزمسيرج سويت معاها شفط دهون حق بطني وظهري وياليت ما سويت أولا ضيعت تقريبا 32000 درهم عالفاضي. ثانيا بياعة كلام بطني كان قسمين فوق وتحت قالت لي بروح لج القسم التحتي كامل ما بتشوفيه والي فوق بحاول قد ما اقدر
ولما طلعت من العملية قالت لي ما قدرت تروحلي الي تحت كله وشلت لي الي فوق كله
هذا غير العلامات الي الي للحين عندي وبارزة لبرا الجلد
بعد بطني صار فيه مطبات وقالت لي على مساج ال بي جي لازم استمر وقالتلي هالشي عقب ماخلصت عملية وهذا بروحه بكج وسعر ثاني ولازم اتم عليه ثلاث شهور وطبعا أتم البس المشد بعد 3 شهور وسويت أكثر من المطلوب المساج كان زين انه لصق الجلد بالعضلات لانه كان منفضل بسبة الشفط بس ما رتب لي المطبات وللحين عندي وطبعا عندي ترهل كبير بالبطن بسبة الشفط هذا وهي ما شفاطة كل البطن مع أني كنت اسألها عن ها الأمور وتقولي كل شئ يبكون تمام وما بيتر هل ولا شئ وبطني مثل ما هو ولا قسم انشفط كله
هاي تجربتي معاها وياليت لو أني ما سويتها وهذا غير البنات الي شوهت لهم جسمهم ودوري بالنت وبتحصلين بلاوي منها

والحين ناوية اسير للدكتور عبدالباقي الخطيب مشهور وشغله مضمون من كثر ما يمدحونه كان رئيس قسم الجراحة التجميلية بمستشفى زايد لمدة 8 سنين والحين انتقل لمستشفى برجيل عندي استشارة الاسبوع الياي لشد البطن وتصغير الصدر وبخبركم بالي يصير معاي



بس نصيحة لا تجازفي بجسمج لأي جراح اتأكدي

[المها2009]

ليش ال بي جي ما يشد

[غرووب 22]

[ذات-النطاقين]

السلام عليكم


في مستشفى القاسمي يسوون هالعملية

وحدة اعرفها سوت عملية تصغير الصدر عندهم
عملية ناجحة وممتازة

[المغتربة]

جربت ال بي جي دفعت 2000 وما جفت نتيجة
للررررفع

[Jawharah]

اختي ترهل البطن يبالج تمارين خاصة وزيوت ومساجات أنا بصراحة وايد استفدت

[Cobon]

اختي ترهل البطن يبالج تمارين خاصة وزيوت ومساجات أنا بصراحة وايد استفدت

خبرينا شو سويتي اختي بالضبط ؟

[Jawharah]

خبرينا شو سويتي اختي بالضبط ؟

أحط زيوت أعشاب وأسوي مساج خفيف للبطن وعقب أرفع ظهري وأشفط بطني مع شد العضلات وأمشي فلبداية المشية شرات الريل الآلي هههههههههه شوي شوي تعودت
بنفس الطريقة تخلصت من تهدل الخلفية تمرين واحد للبطن والخلفية
ميزة هلنوعية من التمارين تشد الصدر مع أنه هدفي الأول هو الخلفية والبطن