مرت الاخو .....!!

[ورقة ناعمة]

ابدا لا تزورنا اذا ما تبي
بس ليش لما نتصل بها ما ترد علينا ؟؟
الواحد ع الغريب يرد
و لما تصير عندنا مناسبه عرس او غيره ما توجب ولا تحضر ؟؟
الكل يسال وين مرت فلان ما نعرف شو نرد عليهم !!
و بعدين اذا هي رافضة خوات الريل ليش خذت ريال عنده خوات ؟؟ و لا خافت انها تعنس ؟
لا تحتك فينا ولا شي بس قلة ادب انج تتصلين في مرت اخوج تتطمنين ع عياله او تسالين عنهم و ما ترد
و ما يعجبها حد يروح بيتها حتى لو كانت عمتها ام ريلها !!

اللي تقول كيفها و بيتها بقول لها ان شا الله تصيرين عمه بعد عشرين سنه و مرت ولدج ما تعطيج مجال تزورين ولدج في بيته و تتونسين مع عياله !!

كما تدين تدان

لو انا مكانج بتصل باخوي وبسال عنه وبعزمه وهيه خلها بروحها ,,, واذا اي وقت حابة اسير بيت اخوي

بروح فديتج عادي بيته ... بسلم وانتهى الموضوع ,,, صدقيني بتتغير اذا اخوج الثاني عرس واندمجتو ويا

مرت اخوج اليديدة ... يمكن تتغير لان في وايد نفس هالنوعية وتتغير بالمقارنة ... ورمسوها احسن قولوها

اسالوها ... واذا مب حابة خلاص خلوها بحالها مصيرها تحتاج لكم يوم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[خولة المزروعي]

أحسها مثلي شكلها مب إجتماعية وايد وتحب اتكون بروحها وفعلا أنا مثلها وفي وايد ناس جي

[طبعي جذيه]

ووووووووويه شيء ناس جيه!!!!ما اتخيل...الحق على اخوج خلاها على راحتها
ومن كم سنه معرسين؟؟ولا تغيرت؟لا تعرفين الغميضه تسير وتيي لاهلها يعني هيه اجتماعيه ما وياها مشكله في التواصل ويا الاوادم ,,,
واخوج يفترض يكون صريح وياكم ويخبركم شو فيها وليش تعاملها جيه ,,, قوة عين حتى ما ترد على اتصالاتكم ولا شيء ,,,قهرتني !!!خخخخ

[Cobon]

اختي جوفي انا بخبرج
اهم شي اخوج ايى عندكم و عيالهم ايون !!! بس
لا تصدعين راسج يت ولا ما يت براحتها

هي براحتها بتفر عمرها ف البحر خلوها لا تدخلون
والله مستغربة من الناس صار همها الشاغل زارتنا ما زراتنا
وجبتنا ما وجبتنا
ليش تفتحين ع عمرج مشاكل و سوالف بين الريال و حرمته


انسي و لا تعورين راسج بتتعبين

[ملكة الاحاسيس]

افنان بقولج شي واحتمال كبير كلامي يكون مو صح انا اقول
اخوج قاعد يكذب
نعم يكذب ويحاول يقطع تواصلكم مع زوجته
لنه قد صارت وياي والله سكنت في بيتهم ولا كان فيه اي ترابط وتواد بالكلام ةالسبب زوجي اعترف كان اسلوبه غلط
لكن لمن سكنت بروحي افتقدت وجودهم رغم انه تصير مشاكل بكل الاسر لكن هذول اهل عيالي
بخصوص قرايب اهل الزوج مو ضروري تحتك فيهم الزوجه خصوصا لو كانت مو من الاهل والارحام لنه مو مكلفه وتجنب للمشاكل ةالحساسيات من حقها ترفض استقبال الحريم لكن الرجال بينهم وبين الزوج

[ملكة الاحاسيس]

للاسف لين الحين فيه خوات يحاسبون زوجات اخوانهم
كلامي لبعض الخوات
دعو الخلق للخالق ولاتحكمون بالظاهر ابدا ولاتسمعي لطرف واحد خذيتها قاعده اطبقها بحياتي

بخصوص الزوارات ان كانت من الاهل والارحام يجب ان تزور برضا زوجها ولو كانو مو اهلها وارحامها فهي غير مكلفه

[بنت رااك]

مصييييييبه يوم الريال يخاف من الحرمه هاي بكبرها مصيبه
فيه وايد رياييل جي يخافون من حريمهم ويفضلونهم أكثر من أمهم اللي ربتهم
بس كما تدين تدااان والدنيا دواره باجر عيالكم بيعرسون

[ملكة الاحاسيس]

حق اهلها بتدبر سيارة و بتوجب اعراسهم لو في المريخ
حق اهل الريل نفس المنطقة بس العذر ( كل واحد و ظروفه ) !!
سبحان الله
صج لين قالوا البعد بعد القلوب مش بعد الدروب
ع العموم كلامج عين العقل و تستاهلين تكونين مشرفة

انتي قلتيها حق اهلها يعني هي مو من اهلكم فلا تغصبونها تحضر اعراسكم
ان كان السبب الي كتبته باول رد مو صحيح فتاكدي انها سمعت او عرفت شي ينقال من وراها واصحاب الفتن وايدين وايدين الله لايبتليج
عزمت حرمه في بيتي ولاول مرة تدخل بيتي وشا4ت اخت زوجس وقعدت تتكلم عنها مع الي حذالها ويتني الثانيه تسال صدق اخت زوجج جي وجي
وانا مصدومه اول مرة تدخل بيتي وتقول جي
طلعت تعرف اهل ريلي من بعيد وتسمع طراطيش كلام وحبت اتسوي جو علي حسابي

الحل كلميها باسلوب متحفظ شوي مو استهزا ومصخره كلميها بحضور اخوج وساليها ليش مقاطعتنا وشو السبب

[بنت رااك]

والله شكلهن جي مع احترامي لهن .. لو تزوجتي مش معناته تشلين ريلج عن اهله
سواء امه و خواته وخوانه هذيلا لهم الحق يشوفونه ويزورونه ، وبعدين
الي تقول ما يحتاي وخلوها ع راحتها وين صلة الرحم ؟ ماتعرفن شو فضلها ؟
ولا بس جي معرسات وتخلفن عيال ؟ اصلا شو طعم الزواج والعيال بدون الاهل ؟ اونه كافية خيري وشري من الناس اسمحلي هالنوعية من
البنات مادانيهن ! ولا جنه مسلمين تقول كفار بينهم عداوة

التواصل واجب مب لازم كل يوم بس ماتقطعون بعض ، يوم الريال يكتب عقد زواجه عالبنت
يعني العائلة تكبر ويكون نسب من بينكم !

الصراحة هالنوعية من الحريم مب اجتماعيات او يا قبل لاتعرس مهيئينهم لا تتواصلون ويا خوات الريل
هذيلا راعيات مشاكل ولا الام ولا الخوان هههههه

للأسف هالزمن نادر ما تحصلين بنت مرباية وتعرف الاصول وتعرف شو واجبها كزوجة ومع اهل ريلها واهلها

يعني اشكره معرسة وتزور اهلها وقاطعة اهل ريلها شو معناته ؟ مافي شيء اسمه ظروف !!

ماشاء الله كلامج صح ميه ميه

[بنت رااك]

انا اعرف وحده أمها تقول لعيال بنتها لاتزورون جدتكم اللي هي أم (الزوج) يعني عادي مره وحده بالسنه فقط وهم صغار

[بنت رااك]

هيه والله حتى انا.. ما اتواصل مع حد ولا لي خص بحد.. عليه بنفسي وبيتي وزوجي وعيالي..
كافيه خيري من شري عن الناس وعن اهل ريلي.. بس فوق هذا ما سالمه من لسنتهم.. بس ما مهتمه.. مخليتنهم ع راحتهم خخخخخخخخ

انا اقول خلوها ع راحتها.. الواحد ما يحب يعور راسه..

لالا غلط ا
العيب ترى مو منها من الريال العيب من راسه لساسه
أقطع أمي ليش؟؟؟؟؟؟ عشان أرضي حرمتي خسي وتهبي

الجنه تحت أقدام الأمهات مب الزوجات

[بنت رااك]

دامها نفور تام منكم وأخوكي ساكت معناها أكيد في غلط منكم
اسمحيلي حبيبتي اخوكي باين عليه مرتاح بعيشته معها ويريحه بعدكم عنها..
مستحيل الحرمة تكون معدومة الضمير والتربية وتنجح علاقة زواجها
الرجل مايتحمل تكرار الغلط

امبلى في وايد راييل صبروا على حريمهم6 سنوات وللاسف لسانهم طويل يباله قص
وفيه رياايل صبروا 11 سنه وللاسف مافيه علاقات ناجحه أبد وصبروا وللاسف تزوجوا الثانيه وارتاحوا ...
والمشكله تكمن في الحريم نفسهم لانها خلقت من ضلع أعوج
للي تبغي الريال إلها
اللي تبي الريال يستوي عبد إلها
إلا تبا الريال يسفرها على حسب ماتبا
اللي تبا الريال يمشي على الخط المستقيم

[بنت رااك]

هو تعبان نفسيا منها لكن شخصيته ضعيفة ما يقدر يزعلها !!!

بيتزوج علها وبتجوفين ..
الريال أذا مايحس انه ريال على حرمته مايحس بالرجوله ويحس أنه الكل يجوفه بارد وخواف
وصدق بيرجع يفكر بعمره وبيتزوج عليها حرمة صغيره وتسمع الكلام ويمكن هو يدور وعقب لاصياح ولا ندم ينفع

[nightwaft]

احس العتب على اخوج.. لازم الوالده تتدخل و تكلمه و تحط النقاط علحروف و تحط موعد لزيارتهم مرة في الشهر على الاقل.. بدون ما تكلمونها الحرمة لانه يمكن ما تتقبل و يمكن ما ترد نفس ما قلتي...

و الله يهديها يا رب

[المغتربة]

والله ما ألوم مرت اخوج
يوم عندها أخت ريييل تنبش وراها !!!
يت ولا ما يت
وصلت اهلها ولا ما وصلت


انا عندي مرت اخوي ربي يحفظها و يخليها
والله يمكن كملت 6 شهور ما يت بيتنا و ساكنة ف الفريج اللي حذالنا ! و تطلع و تروح و ترد
بس والله ولا شالة ف قلبي ذرة عليها كيفها ما تبغي اتي براحتها
و لا عمرنا سرنا جرجنا اخونا ع الحرمة عمرنا ما قلنا له " اق "
ما ارضى اكون سبب في مشاكل سبحان الله اقول له كلمة و عقب تستوي سالفة
كفاية اجوف اخوي و عياله ايون بيتنا ..
و والله لو حد يحش فيها يدامي بقص لسانه ما ارضى عليها مول مع انها مب نافعتني ولا ضارتني
اروح اجبرها و اقولها تعالي مرة في الاسبوع غصبن عنج و اتي غصبن عنها لا والله ما ابغي عوار راس ولا شي