مرت الاخو .....!!

[ام حتومي]

اخت افنان
عفوا مافيني ارجع اقرا الموضوع زين
بس فاكره انك مضايقه ربت ولا ردت ع اتصالالكم
ماعلينا

بس بتعبون نفسكم
الغلط والشره ع ولدكم
ان شاءالله تكبر وتعقل بس طنشوها

ماشاءالله اعرف عمه تقول انا مااادور اللي تباني بيتي مفتوح وزوجه ولدها نفس مرت اخوك بس الاختلاف بالزياره اسبوعيا الزوج ياخذها
مع انه تطلع منها احسن من انه تجي مغصوبه
كبرت البنت وعقلت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[عطر 77]

كيف ما منعت ولدنا عنا ؟؟ ولدنا ما يقدر يوصل حد معاه بالسيارة اذا هي موجودة معاه لانه ما يعجبها حد يركب معاها ، و ما يقدر يعزم اهله في بيته حتى لو كانوا امه و ابوه اللي يابوه لانه ما يعجبها حد يروح بيتها وما يقدر يرد ع مكالماتنا و هي قاعدة لانه ما يعجبها ريلها يتواصل مع خواته !! و عندها ياهل عمره سنه و ثمان شهور ما شفناه غير مرة وحدة !!! اخوي حجته ضعيفه يقول خل يكبر انا بجيبه معاي لما ازوركم

اسمحيلي أختي , للأسف اخوج ضعيف الشخصية جدامها
والا كيف يرضى على نفسه حرمه تتحكم فيه وما تباه يكلم اهله ؟!
مب لها الدرجه عاد يخاف منها وحاسب لها كل حساب , صدق عاطنها ويه !
الاهل مالهم بديل , والا هي بدالها 100 حرمه تحترمه وتحترمكم
راشدي واحد منه على ويها , بيخليها تصطلب جان ما ربوها أهلها
, لكن شو بتسوون جان اخوج عايبنه هالوضع وساكت ومب رايم عليها
دلع حريم آخر زمن

[هجير الشمس]

انا علقت ع اول رد لج
انها ما تحب تزور ولا لها بالمجاملات
اما باجي اردودج اكيد مب حلوه منها
هي لها من نفسها دام هي جي مرتاحه فعادي
وحده مالها بارض للمجاملات وين المشكله.?
اما اخوج مالها حق تفرض عليه يقاطعكم
وخاصه والدينه
وهو ريال المفروض ما يخلي حرمه تحكم تصرفاته

[غصب البان]

ا??لّہ يهديها .. بس دام أنها مريحه إخوج ومايشتكي منها خلاض أنتو حاولو ماتدخلون فيها ؤلا تسألون ..

[افناان]

اسمحيلي أختي , للأسف اخوج ضعيف الشخصية جدامها
والا كيف يرضى على نفسه حرمه تتحكم فيه وما تباه يكلم اهله ؟!
مب لها الدرجه عاد يخاف منها وحاسب لها كل حساب , صدق عاطنها ويه !
الاهل مالهم بديل , والا هي بدالها 100 حرمه تحترمه وتحترمكم
راشدي واحد منه على ويها , بيخليها تصطلب جان ما ربوها أهلها
, لكن شو بتسوون جان اخوج عايبنه هالوضع وساكت ومب رايم عليها
دلع حريم آخر زمن

صح كلامج ١٠٠٪

[عيونad]

هي تسوي جي بدون سبب ؟؟

لأنه اعرف وحده سوت جي يوم داسوا في بطنها اهل ريلها !! ومن حقها

يمكن سمعت شي اذا ما حسستوها شي

[Diana Sy]

لما تعرف انه الوالدة بتروح الامارة اللي هي ساكنه فيها ع طول تشيل نفسها و اغراضها و تروح بيت اهلها لانه الوالده تروح ع ... وقت الاجازة

دامها نفور تام منكم وأخوكي ساكت معناها أكيد في غلط منكم
اسمحيلي حبيبتي اخوكي باين عليه مرتاح بعيشته معها ويريحه بعدكم عنها..
مستحيل الحرمة تكون معدومة الضمير والتربية وتنجح علاقة زواجها
الرجل مايتحمل تكرار الغلط

[سوارفسكي]

احس الموضوع بيد اخوج ..اذا ماقدر عليها على الاقل الياهل ايبه لكم ..سنه و ثمان شهور عادي يطلع بدون امه كم ساعه .....انتوا سووا اللي عليكم .. اهم شي اليهال ما ينحرمون منكم ...و مستقبلا لا تشيشونهم على امهم ..لكم بالعيال اهم شي

[ميميه88]

محد غلط عليها من اهلج او قاللها شي او يمكن وصلها كلام؟
لانه مستحيل بس جيه تتصرف بها الاسلوب
امرها غريب

[زينب الطيبة]

أختي الله يهديها وترد تواصلكم ،،

عندي حل أبدوا أنتوا بالخير اشترولها هدايا لها ولولدها و طرشوها مع اخوج

وخله يقوللها دوم أهلي يسلمون عليج و مشتاقين لج و مشتاقين لولدي

بهالطريقة حتى لو في شي مزعلنها منكم بتنساه ،،،

[مهرووووووه]

مب صاحيه.. وتصرف غلط
اعوذ بالله من حريم جيه

[افناان]

دامها نفور تام منكم وأخوكي ساكت معناها أكيد في غلط منكم
اسمحيلي حبيبتي اخوكي باين عليه مرتاح بعيشته معها ويريحه بعدكم عنها..
مستحيل الحرمة تكون معدومة الضمير والتربية وتنجح علاقة زواجها
الرجل مايتحمل تكرار الغلط

هو تعبان نفسيا منها لكن شخصيته ضعيفة ما يقدر يزعلها !!!

[افناان]

محد غلط عليها من اهلج او قاللها شي او يمكن وصلها كلام؟
لانه مستحيل بس جيه تتصرف بها الاسلوب
امرها غريب

اصلا هي تزوجت عن طريق اخته يعني اختيار اخته
بس في ناس سبحان الله قلوبهم كلها حقد و غيرة يحقدون ع ناس ما أذوهم و لا شافوا منهم الا الخير و الكلمة الحلوة

[افناان]

أختي الله يهديها وترد تواصلكم ،،

عندي حل أبدوا أنتوا بالخير اشترولها هدايا لها ولولدها و طرشوها مع اخوج

وخله يقوللها دوم أهلي يسلمون عليج و مشتاقين لج و مشتاقين لولدي

بهالطريقة حتى لو في شي مزعلنها منكم بتنساه ،،،

الكلام الطيب ما يزيدها الا صد و غرور
بدليل انها ما ترد ع المكالمات ابدا و لا تحب تواصل بالرغم من العشرة الطيبة اللي كانت

[ام حتومي]

ماعليك اختي مصيره ان شاءالله أخوك بتقوى شخصيته
وبتحسب لعمتها حساب

بس دعواتكم