بــلادي تــايلاند

[فدى UAE]

مشكورة برنسس عالموضوع الحلو والمفيد يزاج الله خير



حبيبتي انا مسافرة تايلاند ان شاء الله تاريخ 2 يناير لمدة 10 ايام انا وريلي وبنتي عمرها 3 سنوات لمدة 10 ايام مخططين نسير بوكت وبانكوك اسئلتي هي :

_ هل 10 ايام وايد على هالمكانين؟ لان ريلي يقول بنقسم ال 10ايام على ماليزيا وتايلاند

كم يوم يسدنا في بوكيت؟ وهل صددق ان بوكيت فيها مناظر مب حلوة حق اليهال وحقنا نحن بشكل عام

- كم تبعد بووكيت عن بوكيت بالطيارة؟

وين احجز في بوكيت وبانكوك اي فندق؟

بنتي عمرها 3 سنوات تحسين السفرة وياها بتكون متعبة ولعوزة؟

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[برق -الماس]

السلام عليكم ورحمة الله وبركاته

اختي انا بسافر اول 12 فحابة احجز في شقة من 3 او 4 غرف ويكون جنب عيادةالاعيون وجنب اماكن التسوقع
فياليت تفيديني

وشكرا غناتي

[كتكوتة حبيبي]

اخواتي بسافر ان شاء الله تايلند الاسبوع الجاي لمدة 10 ايام ( 8 ايام + 2 طيران)
وناوين نسافر بوكت + بانكوك + هاي هواهين لو صار مجال
عائلتين من 8 اشخاص وعندنا 4 اطفال اعمارهم اقل من 5 سنوات
اريد ترتبون حقي جدول حلو نونس فيه العيال و الشباب يستانسو و نحن الحريم نشتري
شو افضل فنادق او شقق فندقية نظيفة للسكن وتقون قريبه من الفعاليات والانشطة و الاسواق

[Fa.R]

اخواتي بسافر ان شاء الله تايلند الاسبوع الجاي لمدة 10 ايام ( 8 ايام + 2 طيران)
وناوين نسافر بوكت + بانكوك + هاي هواهين لو صار مجال
عائلتين من 8 اشخاص وعندنا 4 اطفال اعمارهم اقل من 5 سنوات
اريد ترتبون حقي جدول حلو نونس فيه العيال و الشباب يستانسو و نحن الحريم نشتري
شو افضل فنادق او شقق فندقية نظيفة للسكن وتقون قريبه من الفعاليات والانشطة و الاسواق

هلا أختيه بخبرج عن تجربتي و خبرتيه مع بانكوك
عندج شقق Amanta Ratchada وايد حلوة و منطقة استراتيجية وعدالها يمكن خمس اماكن ترفيهية ومستشفيات بس عيب هالفندق عدال نهر وريحته اتييب المرض ، لكن الحلو عدال محطة القطار و تتنقلين وين ما تبين بدال التكاسي والفندق نظيف و مرتب و الديكور راقي حتى عندهم مسبح و مناسب للاطفال و الفندق متعامل مع العرب و خصوصا نحن دوم طايحين عندهم كل صيف فـ عندهم خبرة كافية ونحن ناخذ شقتين و الحجرة الوحدة فيها غرفتين و حمامين و صالة و مطبخ مفتوح

بخبرج المولات الي عدال الفندق :

The Esplanade: فيه محلات و مطاعم و العاب و سينما و بولينق و تزلج و جمعية
Robinson Department store للتسوق
Carrefour Supermarket كارفور
Fortune town: كل شيء يخص الالكترونيات وربعه
وفيه مول يديد فتح نسيت اسمه بس بتجوفينه قريب منكم و نحن كنا نروح مشي

والاحلى عالفليل تجوفين الناس عدالج يبيعون ، هالمنطقة امان امشي الصبح و الفليل بروحي وماشي شر الحمدلله ، أحسن من منطقة العرب نانا الي تلوع بالجبد ..

[Fa.R]

مشكورة برنسس عالموضوع الحلو والمفيد يزاج الله خير



حبيبتي انا مسافرة تايلاند ان شاء الله تاريخ 2 يناير لمدة 10 ايام انا وريلي وبنتي عمرها 3 سنوات لمدة 10 ايام مخططين نسير بوكت وبانكوك اسئلتي هي :

_ هل 10 ايام وايد على هالمكانين؟ لان ريلي يقول بنقسم ال 10ايام على ماليزيا وتايلاند

كم يوم يسدنا في بوكيت؟ وهل صددق ان بوكيت فيها مناظر مب حلوة حق اليهال وحقنا نحن بشكل عام

- كم تبعد بووكيت عن بوكيت بالطيارة؟

وين احجز في بوكيت وبانكوك اي فندق؟

بنتي عمرها 3 سنوات تحسين السفرة وياها بتكون متعبة ولعوزة؟

اسمحيلي راعية الموضوع برد عليهم :



حبيبتي انا مسافرة تايلاند ان شاء الله تاريخ 2 يناير لمدة 10 ايام انا وريلي وبنتي عمرها 3 سنوات لمدة 10 ايام مخططين نسير بوكت وبانكوك اسئلتي هي :

_ هل 10 ايام وايد على هالمكانين؟ لان ريلي يقول بنقسم ال 10ايام على ماليزيا وتايلاند :

10 أيام وايد مناسبة لبانكوك ، ترومين تقسمينها لرحلتين بانكوك و جزر غير عن بوكيت .. و ع فكرة تايلند فيها جزر احلى و انظف من بوكيت ! لو تبين مساعدة بعطيج اسامي الجزر راسليني وبطرشلج و احس حرام تضيعون وقت ع ماليزيا ترا كلها نفس الطبيعة ، ترا في تايلند بتكتشفون وايد أماكن حلوة طبعا بعيدة عن مناطق العرب ..

كم يوم يسدنا في بوكيت؟ وهل صددق ان بوكيت فيها مناظر مب حلوة حق اليهال وحقنا نحن بشكل عام

هيه أختي بوكيت فيها مناظر مب حلوة .. فيها اجانب وايد و عرب و تفصيخ


- كم تبعد بووكيت عن بوكيت بالطيارة؟

ماعندي فكرة بس ابوية خبرني عنها يوم راح حتى ربيعاتي راحلها مامدحنها وايد .. والصراحة تناسب شله عزابية لما فيه من ترفيه و انشطة اكثر

وين احجز في بوكيت وبانكوك اي فندق؟

بانكوك Amanta Ratchada فندق اربع نجوم و اسعارهم حلوة
مكان استراتيجي و عداله مولات و منطقة امنة و سهولة التنقل في القطار و التكاسي بس افضللكم القطار لو تبون ادشون داخل بانكوك عند سيام برقون وربعه ..

بنتي عمرها 3 سنوات تحسين السفرة وياها بتكون متعبة ولعوزة؟

الصراحة بانكوك حلوة حق الحواطة و التسوق
بس تخافين عليها و لازم وياها بشكارة عالاقل ، يستحسن تروحين بروحج ويا ريلج بتستانسون اكثر وماتشلين هم اليهال

[Fa.R]

السلام عليكم ورحمة الله وبركاته

اختي انا بسافر اول 12 فحابة احجز في شقة من 3 او 4 غرف ويكون جنب عيادةالاعيون وجنب اماكن التسوقع
فياليت تفيديني

وشكرا غناتي

عطيني اسم عيادة العيون و بساعدج ^^

[برق -الماس]

غيرت موعد الرحلة ان شاء الله بتوواااصل وياج عقب لان بسافر علىى شهر 2
ومشكووورة جدا جدا

[كتكوتة حبيبي]

زيين اختي شو احسن فندق او شقق فندقية في بوكيت ؟؟
شو رايك في فندق ‏The Cliff & River Jungle Resort‎ في خوسيك-بوكيت احسه حلو وفي نفس الوقت مخيف احس بالافاعي تحوم في المكان خخ

اريد اسير بانكوك للتسوق عشان جي اريد فندق قريب من المراكز واهم سؤال وين صاير ((بوبي ماركت)) ؟؟؟؟ لاني اريد محل بالا بالا

[Fa.R]

زيين اختي شو احسن فندق او شقق فندقية في بوكيت ؟؟
شو رايك في فندق ‏The Cliff & River Jungle Resort‎ في خوسيك-بوكيت احسه حلو وفي نفس الوقت مخيف احس بالافاعي تحوم في المكان خخ

اريد اسير بانكوك للتسوق عشان جي اريد فندق قريب من المراكز واهم سؤال وين صاير ((بوبي ماركت)) ؟؟؟؟ لاني اريد محل بالا بالا

بوبي تاور أو بوبي ماركت مركز تجاري يتألف من عده طوابق وهو متخصص في بيع الملابس النسائيه والاطفال و الرجالية الاسعار بعضها معتدله جدا ورخيصه وأكثر المحلات ماتقبل ببيع التجزئه وهالسوق يفتح حوالي من الساعة 9 صباحا الى 6 مساءا وبينه وبين شارع سوكومفيت (منطقة العرب) حوالي 10 – 20 دقيقة ..

محل بالا قريت أنه موجود في بوبي ماركت .. أنتي من تسيرين هناك سألي عنه عن طريق السكيوريتي

بخصوص الفندق حبيته والمنظر ولا أروع سبحان الله كأن جنة .. بس قريت بعد عنه أنه الديكور عادي مب ذاك الزود
يعني الغرف مسويننها ببساطة بس شكله المنظر مكفي أهم شيء تروحين والجو يكون براد و معتدل ولو كان رطووبة وايد ماينفع

[كتكوتة حبيبي]

جزاك الله خير بس بعدني ما عرفت شو احجز فندق في بوكيت ومناسب لعايلة
صار لي اسبوع ادور تعبت والله

[كتكوتة حبيبي]

الصراحة اريد فندق قريب من شاطئ الباتونج و المنطقة العربية عشان المطاعم و الاسعار تكون معقوله

[The-Princess]

مرحبا بنات

اسفه على القطاعه كان عندي ظرف والحمدلله كل شي تمام

تسلمين ياقلبي فطومه على الردود

اختي كتكوته / في بوكت احلى شي تقعدين بعيد عن الباتونج لأن وايد مزعج ومايصلح حق اليهال
احنا دوم نيلس في فندق لوميريديان

بس لو انتي تبين في الباتونج

عندج فندق اسمه توني ريزرت هذا اسمه بالانجليزي Tony Resort

[كتكوتة حبيبي]

عندج ضروف ونحن لجيناج بالاسئلة سامحيني ياختي ناخذ من خبراتكم

انزين شو احسن مركز تسوق في بانكوك واسعاره مناسبة ؟؟؟ رحلتنا بتكون يومين في بانكوك بس وبنخليهم للتسوق يعني ابغى مجمعين عشان اخصص لكل واحد يوم .......اهم شي اسعاره مناسبة ومش غالية + اختي تريد مراكز البيع بالجملة و جوده عالية والاسعار مناسبة بغرض التجارة
ومشكوووووووووورين

[الحمادي85]

شو رايكم في فندق اماري بوليفارد من ناحية النظافة
اذا بحجز سويت؟؟ هل بيكون في المبنى اليديد ولا القديم

[The-Princess]

مرحبا فديتج كتكوكه / المشكلة ان يومين ماراح تكفي بس انا انصحج بمجمع ( ام بي كي ) واذا تبين بالجملة مستحيل مستحيل ترومين تخلصين هالمجمع اسمه ( بوبي تاور )
وعندج اذا تبين ملابس عندج مجمع ( باتينام فيشن مول )

-------------

الحمادي / هلا فيج حبيبتي

من ناحية اماري الحلو الي فيه مجابل سوبرماركت 24 ساعة مفتوح لكن صدق يباله شوي نظافة
والحلو ان يعطون الاماراتيين صعر خاص

احنا دوم نسكن في فندق الماريوت حلو ونظيف وخدمتهم ممتازة والحلو الي فيه انه امان 24 ساعة تحصلين سكيورتي محاوطين الفندق وتابع حق الفندق فيه مجمع فيه مطعم لبناني حلال ( مطعم بيروت ) وفي بعد عندج ماكدونالدز وستار بوكس وسوبرماركت يعلني كل شي متوفر حولج وهو هب بعيد عن شارع العرب يفصل بينه وبين شارع العرب شارع بس

بس عندج بعد انتركونتيننيتال وايد حلو بس مكانه بالليل شوي موحش لأن بعيد عن شارع العرب يعني المكان يصير هدوء

وعندج بعد فندق دابليو صدق رووعه بس وايد وايد وايد بعيد عن شارع العرب تحسينه معزول بس وايد راقي

وعندج فندق اسمه بلازا اثنيه بعد هاي شوي قريب من فندق الماريوت بس بعد حلو خالتي دوم تقعد فيه


اي استفسار حبيبتي انا في الخدمة