أكل الرضيع

[بسمة الحب]

هلا خواتي
ولدي الحين 5 شهور
متى أبدأ اقعده
و متى ابدا اعطيه أكل
و شو لازم اعطيه
فيدوني يزاكم الله خير

المزيد من آخر المواضيع من نفس القسم:

• اجمل اسماء مواليد جديدة بحرف الراء ومعانيها
• افضل الطرق البسيطة التي تساعد على تنويم...
• متى يسمع الطفل وطرق التعامل معه خلال هذه...
• اهم فوائد الحفاضات القماش وانواعها
• هل يمكن ان ينتقل فيروس كورونا خلال الرضاعة...
• افضل طرق علاج نزلات البرد عند الاطفال
• وصفة التوت والشوفان والكوسة للاطفال الرضع...
• وصفة التفاح المهروس والذرة وقرع الجوز...
• وصفة الجزر والذرة واليقطين للاطفال الرضع حصري
• افضل طرق التعامل مع المولود الجديد

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بسمة الحب]

أنا الحمدلله أرضعه طبيعي وللحين ما عطيته لل ماي ولا حليب صناعي

[ملكان]

موفقه ياارب

[ام خلود القمر]

ما شاء الله عليج

بالأول ركزي على تصرفاته إذا شفتيه يطالعج اويحاول يفتح حلجه ابدي بس شوي شوي وانتبهي يمكن يتحسس من نوع من الأكل

حاولي تبدين بالعيش اطبخيه واهرسيه فيه طاسه مع قفشة من ماركة بيجون ما احب استخدم الخلاط واكليه شوي واتريي عليه يومين

الفواكه تفاح أو كمثرى أو موز جربي كل مرة فاكهة بس تأكدي انج تهرسيه في حد يطبخه بعدها يهرسه بس أنا ما احب أسوي جيه كأنه الفيتامينات راحت بالحرارة فأقطعه صغار واهرسه عدل وأتأكد انه مهروس

الخضار كوسى أو بطاطس أو عيش عادي أو المصري أو جزر وكل مرة أجرب نوع بس بالأول اطبخه وبعدها اهرسه وما أحط أبد ملح الماي أزيده واخليه شرات الشوربه بس أثقل بشوي وإذا الحمد الله ما تحسس أخلط كذا شي مع بعض

حاولي المعلبات أو البسكويتات ما تقربين إلا بعد ما تاكلينه خضار وعيش والفواكه لا تكثرين لانه هذي السوالف تخلي الياهل يحب السكر وما يأكل الأكل العادي فبتتعبين لانه ما بيشبع

الله ييسر امورج ويعينا على تربيتهم

[صفوويه]

يزاج الله خير ام خلود القمر .. استفدت من نصايحج

حتى ولدي عمره 5 شهور .. أعطيه حليب صناعي وبديت مع الفواكه ..

مثلا لمدة 3 ايام اعطيه تفاح .. أحكهاا بخاشوقه وأعطيه ويكون ناعم سهل انه يبلعه
والرمان أعصرهن حبه حبه فحلجه بس علشان يذوق العصير خخخ
والعنب نفس الشي اعصره فحلجه ويذوق الطعم

والخضار بس عطيته بطاط مهروس
واليوم بعطيه ماي العيش المطبوخ فالرضاعه وبخليه يشربه بدون ملح طبعاً
ولالالالالالالالالالازم كل يوووم أسقيه ماي فالرضاعه 50 مل تقريباً 3 مرات فاليوم

والمعلبات أعطيه سريلاك مره فاليوم وعطيته عيش الاطفال الي اييج بكارتون مع الحليب أسويه ^^

وبالعافيه عليهم

[ريم خورفكان]

ررررفع

[بسمة الحب]

مشكورات حبايبي ام خلود و صفوي ع النصايح
جزاكم الله خير خواتي

[مالتيزرس]

أنا بديت قعدت بنتي فالسابع شهر لأنه حسيت رقبتها بعدها هب مصطلبة. بالنسبة للأكل سويلها شوفان بُــًْــٍِّ>:/ــِّـْـَِسٌٍ لاتكثرين وايد منه أنا كنت أكثر منه بُــًْــٍِّ>:/ــِّـْـَِسٌٍ بنتي قامت ترجعه. وألحين عآديـے ï؛‚لـّבﻤع‰ٌللـّہ '. وسوي لها كاسترد واستخدمي لها حليبهاعسب ​‏​لِْـِّْئ”جˆج¤ج‡ج£ـِّْاِْ تتحسس. فوري لها دياي وقطعيلها اياه صغار أواطحنيه. عطيها عيش وروب.

[ام خلود القمر]

يزاج الله خير ام خلود القمر .. استفدت من نصايحج

حتى ولدي عمره 5 شهور .. أعطيه حليب صناعي وبديت مع الفواكه ..

مثلا لمدة 3 ايام اعطيه تفاح .. أحكهاا بخاشوقه وأعطيه ويكون ناعم سهل انه يبلعه
والرمان أعصرهن حبه حبه فحلجه بس علشان يذوق العصير خخخ
والعنب نفس الشي اعصره فحلجه ويذوق الطعم

والخضار بس عطيته بطاط مهروس
واليوم بعطيه ماي العيش المطبوخ فالرضاعه وبخليه يشربه بدون ملح طبعاً
ولالالالالالالالالالازم كل يوووم أسقيه ماي فالرضاعه 50 مل تقريباً 3 مرات فاليوم

والمعلبات أعطيه سريلاك مره فاليوم وعطيته عيش الاطفال الي اييج بكارتون مع الحليب أسويه ^^

وبالعافيه عليهم

العفو صفوية

حلو انج تذوقينه الرمان والعنب بس لا تكثري منه الرمان ثقيل على معده الياهل والعنب منشط وحامض ويتعب الياهل ويسويله إسهال وفوق هذا منبه إذا عطيتيه بالليل ما بينام

المعلبات ما تناسب كل اليهال إذا شفتي انه زكم أو صار له بلغم وقفيهم بسرعه هذي علامة انه تحسس

مشكورات حبايبي ام خلود و صفوي ع النصايح
جزاكم الله خير خواتي

العفو حاولي تدخلين الأكل بالتدريج ومشتقات الألبان آخر شي وإذا شفتيه رجع وقفيه واتريي عليه فترة وردي بعدين

الله يحفظهم