عروس محتاجة مساعدتكم

**زوجه همو** · 2006-11-20, 21:50

الغاليه انا كل شي مال عرسي كان من الليله الكبيره
والسعر كان وايد مناسب

**عسووله** · 2006-11-21, 07:36

والله اختي بالنسبه للفرق صراحه انا كنت مثلج محتاره وواااااااااااااااااايد وخايفه اجيب فرقه حق عرسي لكن صراحه شفت فرقه اسمها فرقة المطربه عهود السعوديه بالشارجه اتصلت فيهم وسألتهم اقرب عرس عندهم قالولي بدبي و كانت ووووووايد روعه وربشه ماشاءالله ربشييييييه تغني وترقص بين المعازيم وترقصهم بعد وتغني الاماراتي والسعودي بعد وصوتها روووووووعه
((وعندهم بعد الطق اسلامي يعني بدون موسيقى ))
اتصلي عليها ومابتندمين والله يسعدج ويفقج

**shahad** · 2006-11-21, 07:55

انا عن نفسي باخذ شور "الله يخلي ريلي" بجرب عندهم حق الملجه وبشووف الكوش والزفه ..

**الله يخلي ريلي** · 2006-11-23, 12:03

مشكورة الغالية شهد واول ما تكتبين العقد وياهم طرشيلي رساله ,,,

والله يوفقج يارب العاليمين .... وتكون ملجتج احلى ملجة
وادعيلي بالتوفيق

**شيطونة** · 2006-12-13, 18:14

مشكوريين بنات
أنا حجزت تصوير عند أيوب عيسى
أنا رحت لهم عشان أبي سعر أوكيه
بس ريلي شاف ألبوم عندهم وايد عجبه.. وحجز ألبومين فطلع السعر غالي... مرات أقول ياريتني ما طاوعته وخذت ألبوم واحد بس
حق شو البطره
لكن بعد أقول يوم انه في خاطره ....هب مشكله
وبالنسبه للكوش ...بصراحه الاسعار كلها غالية
يعني الكوشه البسييييييطه ب 6500 أقل شي..... واللي أوكيه شوي معقوله ما بين 10000 والـ 14000 حتى في الشارقة قالولي 18000 لأني في بوظبي ...وآخر سعر كان 14000 الكوشه بس من غير الاضاءه الخاصه فيها
في الآخر حجزت عند الممميز لخدمات الافراح ... في بوظبي أقل كوشه عطوني اياها وهم زعلانين بـ 10000.... وحجزت من عندهم بعد المفارش وزينة الطاولة

**شيطونة** · 2006-12-13, 18:19

المشاركة الأصلية كتبت بواسطة زوجه همو

الغاليه انا كل شي مال عرسي كان من الليله الكبيره
والسعر كان وايد مناسب

أنا سويت عنهم يوم ملجتي... تصويرهم والالبوم صح.... ما عليه كلام
لكن اتعقدت لأنهم ما ظبطو الكوشه...وبعد خربو كوشة بنت عمي وهي عروس

**ShooqAlMaha** · 2006-12-13, 18:30

حياج الله انا منظمت افراح جان حابه اساعدج بساعدج بكل شي ...........

تحياتي ..............

**القرموشه** · 2006-12-13, 23:59

الغاليه زيين يووم انج ماحجزتي عند فوتوغرافيااا لان اختيه مسويه البومهاا عندهم الصرااحه الالبووم ماعلييه كلاام واايد حلووو لاكن تصويير الفيديوو الصرااحه هب شي ووايد مخربيين فييه حتى المصوراات ظاهريين فييه يووم يصورن الصرااحه اختيه اتعقدت يووم شاافت الفيديوو

ولاا بهدلونا بعد المفرووض يخلصوون الالبووم بعد شهريين ماخلصووه الى بعد 4 اشهوور
وفي وحده من الخواات ماذكر شو نكهاا اذكرت تجربت اربيعتهااا معااهم ان المحل احترق مالهم واحترق البومهاا وماعوضوهاا ولاعطوها درهم واحد والحين هي ماعندها ولا صوره من عرسهاا

وبخصووص الكوش وها السواالف الصرااحه انا وايد عايبني شغل شوق المهاا ان شاءالله يوم عرسي بسوي عندهاا لان ماشاءالله عندها خبره في ها السواالف خلي كل شي عليها وصدقيني ماب تندميين

**جدايل07** · 2006-12-14, 00:25

انا لو مكانج جان طلبت مساعدة الاخت شوق المها امبين ان شغلها وايد حلو

**شيطونة** · 2006-12-14, 23:02

المشاركة الأصلية كتبت بواسطة ShooqAlMaha

حياج الله انا منظمت افراح جان حابه اساعدج بساعدج بكل شي ...........

تحياتي ..............

طرشت لج رساله خاصه... اذا ممكن اتساعديني في البطايق والزفة

**houbara_uae** · 2006-12-19, 14:36

هلا.. انا انصحج التصوير فوتغرافيا او العدسة...الكوشة اسبوزبيلا او شيما شريف او بيس اوف ارت..ومبروك :22 (4):

**hiba** · 2006-12-19, 15:17

ندعي لك بالتوفيق انشاء الله
ومنه المال ومنك العيال انشاء الله

**العمر** · 2006-12-19, 15:19

موفقه والف مبروك اختي

عقبالنا

العمر

**mahra** · 2006-12-21, 18:06

mar7ba...
fdeetch blnsba llta9weer( PRAVDA) wayed 7low ta9werhum 5tya w bnt 3amya 9wran 3ndha w waayed kan nice...
wl kwash fe ma7al esmah (CLASSY ART)
sh3'lhum waaaaaaaaaaaayed raw3a 3nde 4 mn halya msaween 3ndhm mwa6na ra3yat elma7aal w heeya ele tsaweee
wel 5dma ELDALA ELTHAHABEYA sh3'lhum ma3leh kalaaam
wel smoo7a

**بسمة ألم** · 2006-12-24, 16:53

الغالية
الله يوفقج ويتمملج على خير آمين
والبنات صراحة ما قصروا

الموضوع: عروس محتاجة مساعدتكم

أدوات الموضوع

عرض