ولدي والسيريلاك

[كلوديا]

السلام عليكم حبيباتي

ولدي بيكمل الحين سنه ونص هل السيريلاك ضروري لانه يحتوي على فيتامينات/لان ام زوجي زعلانه ومكلمه ريلي زوجتك ليش ما تعطي الولد سيريلاك في الرضاعه وليش ما تييبوله بسكويت

والريال معصب طيب والخضره والعيش والفواكه هاي شو ما منها فايده

بنات ياريت توضحون الصوره

وهل لان ام زوجي كبيره يعني كل شي صح تسويه مع العلم كنت اشوفها توكل ولدي برجر يوم كان صغير(6 شهور) ووقف الاكل في بلعومه ورجع وقلبي وقف بس ما قدرت اقولها شي وعصبت على ريلي

وشكرا

المزيد من آخر المواضيع من نفس القسم:

• اجمل اسماء مواليد جديدة بحرف الراء ومعانيها
• افضل الطرق البسيطة التي تساعد على تنويم...
• متى يسمع الطفل وطرق التعامل معه خلال هذه...
• اهم فوائد الحفاضات القماش وانواعها
• هل يمكن ان ينتقل فيروس كورونا خلال الرضاعة...
• افضل طرق علاج نزلات البرد عند الاطفال
• وصفة التوت والشوفان والكوسة للاطفال الرضع...
• وصفة التفاح المهروس والذرة وقرع الجوز...
• وصفة الجزر والذرة واليقطين للاطفال الرضع حصري
• افضل طرق التعامل مع المولود الجديد

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ربيع القلوب]

السيريلاك منتوج صناعي تجاري بالدرجة الأولى

الأفضل إعطاء الطفل مايحتاج من الحبوب و القمح و غيرها بشكل طبيعي مثلا ( الشوفان ) يطبخ ويطحن يخلط مع حليب أفضل بكثير من السيريلاك .

لكن من الناحية العائلية و جبر الخواطر استخدميه أحيانا إرضاء لأم زوجك و جدة ابنك واحتسبي الأجر الأمر بسيط إن شاء الله .

ربي يسعدكم .

[مندوبة جدة]

رررررررررفع

[احلى بعفويتي]

انا كنت اعطي بنتي سريلانك في المرضعه يوم كانت ضعيفونه و توه يطلع اسنانها كانت ما تاكل .. و الحليب ما يشبع وكانت تضعف فكنت احط سيريلانك خاشوقه في المرضعه و اتم اذوبها و اعطيها من عمرها 4 لين ما كملت سنه و 5 شهور والحينا خلاص ما اعطيها اياه .. لان تاكل اكل و السيريلانك كبرت عليه ..
و بابا نفس عمتج دوم يقول عطوها سيريلانك تدرين ليش لان منتج قديم و هم تعودوا عليه و بعد اليهال الي ياكلون سيريلانك عده مرات في اليوم يصيرون دغدوغين و احجامهم اكبر لان حبوب مدعم بالفتيمينات .. عادي هم يعتبرونه احسن شي حق البيبي ..
عن خاطرها عطيه كم خاشوقه جدامها .. مسكينا تبا دغدغ ولدج ههههه

[كلوديا]

شكرا حبيباتي ما قصرتن هذا اللي كنت ابي اوصله لان سالفتي وصلت لاتهامي بالاهمال لاحول ولا قوة الا بالله

بعطيه عن خاطرها الله يطول في عمرها

[دودة قز]

حبيبتي لا تنسين هذا ولدك و ربيه مثل ما انتي تبين, لا تسمعين كلام حد, صحيح اهلنا ربونا لكن مب كل شي صح.. ولدك خلاص كبير و ما يحتاج سيريلاك, اكليه وجباتكم العادية للفطور والغدا و العشا, بس لو لحوم اهرسيها شوي عشان لا يغص.. الطفل من عمر السنة ياكل اكل البيت و الحليب شربيه الحليب العادي يلي متعود عليه و انشاءالله ما عليه الا العافية و اشتري له فيتامين من الصيدلية مناسب لعمره... ما انصحك بسيريلاك في المرضعة, ترى يمتن عالفاضي ولا يفيد بأي شي.. لو هو يحبه عطيه للفطور عادي بالصحن وخلاص بس مب في المرضعة.. انا بنتي في نفس عمري ولدك وبقولك شو اوكلها عشان تستفيدين
الفطور: اي شي متوفر في البيت (بيض, خبز بجبن او مربى اغمسلها كل لقمة في حليب, بانكيك طري, كورن فلكس احطه بحليب دافي من وقت عشان يطرئ, قطع فواكه طرية مثل المانجو و الموز والبطيخ و الاناناس, كيك سادة اغمسه لها في حليب)
الغدا: من اكل البيت مثلا اطلع لها شوي من الصالونة قبل ما اضيف له الملح والبهارات و اخلطه مع شوي بطاط مهروس او رز او معكرونة مطبوخة زين او كسكس.. حليب في المرضعة قبل القيلولة
العصرية: روب بالفراولة, قطعة كيك صغيرة, كاسترد, جيلي, قطع فواكه
العشاء: اي بواقي من الغدا او نفس الفطور اهم شي دافي للمعدة عشان ينام مرتاح... و يشرب حليب في المرضعة قبل النوم بنص ساعة

[أبل7]

عادي اكليه سريلاك بس لا تعتمدين عليه
خليه ياكل معاكم من أكلكم ما شاء الله ولدج كبر وصار ريال

[كلوديا]

حبيبتي لا تنسين هذا ولدك و ربيه مثل ما انتي تبين, لا تسمعين كلام حد, صحيح اهلنا ربونا لكن مب كل شي صح.. ولدك خلاص كبير و ما يحتاج سيريلاك, اكليه وجباتكم العادية للفطور والغدا و العشا, بس لو لحوم اهرسيها شوي عشان لا يغص.. الطفل من عمر السنة ياكل اكل البيت و الحليب شربيه الحليب العادي يلي متعود عليه و انشاءالله ما عليه الا العافية و اشتري له فيتامين من الصيدلية مناسب لعمره... ما انصحك بسيريلاك في المرضعة, ترى يمتن عالفاضي ولا يفيد بأي شي.. لو هو يحبه عطيه للفطور عادي بالصحن وخلاص بس مب في المرضعة.. انا بنتي في نفس عمري ولدك وبقولك شو اوكلها عشان تستفيدين
الفطور: اي شي متوفر في البيت (بيض, خبز بجبن او مربى اغمسلها كل لقمة في حليب, بانكيك طري, كورن فلكس احطه بحليب دافي من وقت عشان يطرئ, قطع فواكه طرية مثل المانجو و الموز والبطيخ و الاناناس, كيك سادة اغمسه لها في حليب)
الغدا: من اكل البيت مثلا اطلع لها شوي من الصالونة قبل ما اضيف له الملح والبهارات و اخلطه مع شوي بطاط مهروس او رز او معكرونة مطبوخة زين او كسكس.. حليب في المرضعة قبل القيلولة
العصرية: روب بالفراولة, قطعة كيك صغيرة, كاسترد, جيلي, قطع فواكه
العشاء: اي بواقي من الغدا او نفس الفطور اهم شي دافي للمعدة عشان ينام مرتاح... و يشرب حليب في المرضعة قبل النوم بنص ساعة

والله اسوي كل هذا واعطيه بس شو اسوي زوجي يصدق امه لانها كبيره ولها خبره في الحياه الله يهديه بس ... ولدي لانه ضعيف شوي لاني ما رضعته الا 4 شهور وبعدها حملت تزوجت على كبر 35 سنه وحبيت احمل بسرعه وهو حاس بالذنب

[كلوديا]

عادي اكليه سريلاك بس لا تعتمدين عليه
خليه ياكل معاكم من أكلكم ما شاء الله ولدج كبر وصار ريال

اكيد ماراح اعتمد على السيريلاك مشكوره اختي ما قصرتي

[ملكة الاحاسيس]

اكره ماعندي وعند عيالي سيؤيلاك ولاحظت يحسس الجسم بزود انا من زمان قاطعته

[كلوديا]

سبحان الله مب كل الاطفال يتقبلونه مشكوره

[ميرة الإمارات]

ترى السيريلاك حلوو
اسميني اموت عليه و من اسويه لليهال اكل شوي

عطيه حبووبة بس مب دوم و ربي ولدج ع طريقتج دايما

[كلوديا]

شكرا يا بنات ما قصرتن ميرة الامارات اختي شراتج تموت على السيريلاك

[bnooota]

حبيبتي انا بنتي من النوع اللي ماياكل
فاحط سيريلاك مع الحليب عشان تشبع + احاول على قد ما اقدر اخليها تاكل اكل البيت بس ما تطيع

[كلوديا]

حبيبتي انا بنتي من النوع اللي ماياكل
فاحط سيريلاك مع الحليب عشان تشبع + احاول على قد ما اقدر اخليها تاكل اكل البيت بس ما تطيع

عسى الله يحفظلج بنتج ان شاء الله

وان شاء الله تتبدل امورها وتنفتح نفسيتها وتاكل الله يحفظكم