يوميآت ديمـه الدبــه ..ابا تشجيع

[ديمــه]

السلام عليكم ورحمة الله وبركآته

شحآلكم عسآكم بخير وسهاله؟

انا عضوه يديده وبصرآحه هالمنتدى واايد روعه وكل المواضيع اللي فيه حلوه وتشد الوآحد ..
حبيت اشآرك ويآكم في هالموضوع ..

انا طآلبـه عمري 19 سـنه طولي 176 ووزني تقريبا 110>>ما وزنت من كم شهر خايفه اشوف الرقم وانصدم اكثر .. ومضآيجه واايد من نفسي ومب عايبني جسمي صح انه ما يبين علي المتن واايد لكن انا نفسيا متعقده لانه كل اللي في عمري رشيقآت واهم شي جسمهن روعـه الا انا غآديه فقمـه مادري ليش ..

المشكله كل مره اقول بعزم وخلاص بستمر على رجيم معين لكن ما ينفع معآي ابد ..استمر نص يوم واطنش ..بالكثير اقل من اسبوع ..ماشي تشجيع .. اميه بس تحبطني دوم تقول انتي دبه مب حلو عليج المتن .. وخوآتي كل وحده اضعف عن الثانيـه عضآآآآآآآآآم ويجآبلن المرآيه ويقولن جني متنت وهن ضعفآنات بشكل غير طبيعي ..الا انا اجابل هالمرآيه واقول لنفسي اني صح متيـنه بس حلو علي هههههههه ما احبط نفسي ابد

قبل سنتين تقريبآ ضعفت بشكل غير طبيعي خسرت 20 كيلو باقل من سنه والكل كان متفآجئ وانا عن نفسي ماعرف كيف خسرت هالوزن لاني ما كنت اتبع رجيم ولا اتريض ..بس كنت طرررر الحين اشوف الصور واتحسر والله كان جسمي طرررررررررررر كنت تقريبا ما بين 75-80 وكان مناسب لي ..

وان شاء الله الحين عزمت اشتركت في Fitness first وبآذن الله ببدا الاسبوع الياي يوم الاحد 9-06-2013 ..امم مارااح اسافر ولا اطلع ولا اشغل نفسي بآي شي ..بكون متفرغه للجم شهرين ولا اكثر بعد ..وبتبع رجيم من Dr nutrition وان شاء الله مع الايام بخسر الوزن بطريقه زينـه وان شاء الله ما يرجع هالوزن اللي بخسره

بيكون عندي مدربه خاصه ومعاها بحدد هدفي ومعاها بحاول اسوي تمارين تشد لي جسمي عسب بالاخير اطلع وجسمي واايد طرررررر هع

هدفي الاول 95
هدفي الثاني 90
هدفي الثالث 85
هدفي الرابع 80
وهدفي الاخير ان شاء الله 75

بحآول تقريبا اسبوعيا اكتب لكم شو سويت وكيف الرجيم معاي وشو من التمارين سويتها وتكونون معاي عالخط

والحين ابا تشجيعكم

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[طموحات خيالية]

بالتوفيق ديمة

والله الصراحه حاسه فيج انا بعد نفسيتي استوت زفته من وزني ,, يمكن انتي مايبين عليج لانج طويله ماشاءالله بس انا 163 ووزني 79 ومبين علي المتن وااااايد
وكرهت البس بنطلونات من هالشي وامي بعد تحبطني و دوم تقولي انتي مب مثل بنات خوالج شوفيهم كيف ضعيفات و حلوات و و و

بس ماعلينا منهم يختي

وانا هنا عزيزتي لاشجعج خخخخ بالتوفييييييق وان شاء الله توصلين لهدفج بصحه و عافيه

[مــــلاك شوق]

يالله شدي حيلج

لانج وايد صغيره بس شكله الطول شال المتنج كله

ربي يوفجج

[ميمي الشقية]

شدي حيلج و فالج الرشاقة

متابعينج ان شاء الله

مووفقة

[ديمــه]

بالتوفيق ديمة

والله الصراحه حاسه فيج انا بعد نفسيتي استوت زفته من وزني ,, يمكن انتي مايبين عليج لانج طويله ماشاءالله بس انا 163 ووزني 79 ومبين علي المتن وااااايد
وكرهت البس بنطلونات من هالشي وامي بعد تحبطني و دوم تقولي انتي مب مثل بنات خوالج شوفيهم كيف ضعيفات و حلوات و و و

بس ماعلينا منهم يختي

وانا هنا عزيزتي لاشجعج خخخخ بالتوفييييييق وان شاء الله توصلين لهدفج بصحه و عافيه

مشكوره فديتج ..
هههه بنسبه للبنطلونآت والجينز انا شرآتج والله قمت ابد ما البس..ومآشيه على موضـة التنانير ..واما موضوع الوآلده انا ويآج فالهوا سوا ..ماظن في شي غير التحطيم عندهم ههه واهم شي المقاارنه بالغير هعع
المهم انتي عايبنج شكلج ..بس لازم تخفين عسب نصير رشيقآت وجميلات هههه


ملآك الشوق

هههه لولا الطول الله يعلم كيف بيكون شكلي
تسلمين فديتج

ميمي الشقية

حبيبتي شكرا

[البنفسج84]

بالتوفيج وان شاء الله توصلين للوزن اللي تتمنينه بصحة وعافية

وكل ما تضعف الارادة طالعي صورج الجديمة عسب يعطيج حافز للاستمرار


متابعة لج ان شاء الله

[ديمــه]

البنفسج84

شكرا فديتج
هههه يبالي جي احط الكل الصور الجديمه جدامي ..اصبح وامسي عليهن عسب اتشجع اكثر هع

[أليازيه]

الله يوفقج ديمه وتوصلين للوزن اللي تبينه وانتي بصحه وعافيه وتكونين بدل ديمه الدبه ديمه الضعيفه هههههااااااااي ترناي امزح معاج حتى انا وزني ترا وايد واكثر عنج كنت 125كيلو بس الحمدالله بعد العمليه نزلت 20 كيلو ومستمره ان شاء الله بنزول لين مااوصل للوزن المطلوب ... عقبالج وكل اللي يحلم برشاقه امييييين ....

[*الإمبراطورة*]

بالتوفيق ديمة
بس انتبهي على نفسك،،، بعدك صغيرة لا تقصرين على جسمك بكل ما يحتاجه

[ديمــه]

الله يوفقج ديمه وتوصلين للوزن اللي تبينه وانتي بصحه وعافيه وتكونين بدل ديمه الدبه ديمه الضعيفه هههههااااااااي ترناي امزح معاج حتى انا وزني ترا وايد واكثر عنج كنت 125كيلو بس الحمدالله بعد العمليه نزلت 20 كيلو ومستمره ان شاء الله بنزول لين مااوصل للوزن المطلوب ... عقبالج وكل اللي يحلم برشاقه امييييين ....

ههههههه ان شاء الله من اوصل للي اباه بيتحول النك لديمـه الضعيفه هع
ما شاء الله عقبالي .. امس كنت اقرا بعض المواضيع وشفت ردوج وانج مسويه عمليه وهيك وصراحه واايد تحمست واتمنى لو اسويها بس للاسف مستحيل يخلوني اهئ اهئ .. بس ان شاء الله ما احتاي عمليه وبوصل لهدفي على نهاية الصيف بآّذن الله
ويارب توصلين للهدف اللي تبينه قريب..

بالتوفيق ديمة
بس انتبهي على نفسك،،، بعدك صغيرة لا تقصرين على جسمك بكل ما يحتاجه

تسلمين حبيبتي ..وان شاء الله راح انتبهه لنفسي وما اقصر في شي واوصل للي اباه والوزن المناسب باذن الله

[مــــلاك شوق]

حطي يومياتج عسب انشجعج اأكثر
وانقولج وين الغلط

موفجه

[*الإمبراطورة*]

وين التقارير ديمة؟!

[الدمعة الحايرة]

بالتوفيق ديمة ولا توقفين
انا كنت جي فالبداية ما اكمل اسبوع الا ورديت لعادتي الجديمة
لكن بعد ما يتني صدمة حلوة من نسبة الدهن في جسمي يتني شجاعة الا انزل عن ال٧٠ والحمد لله قدرت و بما اني ادرس نيوترشن ساعدني هالشي في اني بروحي اسوي لي جدول وامشي عليه ..

اتمنى لج التوفيق ولكل البنات ينزلون واذا في سؤال انا حاضرة =)

[ديمــه]

حطي يومياتج عسب انشجعج اأكثر
وانقولج وين الغلط

موفجه

ان شاء الله ..
خلني ابدا وباذن الله بحط كل شي
ومنكم نستفيد

وين التقارير ديمة؟!

امم اي تقارير
اذا تقصدين يومياتي ..
انا ان شاء الله ببدا يوم الاحد 9-6-2013..وان شاء الله من اخلص ويكون عندي جدول الدايت من نيوترشن بحط كل شي هوون

بالتوفيق ديمة ولا توقفين
انا كنت جي فالبداية ما اكمل اسبوع الا ورديت لعادتي الجديمة
لكن بعد ما يتني صدمة حلوة من نسبة الدهن في جسمي يتني شجاعة الا انزل عن ال٧٠ والحمد لله قدرت و بما اني ادرس نيوترشن ساعدني هالشي في اني بروحي اسوي لي جدول وامشي عليه ..

اتمنى لج التوفيق ولكل البنات ينزلون واذا في سؤال انا حاضرة =)

لا خلاص انا تشجعت ومستعيله ابا ابدا واشوف التغير وان شاء الله اوصل للهدف اللي انا اباه
وتسلمين حبيبتي ما تقصرين

[مــــلاك شوق]

نتريااااج