مشروع ف البيت

[احلى بنوته...]

السﻻم عليكم


خواتي بما اني 24 ساعه يالسه ف البيت وماعندي شي اسويه وﻻ عندي ربيعات وفوق ها كله ريلي مايعطيني مصروف ﻻن هو اييب كل شي حق البيت ف خاطري اسوي مشروع ف البيت بس هو مب راضي كيف اقنعه ﻻني ساعات احتاج فلوس وهو مايعطيني وانا ابا مصروف شهري ومنها اتسلى ويوم فاتحته اني ابا اسوي مشروع يعني ابيع وجي من هالسوالف قال ﻻ وخﻻص مابي اسمع هالسالفه مره ثانيه وقلتله انزين عطني سبب واحد ليش ﻻ رد علي ﻻ وخﻻص بدون سبب احسه وايد ظالمني يعني ﻻيطلعني وﻻيخليني اطلع مع الدريول ومايعطيني مصروف وﻻ يخليني اشتغل شو الحل وياه

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[um YaSs]

ليش ما يعطيج مصروف ؟؟؟؟؟

تقولين هو ياخذ اغراض البيت .. ما يخص اغراض البيت في مصروفج انتي ؟

اغراض البيت هو ملزوم اييبها بس مصروفج خاص فيج انتي تشترين اغراضج الخاصه وكمالياتج

وهذا يعتبر حق من حقوقج والمفروض يعطيج مصروفج كل شهر

قعدي معاه ورمسيه قوليله ما تباني اسوي مشروع او اشتغل عطني مصروف بداية كل شهر

هذا مب طلب تطلبينه هالشي مجبور يسويه لا تسكتين عن حقج باجر بيونج عيال وبيكون الصرف زياده

اذا سكتي عنه احين لا تحاولين تغيرينه بعد 10 سنوات ماشي فايده

[احلى بنوته...]

ليش ما يعطيج مصروف ؟؟؟؟؟

تقولين هو ياخذ اغراض البيت .. ما يخص اغراض البيت في مصروفج انتي ؟

اغراض البيت هو ملزوم اييبها بس مصروفج خاص فيج انتي تشترين اغراضج الخاصه وكمالياتج

وهذا يعتبر حق من حقوقج والمفروض يعطيج مصروفج كل شهر

قعدي معاه ورمسيه قوليله ما تباني اسوي مشروع او اشتغل عطني مصروف بداية كل شهر

هذا مب طلب تطلبينه هالشي مجبور يسويه لا تسكتين عن حقج باجر بيونج عيال وبيكون الصرف زياده

اذا سكتي عنه احين لا تحاولين تغيرينه بعد 10 سنوات ماشي فايده

والله حاولت وياه. بس ماشي فايده بس اول شهرين من عقب ماعرسنا كان يعطيني 500 كل شهر والحين خﻻص ماقام يعطيني ملبت من كثر ما احن عليه

[زم_قمر_ان]

اختى فيه اشياء اساسيه في الحياه الزوجيه

مو استثنائيه المصروف شي اساسى لازم يعطيج

وكلميه مره واثنين وثلاثه معا كثرة الزن بيوافق

واذا لزم الامر دخلى حد من الاهل

ما تقعدى ساكته وبعدها تنفجرى وتطلبي الطلاق لوسمح الله

[مبتسمةمتفائلة]

لا تملين افضلي حني عليه كل شوية لين يزهق و يعطيكي لالالالالالالازم انتي بشر و ليكي احتياجات مثله و مثل كل البشر
لا حول ولا قوة الا بالله

[nayla79]

ليش مايعطيج راتبه شويه ولا يمكن انتِ كنتي ادارين عليه وتراعين. ضروفه فشاف ان مب لازم يعطيج. إذا ماشي فايده. خبري اهلج إذا سكتي. اللحين. خلاص انسي ان لج. مصروف لاتسكتين ابدا

[نبض الشارقة]

الله يعينج

[بنت بوظبـي]

ليش مايعطيج راتبه شويه ولا يمكن انتِ كنتي ادارين عليه وتراعين. ضروفه فشاف ان مب لازم يعطيج. إذا ماشي فايده. خبري اهلج إذا سكتي. اللحين. خلاص انسي ان لج. مصروف لاتسكتين ابدا

[شمالية وافتخر]

صج رياييل يقهرونكلميه اكثر عن مرة لين بيمل وبيعطيج وشيء ثاني بعد مولية لا تسكتين عن حقج شافج ساكتة وقال اكيد ما تباه مصروف خلج قوية اذا تبين اي شيء خبريه قوليله ابا شيء فلاني ضروري واذا قال مشغول قوليله اوكيه عطني فلوس عسب اسير اشتريه

[احلى بنوته...]

ليش مايعطيج راتبه شويه ولا يمكن انتِ كنتي ادارين عليه وتراعين. ضروفه فشاف ان مب لازم يعطيج. إذا ماشي فايده. خبري اهلج إذا سكتي. اللحين. خلاص انسي ان لج. مصروف لاتسكتين ابدا

قبل كنت صح اراعيه حتى المصروف ماكنت اخذه كان بغصب يعطيني وبعدين يوم مر شهر وماعطاني طلبت منه وتميت احن عليه ولين يومكم ها وﻻ جفت شي منه صارلي الحين 3 سنين معرسه

[عطر 77]

اكثري من الاستغفار واتصدقي ,, وربج كريم

[ام سلاآمه]

ش هالرياييل اللي يقهرون
لاتسكتين له وتسوين عمرج مب محتايه اذا مايظهرج ولا يعطيج مصروفج عيل وين فلوسه تروح
زني عليييه

[nayla79]

قبل كنت صح اراعيه حتى المصروف ماكنت اخذه كان بغصب يعطيني وبعدين يوم مر شهر وماعطاني طلبت منه وتميت احن عليه ولين يومكم ها وﻻ جفت شي منه صارلي الحين 3 سنين معرسه

لاحول ولاقوة الابالله يمكن عشان معاشه قليل ...اسمعي انتي حني وحني لين يعطيج ولا كلمي حد بس المفروض من زمان تتكلمين مب عقب ثلاث سنوات ..ليش ماتخلينه هو يسير يدفع فواتيرج اييب اغراضج اذا مايبا يعطي مصرف ..ربيعتي تحط ريالها فالامر الواقع تطلب من النت وتخليه اييب الاغراض من المندوب ويدفعهم .. الله يهديه ان شاء الله

[الغامظهـ]

لازم أختي تفهميه يعطيج مصر فج هذا حقج واستغفري أختي والله يعينج

[عيناوية مررة]

غريبة والله ؟؟ هاذا حقج خصوصا إنج مابتشتغلين
لو إنج تكلمين حد من هله يمكن يسمع منهم