الله يهديهم أهلي وربعي

[قصه اليمه]

السلام عليكم ورحمة الله وبركاته خواتي

خواتي انا مواطنه هالفتره ما شاء الله الله يهنييهم بحياتهم كل اللي حولي عرسوا بنات خالتي واختي وتقريبا 9 من اربيعاتي عندي معارف وايد لاني اجتماعيه زياده عن اللزوم
المهم من ناحية الأهل محد تم كبير غيري للزواج يمكن تضحكون على الموضوع بس اشوي مضايقني

بنت خالتي اللي اصغر مني ما شاء الله ياها نصيبها و تزوجت من فتره واستوالي كذا موقف من الحره بفضض لكم

طول فتره زهبة بنت خالتي كنت وياها اسواق وخياييط لانها ماتسوق بعد المهم مره كنت رايحه بيتهم لان كنا رادين من دبي تخيلوا انش للدوام اربع الصبح صلاة الفير و بعد الدوام ع طول صليت العصر في الدرب ورحت بيتهم لين الساعه11 ف الليل وياها وصلنا بيتهم 12 ذاك اليوم خواتها كلهم دخلوا غرفتها ويلست تراويهم وانا يالسه بعيد عنهم اشوي دايخه من التعب وحده من خواتها شافتني قالت فلانه شو فيج قلت لها والله مافيني شي بس اشوي تعب ناشه من صباح الله قلت لي لا تحاتين بييج نصيبح لا تفكرين وايد !!! صدمتني قلت لها والله مب في بالي قالت لا انا ادريبج المهم يلست اقولها بس ماشي فايده مصصمه اني اغار

الموقف الثاني تقريبا اربعه من اربيعاتي ماخبروني انهم بيملجون اللي خايفه اني احسدها واللي قالت ع بالي انج بتغارين واللي مادري شو

والله خواتي عمري ماغلطت على حق حد وعمري ماحطيت هالامور في بالي حتى اني ما اؤمن بشي اسمه حسد وايد
اللي يقهر عمرهم ماشافوا علي شي

و اللي زادني قهر يوم الوالده يلست تقول ليش ما ايوونج خطاطيب

انزين والله بعدني عمري 22 سنه لازم حد يخطبني هالفتره ؟!!
و لا يبوني اتعرف على شباب واقولهم تعالوا اخطبوني لان اغلبهم عرسوا بهالطريقه


ماتعرفون اشكثر قلبي يعورني ومقهوره

و نحن من النوع اللي مانظهر من البيت الا نادر او نكشخ بزياده


دعواتكم خواتي والله اني كتبت الموضوع ع السريع من قهري بتصرفاتهم

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[eLNoon]

بعدج صغيرة فديتج

واعرف الشي يقهر بس لا تحطين في بالج


حسبي الله ﻻ اله اﻻ هو عليه توكلت وهو رب العرش العظيم ♡

الله يوفقج يارب

[قصه اليمه]

تسلمون وايد خواتي

ربي يوفقكم ويرزقكم من حيث لا تحتسبون

[هنايف]

الله يرزقح ان شاء الله بريل صالح وبرايهم ما عليج من حد كل واحد بياخذ نصيبه ف هالدنيا

[أم ريمااني]

اكررلج كلا الغاليات حياتي ..بعده العمر قدامج.. والله يسعدج دنيا واخره

[دلع دنياي]

الله يرزقح ان شاء الله بريل صالح وبرايهم ما عليج من حد كل واحد بياخذ نصيبه ف هالدنيا

معاها

[قصه اليمه]

مشكورات خواتي

ربي يحفظكم

[هزووفه]

اخر همج

عمر 22 عمر الزهور . . وتحقيق الاحلام
شو كان خاطرج تسوينه ونتي تدرسين
هذا وقته

حلو العرس ماقولج لا . . بس ترا اغلبيه اللي يعرسن صغار اما تخلف بسرعه وتبتلش بيهال وحفاظات ورضاعه
لوووول
والا تلاقينها تعاني من عدم فهمها للحياة والمسووليه


بعدج بعمر صغير وماعليج من اللي حولج شو يستوي بهم
عيشي حياتج حبيبتي

اتفق وياج اختي ..
وربي يرزقج الزوج الصالح وماعليج من حد

[علمتني الحياه]

كل تأخيرة فيها خيرة
بعدج بنوته صغيرة
عيل يلي عمرها 30 شو بيقولون عنها

[مزيونة البلاد]

نفس حالي بالظبط ><..

الله يزرقنا بالزوووووووج الصاااالح ..

[عشق طاهر]

انا عرست وانا صغيره

و مول مب محطيه فبالي اني عرس بهالعمر
مسؤوليه بيت و زوج وتفكير بأهل الزوج وغيره

انتي الحين بآحلى مراحل الحياه

عيشيها بحلاوتها ولاتخلينهم يضايقونج

الي بتملج و خبرتج باركيلها وافزعيلها

والي ماخبرتج الله يسامحها

باجر يوم بتاخذين شيخ الرياييل
عزميهم وكوني احسن وحده
حزتها بيندمون عللي سووه فيج

[إمنوره بيتي]

الله يهديهم مول ماله داعي هالحركات انتي بعدج صغيره و العمر جدامج و بييج نصيبج ان شاء الله اللي تحسد وتغار ماحيدها تركض لبنت خالتها زهاب و اسواق وسوالف ..

طنشي ولاتخلين رمستهم اتاثر فيج ..

[مهندسة كيفي]

ربي يرزقج الريال الصالح ويعوضج كل الخير

توج صغيرة 22 سنة ربي يمد بعمرج و يبارك فيه

شقول عني يحليلي صكيت 30 ومحد موليه تقدم و عادي مطنشة و كل الي بعمري والي اصغر عني تزوجوا

حتى خواني الشباب الاصغر عني تزوجوا .. الله المستعان

موفقة حبوبة..

[{ آحلى دلع ..]

هههههه آسمحيلي ! بس تحريت عمرج فوق ال 30 !!

آنتي بعدج صغيرونه حبيبتي والعمر جدآمج

وكل تآخيرة فيهآ خيرة وربي يرزقج من فضله ^^

[شعاع امل]

اختي الناس على هواهم

صار لي تقريبا نفس الموقف بس بخصوص شي ثاني

الكل يفكرني اني اغار وجي بس بالحقيقة لا

والكل صار يزن على راسي اني اغاااار لين ماصدقت وانعكس على تصرفاتي

يعني العقل الظاهر ولا الباطن اشتغل عندي

المهم يعني الناس ممكن تقنعك بهذا الشي ويؤثر عليكي تاثير كبير

ويتحول لحقيقة

فاحسن شي ماتسمعين لكلامهم اني بعدك صغيرة ونصيبك ان شاء الله قريب ياي

وفكري بالشغل وراحتك وبس