حاط رمز للايفون

[دانات دبي]

هلا خواتي سيدات الامارات نفس الشي مشكله ثانيه لربيعتي هيه تاجره في المنتدي ماتحب حد يعرفها المهم هيه وريلها اتفقوا متشي رمز للتلفونات قالها بشرط تشلين الرمز بشله بس لو طلعت ماتدقين هيه تغيرت وتسويله كل شي حلو وتهتم فيه وماتنكد عيشته وتسوي كل النصايح وتكسبه بس عنده علاقات في الواتساب ويرمس ويظهر احين فجت معاه الموضوع قالتله مني بتشل الرمز تافف المهم في رايكم شو هو التصرف الصح عشان هالموقف وانتو كيف تتصرفون

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[!baby_face!]

عن نفسي لو انحطيت بهالموقف
برد أحط رمز سري لتلفوني
وبرأيه اهو بالاخير راح يتحاسب عند ربنا
واذا رد بكلامه وقال لي ليش رجعتي الباسوورد بقول له خلاص مثل ما لك خصوصيات أنا لي

خصوصياتي ومثل ما أنا احترم خصوصياتك أبيك تحترم خصوصياتي

وبدعي له بصلاتي ان الله يهديه ويبعد عنه بنات الحرام

[اخر قر!ري]

انا من راايي انها تفتح السالفه ويا ريلهاا وتقوله انهاا شافت اللي قاعد يصير من وراهاا وتقعد ويااه وتتفاهم وجوف عمرهاا اذا مقصره وياه ولا شايف عليهاا شي مب عايبنه يعني تساله .. واهم شي انها تذكره بوجود الله وان اللي يسويه حراام. ( يلعب عبنات النااس). والله يهدي ريلهاااا ياااربي

[نيو مامي]

يعني هو لو شال الرمز ما راح يرمس !

ادعي له الله الهادي

[ام محمد 9119]

الله يهديه ويسخره لها

[مندوبة جدة]

لازم يكون تفاهم بينهم وبتنحل المشكله

[دانات دبي]

كلمته بهدوء ونفس الي قلتوه كذا مره. ومافي فايده

[دانات دبي]

كيف تتصرف في هالموقف

[كلي_جاذبيه]

تخليه على راحته ولا تقعد تحن عليه وايد ترا بيمل منها الريال ماينجبر على شي
هو حر في حياته وخصوصياته

[يمامة أيوب]

شقايل تخليه على راحته؟ من متى صارت الخيانه حرية شخصية و خصوصيات؟لو هي الحين اللي تكلم شباب و علاقات فون بس بتقولون حريه شخصيه ؟؟ الخيانه شي قذر واللي يخون قذر واناني ...شو يعني ريال ريال يعني عادي يخون؟ باي شرع ودين الخيانه مشروعه !
اهي لازم تكلمه مره و مرتين و عشر تبين له نتيجه افعاله لين وين بتوصلهم قوليله لو شاري الزواج و العلاقه مايستمر بالخرابيط الصح صح والغلط غلط مافي حد يرضى بالاهانه هي محترمه زواجها و بيتها و صاينه ريلها بحضوره و غيابه هذا يزاتها؟
ترى سكوتها يخليه يتمادى انا مادري اللي يقولون طنشي لين متى تقوي الريال عليها!! طول ماهي ساكته طول ماراح يتمادى لانه ضامن سكوتها وضامن رضاها وضامن انها مهما سوى بتوقف معاه وله باجر بيقولها كنتي تدرين وراضيه

الحرمه اللي تحط قدر لنفسها ريلها يسويلها قدر ويراجع تصرفاته ..

الله يهديه لها ماقدر اقول اكثر عن جييه هي عارفه نفسها و عارفه تفكير زوجها لكن كبدايه نفس ماهو حاط رمز اهي تحط بعد مع اني ادري بيلس يقولها انا ريال اسوي اللي ابيه و انا مسول عنج ومابيج تخلين رمز امحق عذر مادري شقايل ناس تنهي عن شي و اهي تسويه..المطلوب منج انه يكون لج ردة فعل تخليه يراجع حساباته ويفكر بجديه اهو مو مراهق او عزابي

[lala n]

لالا مو لازم تحط رمز لتلفونها

وما تتعامل بردود الافعال هيك بكون احسن
وتخبروه بالموضوع وتقوم الدنيا على راسه مالازم يخونها ولا لازم تقبل الخيانه

وبعدين لكل حادث حديث
راح يخاف انه ينخرب بيته وانشالله بينعدل

[رسايل غلا]

حبيبتي ماله داعي اصلا تشغل بالها باللي يسويه لانه محد متنكد غيرها الحين وهو اعتقد مب مهتم

خلها تنسى رمز القفل وتدعي له بالهداية وان شاء الله بيرد لها

الله يوفقهم

[marwa2005]

لازم تيلس معاه ويتفاهموا شوسبب خياناته وليش حاط تلفونه رمز
هدا ريلها ولازم تعرف منه كلشئ مايصير تخليه جي

[ام هزاع وميثه]

حبيبتي ماله داعي اصلا تشغل بالها باللي يسويه لانه محد متنكد غيرها الحين وهو اعتقد مب مهتم

خلها تنسى رمز القفل وتدعي له بالهداية وان شاء الله بيرد لها



كلامج عين العقل لا تفكر واااايد الريال لو ويبا يسوي شي بيسوي محد يرده وعقابه عند رب العالميين دام وياها اوكي ويحبها ومهتم فبيته وعياله وقايم بواجباته أطنش وتعرف انه مرده حقها نزوات ويردون يعقلووون وصدقييني اعرف وايد بنات احتشرن وسون مشكل على قفل الفووون ولا ما استفادن شي بالعكس خليها تهتم فيه زياده وادلعه زيااده بيحس ع دمه وبيخلي هالسوالف الدنيا اختربت وفيهاااا وااايد فتن الله يهدي الجميع

الله يوفقهم

[الــغــيره]

يعني لو خوز الرمز مابيخونها ...؟؟؟
الرمز مايخصه ترى

خليها تقرا هالموضوع

والله يجزاها خير اللي كاتبته

http://forum.uaewomen.net/showthread.php?t=1076110