شكيت علا هلي عند ريلي وندمت

[sole3eya]

مرحبا خواتي انا متزوجه وسكت بيت اهلي موقتا فترة شغل ريلي لان ريلي عنده دورة فالشغل انا حامل ونفسيتي وايد عصبيه علا اي شي حساسه واصيح المشكله ابوي ما رحب فيني وشاف ان قعدتي فالبيت ثقيله عليه سواء في اكل وشرب وغيره ومتظايق فانا لا اراديا اصيح ومقهوره من معاملته فزوجي استغرب وتم يقول انا ليش متغيره عليه واحط الحره فيه وعلا اي شي اتظارب مع زوجي بالفون واكره اني ارد عليه بسبب الظروف اللي امر فيها فالبيت وكلام ابوي الجارح وماعملته لي فعرف وكل يوم انا اقول حق ريلي بليز خلني في حالي ماقدر اكلمك لان اكون اصلا منهاره واصيح فاصر علي يعرف السبب وقلت له وكل يوم اصيح اقول له شو صار لان يحب يعرف التفاصيل معنه ماودي بس شكل ويهي وصوتي مبين عليه الحزن حتى خدامتنا صارت قويه علي وتطول لسانها يوم اطلب الغدا والا العشا تقول انا تعبانه اييب لج الاكل والا تسمع ابوي يشوش راسها علي فما ترد مرات عالفون يوم اتصل لها تستفزني والا قامت تتامر علي لان ابوي جدامها ما بين احترامه لي طول ما انا معاهم فالبيت وزوجي كل يوم يسمع قصه مني معني ماودي اقول له عن امور بيتنا لكن الله العالم بحالي

صار الحين كل ما يكلمني بالفون يعايرني يقول خدامتكم ماكلتج تبن ما تحترمج وابوج يعاملج مثل الغريبه خلاص رجعي بيت اهلي انا خايفه صار زوجي ما يحترمني وكله من اقول له والا اتكلم واييب طاري اهلي يعايرني ان كيف هم ما يحترموني ماعرف كيف ارد الصوره فباله واخليه يحترمني وما اييب طاري هلي ومظايقتهم لي وانا احاول اثبت له بالفون لا خدامتنا تصيح ويات اعتذرت قالت هاذا من بابا السبب مب مني لكن زوجي مب مصدقني وبعده يعايرني حتى قلت له والله امي تصيح ما تقدر علا فراقي

انا صح ندمت اني خبرت زوجي لان انا كلتها فالنهايه كيف اسكت زوجي عن نغزاته ومعايرته لي باهلي ومعاملتهم لي هل اقول له رجاء انا ما اسمح لك تقول لي هالكلام ترى حس اني مكسوره ومجروحه من طرف اهلي اخاف باجر هو ما يحترمني للاسف ندمانه ماعرف كيف اصلح الموظوع هو السبب يخليني اشكي له وعقب انا ينقلب علي الكلام اقول له لو ادري انك جي تعايرني كان ما قلت لك لان ماكان نيتي اقولك شي


انا غلطانه ولحد يقول لي لان اعرف بس ساعدوني كيف ارد صورتي فعين ريلي هل ما اييب طاري اهلي ابدا والا كيف عطوني حل كيف اسكته لان صار مايحترمني هو بعد ما حسيت اني قلت له يمكن يشوف اني ظعيفه ومهما الحين سوى شي بيعرف اني ماعندي اهل ويعرف مثلا مالي مفر واني مهما سرت برجع ظعيفه مكسسوره بس حاولت بنفسي اتلاحق علا عمري قلت له امايه ما تصبر عني ولا خواتي واخواني الصغار يوم افارج البيت يصيحون يدوروني حتى خدامتنا صاحت يوم طلعت وييت عندك البيت قالت لا تروحين ماصبر عنج معنه جذب بس عشان يحس بقيمتي هو

ندمانه قد شعر راسي بسبب المعاير والنغزات كيف شو اسوي ياناس معاه

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[اسيرت شوق]

قلنا لج بالموضوع القبلي لا تحسسي زوجج ان اهلج ما يطقوج بس الله يهديج ما سمعتي الرمسه وعلى العموم الي صار صار

المهم الحين لازم تتكتكي لج على خطة محكمة هههههههههههههههه
شوفي حبيبتي لازم يحس ريلج بانج غالية على قلوبهم على شان يحسب الف حساب قبل لا يهينج او يجرح فيج
سوي اتفاق مع اهلج ما فيها شي خلهم يساعدوج قوليلهم يقولون اذا الاهل حسسوا الريال بان بنتهم غالية عليهم يحترمها بس لو سوى العكس ما بيحترمها وحتى عادي يهينها
خل يوم اي يشلج من بيت اهلج امج تحضنج وتصيح وتقول بتوحشينا والبيت مندونج مب شي
وخل ابوج يقوله هذه بنتي محد احسن منها وما ودي تطلع من بيتي بس شو اسوي ما اقدر امنعها لاني زوجتها
واذا رمستي ريلج لا تتطرين له شي عن اهلج خل يشوف افعال مب كلام متناقل
وعسى الله يوفقج

[نبض الصحاري]

ربي يفرج همج ويسعدج دنيا واخره ان شالله

[بآريس]

ربي يفرج همج الغالية

بس يا معرساات بليز اسرار اهلكم و الماضي مالكم لا تقولنه حق ازواجكم

[3yoon Ba3'dad]

والله يا اختي ما ادري كيف شكيتي حق ريلج ما بقلج غلطانه وازيد همج تراج معترفه بغلطج بس انتي اتصلي عليه وقوليله ان انتي ندمانه لانج تكلمتي عن ابوج واهلج هالكلام لانهم بالعكس وايد يحبوني ويوم اقولهم بسير كله امي تصيح وابوي يقولي وين تسيرين تعودنه عليج وان انتي السبب منج لانج وايد مستويه حساسه بسبب الحمل ولان ريلج بعيد عنج و من هالكلام وانت واسلوبج عاد

[مالتيزرس]

الله يهديه بدل مايخفف عنج يزيدج ضيج ، خلاص انتي اسكتي عنه ولا تيبي طاري أهلج جدامه خير شر ، واذا عايرج قوليله ترا مهما قسى علي الوالد يظل أبوي وله احترامه ومعزته عندي وما أسمج لك تعايرني فأهلي وبيني له عقب انه أهلج يحبونج وما مقصرين فيج بس قوليله أنا استفزيتهم اشوي لانني كنت أتححسس من أي شي فها الشي انعكس ع اسلوب الوالد معاي .. الله يهدي الجميع وييسر لج

[♛ ＬＡ ＱＵＥＥＮＳ]

قوليله امي قالتلي انه ابوج يمر بظروف ومعصب هالايام فلا تاخذين ع كلامه

و انج انتي صايرة حساسة بسبه الحمل

[ام خلود القمر]

أختي اللي صار صار

بس من كلامج ما حسيت انه عايرج بشي غير إنه منصدم و في نفس الوقت ما يبيج تنهانين أكثر ويباج ترجعين بيتج معززة مكرمه

انتي حاولي الفترة اللي بتكونين في بيتج.. تخلين أهلج يشتاقون لج وهم من نفسهم يطلبونج تردين لهم وحاولي ما ترمسين عن أهلج بشي مب زين على الأيام بينسى وبتلتهون بالبيبي و إن شاء الله كل أمورج بتتيسر إنتي كنتي صادقة مع ريلج ونفسج و هالشي بيحل أمور وايد لا تتندمين خلج واثقة من رب العالمين وتوكل

أهلج يحبونج عمره الظفر ما يطلع من اللحم بس شوي ابتعدي عنهم وبتشوفين اشكثر بيشتاقون لج.. أما ريلج تقدرين مع الأيام تغيرين صورة اهلج جدامه بس يبالج صبر وطولة بال

[cute uae]

قوليله امي قالتلي انه ابوج يمر بظروف ومعصب هالايام فلا تاخذين ع كلامه

و انج انتي صايرة حساسة بسبه الحمل

[فتاة راك]

الي صار صاار ولاتقعدين تبررين له لانه بيحط ف راسه ومابينسى وان قالج شي احقريه تالي يسكت عنج

[روح.الامارات]

الا الزوج .. اللي هوه اقرب انسان لج .. المفروض ماتقوليله الا الشي الزين
لانه غريب و بيظل طول عمره غريب .. بتقولين ريلي كيف غريب ! .. اقولج غريب عنج ..
لو اخته بيسوي فيها جذيه طبعا لا ..
ع العموم دقي عليه الحين .. قوليله انا ماقدر اصبر على كلامك .. انت قلت لي كذا و كذا و انا ماتحملت سرت قلت لهلي .. و اهلي مش راضين انه ارجع لك ..
و انه من اتي بيقعدون وياك و خوفيه بالطلاق وانه مابيشوف البيبي .. بس تهديد خفيف لاتتهورين واايد هههه .. ترا يخوفهم هالطاري
.. سكتي عنه ولاتكلمينه كم يوم ^^ والله يصلح بينكم

[افناان]

داري و لو جارت علي عزيزة
اهلي ولو بخلوا علي كرام

[تفاحه الخضرا]

قوليله امي قالتلي انه ابوج يمر بظروف ومعصب هالايام فلا تاخذين ع كلامه

و انج انتي صايرة حساسة بسبه الحمل

صح كلامج ..

[عسـلي]

الوحده أريح لها في بيتها
شلج ف بيت ابوج دامهم جي يعاملونج ؟
قري ف بيتج بيني لريلج انج ربت بيت ومايحتاي تروحين عند اهلج!
جذي لا انتي تشتكين ولا هو يعايرج ولاتيبين طاري اهلج ابد
خلج ف بيت و كان الله غفور رحيم

[لوولووه]

الله المستعان