أبا حل لمشكلتي

[المنقوشة]

أنا مشكلتي زوجي غامض صارلنا أربع سنوات من اتزوجنا وهو يوم زين وعشره امعصب بس جي مع اني مامقصره معاه في شي من فتره تقريبا شهرين يسهر الليل وهو قابض موبايله وايطرش مسجات حق منو ما أعرف ولما اقوله تكتب مسج حق منو يقولي الله يهديج تتوهمين أنا قاعد ألعب مع إني متأكده انه يكتب مسج وأخر مره شليت تلفونه بدون مايعرف ودخلت في الرسائل المرسله لقيته إمطرش مسج حق أخوه يقول بو جسيم قولها بتسيرين معانا عند بن مايد
أنا قريت المسج ما قدرت اكمل بندت رديت التلفون مكانه وبعد يومين سألته عن المسج قال انه امطرش المسج حق أخوه بس غلط في الحروف ما قلت له شي بس أنا مشكلتي اني مو قادره أفهمه مو قادره أعرف هو شو يبا بالضبط أبا حل لهذا الزوج المراهق كلما ابا أقعد معاه علشان أعرف هو شو فيه مايعطيني فرصه احترت وياه شو أسوي مع هالزوج الخاين المراهق

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[عيو دبي ون]

الله يصبرج عليه ... بس نصيحه الريل ما يحب حد يناقشه في هاااي الموواااضيع لان يطفر .. بس أكسبيه بطريقتج اتجاهلي كل الحركااات اللي مب حلوه فيه .. واذكري زينه وأستووويله كل شي في حياته .. يعني الام والزوجه و الاخت والصديقه .. وأدعي ربج يهديه ..

[أم ريموتي]

والله يا اختي انتي غلطتي يوم خبرتيه انج قريتي المسج

اهو اكيد بيتهرب او بيجذب.. كان المفروض تتأكدين من هالشي وعقب ترمسينه

الحين ما بتلقين شي في تلفونه ولا بتعرفين الصدق من الجذب

اختي اقعدي وياه لما يكون هادي ومب معصب واهو اللي بادي يرمس

قوليله ابغي منك شي .. طبعا اهو بيقول آمري تفضلي ادللي

قوليله ابغيك اتفضفضلي انا بقولك اللي في خاطري وانت بعد

احلفيله انج تحبينه وما تشكين فيه بس تحسين انه مخبي عليج شي ووهذا الشي يضايقج

قوليله ما بزعل منك لو قلتلي " مب بس كلام صج" افتحلي قلبك ابغي اعرف منك ما ابغي انصدم فيك عقب


اسأليه: انا مقصره وياك في شي؟! في شي تبغيه وانا هاملتنه وما اسويه؟!

ترى احلى شي بين الزوجين الحوار الصريح مب تلميحات ونغزات

لا تفتشين وراه ولا تنبشين تلفونه اذا عندج شك صارحيه وبالعقل رمسيه وفضفضيله

واهو تلقائيا بيتعود يفضفضلج عن اللي عنده واللي يصير وياه

ادعيله الله يهديه وخلي اهتمامج به اكثر وديري بالج عليه اكثر ماتدرين منو راسم عليه

دوم ذكريه بالله وان الدنيا مب ماخذين منها شي الا عملنا


الله يهديه ويوفقكم ويسخرلج ريلج


سلام

[um_abduallah]

الله يهدييلج اياة ادعي بصلاة قيام الليل

[bint_bladey]

اللهـ يهديهـ ان شاااء اللهـ

ومثل ماقالوا الخوات حاولي تتقربين منهـ اكثر وتخلينهـ يفضفض لجـ ...

والله يصلح بينكم ان شااء اللهـ

[المنقوشة]

الله يصبرج عليه ... بس نصيحه الريل ما يحب حد يناقشه في هاااي الموواااضيع لان يطفر .. بس أكسبيه بطريقتج اتجاهلي كل الحركااات اللي مب حلوه فيه .. واذكري زينه وأستووويله كل شي في حياته .. يعني الام والزوجه و الاخت والصديقه .. وأدعي ربج يهديه ..

مشكوره على الرد بس كيف أكسبه وهو ماقاعد يعطيني فرصه اقعد معاه

[تاجره]

الله يعينج وياه

وماعندكم عيال حاليا

[المنقوشة]

والله يا اختي انتي غلطتي يوم خبرتيه انج قريتي المسج

اهو اكيد بيتهرب او بيجذب.. كان المفروض تتأكدين من هالشي وعقب ترمسينه

الحين ما بتلقين شي في تلفونه ولا بتعرفين الصدق من الجذب

اختي اقعدي وياه لما يكون هادي ومب معصب واهو اللي بادي يرمس

قوليله ابغي منك شي .. طبعا اهو بيقول آمري تفضلي ادللي

قوليله ابغيك اتفضفضلي انا بقولك اللي في خاطري وانت بعد

احلفيله انج تحبينه وما تشكين فيه بس تحسين انه مخبي عليج شي ووهذا الشي يضايقج

قوليله ما بزعل منك لو قلتلي " مب بس كلام صج" افتحلي قلبك ابغي اعرف منك ما ابغي انصدم فيك عقب


اسأليه: انا مقصره وياك في شي؟! في شي تبغيه وانا هاملتنه وما اسويه؟!

ترى احلى شي بين الزوجين الحوار الصريح مب تلميحات ونغزات

لا تفتشين وراه ولا تنبشين تلفونه اذا عندج شك صارحيه وبالعقل رمسيه وفضفضيله

واهو تلقائيا بيتعود يفضفضلج عن اللي عنده واللي يصير وياه

ادعيله الله يهديه وخلي اهتمامج به اكثر وديري بالج عليه اكثر ماتدرين منو راسم عليه

دوم ذكريه بالله وان الدنيا مب ماخذين منها شي الا عملنا


الله يهديه ويوفقكم ويسخرلج ريلج


سلام

مشكوره بحاول أسوي نفس ما قلتي

[المنقوشة]

الله يعينج وياه

وماعندكم عيال حاليا

عندي بنت وولد الحين حامل في شهري يا الغاليه

[تاجره]

اللي اقدر اسويه اني ادعيلج والله يفرج همج اختي

[شوق عبود9]

الله يهديه لج انشاء الله
حاولي تكسبين وده و لا تمللينه باسالتج بيني له حبج له حاولي دوم تهتمين بشكلج غيري قصة شعرج و لونه حطي ميك اب خفيف اهديه هديه دايماً غيري قمصان النوم البسي اشياء يديده و غريبة حاولي تغيرين حياتج كل مره غيري نظام الغرفة مثلاً او بخري ملابسه لما يدخل الحمام يتسبح جهزي له الفوطه حطي بالحمام ورد مجفف ولعي شموع سوي له سويت يحبه اكله يديده عمره ماذاقها صدقيني لما بيشوف كل هالاهتمام منج بيستحي من نفسه كيف كان مخلي جمالج و روحج الحلوة و الطيبة الي تضحي عشانه و فكر بغيرج لان طبيعة الريال يحب الحرمة الي تدلعه دوم و تعامله مثل الطفل دايماً استخدمي كلمة حبيبي ، الله لا يحرمني منك ، الله يخليك لي ، يعطيك العافية سويله مكافات مره سويله مساج ، سويله بدكير لاظافره ، سوي تنظيف لبشرته يعني اخترعي اي شي بس المهم ما تخلينه يمل لا تعطيه فرصه انه يفكر باي شي حاولي دوم تكونين وياه حببي عيالج فيه لما يرجع من الدوام علميهم يبوسونه عراسه ساعديه في تبديل ملابسه عندج خيارات وايد و الله دلع الرياييل حلو كل يوم فكري بشي يديد فاجئيه بالورد بالعطور بالبخور شوفي شو اكثر شي يحبه دوم سويه و يبيله عشان يستانس و يحبج اكثر و اكثر كوني معطاءه في حبج له و لا تبخلين عليه بشي و لا تفكرين ابداً في كرامه و الا المفروض هو يسوي مو انا لا لازم انتي تضحين و الله بياجرج انشاء الله و الله يسعدج و يهديه لج
ارجو اني ما اكون طولت عليج بس و الله همني اشوف وحدة متضايجة
نبا ردج بعد ما تحاولين تسوين هالاشياء عشان اتطمن عليج

[* أم أحمد]

حبيبتي لا تسألينه لأن الريال إذا سألتي اخس بيسوي اصبري لين ما الله يهديه واكثري من قرأت سورة البقرة مع النية فيه
والله يوفقكم ويسعدكم ويهدي زوجج ويكون لج للأبد إن شاء الله

[...(مريّة)...]

لا حول ولا قوة إلا بالله !
الله يهديه بس ،

أختي ما بزيد على اللي قالوا
لج ، حاولي تتقربين منه أكثر
وتعطينه اللي يباه ، حافظي على
نفسيج واهتمي بها دايما ،
ومرة ثانية إذا شفتي شي مثل
المسجات هاي لا تقولين له ،
أول شي تأكدي إنج قايمة بالواجب
كله وعقب نبهيه بطريقة مب مباشرة ،
الله يهديه يا رب

[قصة حنين]

الله يعينج وياه

[ستايلي غير]

اصبري عليه و الله يهديه ان شاء الله