بنتي محمومه :(

**روووز ماااري** · 2011-12-17, 01:50

السلام عليكم

امهات ساعدوني

بنتي ماعرف شو بلاها ... من شهر والكحه ماطاعت تروح عنها ... وتقريبا من 3 اسابيع

يتها حمى ووديتها الطوارىء وقالولي ماتحتاج ادويه !! سويلها جلسات بخار وبس ..

سويتلها وخفت الكحه .. والحين من يومين زادت الكحه ورجعت الحراره

حرام .. اللحين بتخلص قرشة الادول من كثر ماشربته ..اخاف يضرها

اول مره يستويلها جيييه !!!

ليش الحراره تي وتروح وترد ترجع

المزيد من آخر المواضيع من نفس القسم:

**فروله2020** · 2011-12-17, 03:38

الله يشفيها فديتها ..ليش بنتج كم عمرها ؟؟؟؟

**حرم الرميثي** · 2011-12-17, 03:46

اذا انتي في بوظبي روحي عند الدكتور احمد في مركز الامير الطبي هوه يدوام العصر وروحي له من وقت لانه زحمممه عنده واايد شاطر واذا انتي في دبي ولا الشارجه عندج عيادة الدكتور عادل مطاوع في ثلاثة دكتاره كل واحد منهم احسن عن الثاني انا اتعني لهم من بوظبي علاااجهم وايد زين بس من تعرفت على الدكتور احمد قمت اراجع عنده وكلهم نفس العلاج والحمدللله ناسب عيالي

**روووز ماااري** · 2011-12-17, 03:56

المشاركة الأصلية كتبت بواسطة فروله2020

الله يشفيها فديتها ..ليش بنتج كم عمرها ؟؟؟؟

آآآمين ..

اربع سنوات .

**روووز ماااري** · 2011-12-17, 03:58

المشاركة الأصلية كتبت بواسطة حرم الرميثي

اذا انتي في بوظبي روحي عند الدكتور احمد في مركز الامير الطبي هوه يدوام العصر وروحي له من وقت لانه زحمممه عنده واايد شاطر واذا انتي في دبي ولا الشارجه عندج عيادة الدكتور عادل مطاوع في ثلاثة دكتاره كل واحد منهم احسن عن الثاني انا اتعني لهم من بوظبي علاااجهم وايد زين بس من تعرفت على الدكتور احمد قمت اراجع عنده وكلهم نفس العلاج والحمدللله ناسب عيالي

الله يكون في العون ..

انا لا من بوظبي ولا دبي ولا الشارجه ..

بشوف ان شاء الله .. وتسلمين الغاليه ..

**nooon rak** · 2011-12-17, 07:51

الله يشفيهاا ان شااء الله ،،

**ليندااااا** · 2011-12-17, 14:02

الله يشفيها
انا بنتي لما كانت تيها حرارة على طول احطها بالبانيو
واحميها بميه فاترة يعني مب ساخنة ولا باردة
الحرارة عند الاطفال ما ينسكت عنها
الادول ( تحاميل ) احسن شي
طمنينا شو بيستوي معاج

**shaima_20** · 2011-12-17, 17:00

ان شاء الله حد يفيدج حبوبة

للرفع

ام*الحلا* · 2011-12-17, 19:25

سلامتها ياا رب ... ارجعي شوفي دكتوور تاني و راقبي حرارتها خاصة لما تنام و عليكي بالكمادات و متل ما قالت الاخت بالبانيو ماي فاترة و خافضات حرارة بس مع هذا لازمها دكتور تاني يفهم عليها و يعطيها العلاج المناسب.. ربي يعينك

**زهرة اماراتية** · 2011-12-17, 20:57

حبيبتي أولا الله يعافي بنتك .... بالنسبة للحمى ممكن تعطينها ملعقتين من مغلي الجعدة وايد زينة حتى للبطن وممكن اتحلينها بالسكر لأن طعمها مر... بالنسبة للكحة فركي ظهرها وصدرها بزيت السمسم ولبسيها شي على صدرها لمدة أسبوع وإن شاء الله بيخف عنها وهذا الكلام عن تجربة .. بس إذا كان عندها التهاب شديد في اللوز لازم مضاد فانصحج تعرضينها على طبيب ..

**rozee** · 2011-12-18, 14:13

الله يشافيها

**روووز ماااري** · 2011-12-18, 14:37

وديتها المستشفى .. وقال الدكتور يمكن فيروس .. لكن ما عطانا غير ادوية التبخيره ..

وان شاء الله خير

**dnyailwalah** · 2011-12-18, 14:40

فيها حياطه؟؟؟

ولديه هالمره مع البرد وحياتج 3 غراش دوا

وطول الليل مخنوق ويكح و5 ايام ماكل شيء مول حته بوزه تقطع

وحمدالله ابتعدت عن الفيكس لان الربو مايناسبه الفيكس ويهيجه

حافظي عليها من البرد ودهنيها زيت زيتون ودفيها

وعليج بالتحاميل والشراب مال الكحه والمضاد الحيوي شيء اساسي مابتخف لو ماخذته

**روووز ماااري** · 2011-12-18, 16:04

المشاركة الأصلية كتبت بواسطة dnyailwalah

فيها حياطه؟؟؟

هيييه .. عندها الربو من يوم هي صغيره >.<

ولديه هالمره مع البرد وحياتج 3 غراش دوا

حراااام وااايد احس

وطول الليل مخنوق ويكح و5 ايام ماكل شيء مول حته بوزه تقطع

يباله بخار ..

وحمدالله ابتعدت عن الفيكس لان الربو مايناسبه الفيكس ويهيجه

انا مووووووووووووول ما استخدم فيكس ونادر ما ادخن البيت عشانها اخاف على صدرها

ما يستحمل الدخاخين والمخلطات العربيه ..

حافظي عليها من البرد ودهنيها زيت زيتون ودفيها

وعليج بالتحاميل والشراب مال الكحه والمضاد الحيوي شيء اساسي مابتخف لو ماخذته

الدكتور ما طاع يعطيني مضاد .. قال ماعندها التهاب بس مسألة الحساسيه اللي في صدرها ..

**om ryami** · 2011-12-21, 12:30

الغالية من اسبوع تقريبا بنتي كانت محمومه ووديتها العيادة على طول حطولها تحميله وسولها كمادات
وقالولي اول ماتسيرين حطيها ف غرفة يكون فيها الجو عادي مش بارد وفصخيها كامل وخليها ربع ساعه او نص ساعه بس سكري الابواب عسب محد يفتح الباب ويسكره ويدخل هوا عليها ...
وبعدين سبحتها عالسريع بماي عادي مب دافي ولا بارد ولبستها لبس عادي مب ثقيل ورقدتها ..
رقدت ونشت الحمدلله ماشي حرارة
للعلم كانت حرارتها 40 ...

الله يشفيها

الموضوع: بنتي محمومه :(

أدوات الموضوع

عرض

بنتي محمومه :(

المزيد من آخر المواضيع من نفس القسم:

المواضيع المتشابهه

بنتي

سر بنتي؟؟؟؟؟؟؟

بنتي محمومه شسوي؟؟؟؟؟؟؟؟؟؟؟؟؟؟pleasssssssse