دشن بليز

[ام منصورفديته]

السلام عليكم بنات انا متزوجه من خمس سنين وعندي عيال المهم اكتشفت ريلي يرمس وحده بالتليفون و ظهر وياها وانا طلبت طلاق عقب اعترفلي انه خاني واتعرف عوحده و نام معاها 4 مرات وانه يوم سافر مرتين نام مع بنات وكل هالمرات بالفلوس وانا انقهرت وايد واعترفلي انه كان يحب وحده قبل لا ياخذني بس حلف عالقران انه يحبني انا اكثر المهم هو راظاني وحلفلي عالمصحف انه لو خاني او عرس علي احرم عليه و اعتبر طالق بالثلاث و عطاني رظوه محترمه بس انا للحين ما رديت البيت و نفسيتي زفت ووكله اتم افكر بالبنات انه يشوفهن احى عني واتم اوسوس واتخيل كيف رقد مع هال...... و محتره و حالتي حاله واكل بعمري واستويت اشوف عمري خسفه وانه اي حد يطالعني عشان خسافتي و بصراحه ما روم اجابل ريلي او انام وياه كله احسه يشوفني خسفه و دبه ومو ماليه عينه و ماروم اسوي شي جدامه و مو مصدقه انه يحبني وانه يباني مدري شو سوي والي تعرف رقم دكتور نفسي زين و مستشار اسري ببوظبي لا تبخل علي و ادعولي بليز انه زوجي يشوفني احلى البنات بعينه
تعديل:اكيد جازه منه و من الوظع كله و هو حلفلي انه يحبني اكثر من الي كان يحبها قبل لا ياخذني و مش سالفت اجرح شعووره وخايفه عمشاعره يوم يشوفني خسفه بس اساس يا اختي الحرمه يوم تحس ريلها يشوفها خسفه ها جرح لمشاعرها هي ومدري كيف ارد ثقتي بنفسي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[@مبدعه@]

لا حول ولا قوة الا بالله

[سما غزة]

لا اله الا الله
حسبي الله ونعم الوكيل

[*بنك ليدي*]

حسبي الله ونعم الوكيل ربي يعينج إن شاء الله البنات بيفيدووووووونج

[AL-jawaher]

لاحول
ولاقوه
الابالله

[ابداااع للتصميم]

الله يعينج اختي "
ادعي ربج يهديه وما يسير بهالدرب مره ثانيه"
ولو اعترف وتاب خلاص سامحيه مع انها صعب عليج بس سامحي ترا ربنا يسامح لو الانسان تاب "بس اهم شي ما يرجع ويكرر غلطته ولو اكتشفتي انه رد لنفس الدرب ودريه وقوليله انك ما تستاهلني وكلن بدربه"
الحين رمضان شهر خير وتصافي النفوس اغتنمي الفرصه تقربي من ربج ومن ريلج "وربي يوفقج ويحفظ بيتج"

[FreeHeart]

اختي أن شاء الله البنات يفيدونج بخصوص الدكتور

بس لو انت شايفه عمرج متينة ومدري شو ، حاولي تسوي رجيم وتشتغلي على عمرج وما لا تهتمي بشيء ثاني
أهتمي بنفسج وبعباتج ، تقربي من رب العالمين بدعاء وأن شاء الله بتحسين بتحسن ، كثري من الصلاة وقرأت القرأن وهما افضل علاج أختي، خل ثقتج بالله أكبر من ثقتك بدكنور وبعد حاولي تسيري عن دكتور لو تبين.

بس حاولي تأخذي وقت للعناية بنفسك

[ام سلطان 2012]

غريبه اختيه

ما ترومين ت...بس لانج تشوفين عمرج خسفه مب لانج جازه منه لانه.....مع وايدات

خايفه على احساسه يشوفج خسفه بس مب خايفه من الامراض خصوصا انه مسوي مع اكثر من وحده و اللي سار وياهن باللبيزات يعني هن سايرات مع وايدين

يقول انه يحبج اكثر منهن و الله لو كان يحبج لو شويه بس ما كان خانج

حلف ع القران انه لو خانج تحرمين عليه ترى الواحد اللي خان ربه و اتكب الحرام كم من مره عادي عنده بيخونج و ما بيخبرج و ما يهمه انه حلف ع المصحف

ما اعرف شو اقول لج بس الله يهدي ريلج

و يا حريم صحصحو شويه مب كل من خانها ريلها عادي عندها و لا كانه سوى شي

[دانه الكون]

يعتبر زاني محصن و العياذ بالله

[uaelrose]

اختي
الله يعينج بصراحة
و ان شاء الله حد من البنات يعرفن دكتور نفساني في بوظبي

[برق لمع]

عطيه فرصه ثانيه حبيبتي ولا تفقدين ثقتج بنفسج لان الراييل يوم يخونون حريمهم مب معناه انه يشوف زوجته مب حلوه اونه ما يحبهاا بس في رياييل عينهم زايغه وطبعهم خايس شو بتسوين
وفي بوظبي ما اعرف دكتور نفسي في الشارجه الدكتور علي الحرجان ممتاز

[*نيويورك*]

الله يعينج اختي "
ادعي ربج يهديه وما يسير بهالدرب مره ثانيه"
ولو اعترف وتاب خلاص سامحيه مع انها صعب عليج بس سامحي ترا ربنا يسامح لو الانسان تاب "بس اهم شي ما يرجع ويكرر غلطته ولو اكتشفتي انه رد لنفس الدرب ودريه وقوليله انك ما تستاهلني وكلن بدربه"
الحين رمضان شهر خير وتصافي النفوس اغتنمي الفرصه تقربي من ربج ومن ريلج "وربي يوفقج ويحفظ بيتج"

اختي أن شاء الله البنات يفيدونج بخصوص الدكتور

بس لو انت شايفه عمرج متينة ومدري شو ، حاولي تسوي رجيم وتشتغلي على عمرج وما لا تهتمي بشيء ثاني
أهتمي بنفسج وبعباتج ، تقربي من رب العالمين بدعاء وأن شاء الله بتحسين بتحسن ، كثري من الصلاة وقرأت القرأن وهما افضل علاج أختي، خل ثقتج بالله أكبر من ثقتك بدكنور وبعد حاولي تسيري عن دكتور لو تبين.

بس حاولي تأخذي وقت للعناية بنفسك

[يزوي26]

الله يهدي يا اختي ويصبرج عليه

[بنوتـــهـ]

حاولي تعدلي من عمرج .. وماعرف اذا بتسامحيه او لا *.*

[نقنوقة]

برد عليج ع الخاص بمسئلة الثقة

وع سالفة المتن.. سوي رجيم.. سوي قروب وسوو رجيم رباعة عشان تتشجعن