أحس نفسي مخنوووقة

**دانة_ دبي** · 2011-06-22, 08:53

السلام عليكم

خواتي انا مالجة و مرتاحة الحمد الله

طبعا نحن عاداتنا نظهر ويا بعض ف فترة الملجة عادي يعني فلا ترمسون عن هاي السالفة ههههه

سبحان الله تفكيري غير عن تفكيره يعني قبل لا املج

احب الشوبينق الكشخه الشغل الطلعات البر البحر الشاليهات الفنادق مع اهلي احب اروح وياهم

هو لا يحب الطلعات ولا يحب السناتر ولا السينما ولا يحب اي شي فيه طلعة حتى لو مطعم

يوم تقدم لي و سألت عنه مدحوه لي عسب جي وافقت
و قالوا هذا ما يظهر مكان بيت دوام لو يظهر مع ربعه بالغلط يعني

يعني نظهر ويا بعض بس ف موتره نطلب تيك اوي و بس عمري ما نزلت لمكان وياه وهو مرة خبرني بها الشي ان طبعه جي

بس ما توقعت لها الدرجة احس نفسي مخنوووقة شوويه كيف ارمسه مستحية بصراحة ؟

هل اقدر اغيره شو اسوي والله ما ادري احس اني تعبت ادري تو الناس بس ما اعرف كيف ابدأ وياه ؟

اقصد ممكن تساعدوني هل الوحدة تقدر تغير ريلها شوي شوي ما اعرف من وين ابدأ

ادري بتقولون لو الريال ظهر 24 ساعه ما يعيبهم الحريم لو كان بيتوتي بعد ما يعيبهم ههههههه

بس عطوني حلولكم الفنتكية

المزيد من آخر المواضيع من نفس القسم:

*** ام خماس *** · 2011-06-22, 08:57

الله المستعاان .. حبيبتي الحرمه مااتقدر تغير الرياال 100%

وأكثر الرياييل ماا يحبون ان الحرمه تحااول بطريقه مبااشرة تحااول تغير في شخصيته

الاحسن انج تصبرين عليه وبالعشرة وبالتدريج أكيد بيتغير فديتج

لان الحيااة الزوجيه فيها اختلاااف .. فيهاا زياارات عاائليه ومجااملااات وهكذااااا

لنتي بس لاااا تركزين ع النقطه هااذي في شخصيته وعيشي حيااتج حبوبة

الله يتمم لج ويسعدج ياارب

**كلنا نساء** · 2011-06-22, 09:03

حبيبتي انتي شوفي طبعه وشخصيته ايش هي يعني شمالي ولا جنوبي ولاشمالي غربي ...الخ وبعدها بتسهل عليك طرق اقناعه وحتى تعاملك معاه ..بالتوفيق .

**مجرد ام** · 2011-06-22, 10:23

المشاركة الأصلية كتبت بواسطة * ام خماس *

الله المستعاان .. حبيبتي الحرمه مااتقدر تغير الرياال 100%

وأكثر الرياييل ماا يحبون ان الحرمه تحااول بطريقه مبااشرة تحااول تغير في شخصيته

الاحسن انج تصبرين عليه وبالعشرة وبالتدريج أكيد بيتغير فديتج

لان الحيااة الزوجيه فيها اختلاااف .. فيهاا زياارات عاائليه ومجااملااات وهكذااااا

لنتي بس لاااا تركزين ع النقطه هااذي في شخصيته وعيشي حيااتج حبوبة

الله يتمم لج ويسعدج ياارب

**Vanilla.Box** · 2011-06-22, 10:28

اللهّم اغننا بحلالك عن حرامك ،

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّـــم آميـــن .

**"زوزو1"** · 2011-06-22, 11:05

اللهم ان في تدبيرك مايغني عن الحيل , وفي كرمك ماهم فوق الأمل
وفي حلمك مايسد الخلل ,وفي عفوك مايمحو الزلل
اللهم فبقوة تدبيرك وعظيم عفوك وسعة حلمك وفيض كرمك
اسألك ان تديرني بأحسن التدابير وتلطف بي وتنجيني مما يخيفني
ويهمني
اللهم لا أضام وانت حسبي ولا أفتقر وأنت ربي ,
فأصلح لي شأني كله ولا تكلني الى نفسي
طرفة عين ولا حول ولاقوة الابك
اللهم صل وسلم وبارك على سيدنا محمد وعلى اله وصحبه

**ترانيم المحبه** · 2011-06-22, 11:30

عادي قوليله انا احب اتعشى فمطعم

واحب اسير وياااك الموول نتمشى واتشرى اغراض وياااك

احب نطلع نتمشى ع البحر نرووح شاليه

اذا حبيت تونسني طلعني مكان خخخخخخ

**Pink tree** · 2011-06-22, 11:36

الغالية تقدرين تغيرين من طبعه ...بس مب مرة وحدة..

حد من الرياييل ما يحبون يغيرون من طبعهم وروتينهم..

وحد سبحان الله يعرسون عشان يتغير شي في حياتهم..

شوفي ريلج من أي نوع..هو ما يطلع مكان...مب معناته ما يبا يطلع..

حاولي تسألينه مب سؤال موجه..بس من خلال سوالفكم..

مثلا : شو الأماكن إلي تفكر إن نحن نسيرها بعد العرس..

شو أحلى مطعم سرتله في حياتك..

تعرفين حد من الرياييل ما عندهم فكرة عن شو إلي بإيده يسويه بعد العرس..

من ناحية هدايا وطلعات وسيرت مطاعم..وما يعرف شو إلي يفرح الحرمة أكثر شي..

**ღcute girlღ** · 2011-06-22, 11:42

**جواهر الصحراء** · 2011-06-22, 11:55

اختي يوم مالجه ريلها جيه هو بدوي واحنا حضر فكل شي عندهم منقود هههههه واختي كانت اول غريبة في عايلتهم لانهم كلهم ماخذين من بعض ، بس في فترة الملجة حست انه من النوع اللي ما يحب المووولاااات موول شو قامت تسوي، تلبس وتكشخ وتقول تعال بيتنا انا عازمتنك ع العشا ، اول ما ايي يدق لها انا برع تطلع له على طوول وتركب السيارة وتقوله ودني المطعم الفلاني ، او تخلينا نوديها المول وعقب تقوله تعال خذي خواتي مشغولات فيوم اي تخليه يدش وييلسون شوي وبدا شوي شوي يستانس على هالسوالف مع انه قبل موووول مايطب المولات وصح بعد يوم يكون عندها دورات في دبي ، تخليه اييها جيه ع المغرب (هو يداوم بوظبي) ويطلعون مع بعض يحوطون في دبي سينما ،مطاعم ،كافيهات وهوووو قبل اجتليه وولا تقوليله ودني موول ، ماشاء الله تبارك الله تغير شوي شوي وانت واسلوووبج عاد واسمحيلي طولت عليج-موفقه

**رضآٳڪ يٳ ربٳه** · 2011-06-23, 14:36

الله يوفقج

**ابتسامة قمر** · 2011-06-23, 14:47

الله يوفقج ويسعدج ويآه ،

**آم رشؤؤدي ، ،** · 2011-06-23, 15:28

المشاركة الأصلية كتبت بواسطة * ام خماس *

الله المستعاان .. حبيبتي الحرمه مااتقدر تغير الرياال 100%

وأكثر الرياييل ماا يحبون ان الحرمه تحااول بطريقه مبااشرة تحااول تغير في شخصيته

الاحسن انج تصبرين عليه وبالعشرة وبالتدريج أكيد بيتغير فديتج

لان الحيااة الزوجيه فيها اختلاااف .. فيهاا زياارات عاائليه ومجااملااات وهكذااااا

لنتي بس لاااا تركزين ع النقطه هااذي في شخصيته وعيشي حيااتج حبوبة

الله يتمم لج ويسعدج ياارب

**marwa2005** · 2011-06-23, 15:37

الله يوفقج ويسعدج ويآه ،

**Wounded** · 2011-06-23, 15:45

ريلج شرات طبع ريلي ما يحب الطلعات او السينما او السناتر ....الخ

حتى طلعات مع الربع ما يحب لانه بالنسبه له تضييع وقت و يقول ربعي بس بالدوام

ومن ارجع البيت مالي شغل فيهم

يحب يقضي وقته مع اهله ويشوف حاجاتهم وجي يعني

بس عقب ما عرسنا وجي ما ضغطت عليه قمت احاول شوي شوي معاااه

وتعرفين كيف تقدر الحرمه تكسب قلب ريلها ..يعني من الاهتمام والدلع وجي

وعقب عااد بيحبج اكثر وبيحاول يونسج ...

عقب سفرتي لشهر العسل تميت بالبيت قريب 3 شهور وما طلعت خطوط وجي

لانه كاان يونسني طلعات مع الاهل بر وجي و نروح البحر يعني نشاطات عائلية

وبعدين قلت له ابي اطلع ابي اروح دبي او الشارجه على الاقل نقضي وقت معاك

ومني ومنااك وعقب اقتنع وطلعنا وتمشينا في السوق ورحنا مطعم ورحنا فندق

يعني تمينا يومين برع وكان وناااسه و الحين قاعده احاول معاه على طلعت السينما

تعرفين الرياييل راسهم يابس بس مع المساحل من فتره لفتره والبعد عن الضغط والعطاء التام بنال رضانا لول

وربي يسهل عليج امورج ويعينج ويفتح عليكم و اهم شي انه ريلج يحبج ويعزج ويونسج وما يزعلج هذا الاهم

والطلعات تيي مع الايام

وان شاء الله ساعدتج^^..

والسموحه

الموضوع: أحس نفسي مخنوووقة

أدوات الموضوع

عرض

أحس نفسي مخنوووقة

المزيد من آخر المواضيع من نفس القسم:

المواضيع المتشابهه

نفسي

منو صار لها نفسي ؟؟؟؟؟

ع الدنيا سلام كلن يقول نفسي نفسي

أحب نفسي ..

هل تعتقد بأنك مريض نفسي وتحتاج مراجعة طبيب نفسي ادخل واختبر نفسك ..