شو قــآصرنج ....؟؟

**عيون آإبدويـہ** · 2011-06-17, 01:19

السلام عليكم ورحمة الله وبركاته
شحال كلــن بحاله ،،، ربكن بخير ومــآتشجن بــآس
،،
من جمن يوم وانا فخاطريه أكتب هالموضوع
واللي هوو ليش الأهل يرفضون شغل البنت..؟؟
،،
يعني أول ماتقولين إلهم أبويه بغيت أقدم على شغل وإلا أخويه بغيت أقدم على شغل
أول رد بيكون " ليييش شي ناقصنج..؟؟ مقصرين عليج بشي ..؟ راتبج لي ينزل فحسابج مايكفيج..؟؟
....إلخ
،،
الحمدلله يعني هم مب مقصرين بس حلوو الواحد يظهر يتعرف على الناس ويشوف الدنيا ويعتمد على نفسه

،،
بس ماشي مجال للنقاش وإذا ناقشتي بيقولون شو بيقولون عنا الناس مقصرين فيج ..ومن هالرميسات
،،
والبعض يقول مانقدر نشوفج تتعاملين ويافلان وعلان وإلا فونج يصيح ويطلع فلان وعلان ..إلخ

إنتن وش رآيكن في هالموضوع سواء من ناحية شغل البنيه ومن وجههة نظر أهلها ..؟

أتريـآـآ تفــآعلكن خويــآتيه ....

المزيد من آخر المواضيع من نفس القسم:

**دلع 2009** · 2011-06-17, 01:26

اصراحه انا اشوفهااا عادي انا هلي مثل هالنوعيه واااااااااااايد مشددين وليش شنو قاصرج وهالمكان مب زين وهذا لا وهذا ماعرف شنو فيه

المهم اني الحمدلله احين اشتغل بفضل الله وامي اقنعت ابويه عشان اشتغل واااااااافق والمشكله ابويه في اماكن مايحبها مثل البنك والجوازات على اساااااااس فيها وااايد ناس وختلط وماعرف شنو

ههههههههههههههههه وحين المكان الي اداوم فيه نفس الجوازات بالظبط وهلي كلهم اقتنعو بالاول اشوي كانو مب راضين وبعدين كلهم رضو مع الوقت ولا وبعد اقولون خلصي لي فلان وسوي لي فلانه

يعني شنو فيها لو البنت اعتمدت على روحها وساعدت اهلها او ريلهااا او شلت مصاريفها بنفسها وشنو فيهااا لو طلعت من محيط البيت والحمدلله البنت المربايه ترها مربايه حتى لو بين الف ريال والبنت الي تبي تخترب حتى لو بين اربع يدران

وترا خلاص نظرت الناس اختيه اتغيرت مب شرات قبل بس اهلنا مال اول مال البنت عيب تشتغل او تطلع

والله يوفقج

**el_k7eela** · 2011-06-17, 03:34

ااااه ذكرتيني بكلام ابوي الله يطول بعمره تفكيره انه الشغل يعني محتايه وهو مقصر مايفهون ان الشغل فيه تطوير للشخصيه ونتعرف على انواع الناس يالله الحمدلله عرست وطلعت من قائمة الممنوعات

**bellegirl** · 2011-06-17, 03:36

لا حول ولا قوة إلا بالله

أحس بالعكس المرأة الإماراتية

من أكثر النساء العربيات الي عندهم حرية واستقلالية مالية

مجرد راي شخصي ^^

بس في بعض الأهالي متحفظين في هالنقطـة

ولهم اسبابهم الخاصة أكيد

**عيش الحياة** · 2011-06-17, 03:50

يالله شو اتمنى اشتغل الله يوفقني خاطري اشتغل في مكان مناسب

**سراب الحياة** · 2011-06-17, 09:11

أحس هالأفكار صارت قديمه تقريبا
يعني واايد افكار المجتمع تغيرت
الحين الكل يؤمن بعمل المراه حتى اصحاب العقول الحجريه
يمكن تكون هالمعتقدات موجوده بس يمكن بنسبه بسيطه جدااا

**Mall.08** · 2011-06-17, 09:17

الحمد لله رب العالمين

**ღcute girlღ** · 2011-06-17, 11:08

**بهلولة** · 2011-06-17, 12:19

همممممممم
بصراحة انا عندي بنية
ولو يوم من الايام بغت تشتغل وهي بعدها بنية ومو متزوجة وعلى ذمتنا انا اوابوها
بخاف وايد من موضوع انها تشتغل
وما اعرف شو ممكن يكون قراري

بخاف عليها من عيال الحرام
بخاف عليها من الاختلاط
بخاف عليها من فتن الدنيا
بخاف عليها من النسمة
يارب يحفظها هي واخوها وجميع عيال المسلمين

**ام رشوودي** · 2011-06-17, 13:48

هههههههههانتي ابوج وأخوج
وأنا ريلي

**عيون آإبدويـہ** · 2011-06-17, 13:52

المشاركة الأصلية كتبت بواسطة بهلولة

همممممممم
بصراحة انا عندي بنية
ولو يوم من الايام بغت تشتغل وهي بعدها بنية ومو متزوجة وعلى ذمتنا انا اوابوها
بخاف وايد من موضوع انها تشتغل
وما اعرف شو ممكن يكون قراري

بخاف عليها من عيال الحرام
بخاف عليها من الاختلاط
بخاف عليها من فتن الدنيا
بخاف عليها من النسمة
يارب يحفظها هي واخوها وجميع عيال المسلمين

هي هــــآي بالظبط ،،،، عسبت جذا أبد ماناقشت الرفض ،،،، لان عرفت من شوو خــآيفين
وإلا ماشي قاصرنيه الحمدلله كل شي موفر من كل شي ،،،، بس أنا أبا أطور من شخصيتيه ،،، شوي أغدي جريئه وأتعامل ويالناس ...إلخ
،،
بس الحمدلله على نعمة الأهل والله يخليلج بنتج ياربيه

**![ملكية]!** · 2011-06-17, 14:13

انا هليـه متفهمين الحمـدلله ومـاعندهم اي مـانع ف انـي انا وخواتيـه ندااوم ونعتمـد ع نفسنـا ونصقـل شخصيـاتنا ,,

بس فيـه امـاكن ,, ممنـوع نشتغـل فيهن لأسباب معينـــه ,,

وعـادي انا وخواتي مقتنعين ان هالامأكن ما تناسب البنــات ,,,

والحمدلله الأمور طيبـه ^^"

اختج ف الله

**ونة العود** · 2011-06-17, 14:39

الله يوفقج

**سراب الحياة** · 2011-06-17, 16:50

المشاركة الأصلية كتبت بواسطة بهلولة

همممممممم
بصراحة انا عندي بنية
ولو يوم من الايام بغت تشتغل وهي بعدها بنية ومو متزوجة وعلى ذمتنا انا اوابوها
بخاف وايد من موضوع انها تشتغل
وما اعرف شو ممكن يكون قراري

بخاف عليها من عيال الحرام
بخاف عليها من الاختلاط
بخاف عليها من فتن الدنيا
بخاف عليها من النسمة
يارب يحفظها هي واخوها وجميع عيال المسلمين

بصراحه رد منطقي وعقلاني 100 %
وكل وحده اهلها مانعينها من الشغل اعتقد عرفت الحين
واتمنى كل وحده مثل ما تفكر في نفسها تفكر في خوف اهلها عليها
لانه بيي يوم وتكون ام ويكون عندها من تخاف عليه ^^

**غرشوبة السمر** · 2011-06-17, 18:50

جان زين اهلي يقولون لي لا اداومين

خخخخ

ارضاء الناس غاية لا تدرك

محد عيبنه وضع

قولي الحمدلله على كل حال

^^

الموضوع: شو قــآصرنج ....؟؟

أدوات الموضوع

عرض

شو قــآصرنج ....؟؟

المزيد من آخر المواضيع من نفس القسم: