سالفة ربيعتي .. :(

**قلبي عنيد** · 2011-06-06, 00:06

السلام عليكم ورحمة الله وبركاته
اشحالكم خواتي ..

حبيت اخبركم سالفة ربيعتي واتمنى منكم الحل ..لان نفسيتها وااايد تعبانه
كل يوم يمر في حياتها معانا فالكليه احسها تذبل وما تضحك شرات قبل
حزينه جدام الناس واهلها وبس ويااي تخبرني باللي في خاطرها لاني
وياها من مرحلة الاعداديه لين وصلنا الكليه ويا بعض ..

بليز اللي بتتشمت ولا بتعايب ع البنت لا ترد ع الموضوع

>>> اتفقنــآ ؟

ربيعتي من يوم كانت صف ثاني اعدادي حبت شخص من احدى المنتديات
وصارت متعوده كل يوم تتناقش فالمواضيع والردود بس لانه موجود
كانت ياهل وما تفهم بس مع الايام حبته اكثر وهو بعد .. رمس وحده
وهي عرفت عقب تركو بعض لمدة سنة ورجع رمسها وردو احسن
من قبل بواااااايد .. من هذاك الوقت وهي دوووم تضحك وفرحانه
هي ربيعتي طيبه وعلى نياتها ومب فاهمة الحياة بشكل صحيح
والله من كثر ما اشوفها طيبه اتمنى اكون شراتها ..
المهم
وعقب ما ردو لبعض بعد سنة ونص قال لها شوفي حياتج لاني مابي
اوقف نصيبج ومن هالكلام .. وهي تمت تقول لا ابيك وجي
بس هو ودرها وهي ما تعرف الاسباب ..
تمت سنتين او 3 تفكر في هالشخص لدرجة لا انا ولا انتو تتصورونها
كل يوم تصيح عليه .. بدال ما تقول احسن اني ابتعد عنه لاا هذي تصيح
وما تفكر فدراستها .. صح انها ذكيه وكل سنة الحمدلله تنجح ببراعه وبدون
دراسه بس لو كانت تعطي جزء من وقتها للدراسه كانت بتكون من المتفوقات
تحب هالشخص لدرجة ان في لابتوبها صوره وكل مره تتطالع .. تيلفونها
صورة ومسجاته .. يعنننني واااااااااايد تحبه بشكل فضيييييييع .. من رايي
هو ما يستاهلها بسس هي تحبه

ومصره وكل مره تقول لي ما اقدر انسى وهالشي
صعب .. تقدمولها وايدين بس هي قالت ما احب طاري الزواج ولا افكر والخ
مرت الايام وشفتها مره تصيح فالكانتين وتحديدا يوم كنت اسولف معاها
قالت انه تستوي لها حاله نفسيه وتتعالج من فتره بس ما طاعت تخبرني شو
هاي الحاله وكله بسبة هالشخص !! وهو مب مفتكر فيها ولا هامتنه
تمت تصيح وتصيح قلبي عورني .. يعني لهاي الدرجه تحبه !!
حاولت فترة تنساه بس شو سوت !!
رمست شخص غيره حبها وهي بعد بس مب لدرجة انها تحبه شرات الاول
وودرته بسبة هالشي .. بعدين تمت تدخل الجات بس عشان تضيع وقت
كل يوم فالجات وكل يوم شخص ع المسن .. بس عشان تنسى وبعد مب رايمه
تنسى !!!
رمست يمكن شخصين ع الفون جي اسبوع وعقب ودرتهم بس لانها تخاف من الغلط
اليوم رمستها ولقيت نفسيتها داوووون تقول كيف بتمر هالاجازه وانا متعوده ارمس هذاك الشخص
تميت اقوللها انسيه وما يفكر ومن هالكلام صاحت وقالت بترقد بس لانها ما تحب ترمس عن موضوع النسيان .. وااايد تعرضت لضغوط نفسيه وحتى من قبل اهلها لان علاقتها باخوانها
مب قويه ولا خواتها لانهن معرسات ف سوالفهن ويا بعض وهي من
عرفتها وهي منعزله عن الناس
وما تتخالط ويا حد
احسها مشكلتي مب مشكلتها لاني ابا اخليها تنسى الجات و اللي كانت ترمسهم قبل
لانها ما تبا تستمر في هالدرب ربيعتي وانا اعرفها والله هي مب من هالنوع
ماشاء الله عليها كل يوم تقرا الاذكار والادعيه وتستغفر وجي بس الصلاة ما تصليها
مادري ليش ويوم خبرتها فالكليه قالت استحي اصلي فالكليه لان صار لي موقف وانا اصلي

هي تبي ترجع شرات قبل وتبي تنسى هالشخص
بس كل مره تقول لي ملل بدونه وكيف بنسى اني
سويت شي غلط ابي امسح كل شي غلط صار فحياتي
بس ما اعرف كييييف

بنات خبروني بشو انصحها .. حليلها ما تستاهل

انا اول مره اكتب موضوع في هالقسم واتمنى انكم تشجعوني
ع الكتابه والكل يستفيد من نصايحكن

المزيد من آخر المواضيع من نفس القسم:

*** ام خماس *** · 2011-06-06, 00:15

الله المستعاان .. هالتعاارف والنتدياات المختلطه ماا وراهاا غير الاثم والمعااصي

حبيبتي خل ترجع لربهاااا وتقطع علاااقتهاا بالذئااب البشريه قبل مااا يفوت الفوت

تشغل عمرهاا وتستغفر وتدعي ربهاا ينور بصيرتهاا ويشل كل زله من عقلهاا وقلبهااا فديتج

الله يستر عليناا جميعاا ياارب

**قلبي عنيد** · 2011-06-06, 00:22

المشاركة الأصلية كتبت بواسطة * ام خماس *

الله المستعاان .. هالتعاارف والنتدياات المختلطه ماا وراهاا غير الاثم والمعااصي

حبيبتي خل ترجع لربهاااا وتقطع علاااقتهاا بالذئااب البشريه قبل مااا يفوت الفوت

تشغل عمرهاا وتستغفر وتدعي ربهاا ينور بصيرتهاا ويشل كل زله من عقلهاا وقلبهااا فديتج

الله يستر عليناا جميعاا ياارب

هيه ادري فديتج بس هي كانت ياهله تقريبا عمرها 14 او 13
يوم رمست هالشخص فمن جي وللاسف لين الحين تفكر في نفس
الشخص !
هيه ماشاء الله عليها ملتزمه وجي بس الصلاة وان شاء الله
ربي يهديها وانا بنصحها بعد

آآآآآآآآمين
تسلمييين حبيبتي .. ومشكورة ع ردج

**pinki11** · 2011-06-06, 00:25

مافي فزمنه حب حبوبه
هذاك قبل
خليها تتمسك بربها والله بتنساه مع الايام
عليها بقيام الليل وقراءه القرآن راح تتغير وتكون احسن

هو صح هالشي صعب

بس مع الايام بتنساه
والله يوفقها ويرزقها بريال بالحلال ان شاءالله

**هيبة زايد** · 2011-06-06, 00:29

ترى هاي مشكلتنـا والله .. يوم نحب .. نحب بكل مافينـا
ونتخلـى عن وآيد أشيا اللي أنا متأكده لو يرد الزمن نتمنى نسويهـا بأحلى عن جيـه
ماعرف ليش الواحد يوم يحب شخص ينزل من مستوى نفسـه لدرجـه انه يشوف هالشخص أعلى شي
وأغلى شي .. أغلى حتى من نفسـه .. والمشكـله بينا وبين نفسنا نعرف أنـه هاغلط
وساعات انعرف انه هالشي مايدوم .. بس مثل ماقلت من كثر ما انشوف أنـه هالانسـان
أكبر شي في عالمنا .. ننسى و نتناسى الواقع المرّ اللي نستبعد أنه ممكن يستوي باسم (الحب)

انا مابقولج هذا لو ريّـال يا واتقدملها
أو هذا لو صدق يحبها بيي يآخذها
أو ع الأقل يقولها انا أباج بالحلال
خلينا من التيلفونات الحينـه وعطيني فتره أبني فيها عمريـه
وعقب بيي أتقدملج .. والدنيا بين ايديـه ..

لأنـه واضح أنه مثل هالنوعيـه ما ايي منها الخيـر

وهيه الله يهديهـا مايستوي تسوي بعمرها جيـه
لو وزعت حبها على اللي حولينها وربها قبل كل شي
صدقيني والله حالها مابيستوي جيـه
بتحب الشخص أوكيـه ماقلنا
لكن بتحبـه باعتدال
بحيث أنه لو سوّى فيها اللي سوّى
مابيهمها لدرجـه أنها تمرض عشانـه
ها حب (مرضي)

خليها تنشغل باشيا ثانيـه
شويالسـه تقولين خليها تدش الجات
مب زين والله

1) خليها تغيّر رقمها
2) عالمها ، يعني لو تعرف حد من البنات تقرب لها الولد لا ترمسهـا
3) تغيّر حجرتها مثلا تغيّر الأثاث وتآخذلها أشيا يديده ، وتعق كل شي جديم
4) تمسح صوره لو غصبن عنها والمسجات بعد لو تضاربينها ع هالشي عادي في مصلحتها تراه

تسوي أي شي أي شي
تسير تشتغل في مكان مثلا
تطلع تستانس
لمّي حولينها الناس والبنات

خليها تشغل وقتها ويا عيال خواتها مثلا
توديهم تلعبهم ..

انا ماعرف ظروف البنت
بس أقول اللي في خاطريـه

خليها قويـه ..
مابقى شي ع رمضان إن شاءالله بالحيـاه
الله يبلغنا إن شاءالله

انا مابرمس باسلوب التديّن لأنـه نعرف أنه هالشي حرام
وغلط .. حراااااااام حرااااااااام .. والله ولا واحد يستاهل استآثم ع شانـه
بس هيـه عدت هالمرحلـه خلاص مايستوي نرمس فالموضوع الحينـه
لو كانت من قبل 3 عدادي جان نفعت الرمسـه

وحياج ختيـه
وانا فالخدمـه

**قلبي عنيد** · 2011-06-06, 00:36

المشاركة الأصلية كتبت بواسطة pinki11

مافي فزمنه حب حبوبه
هذاك قبل
خليها تتمسك بربها والله بتنساه مع الايام
عليها بقيام الليل وقراءه القرآن راح تتغير وتكون احسن

هو صح هالشي صعب

بس مع الايام بتنساه
والله يوفقها ويرزقها بريال بالحلال ان شاءالله

هيه صح كلامج فديتج
ان شاء الله
الله يسمع منننج ..

آمييييين .. الجميع ان شاء الله ^^
ومشكورة ع المرور الطيب
الصراحه وايد فرحت

**مزيونة البلاد** · 2011-06-06, 00:42

سبحان الله ، والحمد لله ، ولا اله الاالله ، والله أكبر

**3thab A7mad** · 2011-06-06, 00:43

.
.

المشاركة الأصلية كتبت بواسطة قلبي عنيد

هيه ماشاء الله عليها ملتزمه وجي بس الصلاة

ســُوري حــَبُوبه ,, قــَبل لآ أقُول رآيي ..

كــِيف يــعني مِلتَزمــَه بــَس الصلآه !!

مــِلتــَزمـَه بـشُو بـألضَبط ؟!

يــعنِي مــآ تصــَلي !!؟

.
.

**اي فون** · 2011-06-06, 00:49

الله يهديها للطريج الصحيح دامها حاطه في بالها تبا تنساه بتنساه مع الوقت
تحاول تغير من شخصيتها تحااااول شوي تكون اجتماعيه
قولي لها تقعد مع ابوها وامها ولا اخوانها واهم شي تبتعد عن اي بنيه تكلم شاب عشان ماتتذكر ماضيها
هيه كبيره مب صغيره خل تحتك بخواتها وعيالهم
تقدر تشترك بأي نشاط يعني بدل مايكون عندها وقت فاضي تسد هالوقت ضروري
تقدر تدخل هالمنتدى تستفيد احسن من تفكر وتصيح
اهم شي تحطي جدول لصلاتها وتزيد من دعاء والتوبه ولاتنسى تقرا قران ع الاقل صفحه فاليوم
انتي عطيها افكار شجعيها ع دراستها ولا التغيير للاحسن
الله يوفقها

**قلبي عنيد** · 2011-06-06, 00:52

المشاركة الأصلية كتبت بواسطة هيبة زايد

ترى هاي مشكلتنـا والله .. يوم نحب .. نحب بكل مافينـا
ونتخلـى عن وآيد أشيا اللي أنا متأكده لو يرد الزمن نتمنى نسويهـا بأحلى عن جيـه
ماعرف ليش الواحد يوم يحب شخص ينزل من مستوى نفسـه لدرجـه انه يشوف هالشخص أعلى شي
وأغلى شي .. أغلى حتى من نفسـه .. والمشكـله بينا وبين نفسنا نعرف أنـه هاغلط
وساعات انعرف انه هالشي مايدوم .. بس مثل ماقلت من كثر ما انشوف أنـه هالانسـان
أكبر شي في عالمنا .. ننسى و نتناسى الواقع المرّ اللي نستبعد أنه ممكن يستوي باسم (الحب)

انا مابقولج هذا لو ريّـال يا واتقدملها
أو هذا لو صدق يحبها بيي يآخذها
أو ع الأقل يقولها انا أباج بالحلال
خلينا من التيلفونات الحينـه وعطيني فتره أبني فيها عمريـه
وعقب بيي أتقدملج .. والدنيا بين ايديـه ..

لأنـه واضح أنه مثل هالنوعيـه ما ايي منها الخيـر

وهيه الله يهديهـا مايستوي تسوي بعمرها جيـه
لو وزعت حبها على اللي حولينها وربها قبل كل شي
صدقيني والله حالها مابيستوي جيـه
بتحب الشخص أوكيـه ماقلنا
لكن بتحبـه باعتدال
بحيث أنه لو سوّى فيها اللي سوّى
مابيهمها لدرجـه أنها تمرض عشانـه
ها حب (مرضي)

خليها تنشغل باشيا ثانيـه
شويالسـه تقولين خليها تدش الجات
مب زين والله

1) خليها تغيّر رقمها
2) عالمها ، يعني لو تعرف حد من البنات تقرب لها الولد لا ترمسهـا
3) تغيّر حجرتها مثلا تغيّر الأثاث وتآخذلها أشيا يديده ، وتعق كل شي جديم
4) تمسح صوره لو غصبن عنها والمسجات بعد لو تضاربينها ع هالشي عادي في مصلحتها تراه

تسوي أي شي أي شي
تسير تشتغل في مكان مثلا
تطلع تستانس
لمّي حولينها الناس والبنات

خليها تشغل وقتها ويا عيال خواتها مثلا
توديهم تلعبهم ..

انا ماعرف ظروف البنت
بس أقول اللي في خاطريـه

خليها قويـه ..
مابقى شي ع رمضان إن شاءالله بالحيـاه
الله يبلغنا إن شاءالله

انا مابرمس باسلوب التديّن لأنـه نعرف أنه هالشي حرام
وغلط .. حراااااااام حرااااااااام .. والله ولا واحد يستاهل استآثم ع شانـه
بس هيـه عدت هالمرحلـه خلاص مايستوي نرمس فالموضوع الحينـه
لو كانت من قبل 3 عدادي جان نفعت الرمسـه

وحياج ختيـه
وانا فالخدمـه

هيه ترى الحب اكبر خطا .. +_+
يمكن هي من 6 سنوات تحب هالشخص تخيلي !!
مع انه ما يسأل عنها ولا شي ومطنشنها لآخر درجه
هوو مرضي وبسس _- البنت وايد سوت فعمرها لهالشخص
وهو ما يستاهلها
هيه ان شاء الله بخليها تطبق هاي النصايح
الصور مادري كيف بمسحهم !_! بحاول ان شاء الله
لا ما قلت الجات ., انا قلت ابي اخليها تنسى الجات هذا
لانه روحه منكرر
.
احاول وياها اخليها تظهر بس هي خلاص تعودت تنعزل
وسالفة الصغاريه فكره حلوة بصراحه تقدر هي تاخذهم وتطلعهم
لانها تحب اليهال

امييييييين ..
هيه هي السالفه جديمة بس النتيجه الحين

مشكورة فديتج ع النصايح انا استفدت منها
لان بردج خليتيني افكر في كمن حل عشان اغير
حياتها وان شاء الله اقدر اسوي هالشي

واتمنى لو عندج شي وحابه تضيفينه تحدرين الموضوع
لاني ما حطيته الا وابا نصايحكن ^^

**قلبي عنيد** · 2011-06-06, 00:54

المشاركة الأصلية كتبت بواسطة مزيونة البلاد

سبحان الله ، والحمد لله ، ولا اله الاالله ، والله أكبر

مشكورة ع الرد

**قلبي عنيد** · 2011-06-06, 00:56

المشاركة الأصلية كتبت بواسطة 3thab A7mad

.
.

ســُوري حــَبُوبه ,, قــَبل لآ أقُول رآيي ..

كــِيف يــعني مِلتَزمــَه بــَس الصلآه !!

مــِلتــَزمـَه بـشُو بـألضَبط ؟!

يــعنِي مــآ تصــَلي !!؟

.
.

يعني تقرا القرءان والاذكار وتستغفر وااايد
وايد اشيا تسويها بس الصلاة مب ملتزمه فيها
او مرات تصلي وما تواضب ع الصلاة >> مب دوم

حياج الله

**منايرUAE** · 2011-06-06, 01:03

الله يهديهااا ويصلحهاااا

**ashash** · 2011-06-06, 01:05

الغالية قوليلها
كييييييف اتعااالج غلط بغلط ثاااني !!
و أهم شي الصلاة اللي مودرتنها و هاملتنها .. الصلاة تنهي عن الفحشاء و المنكر
و سعادتها و راحتها من القرب لله

و ربي يصلحها و يهديها و ينور دربها و تنسى

**قلبي عنيد** · 2011-06-06, 01:08

المشاركة الأصلية كتبت بواسطة اي فون

الله يهديها للطريج الصحيح دامها حاطه في بالها تبا تنساه بتنساه مع الوقت
تحاول تغير من شخصيتها تحااااول شوي تكون اجتماعيه
قولي لها تقعد مع ابوها وامها ولا اخوانها واهم شي تبتعد عن اي بنيه تكلم شاب عشان ماتتذكر ماضيها
هيه كبيره مب صغيره خل تحتك بخواتها وعيالهم
تقدر تشترك بأي نشاط يعني بدل مايكون عندها وقت فاضي تسد هالوقت ضروري
تقدر تدخل هالمنتدى تستفيد احسن من تفكر وتصيح
اهم شي تحطي جدول لصلاتها وتزيد من دعاء والتوبه ولاتنسى تقرا قران ع الاقل صفحه فاليوم
انتي عطيها افكار شجعيها ع دراستها ولا التغيير للاحسن
الله يوفقها

هيه ترى انا جي اقول بعد

وايد اشيا تقدر تسويها بس مادري شو اللي يخليها جي
ان شاء الله

انا بعد بحاول معاها وان شاء الله اغير فيها للاحسن
مشكوؤرة اختي ع النصايح الحلوة
وما تقصرين

الموضوع: سالفة ربيعتي .. :(

أدوات الموضوع

عرض

سالفة ربيعتي .. :(

المزيد من آخر المواضيع من نفس القسم:

المواضيع المتشابهه

سالفة ربيعتي واختها مع ولد عمهم

ربيعتي و سالفة الطلاق!!!!!

حلولي سالفة ربيعتي ..... بلييييييييييييز