مشكلة تربية مع بنتي

**dxb_lilly** · 2011-05-04, 11:25

من حطيت الموضوع لين اليوم انا طبقت كلامكم خواتي..

الصراخ في البيت انعدم ... الضرب وقفته ... و صرت اهتم في بنتي اكثر..
احضنها جدام كل الناس والله ان الموجودين حسيتهم ينغاضون و ينقهرون اتصدقون..

المصيبه ان انا كان ممكن اسوي مشكلة كبيرة مع ام سالم و السبب هو ان انا طلعت مع بنتي و سرنا نتمشى بعد موعد المستشفى.. هي اتصلت تبغي تتغدا وياي .. قلت ما مشكلة.. قعدت في المطعم و طلبت لبنتي و كل هذا و هي ساكته و تاكل بروحها و شاطرة و ما عصبتني او وترتني ابدا..
المهم يت ام سالم و اتغدينا انا و هي و الخدامه خدت بنتي اتلعبها و خلصنا تسوق و اتصلت حق الخدامة و رادين صوب السيارة ... هني صارت المشكلة بنتي ما رضت تقعد في الكرسي الخلفي للسيارة لان انا قلتلها ان الكراسي كان عليهم رمل من البحر و وصخات فخليتها تقعد قدام معاي.. و لان بدون ما ادري اخذت السيارة و استعجلت و نسيت اخلي الخدامة اتنظف الكراسي من الرمل لان كانوا طالعين رحله بحر اخوان زوجي بالسيارة..
المهم انا ما عصبت عليها و ام سالم طبعا تقعد جدام و طلبت من الخدامة لحظتها انها اتنظف الكراسي و اتقعد بنتي على حضنها.. و بنتي معانده و مو راضية تركب السيارة و تبغي قدام. قلت للخدامه امسكيها و دخليها في السيارة و امسكيها عدل و على اساس انها بتهدأ..
في الطريق البنت بعدها معانده و قاعده في الوسط بيني و بين ام سالم.. و ساكته.. ام سالم قعدت تستفزها و اتقول انتي بنت مب شاطرة و ما بخليج تلعبين مع سالم و من هذا الكلام .. انا رديت و قلت ان غايه شاطرة بس هي قرفانه من كراسي السيارة بس اذا صارت شاطرة و قعدت بعطيها الحلاوة اللي في شنطتي .. طلعت الحلاوة و البنت بعدها مصره انها تقعد في الوسط.. ام سالم عصبت و قالت انا بتصرف .. انا يالسه اسوق السيارة فما اقدر اسوي اي شي غير الكلام..
اول شي قعدت اتصارخ عليها .. و عقب دزتها للخلف و عقب ضربت ايدها و بنتي مصره و معانده ... و ضربت مره ثانيه و انا هني عصبت و قلت لام سالم ان بس خلاص خليها ... هي ساكته لو معانده شو تبين اسوي يعني.. 10 دقايق مرت و ام سالم اتقولي ان كيف حياتي صعبه مع بنتي و لو عيالها سووا جيه بتذبحهم من الضرب.. و انا شرحتلها ان انا الغلطانه و قرفتها من الكراسي الخلفيه و قلتلها ان كل شي بسببي و ان البنت من صبحت و هي ساكته و شاطرة و ما تعاند..
و صرت اتضارب وياها في السيارة لين ما اقنعتها ان كل هذا ما بينفع و ان الضرب ما يوصل انتيجه و هي بعد حامل شراتي و رفعت ضغطها على الفاضي.. فليش انتي اتسوين جيه.. وانا من يومها عرف ام سالم و كيف هي نفسيتها و عرف انها ما تستحمل اتشوفني ادلع بنتي.. فقررت اني اغيضها و اقهرها..

والله صار على هذا الموضوع 3 ايام و من يومها بنتي ما اشتكي منها و لا اصارخ عليها و اذا قالولي اي شي اطنش ولا اقول اني بتصرف وياها بعدين .. و اكلمها بالهداوة و الله ويهي رجع طبيعي و ضغطي هدا ..

الحمدلله وضعي مستقر للحين.. و صح اني للحين ساكنه مع هاي المجموعه اللي يضربون عيالهم مثل ام سالم و غيرها من اهل البيت.. بس انا قررت ان اعامل بنتي غير عل و عسى اتكون بنتي احسن منهم .. اتمنى والله.. ما ابغيها تتعقد يوم تكبر او ان يعايرونها يوم تكبر و اكون انا العمة الطيبة في البيت و ما عقد الأمور..

سامحوني بنات والله ان اكتب من حياتي اليومية عشان تعرفون معاناتي لان ما عندي حد اشكيلة غير رب العالمين و انتوا..

الرجاء الدعاء لي و لبنتي بالهداية و الرجاء محد يدعي على ام سالم لان كل حرمة لها اسلوبها الخاص و هي هذا اسلوبها .. و ادعولها بالهداية

حبيبتكم في الله
ليلي دبي

**دريمه** · 2011-05-04, 11:56

ليش تسمعين كلام ام سالم في وايد مواقف اشوفها مب حقانيه
ترضى على بنتج وماترضى هي على ولدها .. لازم اتحسسين بنتج انج الامان وانها تقدر تعتمد عليج اذا احتاجتج
الطفل العنيد وليد اب او ام يتكلمون بصوت عالي او بصراخ معاه
كل الاطفال يعاندون ومايسمعون الكلام ومب شرط كل مره نعاقبهم لانه بنقضي اليوم كله واحنا نعاقب
ولا تقولين لها انا مااحبج او اراح اكلمج قولي لها انا ماراح اكلمج عشر دقايق عشان اتعرف انج زعلانه بس ماراح تزعلين عليها وايد فتحس بالزعل والحب في نفس الوقت
ودائما استخدمي كرسي العقاب بدون ضرب وبدون صراخ ومع الوقت بتشوفين كبف بترضخ لج

**بـدو الخويـره** · 2011-05-05, 03:10

أختيه أنا بنتي عمرها 3سنين ونص و وصلت معاها لمرحلة الضرب بسبب عنادها مع أنها ذكيه ماشالله عليها بس تحب تعاندني لدرجة أنها يوم تزعل وتصيح تقولي ماريد أشوف ويه ماااماااه!! تخيلي!!!

**ام هزاع جنيبي** · 2011-05-05, 13:17

هلا حبيبتي شو اخبارج انا بعد عندي بنت عمره ثلاث سنوات ونصف وعيال جيران عدونين ويغرون منه وامهم ديمن تقولي بنتج وايد دلوعه وضربيه يوم تعندني انا حينن اضربه بس اندم بس لحين كل ماتعندني احضانه وبوسه وكلمها بهدو وتسمع رمس ترا طفل احينن يعند يوم يكوان مظلوم ويشقب عشان يلفة لنتباه فحولي تفهمين بنتج وتكونين عنده طفل مثلها ولا دخلين احد يترية ينتج

**أم غزلان** · 2011-05-05, 13:28

اليهال جيه ليش شاكه بعمرج

**dxb_lilly** · 2011-05-05, 14:12

المشاركة الأصلية كتبت بواسطة بـدو الخويـره

أختيه أنا بنتي عمرها 3سنين ونص و وصلت معاها لمرحلة الضرب بسبب عنادها مع أنها ذكيه ماشالله عليها بس تحب تعاندني لدرجة أنها يوم تزعل وتصيح تقولي ماريد أشوف ويه ماااماااه!! تخيلي!!!

فديتها ،، الله يخليها لج.. ما شاء الله شكلهم عيالنا اذكياء في هذا الجيل..
انا صارلي 4 ايام و اطبق اسلوب "لا للصراخ و الضرب" والله بنتي صارت تفهمني اكثر و يوم ما اكلمها تزعل.. مادري بس يمكن هذا الاسلوب هو الصح.. يوم بتكبر بنعرف.!!

المشاركة الأصلية كتبت بواسطة ام هزاع جنيبي

هلا حبيبتي شو اخبارج انا بعد عندي بنت عمره ثلاث سنوات ونصف وعيال جيران عدونين ويغرون منه وامهم ديمن تقولي بنتج وايد دلوعه وضربيه يوم تعندني انا حينن اضربه بس اندم بس لحين كل ماتعندني احضانه وبوسه وكلمها بهدو وتسمع رمس ترا طفل احينن يعند يوم يكوان مظلوم ويشقب عشان يلفة لنتباه فحولي تفهمين بنتج وتكونين عنده طفل مثلها ولا دخلين احد يترية ينتج

انا هذا اللي خلاني اوصل لهاي المرحله... ان اطبق تربيه الغير على بنتي.. ام سالم تضرب يعني انا اضرب بعد.. فلانه صرخت انا بعد اصرخ... كل اللي من حوالي اثروا فيني وايد.. انا شخصيا ما عرف في تربيه العيال بس من فترة اقتنعت ان محد غيري يعرف لبنتي و محد قلبه على بنتي غيري..
الله يهديلج اياها و يخليها لكم.. انا ما اتمنى حد يوصل للمرحله اللي وصلتها انا..

اختكم
ليلي دبي

**No0or Ednya** · 2011-05-05, 14:36

انا ماعندي خبرة في اليهال وايد .. وكأنت من النوع اللي يضرب ويغضض .. اونه تدلع .. بس وإيد كان يعور .. بس أذكر بنت خالتي .. يوم كانت قد بنتج .. كانت وجيه وألعن ودفشة دفاشة مب طبيعية .. وزادت الدفاشة من ياها أخو .. ونادر ماكانت تضربها .. أكثر شي نزيع وفنتين وتهديد ونقاش وحب وكلام بالهداوة .. وأذكر مرة خالتي كانت تبا تي عدنا (بيوتنا في حوي واحد) .. وكانت في التاسع .. وتبا تلبس بنتها وهي معاندة .. وتصارخ عليها جدام البشاكير وتضربها .. لبستها ثيابها غصب وسحبتها عدنا .. وكانت البنت ميته من الصياح .. هذا وهي مب مضروبه .. وكانت تصارخ بشكل فظيع .. وعطتها امها كف ما تبا غيرة .. انا ويهي عورني .. وكانت يدتي يالسه ونازعت خالتي على ها الأسلوب .. وفتنت خالتي علينا كلنا .. وقالت هاي تربيتي .. وتصدقين ان من يومها البنت ماشي أحسن عنها ... قمة في الأدب والأخلاق .فذيتها مهاري .. الحين عمرها 9 سنين .. وينضرب فيها المثل ..

يعني أنا ما أقولج أضربيها لا لا .. بس أنه سبحان الله كل ياهل غير .. مهاري الكف اللي ياها هو اللي عدلها عن اللي كانت فيه .. بس انتي .. فذيتها بنتج .. أكيد بتتغير .. بعدها طفله ..

**dxb_lilly** · 2011-05-05, 15:03

المشاركة الأصلية كتبت بواسطة No0or Ednya

انا ماعندي خبرة في اليهال وايد .. بس أذكر بنت خالتي .. يوم كانت قد بنتج .. كانت وجيه وألعن ودفشة دفاشة مب طبيعية .. وزادت الدفاشة من ياها أخو .. ونادر ماكانت تضربها .. أكثر شي نزيع وفنتين وتهديد ونقاش وحب وكلام بالهداوة .. وأذكر مرة خالتي كانت تبا تي عدنا (بيوتنا في حوي واحد) .. وكانت في التاسع .. وتبا تلبس بنتها وهي معاندة .. وتصارخ عليها جدام البشاكير وتضربها .. لبستها ثيابها غصب وسحبتها عدنا .. وكانت البنت ميته من الصياح .. هذا وهي مب مضروبه .. وكانت تصارخ بشكل فظيع .. وعطتها امها كف ما تبا غيرة .. انا ويهي عورني .. وكانت يدتي يالسه ونازعت خالتي على ها الأسلوب .. وفتنت خالتي علينا كلنا .. وقالت هاي تربيتي .. وتصدقين ان من يومها البنت ماشي أحسن عنها ... قمة في الأدب والأخلاق .. قديتها مهاري .. الحين عمرها 9 سنين .. وينضرب فيها المثل ..

والله كل وحده لها اسلوبها .. و انا يمكن كنت بصير مثل خالتج ...

**Little Steps** · 2011-05-05, 17:16

**بنت_دار_زايد** · 2011-05-05, 17:30

الغاليه شوفي الطفل لما يكون صغير لو دلعتيه وايد بيركب على راسج البنت لما كانت صغيره لازم تكوني معاها نص نص مب كله دلع....ولما كبرت البنت كانت متعوده ع الدلع لما كانت صغيره من جيه تعاند من كبرت
البنت لا تقسي عليها وايد ولا تدلعينها وايد ....ولو تميتي على اسلوبج ويا البنت شكلها لما تكبر بتكرهج لانها ماخذه منج موقف لما كانت صغيره....شوي شوي على بنتج ولو غلطت ايلسي وياها وفهميها ان هالشي غلط ودايما حسسيها انج تحبينها قوليلها احبج...وبوسيها لان الطفل محتاج لهالشي
والله يصبرج عليها

**عالية الغالية** · 2011-05-05, 20:42

خلي عنج ام سالم وعيالها

انتي خليج قريبه من بنتج لاعبيها وسولفي معاها وشاركيها اهتماماتها خليها تنسى ام سالم وعيالها

حتى لو تطلع لهم في اليوم مرة وحدة

**صرصوره** · 2011-05-06, 16:57

انا بنتي عمرها 4 سنين وعنيده من كانت صغيرره .. ما ادري شو اسوي فيها .. كلنا مثل حالتج ...

***وردة بيضاء*** · 2011-05-06, 20:22

بالعكس اختي بدل ما انج تضايجين من تصرفات بنتج المفروض انج تفرحين
لانها نا شاء الله عليها واااااايد ذكية (الله يحفظها)
و بعدين هي وايد ضغيرة و موضوع عنادها اختي ها هب عناد هذه هي طريقتها فتوصيل المعلومة لج و لا تنسين انها انسان و كل انسان له شخصيته المستقلة
يعني يوم بغيتي اتظهرينها غصب من بيت ام سالم هي رفضت و بغت اتوصل لج فكرتها يوم شافت انج غير متفهمة لطلبها (البقاء للعب فبيت ام سالم)
و بعدين حاولي انج ما تقارنين ابدا بين اي طفل و طفل ثاني لان لكل واد شخصية غير
و لو انا مكانج جان استانست من تصرفات بنتي لان هذا ان دل على شئ فانما يدل على استقلاليتها و قوة شخصيتها و الفروض تحترمين هالشي فيها
ويا ليت لو تخففين من زياراتج لام سالم لانها لو صدق قلبها عليج و على بنتج جان ما استانست يوم تضربينها (بنتج)
أو عالاقل جان تدخلت يوم شافتج ساحبتنها من ايدها فالحر و من غير نعال(؟؟؟؟؟؟؟؟؟؟؟؟)
((((((( كلكم راع وكلكم مسؤول عن رعيته )))))))
وبوسي لي هالبنوتة الحلوة والله يطرح لج فيها البركة و ان شاء الله تقومين بالسلامة

**أمورة** · 2011-05-06, 21:10

ختيه الله يهداج لا تخلين الناس اتأثر عليج في تربيتج لبنتج

انتي حامل و يوم حملتي بنتج شويه كبيره و تفهم

شكلها كانت مستانسه انها البيبي الوحيد و الدلع و الاهتمام كله لها

و تعرف انه في بيبي يديد ياي في الطريج ان شاء الله

بتصرفاتج هاي ما فكرتي انج يالسه تبنين غيره في قلب بنتج للبيبي؟؟

انتي تقولين انها تقول دادا و ماما و كلام بيبيات

تباج تهتمين فيها و ادلعينها شويه

و انتي تكلمينها و اتعاقبينها مثل الكبار

ماقولج انتي 100% غلط بس فيه اشياء غلط بتصرفاتج معاها

حلو انج ما تبين تتبعين اسلوب الضرب و تبين تتناقشين معاها و تكلمينها باسلوب.

بس اذا انتي بتنتهجين هالمنهج لازم اتثقفين نفسج اولا في هالجانب.

اقري كتب في تربية الطفل و السلوم و سيكلوجية الطفل الخ

الطفل مثل الزجاجه اذا انشرخت تترك اثر دائم. و احنا كامهات مسوولين عن عيالنا

هذا شي و الشي الثاني... لا تنحرجين منها جدام الناس و تبينين لها هالشي و اتصارخين عليها

اليهال ما ينسون هالمواقف و تاثر بشكل سلبي على شخصيتهم.

احتويها و حني عليها و حبيها و مثل ماقالت وحده من الخوات كوني صديقتها

باجر يوم بتربين بالسلامه ان شاء الله وقتج كله بيكون للبيبي اليديد و بنتج بتبتعد عنج اكثر و اكثر و بتكبر الفجره بينكم.

حرام ما تبين هالشي يصير

و بخصوص ام سالم....لا تخلينها اتاثر عليج بهالطريقه؟؟

كل طفل غير عن الثاني و حالة خاصه مافي طفلين يتشابهون حتى الاخوان

كل طفل له شخصيته و طبعه

كلامي شويه ملخبط بس ان شاء الله فهمتي عليه

**أمورة** · 2011-05-06, 22:09

المشاركة الأصلية كتبت بواسطة dxb_lilly

من حطيت الموضوع لين اليوم انا طبقت كلامكم خواتي..

الصراخ في البيت انعدم ... الضرب وقفته ... و صرت اهتم في بنتي اكثر..
احضنها جدام كل الناس والله ان الموجودين حسيتهم ينغاضون و ينقهرون اتصدقون..

المصيبه ان انا كان ممكن اسوي مشكلة كبيرة مع ام سالم و السبب هو ان انا طلعت مع بنتي و سرنا نتمشى بعد موعد المستشفى.. هي اتصلت تبغي تتغدا وياي .. قلت ما مشكلة.. قعدت في المطعم و طلبت لبنتي و كل هذا و هي ساكته و تاكل بروحها و شاطرة و ما عصبتني او وترتني ابدا..
المهم يت ام سالم و اتغدينا انا و هي و الخدامه خدت بنتي اتلعبها و خلصنا تسوق و اتصلت حق الخدامة و رادين صوب السيارة ... هني صارت المشكلة بنتي ما رضت تقعد في الكرسي الخلفي للسيارة لان انا قلتلها ان الكراسي كان عليهم رمل من البحر و وصخات فخليتها تقعد قدام معاي.. و لان بدون ما ادري اخذت السيارة و استعجلت و نسيت اخلي الخدامة اتنظف الكراسي من الرمل لان كانوا طالعين رحله بحر اخوان زوجي بالسيارة..
المهم انا ما عصبت عليها و ام سالم طبعا تقعد جدام و طلبت من الخدامة لحظتها انها اتنظف الكراسي و اتقعد بنتي على حضنها.. و بنتي معانده و مو راضية تركب السيارة و تبغي قدام. قلت للخدامه امسكيها و دخليها في السيارة و امسكيها عدل و على اساس انها بتهدأ..
في الطريق البنت بعدها معانده و قاعده في الوسط بيني و بين ام سالم.. و ساكته.. ام سالم قعدت تستفزها و اتقول انتي بنت مب شاطرة و ما بخليج تلعبين مع سالم و من هذا الكلام .. انا رديت و قلت ان غايه شاطرة بس هي قرفانه من كراسي السيارة بس اذا صارت شاطرة و قعدت بعطيها الحلاوة اللي في شنطتي .. طلعت الحلاوة و البنت بعدها مصره انها تقعد في الوسط.. ام سالم عصبت و قالت انا بتصرف .. انا يالسه اسوق السيارة فما اقدر اسوي اي شي غير الكلام..
اول شي قعدت اتصارخ عليها .. و عقب دزتها للخلف و عقب ضربت ايدها و بنتي مصره و معانده ... و ضربت مره ثانيه و انا هني عصبت و قلت لام سالم ان بس خلاص خليها ... هي ساكته لو معانده شو تبين اسوي يعني.. 10 دقايق مرت و ام سالم اتقولي ان كيف حياتي صعبه مع بنتي و لو عيالها سووا جيه بتذبحهم من الضرب.. و انا شرحتلها ان انا الغلطانه و قرفتها من الكراسي الخلفيه و قلتلها ان كل شي بسببي و ان البنت من صبحت و هي ساكته و شاطرة و ما تعاند..
و صرت اتضارب وياها في السيارة لين ما اقنعتها ان كل هذا ما بينفع و ان الضرب ما يوصل انتيجه و هي بعد حامل شراتي و رفعت ضغطها على الفاضي.. فليش انتي اتسوين جيه.. وانا من يومها عرف ام سالم و كيف هي نفسيتها و عرف انها ما تستحمل اتشوفني ادلع بنتي.. فقررت اني اغيضها و اقهرها..

والله صار على هذا الموضوع 3 ايام و من يومها بنتي ما اشتكي منها و لا اصارخ عليها و اذا قالولي اي شي اطنش ولا اقول اني بتصرف وياها بعدين .. و اكلمها بالهداوة و الله ويهي رجع طبيعي و ضغطي هدا ..

الحمدلله وضعي مستقر للحين.. و صح اني للحين ساكنه مع هاي المجموعه اللي يضربون عيالهم مثل ام سالم و غيرها من اهل البيت.. بس انا قررت ان اعامل بنتي غير عل و عسى اتكون بنتي احسن منهم .. اتمنى والله.. ما ابغيها تتعقد يوم تكبر او ان يعايرونها يوم تكبر و اكون انا العمة الطيبة في البيت و ما عقد الأمور..

سامحوني بنات والله ان اكتب من حياتي اليومية عشان تعرفون معاناتي لان ما عندي حد اشكيلة غير رب العالمين و انتوا..

الرجاء الدعاء لي و لبنتي بالهداية و الرجاء محد يدعي على ام سالم لان كل حرمة لها اسلوبها الخاص و هي هذا اسلوبها .. و ادعولها بالهداية

حبيبتكم في الله
ليلي دبي

توني اقرا ردج

و صح اللي سويتيه انج وقفتي في صف بنتج

انا ها رايي

الموضوع: مشكلة تربية مع بنتي

أدوات الموضوع

عرض

المواضيع المتشابهه

مشكلة بنتي ؟؟؟؟!!!!!!!

بنات اذا عندكم مشكلة بخصوص تربية الاطفال بحل لكم ان شالله

مشكلة بنتي

مشكلة بنتي ..؟؟؟؟

مشكلة بنتي!!!!