خفف همومي

[سراب الشارجه]

بـصـبـر عسى لـيـام اتــرد لي راح ... بصبر على هـجـرك وظلم الليالي

تــدري حبيبي كم في شـوفـك ارتاح ... وانت تـعــذبــنــي في كـل حالي

خفف همومي وارحم القلب يا صاح ... ما بـي سوى انـي اشـوفك اقبالي

انت حـيـاتــي لــو مليت قلبي اجراح ... اقـــول لك مـلـيــار غالي وغالي

تبي الـفـراق بعيش بـالـكـون سواح ... وش لي بـعـدكـم لا ولا شي هنالي

تـبـدي مـعـي ظالم وابدي لك اسماح ... في دنيتي اصبحت انت راس مالي

مـحـد سـكـن قلبي اسرح به اسراح ... مالك احـاسـيـسـي وساكن خيالي

لـو كان تـعـذيـبـي هـو عندك ارباح ... اربـح دمـوع العين واربـح اذلالي
------------------------
كتبتها سنة 2005

المزيد من آخر المواضيع من نفس القسم:

• الحكاية إنك أجمل من تفاصيل الحكاية
• مجموعة كتب لعميد الادب العربي : طه حسين
• سلسلة مؤلفات الروائية احلام مستغانمي
• لا يهمّ من لا يُذنب...
• أنا تراب...
• فالكاذب يكُنْ ما يريد ..!لعبدالحليم الطيطي
• هاتي جمالك...........لعبدالحليم الطيطي
• يممت الفؤاد
• الحُبّ ترينه إذا نزل...
• طريق طويلة جميلة،،لعبدالحليم الطيطي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[نبض الألم]

تـبـدي مـعـي ظالم وابدي لك اسماح ... في دنيتي اصبحت انت راس مالي
لـو كان تـعـذيـبـي هـو عندك ارباح ... اربـح دمـوع العين واربـح اذلالي

صح لسانج ياالغلا ....
كلماتج في قمة الروعة والجمال انتي شاعرة بكل ما تحمله الكلمة من معنى اختي سراب
ماشاالله عليج مبدعه

وماعليج زود ياالغلا ..

حبيت التسامح اللي ف قصيدتج واااايد
الله يعوضج خير يا نسل الأخيار

لا هنتي ولا هان غاليج اختي سراب


ألف شكر لج ياالغلا

ولاخلا ولا عدم منج يا رب

اختج ..

نبض الألم

[أسـوار]

مساء الخير الغالية ..
عيدج مبارك عزيزتي وعساج من عوادة ..

صح لسانج إختي سراب الشارجة ..
قصيدة جميلة .. فعلاً شاعرة بمعنى الكلمة
ما شاء عليج الغالية ..
شخصيا أنتظر دايماً أشعارج وقصايدج الرائعة

يعطيج ألف عافية .. والله لا يحرمنا من إبداعاتج حبيبتي
الله يحفظج غناتي

[هوم ميد]

رووووووعه

يسلموووو^^

[الثريــا]

ياسلاااااااااااااااام

شو هالابيات الغاااااااااويه
ثرج شاعره ونحن ماندري .. !! !!

صح لسانج وسلمت يمينج

ونحن بانتظار يديدج

[سراب الشارجه]

تـبـدي مـعـي ظالم وابدي لك اسماح ... في دنيتي اصبحت انت راس مالي
لـو كان تـعـذيـبـي هـو عندك ارباح ... اربـح دمـوع العين واربـح اذلالي

صح لسانج ياالغلا ....
كلماتج في قمة الروعة والجمال انتي شاعرة بكل ما تحمله الكلمة من معنى اختي سراب
ماشاالله عليج مبدعه

وماعليج زود ياالغلا ..

حبيت التسامح اللي ف قصيدتج واااايد
الله يعوضج خير يا نسل الأخيار

لا هنتي ولا هان غاليج اختي سراب


ألف شكر لج ياالغلا

ولاخلا ولا عدم منج يا رب

اختج ..

نبض الألم

هلا عزيزتي نبض صح بدنج والله لا هانج

الاروع والاجمل مرورج الغاليه التسامح شي صار يجري بدمي واسلوب مب قادره اغيره يقولون من شب على شي شاب عليه

والله يعطيج الصحه والعافيه ولا يحرمنا منج

[سراب الشارجه]

مساء الخير الغالية ..
عيدج مبارك عزيزتي وعساج من عوادة ..

صح لسانج إختي سراب الشارجة ..
قصيدة جميلة .. فعلاً شاعرة بمعنى الكلمة
ما شاء عليج الغالية ..
شخصيا أنتظر دايماً أشعارج وقصايدج الرائعة

يعطيج ألف عافية .. والله لا يحرمنا من إبداعاتج حبيبتي
الله يحفظج غناتي

هلا اسوار مساء النور والسرور

صح بدنج والف شكر لج على الكلام الجميل والمشجع ومرورج على صفحاتي شرف لي

دمتي بخير وعافيه

[سراب الشارجه]

رووووووعه

يسلموووو^^

هو ميد

الاروع مرورج العطر والله يسلم غاليج

[سراب الشارجه]

ياسلاااااااااااااااام

شو هالابيات الغاااااااااويه
ثرج شاعره ونحن ماندري .. !! !!

صح لسانج وسلمت يمينج

ونحن بانتظار يديدج

الثريا

صح بدنج الغاليه والله يسلمج

ومشكوووووره على مرورج الجميل