مشكلتي ويا خدامتي

**شمس الوادي** · 2011-02-10, 01:33

خواتي أنا عندي فلبينية من 3 شهر هي وايد زينة بس المشكلة فيني أنا أحس عمري من الملل وايد أقعد ارمس وياها وأحب أسمع سوالفها وهي بعد تحب تشتكيلي عن ريلها مثلا بصراحة أخاف بعدين أعطيها ويه وتنقلب شو أسوي مرات احس عمري ما عندي شخصية وأخاف هي بعد تستضعفني شو رايكم

المزيد من آخر المواضيع من نفس القسم:

**أم خالدومهرة** · 2011-02-10, 01:56

يشرفني اني اول وحدة ارد عليج

نصيحتي لج لا تقسين عليها تراها بتاذيج ولا تلينين معاها تراها ما بتحترم وجودج وبتصدق عمرها

لا تكن صلبا فتكسر ولا تكن لينا فتعصر

انا في البداية شدييت على خدامتي واايد والله كانت تحترمني وكانت لي هيبة وبعدين رخيت وياها شفت المدام قامت تستقوى علي وتبا تسافر غصبا عني وانا حاليا بين هذا وذاك يعني يوم تكون اوكي ارحمها ويوم تعاند اهزبها

وعشان ترتاحين من المشاكل خلج مستمعة جيدة مثل ما يقولون يعني اسمعيها وبس ولا ترمسينها عن حياتج او ريلج او هلج او مشاكلكم تراها بتستغل هالنقطة لصالحها صدقيني خلج دبلوماسية وارضي كل الا الاطراف

وعلى قولتج صار لها 3 شهور يعني توها فريش صبري عليها بس يا ما بتشوفين عيوب الله يعينج
انا خذت سنة ونص لين ما عرفت خدامتي على حقيقتها لاني اكتشفت انها ناكرة للجميل وما في شي يبين في عينها بس الحاية بنت **** حسبي الله ونعم الوكيل بس هااااااااااانت باقيلها شهور وتروح بلا رجعة

وواظبي على هالدعاء يوم بتشوفينها
(رب اني اسالك خيرها وخير ما جبلت عليه واعوذ بك من شرها وشر ما جبلت عليه)

وربي يسخرها لج ان شاء الله ويرزقني احسن من الخدامة اللي عندي

**شوشو_24** · 2011-02-10, 03:34

عادي اختي مافيها شي
انا بعد احب اسمع سوالف الخدامات هع
بس انتي لاتعطيها الخيط والمخيط ... عشان لاتستوي شخصيتج صفر جدامها
يعني رمسيها باسلوب جدي شوي ولاتبتسمين حقها
وحاولي يكون اسلوبج وسط بين الهادئ والشديد
ترا انا جي اعامل خدامتي والحين نفهم بعض انا وهي
وساعات تسوي الشي بدون ما أأمر عليها .... روتين شغلها وحفظته ...

**أحلى ملك** · 2011-02-10, 12:13

البنات ما قصرن

والله يعينج هاذول ما تعرفين لهم

يتمون زينين وبلحظة يقلبون

صدج ما في شي يبين في عينهم

الله يسخرها لج اختى

**حلوات الاهداب** · 2011-02-11, 01:41

اخاف خدامتي اللي كانت عندي راحت لج ...
لانه كانت عندي خدامه دوم تشتكي من ريلها عرس عليها وكل يوم هاي الرمسه لين ما روحت صدق أرفت
نصييييحه لا تعطينها وااايد سالفه عقب اذا غلطت ووجهتيها مستحيييييل ترضى وبتمد بووووز عليج وعادي تراددج عن تجربه

**شمس الوادي** · 2011-02-12, 01:39

المشاركة الأصلية كتبت بواسطة حلوات الاهداب

اخاف خدامتي اللي كانت عندي راحت لج ...
لانه كانت عندي خدامه دوم تشتكي من ريلها عرس عليها وكل يوم هاي الرمسه لين ما روحت صدق أرفت
نصييييحه لا تعطينها وااايد سالفه عقب اذا غلطت ووجهتيها مستحيييييل ترضى وبتمد بووووز عليج وعادي تراددج عن تجربه

ههههههه لا هاي فيرست تايم

**اخت بوحميد** · 2011-02-15, 21:48

صدق
انا مجربتنهن
والله ماينعطن ويه

**ام تووودي** · 2011-02-16, 11:44

اسمعي يا قلبي الخدامه ما تنعرف غير بعد 6 شهور ولا سنه ويوم جريب يخلص عقدها بتعرفينها عدل

ولازم تسوي عمرها مسكينه عسب تطمن لج,,,, انا دوم اقول (( المسكين سجين)) ،، نصيحتي لج لا تعطينها ويه

وااايد اذا بترمس خليها هي اللي ترمس وتفظفظ وخليج مستمعه بس واذا بترمسين ارمسي عن منطقتها وبلادها

ختعرف انج تعرفين كل شي عنهم ولا تظحكين وايد معاها ختعرف انها يايه تشتغل وبسسسسسس

اذا بتمين اتعاملينها جي بتركب راسج وبتمشي على حل شعرها وبتسوي اللي فراسها وما بتعطيج سالفه

انا ماقول سفليها لأ بس ختعرف انها يايه للشغل وبسسسس

ولا تنسين تهدينها كتاب الاذكار والقران و كتب عن الاسلام بلغتها عسب تفهم دينها وتقـــظي وقت فراغها في شي مفيد

مب في القرقه والكلام الزايد اللي ماله داعي والسموحه

اختج

ام تووودي

**لوليانو** · 2011-02-16, 13:14

ما ينعطن ويهه ..

ولا تقولين مسكينه ،، إحنـــــا المسااااااااااااااكين .

**ام رشوودي** · 2011-02-16, 13:16

المشاركة الأصلية كتبت بواسطة لوليانو

ما ينعطن ويهه ..

ولا تقولين مسكينه ،، إحنـــــا المسااااااااااااااكين .

صدقتي

الموضوع: مشكلتي ويا خدامتي

أدوات الموضوع

عرض

مشكلتي ويا خدامتي

المزيد من آخر المواضيع من نفس القسم:

المواضيع المتشابهه

مشكلتي ويا خدامتي الأخيره,,,,,,أبا حل إلها أرجوووكن خواتي؟؟؟؟

مشكلتي ويأ خدامتي وإلا أنا مكبره الموضوع

مشكلتي خدامتي

مشكلتي خدامتي واللوم؟؟

مشكلتي مع خدامتي اوزوجي؟؟؟؟