خطيبــــــي!!!

[شوقاني21]

السلام عليكم خواتي ..
انا عندي مشكله مع خطيبي انا مخطوبه من وانا كنت اول ثانوي والحينه عمري 21 يعني تقريبا من ست سنين وانا مخطوبه من ولد خالي واحس انه وااايد طول احسه ابد ما يتحرك من كم شهر قال انه يبا يملج خلال هالشهرين ومروا هالشهرين ولا سوا شي ومن شهر تقريبا مطرش اخته اونها اتقولي يبا يكلمج انا انا انصدمت يعني مو مالج عليه ويبا يكلمني كيف ؟؟؟ جان اقولها سوري انا مو حلاله عسب يكلمني قالت اونه عادي بس يبا يسلم عليج قلتلها حتى ولو انا مو حلاله جان تسكت عني وتقريبا من اسبوعين ردت اتقولي وقالت عادي اعطي رقمج حقه قلتلها لاء واذا سويتيها ما بكلمج جان تسكت عني بس من كم يوم ياني رقم غريب ورديت وطلع هو اونه قال اشحالج بنت عمتي انا حبيت بس اسلم عليج واطمن عليج وانا ساكته ما قلت شي ..كنت منصدمه جان يقول ما بطول عليج ومع السلامه وانا سكرت عنه حتى اني ما قدرت اقوله شي احس انه انربط لساني والحينه دوم يتصل بس انا ما ارد عليه ويطرش مسجات مره كاتب السلام عليكم بس انا انا مارديت عليه جان يكتب ردي عليه اباج ضروري بس بعد ما رديت عليه ولا طرشت له مسج .. بس لما اكلم اخته ما اتقولي عنه مادري اذا هي تعرف والا .. خواتي شو اسوي ابا اوقفه عن حده بس ما اعرف كيف اتصرف وخواتي ما يعرفون انا من النوع الكتوم ما احب اقول..
بغيت مساعدتكم بليز لا تبخلون عليه

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[دمعة غـلا]

الله يكوووووووون ف عوووونج


بس لو تكلمين حد كبير من العايله يكلمه عشان يستعيل بالملجه ...

ويمكن بنفس الوقت يختبرج ... وخلج ذكيه ... واحسن شي اتسوينه انج ماتردين عليه

[ام شهــد]

لا تردين علية و خلج في الصح و لا حتي مسجات ادا يحبج صدج يتقدم لج و خلي اختة تقولة ادا يباني حياة يتفضل و يخطبني و هدا راي

و الله يوفقج اختي

[شوقاني21]

ثانكس اختيه .. اصلا انا ما ارد عليه

[الامارات عشقي]

شوفي حبيبتي انا من رايي انج تردين عليه وتكلمينه بكل جديه
وتشوفينه شو يبا منج وليش متصل يمكن عنده سبب مب قادر يقوله لحد ويبا يوصله لج

وبعد ماتعرفين شو يبا قوليله انه انتوا بعدكم مخطوبين وهالشي غلط يصير من بينكم واذا مستعيل يبا يرمسج بالتلفون يكلم ابوج وتملجون وتصيرون حلال بعض

بس عطيه فرصه يمكن يبا يتفاهم معاج بشي .. واعتقد انه بيكون محترم معاج لانه ولد عمج وانتي شرفه ولا جان اهلج ماوافقوا عليه


هذا رايي حبيبتي ممكن يناسبج وممكن لا

والله يوفقج غناتي ^^

[فينيسياا]

لاتردين عليه يكفي هو مطول بالخطبة لازم يتحرك ويملج

[قلب بيبي]

وانا بعد وياج عشقي الامارات
انا من رايي ترمسينه بس مسجات هب اتصال
اذا ارسل لج مره ردي عليه السلام اول شي
واذا قال يبا يرمسج قوليله سوري ماراح ارمسك
اذا عندك شي ارسل لي مسج ولاخر مره
واذا انت مستعيل رمس اهلي يملجون وبس
وانا هب حلالك الحين واذا صرت حلالك راح ارد عليك
وراح ارمسك اي وقت

[الأحلام الملونة]

سؤال ليش كل هل المدة فترة خطوبة 00000
وين خالك من الموضوع وين أهلك عن طول هل المدة

أنا شايفة كل الموضوع غريب 0000 هل محددين موعد بعد أنتهاء دراستك مثلا 00000
المسئلة مش مسئلة مكالمة ولا مسج وكيف تتصرفي قادرة تغيري الرقم وتخلصي من السالفة

بس المسئلة الأهم والأكبر جدية موضوع الخطبة والي متي ؟؟؟؟؟؟؟؟

[مـــــريم]

شوفي حبيبتي انا من رايي انج تردين عليه وتكلمينه بكل جديه
وتشوفينه شو يبا منج وليش متصل يمكن عنده سبب مب قادر يقوله لحد ويبا يوصله لج

وبعد ماتعرفين شو يبا قوليله انه انتوا بعدكم مخطوبين وهالشي غلط يصير من بينكم واذا مستعيل يبا يرمسج بالتلفون يكلم ابوج وتملجون وتصيرون حلال بعض

بس عطيه فرصه يمكن يبا يتفاهم معاج بشي .. واعتقد انه بيكون محترم معاج لانه ولد عمج وانتي شرفه ولا جان اهلج ماوافقوا عليه


هذا رايي حبيبتي ممكن يناسبج وممكن لا

والله يوفقج غناتي ^^

وياها

[@الحلا كله@]

أنا من رأيي انج تظلي على موقفج ولا تردي عليه
أذا رايدج بيملج . واذا يريد يلعب خلج قويه
ولا يخدعج الشيطان وقولج رمسيه

[شوقاني21]

هم مو محددين العرس .. ولا حتى انهم ما ييبون طاريه ابد .. ما ادري عنهم حتى اهلي وايد باردين ما يقولون شي ..والله حيروني

[^ روح ^]

ردي عليه مهاما كان واحد من العايلة شوفي شو تحت راسه

[أم خلوفي..~]

لـآ آتردين علييه وآذآ يبآآج ضرووري عنده آخته يرووم يرمسهآ عسب آتخبرج

هب معقوؤوؤله فـ شي ضرووري ويتصل بج ..!!

جآن خبرتيه حد من آهلج آمج ولا آبوج عنه,,

لو يبآآج بيستعيل ع آلملجه هب بيطول آلخطبه

آلله يوفقج حيآتي ^^..~

[زهرة الشحوح]

الغاليه بالمختصر افتحي قلبج لامج او لاختج الكبيره واشرحي لهم وجهه نظرج

وبعدين هم الكبار بيكلمون خالتج وان شاء الله تصير الملجه عن قريب ونفرح فيج

لان ساعات الشاب يفهم الامور غلط ويقول شكلها ماتبيني ويصرف نظره عن الموضوع

[دلووعتهم]

فوووووووووووووووووووووق