سؤال دايما افكر فيه ؟؟ اتمنى اتفيدوني ؟؟ واشوف رايكن فيه

**ام صلحلح** · 2010-10-31, 12:02

هلا بنات

اشحالكن

بصراحه هالسؤال وايد افكر فيه؟؟؟؟؟ ما ادري هل اجابته دنيوية ولا اجرها فالاخرة بس بصراحه كل وحده ترد علي بمنظورها الشخصي؟؟؟؟

ليش دايما نطرح مواضيع وتجارب هل الوحده تكسب ريلها ؟ شو تلبس له وشو تحط له وكيف تسعده لدرجة انه بعض الخوات يكتبون قصص عن الخيانات بصراحه قصص والله تعور القلب وفوق هذا اغلب النصايح اكسبي زوجج ولا تخلين وحده ثانية تاخذه وخاصة ( اكيد عارفين الجنسيات المقصودة) ولا تخلين وحده غيرج تلعب عليه

مهما نتضايق منه ويزعلنا نرد نحن نراضيه ونعتذر ليش؟؟؟؟؟؟؟؟؟ ليش بس الحرمه هي محتاية لريلها؟؟ وهو شو مدى حاجته لها؟؟ تراها ماسكة البيت من الالف للياء
اغلب الحريم اذا مب كلهن مسؤولات عن كل شي البيت والمطبخ والخدم ومشاكلهم والعيال ومدارسهم ومشاكلهم وواجباتهم ومتابعه دروسهم ووضعهم فالمدرسة وحتى توصيلهم للمدرسة والله يعين اللي فوق هذا كله تشتغل ...... واخر شي اذا انفجرت قالولها والله بو فلان ما يستاهل سيري راضيه

اكيد هم بعد مضغوطين فامور شغل خارج البيت واكيد يسوي لمصلحت البيت لكن في النهاية اكيد عنده وقت لنفسه وربعه والحرمه لا ما تطلع الا بكيفه لو تحترق من الضيق والحبيب ما يباها تطلع ما بتطلع تريح نفسها؟؟؟؟؟؟

ليش يعني هل كلنا نفكر نصبر نبا الاجر فالاخرة؟؟؟؟؟؟؟؟؟؟ بصراحه ما اعتقد حزتها نفكر بهالنقطه الا قليل والله يهدينا يارب ويحتسب لنا الاجر

مادري انتن شراااااااااااااااايكن؟؟؟؟؟؟؟؟؟؟؟

اتمنى تكوووونون فهمتوا قصدي ؟؟؟؟

المزيد من آخر المواضيع من نفس القسم:

**رووحي حلوه** · 2010-10-31, 13:05

اللهم اعني على ذكرك وشكرك وحسن عبادتك

**فرح راكـ** · 2010-10-31, 13:42

بسم الله الرحمن الرحيم.

الحمد لله على ما أنعم و له الشكر على ما ألهم .

و أفضل الصلاة و أزكى التسليم على خير الخلائق أجمعين محمد و آله الطاهرين .

و اللعن الدائم المؤبد على أعدائهم أجمعين إلى قيام يوم الدين .

هل سمعت بالحديث الشريف عن الرسول الأكرم ( لو أمرت أحداً أن يسجد لأحد لأمرت المرأة أن تسجد لزوجها ) ؟ ما مدى صحة هذا الحديث ؟ و ما معناه ؟ و هل فيه تحقير و إهانة للمرأة ؟ .

**************************************

أولاً : أما الحديث فقد رواه الشيعة و السنة بصيغ متقاربة و حوادث متعددة , و هو حديث صحيح عند الشيعة و السنة .

ثانياً : لا يجوز السجود إلا لله تعالى , و ليس في الحديث أمر أو تجويز بأن تسجد المرأة لزوجها .

ثالثاً : الحديث يدل على عظم حق الزوج على زوجته و على لزوم طاعته .
رابعاً : ليس في الحديث أي توهين أو تحقير للمرأة , فما يتصوره بعض الناس من كون هذا الحديث منافياً لتكريم المرأة يناظر ما قاله إبليس { قَالَ أَنَا خَيْرٌ مِّنْهُ خَلَقْتَنِي مِن نَّارٍ وَخَلَقْتَهُ مِن طِينٍ } سورة ص – 76 . فإبليس رأى أن سجوده لآدم توهين و تحقير له فرفض ذلك , و كذلك بعض الناس رأى أن في هذا الحديث توهين و تحقير للمرأة فسارع إلى الطعن فيه مع أنه صحيح السند بل لو نظرنا إلى جميع مصادر المسلمين فهو متواتر .

خامساً : يدل هذا الحديث الصحيح على أن الله تعالى أعطى الرسول الأكرم – صلى الله عليه و آله – حق التشريع من عنده , و ذلك أن صيغة الحديث تدل على أن الرسول له حق أن يأمر هو لكنه لم يأمر أحداً بالسجود لبشر .

**Perfetto** · 2010-10-31, 14:18

بالنسبه لي أقدر أناقشج بس بنقطة ( كل حرمه تحتاي ريل ) .!

للأسف صرنا نتأثر من الغرب واايد .. حتى أفكارنا تغيرت ..
إسلامنا جيه يقول .. الريال واجب عليه يلبي كل طلبات المرأه وهي تسوي واجبها !
عسب جيه هي تحتاي الريال ..
أنا بقول شيء واحد .. ربيعتي ماعندها إخوان .. فتخيلي مره جدامنا صاحت .. قالت ياريت يكون عندنا سند وعزوه
نحصله دووم يوقف ويانا يوم أبوي يكون محد .. تقول أمي كم بتتحمل .!
المرأه بطبيعتها كان ضعيف .. ماتقدر تسوي كل شيء بروحها ..
شيء حريم الحينه ( صارت جدامي ) .. تقول بربي ولد بروحي عقب ما أتطلق ..
واتطلقت .... شوفي حياتها .. تشتغل وتسوق وتطلع وياربيعاتها ..
ووووو .. بس الحينه تقول ناقصني السند .. ناقصني إلي أسند ظهري عليه !

مب معنى كلامي إنه الوحده تكون ضعيفه .. لا طبعا .. الشخصيه القويه لازم تكون موجوده ..
لكن في الحق .. ! .. مب بشيء أصلا مايناسبها ..

بالنسبة لي أنا .. يوم بخلص الحينه دراستي في الكلية إن شاء الله .. مابشتغل ! وعن قناعه أقول هالرمسه
يا النصيب .. كله من الله خير .. بكمل دراستي العليا .. لين ما أوصل للدكتوراه ..
ولله الحمد عندي السند .. الله يحفظهم لي .. وإلي بتقولي الزمن ماله أمان .. بقولج هيه نعم وشهادتي سلاح ..
بس الله ماينسى عباده .. ^^ .. ونعم بالله ..
طموحه هيه .. ودراستي ولله الحمد توب التوب .. هيه .. بس في هالشيء .. الله فرضه على غيرنا ( الرياييل ) ..
وإن شاء الله ماايي اليوم إلي أحتاي فيه إني أشتغل .. ^^ ..

*** ام خماس *** · 2010-10-31, 14:27

حبيبتي مثل ماا للزوج حقوقه فللزوجة حقوقهااا والواجباات يتشااركون فيهااا ^^

كن لكل انساان طااقه وحدود للصبر 00وهالطااقه تختلف بين حرمة والثانيه

تشوفين حريم صبرن سنين وبالاخير يتشكن ليش ؟!!!!

لان طااقتهن خلصت وللصبر حدود حبوبه 0

صبراا جميلااا واله المستعاان00للصبر اجره من رب العالمين

وياابخت من صبرت ونااالت ^_*

**سوارة** · 2010-10-31, 14:30

شوفي الاسلام موفي الاثنين حقوق متساويه بس نحن خصوصا اهل الامارات ننسى حقوقنا ونعظم حقوق الرجل

**زوجي غلا روحي** · 2010-10-31, 15:20

الصراحه انا وياج اختي يعني الحرمه تصبر ع خيانات زوجها وع طلعاته ودخلته
وهي كلها محبوسه ومايعطيها حقوقها
ع شو تصبر انا اقول ياقو الحرمه الي تصبر صراحه اتعجب واقول كيف كل هالقوه فيها انها تصبر
وها شي زيــــــــــــــــــــــــــــــــــــــــــــــــ ـــــــــــــــــــن انها صبرت
وتتغضى عن اغلط ريلها وكل حرمه وشخصيتها في حريم من كلمه تتطلق وماتتحمل وفي حريم
ياسوي فيها الي مايتسوى وتصبر
وحسب كل حرمه

اما عني انا ومن وجهة نظري مافيني قوه ابــــــــــــــــــــــــــــــــــــــــــــــــ ـــــــــدن
يعني لو لا سمح الله ريلي خاني او كان اناني وبس هو الي يستانس وانا لا
مستــــــــــــــــــــــــــــــــــحيل ايلس دقيقه عنده لان هالشي صعب عليا
وريلي يعرف انه ان خاني مالي يلسه عنده وترى انا قويه انه اتركه يعني مابموت لو تركنا بعض حياتي
به وبلياه عايشتها عايشتها وضعيفه ماتحمل اعيش وهو مع وحده ثانيه
حتى لو ربي رزقني عيال ان شاء الله ولو لاسمح الله خاني او اتزوج عليا هم بتركه وبتخلا عنه بكل سهوله
لان الي يخون مره يخون عشر
وفكره زوجه ماتقبلها لو ع جثتي
الا بحاله وحده ان مايبت له عيال يسير يعرس وهم بتركه لان مابي اعيش بقهر
والانسان ايه الواقع الحياة كله مأسي حتى لو عشتي بكيفج
بس افضل اعيش بروحي ويكون همي بروحي افضل ماعيش همي واشوفه جدام عيني وانحرق اكثر

والله يصبر كل وحده ريلها خانها او عرس عليها
وقلبي وياها لانه هـــــــــــــــــــــــــــــم يقتل
وعسى ربي يخلي لنا ازوجنا ويبعد عنهم الحرام

**][الزعيمهـ][** · 2010-10-31, 15:32

أنا الصراحة مع Perfetto وأنا نفس ربيعتها ما عندي سند غير الوالد الله يحفظه ويطول في عمره لان أخواني كلهم واااايد صغار فأحس أني ناقصني أخو يكون أكبر عني بس الحمدلله ع الاقل أنا احسن عن غير عندي أخ أن شاءالله يوم بيكبر بيكون سندي..
وأنا مع أنه الحرمه تحتاج للريال بحيث أنه يكون سند لها

**أحلى زهرة** · 2010-10-31, 15:37

الريال جزء من حياة الحرمه ليس كل اهتماماتها وكل انسان له حدود وطاقه..

**حمامة نودي** · 2010-10-31, 16:03

المشاركة الأصلية كتبت بواسطة Perfetto

بالنسبه لي أقدر أناقشج بس بنقطة ( كل حرمه تحتاي ريل ) .!

للأسف صرنا نتأثر من الغرب واايد .. حتى أفكارنا تغيرت ..
إسلامنا جيه يقول .. الريال واجب عليه يلبي كل طلبات المرأه وهي تسوي واجبها !
عسب جيه هي تحتاي الريال ..
أنا بقول شيء واحد .. ربيعتي ماعندها إخوان .. فتخيلي مره جدامنا صاحت .. قالت ياريت يكون عندنا سند وعزوه
نحصله دووم يوقف ويانا يوم أبوي يكون محد .. تقول أمي كم بتتحمل .!
المرأه بطبيعتها كان ضعيف .. ماتقدر تسوي كل شيء بروحها ..
شيء حريم الحينه ( صارت جدامي ) .. تقول بربي ولد بروحي عقب ما أتطلق ..
واتطلقت .... شوفي حياتها .. تشتغل وتسوق وتطلع وياربيعاتها ..
ووووو .. بس الحينه تقول ناقصني السند .. ناقصني إلي أسند ظهري عليه !

مب معنى كلامي إنه الوحده تكون ضعيفه .. لا طبعا .. الشخصيه القويه لازم تكون موجوده ..
لكن في الحق .. ! .. مب بشيء أصلا مايناسبها ..

بالنسبة لي أنا .. يوم بخلص الحينه دراستي في الكلية إن شاء الله .. مابشتغل ! وعن قناعه أقول هالرمسه
يا النصيب .. كله من الله خير .. بكمل دراستي العليا .. لين ما أوصل للدكتوراه ..
ولله الحمد عندي السند .. الله يحفظهم لي .. وإلي بتقولي الزمن ماله أمان .. بقولج هيه نعم وشهادتي سلاح ..
بس الله ماينسى عباده .. ^^ .. ونعم بالله ..
طموحه هيه .. ودراستي ولله الحمد توب التوب .. هيه .. بس في هالشيء .. الله فرضه على غيرنا ( الرياييل ) ..
وإن شاء الله ماايي اليوم إلي أحتاي فيه إني أشتغل .. ^^ ..

انا معاج في كل حرف قلتيه....

**мιѕѕ gυ¢¢ι** · 2010-10-31, 16:28

تصدقون انا واااااااااايد افكر بهالطريقه..
ليش دوم ع الحرمه وهي لازم تقوم بكل دورها وواجباتها والريل محد يقدر يقوله شي..
يعني الحين هي شاله البيت شل ومب مخليتنه محتاي اي شي .. كل شي يباه موجود.. ولا تزعجه بالمشاكل والطلبات.. وتداري عليه وتبتسم له لو تعبانه من هاليوم الطويل..
بس هو نش من الرقاد وتريق وسار الدوام.. رد يتغدا اما رقد او سبح ورد طلع لين نص الليل..
يعني وين حقوق الزوجه هنيه.. ويوم مره رمست فيها قالوا لي والله هو مشغول ....ألخ يعني الحين الشغل صار اهم من حرمته؟؟ مع ان ما انبينا شي ودوم يدخل مستانس بس مووووووول ما يفكر اني محتايه شي او ابغي اطلع وياه مكان.. كله معزوم عند ربعه وفي هالدوام اللي ما ادري متى بنخلص منه..

انا مليت .. مع اننا ما كملنا السنه.. بس والله ما اقدر اتذكر اي شي حلو سويناه ويا بعض.. طلعاتنا نادره مع اني من النوع الخفيف.. يعني اخلص واجهز بسرعه يوم يقول لي عندج 5 دقايق وهو يرتاح يوم يشوفني جيه.. بس يعد هي مره وحده من 3 شهور.. ومن عقب هاذيج الطلعه ما شفت منه شي..

في خاطري اطلع وياه انسير نتشرى حق البيبي.. ونسولف ولو شوي.. دومه تعبان ومتضايق من الدوام.. دوم له جدول مليان شغل وربع وحواطه بس ما شي مكان لحرمته في هالقائمه.. يعني لين متى الحرمه لازم تصبر؟

نحن ما نقول ان الحرمه تقدر تعيش من دون ريال.. والعكس صحيح.. حتى الريال ما يقدر يعيش من دون حرمه..
بس بعد ليش دايما على الحرمه الصبر واليلسه طول اليوم والاسبوع والشهر والشهرين في البيت من دوم ما تلقى اي اهتمام .. والكل يقولها اصبري.. ليش لازم تصبر ولين متى؟

مليت من المواضيع اللي كلها عن كيف تتعامل الحرمه مع ريلها وتكسبه .. وكيف تدلعه وتهتم فيه.. وكيف تحاول ترضيه.. وكيف تداري عليه وتكون الحنان.. وكيف وكيف..؟؟؟؟؟ الخ الخ الخ
بس ما قد سمعت موضوع عن كييييييييف يتعامل الريال مع حرمته وكيف يدلعها ويهتم فيها ويداري عليها ويرضيها..!!!
وااااااايد برامج شفتها في التلفزيون عن هالموضوع وان طلبات الحرمه كثيره وما يرضيها اي شي ووووو و ووو وووو .. هذا كان على برنامج الحياه لعبه على نور دبي .. واااايد انقهرت مع ان كلامه فيه نوع من الصحه بس وااااااايد كان متهجم على المرأه وان الريال اللي يتعب ويشتغل علشان يعيشها وعيالها وهي دايمه الطلب..الخ .. يعني حسيت انهم خلاص حاكمين على المرأه انها جيه.. يعني ما اقول موووول مافي حريم من هالنوع بس الحريم يا كثرهن اللي يهتمن بالبيت والريل ولا يزعجن الريال ويكدرن خاطره ومش من النوع اللي يحن عليه بالطلبات...الخ
بس ليش هالنظره السلبيه تجاه المراه فيما يخص العلاقه الزوجيه.. ووين دور الرجل في انماء هذه العلاقه والحفاظ عليها.

انا ابصراحه هالموضوع وااايد حساس واشوف انه يدل على قله اهتمام الرياييل بحقوق الزوجه او مجرد انهم يسألون شو لنا وشو علينا .. بس يعرسون وخلاص.. ويعيشون حياتهم على كيفهم من دون ما يقدرون التضحيات اللي تقدمها المرأه علشان الريال..

**ساره111** · 2010-10-31, 17:03

اللهم اعني على ذكرك وشكرك وحسن عبادتك

**اناناسة** · 2010-10-31, 17:05

شوفي حبيبتي تكلمنا لين ما قلنا بس و البنات ما بيتغيرن

نزلت موضوع و خلوني اغلقه لان مب الكل فهم المقصود

الكل يبغي يراضي الرجل على حساب نفسها و الكل يقولون اصبري على مصيبتج

و ينسون الحرام حرام للجنسين و مب فقط المراة

كل موضوع زوجه تحط عن خيانات غير شرعيه و جنسيه لزوجها 99% يقولون لها اصبري و احتسبي ان الحريم اللي يخونونهن رياييلهن يطلقن ما بيتبقى متزوجه

و لكن امسات وحده حطت موضوع الريال جك حرمته على التلفون مع واحد

و اغلب البنات شرشحوها بمشرحه و قطعوها و قالوا الحل الوحيد طلاق!!!

انزين لما الحرمه اللي ريلها يخونها مع حريم ينصحونها تصبر عشان عيالها

و عشان تحصل اجر اللي تخون ريلها ما عندها عيال؟؟ و ما تستاهل الريال يصبر عليها

طبعا ان هي تابت ...؟؟ و يحصل اجر التسامح ؟؟؟؟

او للرجل حلال و المراة حرام ؟؟؟

الحرام للاثنين و الله ما يشوف جنس الانسان

و الغلط غلط

و الزنيه عقابه رجم حتى الموت للمحصنيين و المحصنات

دام الحريم عقلياتهم جي .. الرجال بيتشجعون و بيخونون

انقهر لما يقولون بنات الحرام يلحقون رياييلنا

البنات ما بيلحقون واحد ما يعطيهم ويه ...

كيف يقولون اصبري و اسكتي و لا تبينين له انج اكتشفتيه؟؟

كيف هالزوجه تقدر تشاركه بسريره و هي تعرف

هو قايم بعلاقه مع غيرها؟؟

كيف هي تقدر تتحمل و قلبها ناااااااااااااااااار؟؟

هل الرجل ان عرف زوجته قايمه على علاقه غير شرعيه

اقصد نامت مع رجل

بيتحملها؟؟

بيصبر و بيدعي الله يهديها و بيتحمل جسدها الزاني؟؟؟

طبعا ما بيصبر و غيرها كثيرات

هل بيفكر بالعيال؟ لا والله ما بيفكر بس بيفكر بكرامته

لا غير

كان المراة مالها كرامه و جسد بلا روح و لا قلب ..

الله المستعان

الله يحفظ شبابنا و بناتنا من كل شر

**Perfetto** · 2010-10-31, 19:49

المشاركة الأصلية كتبت بواسطة اناناسة

[CENTER][SIZE=5][COLOR=red]

و لكن امسات وحده حطت موضوع الريال جك حرمته على التلفون مع واحد

و اغلب البنات شرشحوها بمشرحه و قطعوها و قالوا الحل الوحيد طلاق!!!

الله يحفظ شبابنا و بناتنا من كل شر

أقدر أناقشج في شيء؟؟ .. واعتبريني وحده هب فاهمه ولا شيء في الحياه الزوجيه .! وهذا الواقع .. ^^ .. بعدني teenager ..^^
بس أنا بتكلم من رؤيتي لللي حاصل الحينه ..

الكل يقول .. ليش الحرمه يوم تخون جنها حكمت على نفسها بالإعدام .. والريال بنقول حق حرمته اصبري !
بقولج يالغلا .. هالشيء ياي من قاعدة شرعية عندنا .. إنه الشرع محلل للريال أربع !
وهني السؤال .. ليش الحرمه لا ؟؟ ..
الحرمه كائن ضعيف .. مب يعني ماتقدر تسوي شيء .. لا .. يعني عواطفها ماتقدر تفصلها عن حياتها ..
مخلوق بهالمواصفات تتوقعين إنه ممكن يخلص لجهتين !! ..
أكيد لا .. وبعدين من زمن الجاهليه .. البنيه تحمل شرف أهلها .. وهاي نقطه إيجابيه .. الحينه يوم البنيه تعرس وتكون توب ..
شو بيقولون؟؟ .. أهلها عرفوا يربون .. لكن الريال لو سوا حركات الغباء بيقولون طيش شباب !!

انيي للخيانه .. أنا عن نفسي أشوف إنه سبب الخيانه كله يأتي من الريال .. شيء بنات ماعندهن إيمان ويغون الرياييل .. مااختلفنا ..
لكن الريال إلي يتبع وحده بالحرام .. وين مريلته سارت ؟؟ ..
لكن أيضا المجمتع له سبب .. إلي يخلي الوحده تتحمل خيانة ريلها ولا إنه يعرس عليها ..
ولا إنها على طول تطلب الطلاق عقب مايعرس عليها ..!! .. صح شيء صعب .. بس يظل شرع ..
يعني لو الريال كان ملتزم كل الالتزام وعرس بسبب مقنع .. هني المفروض نلومه عشان فكر بهالطريقه ! .. والله لا يحط حد في هالموقف ..
ومجتمعنا أيضا إلي مايرحم الوحده إلي ريلها عرس عليها .. ويعني ؟؟ كانت فاسده وغير صالحه مثلا !
عشان جيه هو بغى غيرها .. تفكير اللهم ياكافي ..
كل هالأمور أدت لشيء اسمه خيانه .. الغرب جيه عندهم .. لأنه التعدد عندهم محرم .. وبدل التعدد صار خيانه وزنا ووو .. !

وإلي تخون ريلها .. بسبب إنها يخونها .. فاسمحيلي هاي أساءت لبنات جنسها .. ولأهلها !
الجنس الأنثوي .. يتميز بالحب الصادق الكبير .. والإخلاص وأيضا الصبر .. وأهم شيء كيد الحريم في الخير !
ما أصدق إنه شيء حرمه ما تروم تخلي ريال يتعدل .. هالشيء ميزه فينا سبحان الله .. عندنا قدرة عجيبة للتكيف مع أي موقف أكثر من الريال !
ومن هني يت رمسة العضوات .. ( اصبري واحتسبي الأجر ) .. هب من فراغ هالرمسه .. صح الموقف صعب .. بس حلاة الحياه بصعوبتها .. وبتحس بمتعه كبيره وهي تحاول تغير في ريلها للأحسن !
لكن الحينه إلي حاصل .. تحاول تغير في ريلها إنها تبعده عن هله .. وتخليه يتخلى عن عاداته عشانها !

بالنسبة لي لو الزواج ماكان سبب في دخول الحرمه للجنه .. كنت بحلف إني مابعرس !!
لكن هالشيء دافع كبير إنه الوحده تصبر لو 100 سنه .. حد مايبا جنة عرضها السموات والأرض !
ماقلنا تسكت وبس .. لا مع الصبر تشوف لها حلول .. كل وحده تعرف طبيعة الريال إلي عايشه معاه وتحاول من هالمنطلق تجذبه لها .. ^^
ليش دايما الانسحاب أول حل نتخذه .. هالأمور تتطلب عزيمه قويه .. وهني يبان معدن الحريم ^^
وأسأل الله إني أكون صاحبة عزيمه في كل أمور حياتي ..^^

لج

**اناناسة** · 2010-11-01, 09:43

المشاركة الأصلية كتبت بواسطة Perfetto

أقدر أناقشج في شيء؟؟ .. واعتبريني وحده هب فاهمه ولا شيء في الحياه الزوجيه .! وهذا الواقع .. ^^ .. بعدني teenager ..^^
بس أنا بتكلم من رؤيتي لللي حاصل الحينه ..

الكل يقول .. ليش الحرمه يوم تخون جنها حكمت على نفسها بالإعدام .. والريال بنقول حق حرمته اصبري !
بقولج يالغلا .. هالشيء ياي من قاعدة شرعية عندنا .. إنه الشرع محلل للريال أربع !
وهني السؤال .. ليش الحرمه لا ؟؟ ..
الحرمه كائن ضعيف .. مب يعني ماتقدر تسوي شيء .. لا .. يعني عواطفها ماتقدر تفصلها عن حياتها ..
مخلوق بهالمواصفات تتوقعين إنه ممكن يخلص لجهتين !! ..
أكيد لا .. وبعدين من زمن الجاهليه .. البنيه تحمل شرف أهلها .. وهاي نقطه إيجابيه .. الحينه يوم البنيه تعرس وتكون توب ..
شو بيقولون؟؟ .. أهلها عرفوا يربون .. لكن الريال لو سوا حركات الغباء بيقولون طيش شباب !!

انيي للخيانه .. أنا عن نفسي أشوف إنه سبب الخيانه كله يأتي من الريال .. شيء بنات ماعندهن إيمان ويغون الرياييل .. مااختلفنا ..
لكن الريال إلي يتبع وحده بالحرام .. وين مريلته سارت ؟؟ ..
لكن أيضا المجمتع له سبب .. إلي يخلي الوحده تتحمل خيانة ريلها ولا إنه يعرس عليها ..
ولا إنها على طول تطلب الطلاق عقب مايعرس عليها ..!! .. صح شيء صعب .. بس يظل شرع ..
يعني لو الريال كان ملتزم كل الالتزام وعرس بسبب مقنع .. هني المفروض نلومه عشان فكر بهالطريقه ! .. والله لا يحط حد في هالموقف ..
ومجتمعنا أيضا إلي مايرحم الوحده إلي ريلها عرس عليها .. ويعني ؟؟ كانت فاسده وغير صالحه مثلا !
عشان جيه هو بغى غيرها .. تفكير اللهم ياكافي ..
كل هالأمور أدت لشيء اسمه خيانه .. الغرب جيه عندهم .. لأنه التعدد عندهم محرم .. وبدل التعدد صار خيانه وزنا ووو .. !

وإلي تخون ريلها .. بسبب إنها يخونها .. فاسمحيلي هاي أساءت لبنات جنسها .. ولأهلها !
الجنس الأنثوي .. يتميز بالحب الصادق الكبير .. والإخلاص وأيضا الصبر .. وأهم شيء كيد الحريم في الخير !
ما أصدق إنه شيء حرمه ما تروم تخلي ريال يتعدل .. هالشيء ميزه فينا سبحان الله .. عندنا قدرة عجيبة للتكيف مع أي موقف أكثر من الريال !
ومن هني يت رمسة العضوات .. ( اصبري واحتسبي الأجر ) .. هب من فراغ هالرمسه .. صح الموقف صعب .. بس حلاة الحياه بصعوبتها .. وبتحس بمتعه كبيره وهي تحاول تغير في ريلها للأحسن !
لكن الحينه إلي حاصل .. تحاول تغير في ريلها إنها تبعده عن هله .. وتخليه يتخلى عن عاداته عشانها !

بالنسبة لي لو الزواج ماكان سبب في دخول الحرمه للجنه .. كنت بحلف إني مابعرس !!
لكن هالشيء دافع كبير إنه الوحده تصبر لو 100 سنه .. حد مايبا جنة عرضها السموات والأرض !
ماقلنا تسكت وبس .. لا مع الصبر تشوف لها حلول .. كل وحده تعرف طبيعة الريال إلي عايشه معاه وتحاول من هالمنطلق تجذبه لها .. ^^
ليش دايما الانسحاب أول حل نتخذه .. هالأمور تتطلب عزيمه قويه .. وهني يبان معدن الحريم ^^
وأسأل الله إني أكون صاحبة عزيمه في كل أمور حياتي ..^^

لج

عزيزتي اول شئ السموحه منج و لكن اتخيلج اكبر من teenager او ان تفكيرج اكبر :ماشاءالله عليج

و لا حظت
بدايه كلامج عزيزتي غير عن نهايته .. لان النهايه وصلتي لنفس تعليق اختنا كاتبه الموضوع

لماذا الانسحاب اول شئ؟؟؟

الانسحاب معناته المراة تسكت و ما تقول شئ هذا يسمونه انسحاب لما الرجل يخون و المراة تكشفه ..الانسحاب مب معناته هي تصبر و تدعي او انها تتطلق بعيد الشر..
بل انها تسكت ...و الشئ الثاني غاليتي نحن تكلمنا بموضوع خيانه الرجل و ليس التعدد

بالنسبه لرايج بنمشي خطوة خطوة سطر سطر حتى ما نلخبط الامور ..

اول شئ بالنسبه ليش نقطع الحريم لما يخونون بعيد الشر

و الرجل نمشي و نطنش خيانته و نقول او تقولين الشرع محلل 4 ..

نعم و امر و شرع الله على العين و الراس و لكن قلنا الشرع محلل 4

بالحلال و ليس حرام..

و نقول للمراة ما يجوز التعدد اعتقد : لانها ما تقدر تتزوج باكثر من

واحد لان النسل بيتخربط و بيصير

ميكس ان ماتش ! يعني ما بيبين النطفه من اي رجل و لذلك الطفل

بيكون من دون نسب و لا اسم عائله ..و هالشئ مب مقبول حتى

بالبوذيه فما بالك بالاسلام

و هني الفرق الغاليه .. و في حاله الخيانه المراة و الرجل عقابهم

واحد عند الله = رجم حتى الموت ..

الله محلل الزواج ب 4 و ليس اقامه علاقات غير

شرعيه مع 4 ..

الجزء الثاني ان المراة كائن ضعيف المراة عمرها ما كانت ضعيفه و لا

كائن ضعيف و بزمن الجاهليه البنت كانت شرف العائله و ايضا البنت

كانت عار لهم لدرجه كانوا يدفنونها و هي حيه !!! يعني ما

نأخذ اي شئ من زمن الجاهليه لانهم كانوا جهلاء جان ما سموهم

الجاهليه!!!

من قال المراة ما تقدر تحب اكثر عن شخص؟؟؟و لذلك تصبر على خيانات زوجها ؟؟

مثال: تتزوج تحب زوجها

تتطلق و تحب زوجها الثاني بنفس مقدار الحب الاولي ..

و لكن بالنسبه للحب حتى الرجل ما بقول اقام علاقات بقول تزوج ب

4 مستحيل مستحيل يحب حريمه بنفس المقدار دايما في وحده

هي المالكه لقلب هالرجل ..

و عموما موضوع الحب و العلاقه و غيرها مب سبب لاتجاة اي

الطرفين للحرام..بالذات الرجل ليش اقول بالذات الرجل؟؟

لان الشرع محلل له حلال و لماذا يتجه للحرام و

يبيع دنياه و آخرته؟؟

و يحرق اهله بهم و غم؟؟؟ و يحرق نفسه بالآخرة؟؟حتى بالنسبه

للتعدد الله سبحانه محذر اللي ما يقدرون يعدلون شقهم سيكون

مائل يوم القيامه فما بالك باللي يخونون و يزنون؟؟؟

عزيزتي من قال ان البنيه كانت شريفه بيقولون اهلها ربوها ؟؟؟

يا ما اهل طايشين و البنت تطلع ملاك...الاهل فري و البنت ما

تستغل الوضع يعني هي بنفسها اصيله و طيبه ..

ما اقول الاهل مالهم دور اكيد لهم دور و لكن نفس الانسان و الهدايه

من الله له الدور الاكبر في صلاح البنات و الشباب .. و من قال

الشباب بنقول طيش الشباب ؟؟

نحن بعائلتنا ما عندنا هالرمسه البنت و الشاب لهم نفس مقدار العتاب ..و اكيد في عوائل غيرنا عندهم نفس التفكير..

لما عوائل يقولون طيش الشباب و عادي و يمشون هالاهل من

صغرهم اهاليهم معلمينهم هالشئ و متوارثين بالاجيال و مترسخ بعقولهم و هالشئ اكبر غلط ..

هل معقوله انا كمثال اخلي ولدي يسوي اللي يبغي (بعيييييييد الشر ) و يكون عادي عندي بسم الله عليه يروح مع بنات الناس

يخربهم و اقول طيش الشباب؟؟ و بنتي احبسها بالف داهيه لانها شرف العائله فقط و فقط لان الولد ما عنده غشاء البكارة و البنت عندها؟؟؟؟؟؟؟ هل هالسبب كافي ؟؟

انا كأم عليه احتفظ و احافظ و اعلم اولادي و بناتي امور الصحيحه في الدين الا اذا لا سمح الله حد منهم طلع ذاته غير طيبيه

(( كلها امثله ))

هالشئ لما حد يقول طيش الشباب او بقايا العزوبيه و ما شابه من كثر هالبنت سامعه

هالكلام مترسخ بمخها لدرجه هي تشل هالكلام في مخيلتها لين ما تتزوج و تخلف ..و ها اكبر غلط و ظلم كبير للنساء ...

في هالنقطه ما بوافقج الراي غاليتي :

لما الرجل يتزوج يقولون مرته فاسده و غير صالحه..

المراة اللي زوجها يتزوج عليها لا هي فاسده و لا غير صالحه لان

الفاسده و الغير صالحه بمجتمعنا الزوج ما يخليها ساعه وحده بعد اكتشاف فسادها ببيته!!!! و كيف يخليها و يتزوج عليها!!!!!!!!!!!!!!

و هذا ايضا تفكير خاطي الرجل يقدر يتزوج لانه جايز و حلال و يحس بعمره يبغي يغير او عنجه اسبابه الخاصه و لكن مب معناته مرته غير صالحه !

بمجتمعنا يقولون يحليلها مسكينه شو ناقصنها ريلها تزوج عليها صدق

هالرياييل ما يملي عيونهم الا التراب ! و الدليل مواضيع البنات هني

هاللي عادتا نسمع انا عمري ما سمعت حد يقول المراة غير صالحه

و لهالسبب زوجها تزوج و كلنا نعرف الفاسده مصيرها يا القبر و ان

الريال تذكر العشرة طلاق و بيت ابوها او الشارع ان ما عندها اهل

يرعونها و لكن يخليها و هي فاسده و يتزوج لا والله مستحيل

نحن عندنا بس المراة تصبر على خيانه زوجها الرجل ما يصبر ...و لا يدعي ...

نعم كلامج صحيح بالنسبه ان المراة تقدر تتكيف مع الامور بس هل ننسى هي ايضا لها قلب؟؟
ام هي بدون قلب؟؟ المراة تتكيف لانها مجبورة تتكيف ..المراة تصبر لانها مجبورة تصبر.. ما في خلاف اجرها عند الله و لكن الله سبحانه و تعالى ايضا يحب المؤمن القوي و اللي يتكافح و اللي ما يسكت عن حقه

و المراة ايضا تصبر لانها تحب زوجها و لكن حتى الحب يموت لما

الزوج يتجه الى غيرها و مرات المراة تصبر

حتى محد يقول خسرت زوجها او انها ما تتم بدون زوج و معيل و كفيل ..

المراة كائن حساس و رقيق مثل النبته اسقيها يتنبت امنع السقي بتذبل ..

لما الرجل يخونها بعلاقه غير شرعيه هو يوقف السقيه و هي تذبل و لكن بالتدريج..

بروحج قلتي لما الريال يعرس على حرمته نفس المجتمع يقولون

تطلقي!!!!!!!!!!!!!!!!!!!!!

و الريال ما سوى شئ حرام و لا خالف الشرع بل حلال و ممكن

يعدل ..( الا في الحب )

و لكن نفس المجتمع لما الرجل يخون يقولون للحرمه سكتي و لا

تبينين له عرفتي!!! و اصبري

بيعتدل و بالاخير بيرجع لج ..يعني يتزوج بالحلال ارحم او يخون كل يوم مع وحده ؟؟؟اللي تبغي الاجر لزوجها و تعرف زوجها مزاجي

المفروض توافق يتزوج و لا يخون و ينقل امراض و عموما متى

بالاخير؟؟ لما تكمل 50 سنه؟؟؟

او لما خلاص داخليا كرهته كره.؟؟؟ طبعا ما في خلاف في رجال

يندمون و يوقفون عن اذيه اهاليهم و نفسهم و ما في خلاف في حريم اللي يسعون لهالشئ و لكن تخيلوا معاناتها هي

بالنسبه اللي ريلها يخونها و هي تروح تخونه فعلا اساءة و لكن مب اساءة لبني جنسها او اهلها بل لنفسها اولا ...و اخيرا..

ان هي تخون شو الفرق بينها و بين زوجها؟؟؟ و اثنينهم يستاهلون الرجم ...

لا هني و لا اي موضوع آخر لا انا و لا غيري لما نقول ليش المراة عليها تصبر و الرجل لا

مب معناته نحن موافقين على خيانه المراة و زناها و العياذ بالله ..

تقولين ما في حرمه ما تقدر تخلي الريال يعدل و هاي ميزة عزيزتي؟؟

المراة عمرها ما تقدر تخلي الرجل يعدل بكل شئ ممكن يعدل بالمعيشه و الماديات
و لكن بالحب و العلاقه محد يقدر يتحكم بقلوب الناس ..لما الرجل يفضل مراة على الثانيه من الناحيه العاطفيه مب معناته هالمراة المفضله هي اكثر وحده تتلبس و تتعدل

لا ..بل لما هو يحب وحده اكثر عن غيرها من حريمه معناته فيها شئ مميز جاذبنه..و مب شرط يكون الجنس او الشكل ..

تقولين نقول للعضوة اصبري و احتسبي اجر لان حلاوة الحياة بصعوبتها ؟

من متى كانت خيانه الرجل حلاوة ؟؟ اكيد تقصدين لما هي تصبر و

تحاول جهدها و بالاخير تكتسب المعركه هي الحلاوة .. ما في خلاف

و لكن هالحلاوة مرة نوعا ما .. لان بالبدايه

كانت مرة و عقب هي بصبرها و جهدها غلفتها بغلاف حلو و ان

تمصها كمن مصه اقصد تمص الحلاوة المرورة تطلع من تحتها ..اقصد :

القلب لما ينكسر ما في شئ يصلحه الحريم يسامحون ..يصبرون

عسب عشهم ما يتدمر

و لكن بالداخل دايما يبقى شئ يحزنهم ..و انا اعطيج ضمان انهم من

يعصبون و لو بعد

30 سنه بيردون بيقولون للزوج نسيت انك خنتني !

بالاخير بنروح عن تعليقج على الغرب :

الغرب ما عندهم تعدد صح و عندهم من بداله الخيانات! كلامج

صحيح 100%

دام الغرب عندهم بدال التعدد الخيانه

الشرق عندهم التعدد و لماذا الرجال يتجهون للخيانات

الجسديه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يعني ما عندهم اي حجه و لا اي سبب للحرام و الله سبحانه و

تعالى يعرف الرجال يحبون

التعدد و يحبون التغيير و راحمنهم و محلل هالشئ لهم رحمه بهم و لماذا استغلال وضعهم

بالحرام؟؟

و كلمه اخيرة لاخواتنا اللي يواجهن هالمشكله و يصبرن و مع الصبر يجاهدن و يحاولن تغيير الزوج

نقول :

بارك الله فيكم و في ذريتكم و المفروض ازواجكم يحطونكم على رؤوسهم و يتمشون فيكم
لانكم نجيتوهم من نار جهنم ان الله تاب عليهم

الله يحفظكم و يبارك لكم ايمانكم و صبركم ...

بالاخير السموحه منج كتبتلج كتاب مب رد هههههههههههههههه

الموضوع: سؤال دايما افكر فيه ؟؟ اتمنى اتفيدوني ؟؟ واشوف رايكن فيه

أدوات الموضوع

عرض

سؤال دايما افكر فيه ؟؟ اتمنى اتفيدوني ؟؟ واشوف رايكن فيه

المزيد من آخر المواضيع من نفس القسم:

المواضيع المتشابهه

دايما افكر فهالموضوع

اتمنى انكم اتفيدوني

اتمنى اتفيدوني لمشكلة امي ...

عندي كم من استفسار و اتمنى انكم اتفيدوني