حلمتي ....وتحقق!!!خبرينا

**فجــر الليالي** · 2010-09-13, 21:02

المشاركة الأصلية كتبت بواسطة sweet sugar

الصيف اللي طاف "2009" حلمت أني قاعدة ويا أمي و يدخل علينا أخوي الكبير و هو مبتسم و يقول "خالد بن فلان الفلاني" اللي ساكن في البيت اللي مجابلنا خطبج، و ردت أمي على طول وهي فرحانة : نحن موافقين ...
عقب ما قمت من الرقاد تميت أفكر في الاسم ما عرفته "و حضرتي عندي عادة غريبة إني ما أرقد إلا و حذالي دفتر و قلم عشان أول ما أقوم من النوم أكتب حلمي إذا اذكرته "...
و في شهر 7 هذي السنه كنت يالسه أقرا الدفتر اللي كتبت فيه هذا الحلم.. و على طول رحت عند أمي و سألتها بدافع الفضول

عن البيت اللي مجابلنا و منو اللي يسكنه و إذا عندهم عيال و شو أساميهم<<حشا تحقيق مب فضول
المهم حصلت الأجوبة و فرحت الصراحة "تعرفون ليش؟؟".. لأن "خالد" طلع صدق ساكن في البيت اللي مجابلنا و أمه من بداية السنة تدور له على عروس و لين ألحين ما حصلت له وحدة مناسبة..
يعني هذا الحلم لين ألحين ما تحقق.. و إن شاء الله يتحقق قبل لا تخلص السنة.. آمين

يآآآ ربي ..
حلمـج كيــــوووت ^^
خخخـ ، من الخبصه مب عارفه بشو أعبر ><

بس سبحـــان الله ..
في أحـلام اتحسين انها فـ النص !
بين الواقــع و الخيـال اللي ايينـا فـ المنـام !

فـ ان شآآء الله ايي هـ {الخــالد} صدق ^^
{ ع فكره انا خاااطري بعد يكون ريلي اسمه خالد}
^^
و عقب اتبشرينـا بـ تحقق حلمـــج =)

**حبيته بجنون** · 2010-09-13, 21:10

بالنسبه لي احلم وااااااااااااايد وكلها تتحقق وفي بعض الاحيان اعرف شو بيكون التفسير واسكت ماخبر حد لين يتفسر وريلي بعد نفس الشي سبحان الله كل مايحلم باي شي يخصني يتحقق><

قبل لا اتزوج حلمت حلم وكان تفسيره اني بتزوج جريب وفعلا تزوجت في غضون شهرين فقط

و مره حلمت انه فيه ثعباان كبييييييييير واقف عند باب بيتي وكنت اسمع الباب يندق ويوم فتحته شفت الثعبان اطول مني وواقف مجابلني وكان يلمع من كثر السم اللي فيه وعداله واقفه بنت حميي الصغيره وانا انصدمت واقولها دخلي عندي عن ياكلج بس هي كانت مب خايفه منه والثعبان يوم شافني خاف وراح يزحف ورا بيتي والبنت تبعته!

وعرفت شو بيكون تفسيره وسبحان الله باليوم اللي عقبه تفسر بنفس اللي كنت اتوقعه ><

وريلي مره حلم انه كان نازل من السياره ويوم كان يبا يدخل البيت شاف ثعابين وااااااااااايد وعقارب وكلهن صغااااار ونصهن جتلهن بالنعال الله يعزكم والنص الثاني شرد وعرفنا شو تفسير الحلم وبالفعل تحقق خلال اسبوع واقل بعد ><

وسبحان الله صرت من احلم اي حلم اعرف تفسيره بروحي بالرغم من اني مب مفسرة احلام ولا شياته بس يكون عندي احساس عن التفسير والله اعلم هل هالشي نعمه ام نقمه ومانقول غير الحمدلله على كل حال من الاحوال...

**alo0oya** · 2010-09-13, 21:16

المشاركة الأصلية كتبت بواسطة فجــر الليالي

يآآآ ربي ..
حلمـج كيــــوووت^^
خخخـ ، من الخبصه مب عارفه بشو أعبر ><

بس سبحـــان الله ..
في أحـلام اتحسين انها فـ النص !
بين الواقــع و الخيـال اللي ايينـا فـ المنـام !

فـ ان شآآء الله ايي هـ {الخــالد} صدق ^^
{ ع فكره انا خاااطري بعد يكون ريلي اسمه خالد}
^^
و عقب اتبشرينـا بـ تحقق حلمـــج =)

ليش شي احلام كيوت بعد اكيد بنوته اللي حالمه لووول هع

اسوولف لوول لاتزعلين

**تاجرة عادية** · 2010-09-13, 21:41

وايد احلام تيني .. واكثر الاحلام الحلوة وتفسيرها حلو.. ماصارت .. يارب تتحقق عن جريب يارب..

**Back 2 Home** · 2010-09-13, 23:26

up up up

**نجمة الفجر** · 2010-09-14, 00:30

الحمد لله وايد من أحلامي تحققت..

**sweet sugar** · 2010-09-14, 00:41

المشاركة الأصلية كتبت بواسطة فجــر الليالي

يآآآ ربي ..
حلمـج كيــــوووت ^^
خخخـ ، من الخبصه مب عارفه بشو أعبر ><

بس سبحـــان الله ..
في أحـلام اتحسين انها فـ النص !
بين الواقــع و الخيـال اللي ايينـا فـ المنـام !

فـ ان شآآء الله ايي هـ {الخــالد} صدق ^^
{ ع فكره انا خاااطري بعد يكون ريلي اسمه خالد}
^^
و عقب اتبشرينـا بـ تحقق حلمـــج =)

و الله من قريت ردج و أنا أضحك.. عيبني هذا المصطلح"حلم كيوت"

و على فكرة ترى في الفترة اللي طافت أنا وخواتي و خواني كلنا حلمنا بأحلام مختلفة
و تفسيرها كان واحد "إنه حد من أهل البيت بيعرس جريب" << إن شاء الله أكون أنا..قولي آمين
و الله يرزقنا نحن ال2 برياييل و تكون أساميهم هم ال2"خالد" ونعرس في نفس اليوم

و يرزق كل بنوته الريال اللي تتمناه

**لأجل عينه** · 2010-09-14, 00:51

انا من كمن سنه حلمت بيوم القيامه وانه السما تتلون وصرخه والكل اللي وياي فالبيت يموت وانا اتم اشوفهم وخايفه

نشيت من رقادي ميته من الزيغه

عقب خبرت ربيعتي بالحلم وفسرته ابلة اختها<<<<حوسه

المهم التفسير كان

اني انا اعاني من شي ووايد مستهمه منه ومسببلي هم وغم وانه هالشي راح ينتهي

طبعا هي عقب قالت انه الشي يتفسر بالمعنى

مثلا القيامه معناتها نهايه العالم

ففسرته على اساس اني في شي بينتهي

وكلامها صحححححح

كنت هذيج الفترة اقدم على ايلس وكان اخر فرصه لي خلاص

وجااان انجح ^^

**Bent RAK** · 2010-09-14, 01:16

سبحان الله .. !

أنا كنت حامل ، و دوووووم أسأل شو جنس البيبي ، يقولون لي ما يبين .. و ساعات يقولون لي بنــت ..

و لكن مرة حلمــت ، و أنا كنت حامل في الحقيقة ، ربيت ، و كانت الولادة عسرة ، و عطوني ولد ، مقمط بإلحاف أزرق .. و أنا أقووووووووووول ، أنا هذا مب ولدي ، أباااا بنتي ، عطوني أياها ،..

حتى أذكـر خبرت ريلي عن الحلم .. يقولي لأنج واايد اتحاتين ووووو .. >>> ما عطاني إهتمام كالعادة ..!

و سبحان الله .. لما روحنا المستشفى ، اسوي سونا ، كنت حزتها في السابع ,, قالت لي BooooooY
فجينــــــــــــــا عينـــــــــــا .. سبحان الله ، سبحااان الله ، سبحان الله ..

" هذا أكثر حلم أثر فيني "

**زيتونة(><)** · 2010-09-14, 04:43

انا يوم انش انسى الحلم

**ريـف الصبآ** · 2010-09-14, 06:40

بنات انا حلمت اني ف عرس و اشوف كان قديم شوي واشوف طلع فالحلم عروستين لابسات فستان ابيض واشوفهن وقت دخولهن الخيمه دخلن ورا بعض وكنت اتمنى اني اكون مكانهم خخخخخخ >>>> وايد تفكر فالعرس خخخخ

اللي تعرف تفسيره تخبرني الله يجزاها الف خير

**ponyo** · 2010-09-14, 07:13

أنا كله أحلم بغيري
يعني أحلامي تتعلق بقرارات أو مصير الشخص اللي في الحلم

يعني مرة حلمت في وحدة أعرفها تقولي أنها بتشتري سيارة بيضة
<<وفعلاً يوم قلتلها المسكينة خافت وقالت أنها حجزت رنج بيضه وهي مب قايله لحد

ومره حلمت بوحدة أسلم عليها لأنها بتروح تدرس برع
<<ويوم قلتلها قالت الله يسمع منج وأبوي يوافق لأنها فعلاً طارحه هالفكرة عليه وأنا ما كان عندي فكرة عن الموضوع

ومرة حلمت بيارتنا إني أنا وياها نشتري ثياب للنونو مالها مع إنها في الواقع ما عندها عيال
وبشرتها وقلتلها إن شاء الله يتحقق الحلم وتحملين جريب
<<وفعلاً بعد ما سوت فحص على طول بشرتني وكانت حامل

ومن فترة جريبة
حلمت حلم عن نفسي بس صدق زياغ ولوعه
حلمت إني واقفه صوب المنظرة وأشوف شعره ظاهرة من حلجي فأسحبها
وتميت أسحبها وأسحبها والشعره استوت خصلة وانمزرت المغسلة
قمت من الحلم وأنا ميته خوف

وفسرته أنه خروج الأذى من الجسد
<<وفعلاً خواتي مرت عليه أيام نفسي في الحضيض ما أعرف ليش ..!
<<ولكن ولله الحمد من دخل علينا رمضان ونفسيتي تغيرت، ورديت شرات قبل
<<الله يكفيني شر من أراد بي شراً

سبحان الله الأحلام عالم غريب جداً

**الطائر الهادى** · 2010-09-14, 07:28

انا للاسف مااا احلم

ع قوله ريلي يوم شكيت له تدرووون شقال -- تلفزيووون شايلين فيشه خخخخخخ

يطنز علي لاني نووومي ثقيل

ههههههههه

**الزيدية** · 2010-09-14, 16:13

انا من فترة حلمت حلم.. وسألت شيخ عنه لأنه كان الحلم مايفارق بالي.. وسبحان الله بعدها بكم يوم تعرضت لموقف بالضبط نفس كلامه.. الحمدلله الحلم كان تحذير لي من بعض الاشخاص..
طبعا مافيه اكتب تفاصيل الحلم لأنه طويل وتفسيره اطول..

يسلموا ع الموضوع الطرررر..

**alo0oya** · 2010-09-14, 17:17

المشاركة الأصلية كتبت بواسطة الطائر الهادى

انا للاسف مااا احلم

ع قوله ريلي يوم شكيت له تدرووون شقال -- تلفزيووون شايلين فيشه خخخخخخ

يطنز علي لاني نووومي ثقيل

ههههههههه

ضحكتيني هههههه

الموضوع: حلمتي ....وتحقق!!!خبرينا

أدوات الموضوع

عرض

المواضيع المتشابهه

حلم وتحقق...صار خاتم في اصبعي

هل تحلمي حلم يتكرر دائما هل حلمتي حلم وتحقق خبرينا

الي شافت حلم وتحقق

شو حلمتي