حلمتي ....وتحقق!!!خبرينا

**عفيير** · 2010-09-13, 16:59

مرحبا خواتي
عيدكم امبارك وعساكم من العايدين والفايزين
حبيت اشاركم في هالموضوع..خصوصا إني احسه منتشر بين الحريم أكثر من الرياييل..او يمكن لان الحريم ذاكرتهن قويه..او حب الفضول اللي فينا..يخلينا نبى نعرف ونفسر كل شي يستوي حولنا..
الأحلام اول واهم شي نبى نفسره ونعرف معناه..ومانخلي كتاب تفسير ولا نت ولا مطوع او مفسر للأحلام إلا سألناه..

خبريني عزيزتي..هل وايد يشتغل عندج التلفزون..خخخخ..اقصد تحلمين
وهل قط مره حلمتي وفسرتيه وتحقق حلمج؟؟ياالله خبرينا..

بس أتمنى خواتي الأحلام تكون مفرحه او مسليه..يعني الاحلام الحزينه واللي تفسيرها مب زين..لاتذكرونها..لاني حسب ماسمعت مب زين نذكرها عشان ماتتحقق

وانا ببتدي وبخبركم عن آخر حلم حلمته رغم إني مااحلم وايد ولا اتذكر أحلامي..بس يمكن عشان الفلم كان قصير فذكرته..
حلمت إني كنت فارقه شعري من النص ولافتنه واكلم عمتي وتسألني شعرج طويل وانا اقولها هيه وابا اقولها لين ركبتي ويوم فليته طلع طوله اطول عن طولي ونزل لين الأرض وكان ناعم فيه لمعه..
ودورت في النت ولجيت انه الشعر الطويل ستر ومعرس..خخخخخ..ياهذا المعرس اللي ذالنا وطالعلنا حتى في أحلامنا..

ومثل ماإنتوا شافيين الموضوع للكل( للمتزوجات والعزوبيات)..ههه

Next...Next..

المزيد من آخر المواضيع من نفس القسم:

**مسايل55** · 2010-09-13, 17:40

للاسف ما اذكر احلامي انساهم من اقوم من النوم

**نورس الشارجة** · 2010-09-13, 17:53

قبل 3 سنين كنت حامل شهرين وحلمت اني يالسة فاحمام الله يعزكم ونزل مني شي سبحان الله مثل شكل البطة (وزة) بس حجم صغير مثل الكتكوت ونزل معه دم
خبرت عمتي قالت انتي حامل ف بنت والله اعلم احتمال اتسقطين
وفعلا عقب اسبوع جاني مغص دخلت الحمام الل يعزكم نفس منظر الحلم بالضبط نزل جنين ودم
الله يعوضني انشالله

**سكنت القلب** · 2010-09-13, 18:10

انا حلمت بحلم طويل ما احب اقول احلامي ابد

بس بالحلم فيه اسم معين

بعد اسبوعين خطبني شخص بنفس الاسم

واااااااااايد احلم ويتحقق حتى لو مافسرته بس ما احب اقول حلمي لاي حد مستحيييييييل وحاول حتى ما افكر فيه

**احلى بلوشية** · 2010-09-13, 18:30

اليوم حلمت حلم يخررررع اني تضاربت ويا .... مابقول ويا منو جان اقول يارب اكون حلمانه يارب اكون حلمانه ( تخيلو عاد تحلمون حلم يخرع وانتو تقولون بالحلم يارب نكون حلمانين خخ

وفجأه نشيت من النوم وانا اقول هيييييييييييه كان حلم .. ( غريب صح )

وماخليت حد ماخبرته

**sweet sugar** · 2010-09-13, 18:47

الصيف اللي طاف "2009" حلمت أني قاعدة ويا أمي و يدخل علينا أخوي الكبير و هو مبتسم و يقول "خالد بن فلان الفلاني" اللي ساكن في البيت اللي مجابلنا خطبج، و ردت أمي على طول وهي فرحانة : نحن موافقين ...
عقب ما قمت من الرقاد تميت أفكر في الاسم ما عرفته "و حضرتي عندي عادة غريبة إني ما أرقد إلا و حذالي دفتر و قلم عشان أول ما أقوم من النوم أكتب حلمي إذا اذكرته "...
و في شهر 7 هذي السنه كنت يالسه أقرا الدفتر اللي كتبت فيه هذا الحلم.. و على طول رحت عند أمي و سألتها بدافع الفضول

عن البيت اللي مجابلنا و منو اللي يسكنه و إذا عندهم عيال و شو أساميهم<<حشا تحقيق مب فضول
المهم حصلت الأجوبة و فرحت الصراحة "تعرفون ليش؟؟".. لأن "خالد" طلع صدق ساكن في البيت اللي مجابلنا و أمه من بداية السنة تدور له على عروس و لين ألحين ما حصلت له وحدة مناسبة..
يعني هذا الحلم لين ألحين ما تحقق.. و إن شاء الله يتحقق قبل لا تخلص السنة.. آمين

**البنوووتة** · 2010-09-13, 18:56

ممممم كذا مرة حلمت احلام وتحققت
بس ماذكر التفاصيل حاليا

**حنان الهاجري** · 2010-09-13, 19:27

ما ذكر اني حلمت حلم وتحقق بس بنتي كانت اسنانها شوي بتطيح كانت تتحرك وحلمت انها طاحت واليوم الثاني فعلا طاحت خخخخ
عقب قلت بخاطري انا حامل يمكن تفسير الاسنان الي طاحت ما يخصه فبنتي

**عفيير** · 2010-09-13, 20:01

المشاركة الأصلية كتبت بواسطة مسايل55

للاسف ما اذكر احلامي انساهم من اقوم من النوم

انا مثلج..بس في الفترة الأخيره صرت اتذكر بعضهم..بس لاتتأسفين..احسن الواحد ينسى عن يعور راسه في الحلم وتفسيره..وشكرا عزيزتي لمرورج

**عفيير** · 2010-09-13, 20:04

المشاركة الأصلية كتبت بواسطة نورس الشارجة

قبل 3 سنين كنت حامل شهرين وحلمت اني يالسة فاحمام الله يعزكم ونزل مني شي سبحان الله مثل شكل البطة (وزة) بس حجم صغير مثل الكتكوت ونزل معه دم
خبرت عمتي قالت انتي حامل ف بنت والله اعلم احتمال اتسقطين
وفعلا عقب اسبوع جاني مغص دخلت الحمام الل يعزكم نفس منظر الحلم بالضبط نزل جنين ودم
الله يعوضني انشالله

الله يعوضج إن شاالله ببنوته حلوه

**عفيير** · 2010-09-13, 20:08

المشاركة الأصلية كتبت بواسطة سكنت القلب

انا حلمت بحلم طويل ما احب اقول احلامي ابد

بس بالحلم فيه اسم معين

بعد اسبوعين خطبني شخص بنفس الاسم

واااااااااايد احلم ويتحقق حتى لو مافسرته بس ما احب اقول حلمي لاي حد مستحيييييييل وحاول حتى ما افكر فيه

إنتي شرات مرت اخويه..تحلم واااايد وتتحقق أحلامها..دايما اجولها الأرسال عندج قوي..خخخخخ
بس هي ماتخبر بأحلامها إلا عقب مايتحقق الحلم..كله تجول نسيت اخبرج..ولا انشغلت!!!!!

**alo0oya** · 2010-09-13, 20:21

انا حلمت الصيف اللي طاف اني نزلت عندي الدوره

وتعرفي كنت بعدي ماعرفت اني حامل
في يوم عرفت تفسر الحلم اني بيب ولد وسبحان الله يبت ولد وكان كذا حلم له نفس المعنى
الحمدالله

**x_sweetya_X** · 2010-09-13, 20:25

أنا اختي الله يحفظها حلمت أنها شي ناس ياكلون لحمها

ويوم فسرناه انه ناس اتحش فيها عفانا الله

و طلع صدق بعد فتره وصلنا خبر من ناس انه كانو يحشون فيها و فينا جميع

لا حول و لا قوة إلا بالله

ربي اكتب لنا فالأيام القادمه فرحه تغير بها حياتنا الله آمييييييييييييييييييييين

**زوجه الغالي** · 2010-09-13, 20:39

انا حلمت نمرين داخل بيتي وانا سكرت علي الباب وخليتهم والنمر يعني اعداء وهذول طلعوا صدق اعدائي لان انا صار لي خلاف مع بنتين وهذول البنتين توأم وهم دوم يون بيتي بما انه لهم قررابه لزوجي فتاكدت انهم فعلا يكرهوني

**عفيير** · 2010-09-13, 20:39

المشاركة الأصلية كتبت بواسطة احلى بلوشية

اليوم حلمت حلم يخررررع اني تضاربت ويا .... مابقول ويا منو جان اقول يارب اكون حلمانه يارب اكون حلمانه ( تخيلو عاد تحلمون حلم يخرع وانتو تقولون بالحلم يارب نكون حلمانين خخ

وفجأه نشيت من النوم وانا اقول هيييييييييييه كان حلم .. ( غريب صح )

وماخليت حد ماخبرته

ههه..حليلج..شكله الحلم وايد يخوف..زين إنج كنتي حلمانه

الموضوع: حلمتي ....وتحقق!!!خبرينا

أدوات الموضوع

عرض

حلمتي ....وتحقق!!!خبرينا

المزيد من آخر المواضيع من نفس القسم:

المواضيع المتشابهه

حلم وتحقق...صار خاتم في اصبعي

هل تحلمي حلم يتكرر دائما هل حلمتي حلم وتحقق خبرينا

الي شافت حلم وتحقق

شو حلمتي