مستشفى دبي و لا الوصل

**روح ابوها** · 2010-07-25, 09:46

السلام عليكن يالغاليات

سؤالي وااضح فدييتكن

شو الافضل مستشفى دبي _ الحمرية
و لا الوصل

و منوو احسن الدكاترة

للعلم حملت مرتين بس الله ما كتب لي نصييب فيهم

الله يبلغني

الله يخلييكم سااااعدووووني

و متى ابدا اول مراجعة للحمل

لاني واااااايد احاااتي و ما ابغي اراجع في الخاص

المزيد من آخر المواضيع من نفس القسم:

**reem hamad** · 2010-07-25, 09:48

ان شاء الله البنات يفيدونج.......انا براي افضل المستشفى الامريكي بدبي

**h2h** · 2010-07-25, 09:56

ان شاءالله راعيات الخبره بيفيدونج

**روح ابوها** · 2010-07-25, 10:02

المشاركة الأصلية كتبت بواسطة reem hamad

ان شاء الله البنات يفيدونج.......انا براي افضل المستشفى الامريكي بدبي

تسلمييين اختي ريم

بس اتعقدت من الخاص......

و عسى خيير

**كلي_حب^^** · 2010-07-25, 10:12

حبيبتي سيري دبي افضل و افضل الدكاتره الدكتوره مريم ( مواطنه) و احسن ميدوايف فلورانس ( نيجيريه)

الوصل اخر مره كان منتشر وياهم جرثومه في قسم الاطفال م ن جي في خوف منه

والله يسهل عليج^^ و ابدي راجعي من البدايه عشان اتابعين الحمل اول باول

الله يسهل عليج و يحفظ اللي في بطنج

**Pearl jumeira** · 2010-07-25, 10:14

المشاركة الأصلية كتبت بواسطة reem hamad

ان شاء الله البنات يفيدونج.......انا براي افضل المستشفى الامريكي بدبي

حبيبتي الأمريكي صح خاص و يهف البيزاات هف لكن مب معناته يعني اوكي في كل شي

انا انصحج بالوصل لأنه متخصص للحوامل و كل المعدات عنده و أنا الحمدلله أراجع عندهم

و الله يسهل عليه و على كل حرمه حامل و يفرحها بذريتها

**روح ابوها** · 2010-07-25, 10:23

المشاركة الأصلية كتبت بواسطة كلي_حب^^

حبيبتي سيري دبي افضل و افضل الدكاتره الدكتوره مريم ( مواطنه) و احسن ميدوايف فلورانس ( نيجيريه)

الوصل اخر مره كان منتشر وياهم جرثومه في قسم الاطفال م ن جي في خوف منه

والله يسهل عليج^^ و ابدي راجعي من البدايه عشان اتابعين الحمل اول باول

الله يسهل عليج و يحفظ اللي في بطنج

و الله خوفتييني

بسم الله

الله يسترررر

**desert rose** · 2010-07-25, 11:25

اختي عن خبرتي انا يوم بغيت افتح ملف قالولي مستشفى دبي وعندهم فرق من الدكاترة مدحولي بس فريق واحد وهو تيم 3 وكل الدكاترة في هالتيم من اقدم الدكاترة في مستشفى دبي. وكل مرة يكون عندج موعد في المستشفى عادي تمرين على كل الدكاترة الا في تيم 3 وبعد اذا عندج دكتورة معينه تقدرين تطلبينها او تقدرين تاخذين لج موعد يوم اتكون الدكتورة موجودة . وكلهم اخصائيات نساء وتوليد. الدكاترة الا انا ارتحت لهم هي دكتورة رجاء, سلمى و الكتورة امل وليام. واذا بغيتي تفتحين لج ملف عادي تقدرين تفتحين ملف من الشهر الرابع وتقدرين تختارين التيم اذا بغيتي. واذا بغيتي اي معلومات زيادة فالج طيب .

**أمورة** · 2010-07-26, 00:21

الله يعوضج حبيبتي بحمل سليم

للرفع

**حلم المسافر** · 2010-07-26, 01:31

حبيبتي كلهم خير بس على حسب نفسيتج أنت وين ترتاحين ..
صلي استخارة وشوفي وين الخيرة وسألي لان سمعت ان الوصل واااايد مزدحم وماشي مكان .. فتصلي بهم وسألي ..
والله يوفقج لمافيه خير وصالح

**ام-غزوووله** · 2010-07-26, 02:17

الغاليه دبي واايد اوكي هاا رابع حملي لي فييه
وماا جد اختررت اي دكتووره احس كلهن اوكي على حظي كل موعد ادخل عند وحده وما جد تظايقت من حد
وهالمرره ماااشاء الله الاغلبيه اشوفهن بيربن في دبي وودرو الوصل
وفعلا سالفة الجرثومه المنتشره في قسم الاطفال صحيحه اليوم وحده منومه هناك خبرتنا

وربي يثببت حمللج ياارب ويسهل علييج

**Dubai designer** · 2010-07-26, 02:29

مستشفى دبي أفضل بكثيـــــــر من الوصل
الوصل كثرت الشكاوي منه و لا بنت اختي حليلها ياها نزيف وسارت عسب اتربي هناك وقالوا لها انهم صعب يستقبلونها لان شي فايرس منتشر بين الاطفال المواليد والخدج !!

دبي وايد أحسن وفيهم الزين والشين بس بصراحة الزين أعم و أكثر

**قطرة*مطر** · 2010-07-26, 09:21

حتى انا مثلج محتارة بين الوصل ودبي

**maryam nasib** · 2010-07-26, 19:53

دبي بلا منازع

ع الاقل مداراة ورعايه تسر الخاطر.. مو تطنيش مثل الوصل..

الموضوع: مستشفى دبي و لا الوصل

أدوات الموضوع

عرض

مستشفى دبي و لا الوصل

المزيد من آخر المواضيع من نفس القسم:

المواضيع المتشابهه

الحوامل المراجعات في مستشفى لطيفه مستشفى الوصل سابقا...

تغيير اسم مستشفى الوصل لـ "مستشفى لطيفة " عرفانا لذكرى والدته

مستشفى الوصل والا مستشفى دبي؟؟

أكره مستشفى الوصل ...ليش دشي وفيديني اذا كنت مربي مستشفى غير

مستشفى دبي (الحمريه) او مستشفى الوصل ؟؟؟؟؟؟؟