مشكله ختيه

**زلال2008** · 2010-07-12, 12:12

الســـلام عليـــكم شحالكم ؟؟
أحب ها القسم واايد صح في وايد مشاكل بس من شاف مشاكل الناس هانت عليه مشاكله ^^
الحمدلله اموري ماشيه .. بس ختيه أأأه من ختيه
بخبركم شويه عن شخصيتها عسب تحاولون تساعدونها لانها صدق تكسر الخاطر
اختيه انساانه طيبه لابعد الحدود لو بتقولين لها شي ع طول تصدقه
طبعا ماكملت دراستها الجامعيه ، ماتحب تتعدل ابدا دايماا بجلابيتهاا تحوط عمري ماشفتها لابسه بدله او شي غير المخورات والجلابيات حتى فبيتها .. !!
عندها ست يهال وتحس انها مهمتها فها الدنيا انها تيب عيال وبس !!
ماتعرف شي اسمه نت اصلا ماعندهم كمبيوتر فالبيت تيلفونها جدييييييييييييم حتى مافيه كيمرا ماتعرف تطرش مسجات !! واليهال مووول مايظهرون طول الوقت يحوطون فالفريج !! للاسف
شو اقولكم حالتها صعبه والله يمكن تتحسبوني اباالغ بس والله العظيم هذا الصدق
تلبس دايما عباه ع الراس وهذا شي حلو بس حتى فالعزايم .. خوات ريلها كشيخااات درجه اولي
ودايما يتمصخرون عليها حتى جدايم ريلها يصغرونها دبي ماجد طاحتها بحجه انه ريلها مايعرف الاماكن
طبعا لا ايوديها ولا اييبها هذا كله من ايديها هوه ماكان جيه قبل وكم مره يقولها بعلمج تسوقين بس هي ترفض ومعتمده ع دريول اهليه وخواني يودونها وايبونها لانه ريلها كل ويك اند ينزل حاولت ويااها اغيرها انا وخواتي ماشي فايده مع انه اختيه وايد حلوه بس الاهمال خرب عليها
هذا كله مب مشكله لااا
:
:
:

المشكله العوده ريلها عايفنها الحين وكل يومين يسمعها انه يبا يعرس عليها وانه لو مب العيال بيطلقهاا
وهي ساكته اونه شو تبوني اسوي >> خاطري اصفعها ع بروودها
شو الحل برايكم بشو اقدر اسااعدها لا وبعد ريلها شاري بلاك بيري ويقولها كل اسبوع ااااوه ربيعي كل مره يبنساه عندي وهي تصدق !!

المزيد من آخر المواضيع من نفس القسم:

**وردة الجاردينيا** · 2010-07-12, 12:21

و الله ما اعرف شو اقول لج

المشكله انها هي ما تبى تتغير

يعني لو حاولتو وياها مليون مره تراها ما تبى

الله يهديها بس

**زلال2008** · 2010-07-12, 12:22

المشاركة الأصلية كتبت بواسطة وردة الجاردينيا

و الله ما اعرف شو اقول لج

المشكله انها هي ما تبى تتغير

يعني لو حاولتو وياها مليون مره تراها ما تبى

الله يهديها بس

صح كلامج

بس اكيد شي حل

**عليونة** · 2010-07-12, 12:23

اختج مال اوووووووووووووووول
خل تسوي نيو لوك ..يبالها فورمات واب ديت بصراحه
واليهال خل توديهم مراكز صيفيه منه يستفيدون ومنه تحصل وقت تهتم فعمرها
انصحوها خلو كل حريم بيتكم يقولونلها نفس الكلام عشان تقتنع
او انتو مثلا عدلوها ولبسوها غير وخل تشوف رده فعل ريلها يوم بيشوفها عقب بتقتنع
الله يسخرها لزوجها ويسخره لها

**أم خالد الحلو** · 2010-07-12, 12:25

هلا حبيبتي
مشكلة اختج إن شاء الله تكون بسيطه

الشي يبيله تدريج وانتوا لازم تساعدونها وتوقفون وياها

ابدوا معاها من الصفر

خلوها تورح الصالون تغير من شكلها ..
لو هيه ما مقتنعه .. قوليلها صدقيني ريلج بيتخبل ..
بحسج انج متغيره

قولولها الدنيا تغيرت .. الريال الحين يحب جيه وجيه

قوليلها ريلي يقول الريال يحب الحرمة اللي تكشخ وتلبس .. يمكن لو عرفت انه كلام ريلج بتقتنع شوي

اشترولها لبس يديد .. او حتى بدله يديده وحلوة

قوليلها شوفي اذا ريلج ما تخبل واستانس

خلوها تدخل المنتديات وتاخذ أفكار .. راووها الصور

هي بتتحرك بس تبا حد يساعدها .. تبا حد يشجعها ..

بالتدريج بتوصلون معاها لنتيجه ^_^

والله يسعدهم إن شاء الله

**زلال2008** · 2010-07-12, 12:32

المشاركة الأصلية كتبت بواسطة عليونة

اختج مال اوووووووووووووووول
خل تسوي نيو لوك ..يبالها فورمات واب ديت بصراحه
واليهال خل توديهم مراكز صيفيه منه يستفيدون ومنه تحصل وقت تهتم فعمرها
انصحوها خلو كل حريم بيتكم يقولونلها نفس الكلام عشان تقتنع
او انتو مثلا عدلوها ولبسوها غير وخل تشوف رده فعل ريلها يوم بيشوفها عقب بتقتنع
الله يسخرها لزوجها ويسخره لها

امين ياختيه .. والله انا وخواتي حاولنا ولو مب اني يأٍت ماحطيت مشكلتها

المشاركة الأصلية كتبت بواسطة أم خالد الحلو

هلا حبيبتي
مشكلة اختج إن شاء الله تكون بسيطه

الشي يبيله تدريج وانتوا لازم تساعدونها وتوقفون وياها

ابدوا معاها من الصفر

خلوها تورح الصالون تغير من شكلها ..
لو هيه ما مقتنعه .. قوليلها صدقيني ريلج بيتخبل ..
بحسج انج متغيره

قولولها الدنيا تغيرت .. الريال الحين يحب جيه وجيه

قوليلها ريلي يقول الريال يحب الحرمة اللي تكشخ وتلبس .. يمكن لو عرفت انه كلام ريلج بتقتنع شوي

اشترولها لبس يديد .. او حتى بدله يديده وحلوة

قوليلها شوفي اذا ريلج ما تخبل واستانس

خلوها تدخل المنتديات وتاخذ أفكار .. راووها الصور

هي بتتحرك بس تبا حد يساعدها .. تبا حد يشجعها ..

بالتدريج بتوصلون معاها لنتيجه ^_^

والله يسعدهم إن شاء الله

اتمنى انها تكون بسيطه بس للاسف انها مب بسيطه
تدخل منتدياات اصلا هي تعرف كيف تدخل النت

**@المزيونه@** · 2010-07-12, 12:32

الله يعينها قوليلها يوم بيفوت الفوت ما ينفع الصوت العيال بيكبرون بيعرسون وبعدين بتندم

الله يهديها ان شاء الله

**um 6m6m** · 2010-07-12, 12:40

حياتي ذكرتيني في وحده اعرفها مثل حاله اختج ما حست ع عمرها الا وريلها

خلاص خطب مع انه مثل ريل اختج تم فتره يهددها انه بيعرس عليها

انا اشوف اختج تريد ميك اوووفر سريع ومب ع كيفها انتي وخواتج الثانيات لازم

كلكم تتكاتفون مع بعض وتسون لها اختطاف في يوم وتاخذونها لصالون لا تخلون شي

ما تسونه لها صبغ وقص شعر - واكس- مساج- تنظيف بشرة - حمام مغربي وكل هالسوالف

في هالاثناء خل وحده منكم تروح بيتها وتعدل لها حجرتها مثلا

تشترون لها قمصان نووم حلوه وراقيه حق تتبدل نفسيه الريال يوم يشوفها وهي تحس عمرها عروس

اذا انتم من العين عندكم محل هناك اسمه night rose و عقوا الاشياء القديمه حق ما تقدر ترجع تلبسها

وتاخذون لها كم بدله ع فستان طويل وحتى المخاوير اذا بتفصلون لها في مخاوير اشكالهن حلوه وتقدرون

تسونهن مخصرات

المهم انكم انتم تتحركون لان اختكم ما بتسوي شي من نفسها تريد لها حد يدفعها للشي وهي عقب يوم بتشوف

رده فعل ريلها وياها تغيررت بتعرف انها كانت غلطانه وانه من المفروض كانت جيه تسوي من اول

وقولوا لها حرام تخربين بيتج وبيت عيالج وتخلين ريلج يعرس عليج لسبب تافه انتي بنفسج

تقدرين تتغيرين له وانتي حلوه وما عليج زود فكري بعيالج كيف بيحسون يوم ابوهم بيعرس عليج

شوي احرقوا دمها وسمعوها كلام قوي عشان تحس انها تريد تتغير

**مـــــريم** · 2010-07-12, 12:41

يحليلها هذي طيبه زيادة عن اللزوم..

**بنت بحور** · 2010-07-12, 12:48

الله يهديها ويساعدها

**mazyo0na** · 2010-07-12, 12:51

اختي انتي يلسيها على النت راويهاااا حريم الامارات شو صارن وشوو اللي تغير

الحين الريال ما يبا الحرمه تلبس له مخووور راويها العبي والستايلااات اليديده صدقيني بتتغير بس انتوا حاولوا فيها

ما ادري اتخيل اختج مش كبيره وايد يعني اتوقع اول الثلاثينات يبين انها عرست صغيره

ساليها انتي اكيد تحبين ريلج بتقولج هيه قوليلها تغيري عشانه هوو ما قالج ابا اعرس الا لان يبا شي ثاني فيج

قوليلها انتي حلوه بس عدلي من نفسج

وحاولوا وياها مره ومرتين وعشر لا تخلونها

الله يسعدها يا رب

**ماحد شراتي** · 2010-07-12, 13:01

اطلعي وياها وروحوا الصالون وقوليلها سوي هالشي حق نفسج واقنعيها اعرفج شطوره وتقدرين وعقب اشتريلها فساتين واشياء كول حق البيت كهديه .. شوي شوي بتتغير..

موفقه الغلاااا

**al3yo0on 2009** · 2010-07-12, 13:09

قوليلها تتخيلين اتكون لج شريجة ~

تتخلين عيالج لمـا يكبرون شويهـ ويفهمون الدنيا كيف صايرهـ يمكن يلومونج !!

تتخيلين انهـ لعيالج مواهب وهواياتهمـ الخاصهـ وانتي حارمتنهمـ بالحواطهـ فالفريج !!

تتخيلين انج انتي ظالمهـ ريلج بانج هاملهـ نفسج !!

تتخيلين .. الخ

..

لين هوون وبس

استوووووووووووووووووووووووووووب

..

لازم اتغيرين حياتج ونفسج !!

لين متى بتمين جي على هامش الحياه

الكل مب مستحملنج كانج عله ع الجبد >> سوري ع الكلام الجارح بس يمكن يأثر فيها

يعنـي ريلج عايفنج ويبا يتزوج اتقولين شسوي !!

شو هالرد

فكري فعمرج ~ او روحي اتزوجي واااااااحد مال زمااااااااان اول بس يبا يهال

حتى مااااال زمان اول يبا يهال ويبا اهتمااام

ربي يعينج ويسرلج امورج

**عواشهـ** · 2010-07-12, 13:22

ايلسي رمسيها و كوني وياها فالصالون و جي؟؟ انتي من وين؟؟؟ هي كم عمرها اذا من عمري بساعدها..

**قرموشة** · 2010-07-12, 13:32

اجتمعي انتي وخواتج وتفرغن لها يوم سون لها تغير خلنها نيو لوك طبعن هيه ما بطيع بس حشرنا وعشان خاطركن
وبترظاء وقولي بس على الاقل مدة يومين يوم ينزل ريلها ويوم هيه بتحس بالتغير بتي عندكن عشان تعرف الجديد

الموضوع: مشكله ختيه

أدوات الموضوع

عرض

مشكله ختيه

المزيد من آخر المواضيع من نفس القسم:

المواضيع المتشابهه

شعر ختيه الصغيرة

مشكلة ختيه

!ّ! ختيه وتجربتها !ّ!

ولد ختيه و الروضه

عرس ختيه