الجنين ميت ؟

[honest]

السلام عليكم و رحمة الله و بركاته

بنات ربيعتي تبا نصايحكم و تجاربكم

سارت العيادة امسات و قالولها الجنين ميت و مافيه نبض و هيه حامل بالشهر الثاني

الحين شو لازم تسوي؟ اتسير عشان يسوولها تنظيف و الا تنتظر لين ما ينزل بروحه ؟؟!

و التنظيف كيف يسوونه ؟؟ مثل الولادة ؟؟ اتحس بألم ؟

ووين تنصحونها اتسوي التنظيف في اي مستشفى ؟؟ الوصل و الا اتسير مستشفى خاص ؟


ياريت تردون علي اليوم بليز لانها وايد اتحاتي

ادعولها بنات الله يسلمها و يهون عليها و يعوضها بكل خير

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[bentalshamsi]

للرفع ما أعرف هذا أول حمل لي

[الملكة الحرة]

اختي ربيعتج لازم تروح يسوون لها تنظيف لأنها حتى لو تريت ونزل بروحه بعد بيسوولها تنظيف بس يمكن في الحكوميه ما بيرضون لحد ما ينزل الجنين بروحه وبعدين يسوون لها عملية التنظيف

[نجمة الفجر]

الله يعينها والله يعوضها بس

أول شي تسير تتاكد فعياده ثانيه اذا الجنين حي أو ميت..

وعقب تسألهم كيف طريقه ..!!

[زوجة يعقوب]

اسمعي حبيبتي انا مات الجنين في الشهر الثاني ولكن ما سويت تنظيف وانتظرت لين ينزل علي الدم وتميت اشرب رشاد وقرفة كل يوم الليل كاس واحد وامي سوت لي ماء ورد وزعفران وقرت فيه ايات قرانيه وفي نفس اليوم نزل كل اللي في الرحم الحمد لله ويوم سرت المستشفى وفحصوني قالولي ما تحتاجين تنظيف والله يسهل عليها

[بنت زايد 5]

مب شرط تحتاج غسيل بس خليها تتأكد إنه ميت سبحان الله يمكن غلطانه الدكتوره

[bint_alzaabi]

خلها تتاكد اول
وخله ينزل الجنين بروحه احسن بس عقب ما تتاكد تبدي تشرب جرفة وحبة الحمرا وغيره
انا اول حمل لي مات الجنين بالشهر الثالث وما سويت تنظيف ?ني كنت اشرب اشياء حارة والحمدلله نظف الرحم روحه

[honest]

يزاكم الله خير على ردودكم

هيه سارت عند دكتورتين و الاثنين اكدولها ان الجنين ميت ... الله يعوضها خير ان شاء الله

[أم ريان وأحمد]

لاتخليها تسوي شي خل تتأكد لانه انا نفس الحاله والله خلوني اموت بكي وقالو لي مافيه نبض ولا شي عاد رحت على دكتوره شاطره والحمدلله طلع مافي شي مرات يكون القلب مايدق او غير مسموع
والله الحمدلله الحين ولدت وصار عمر ابني اربع شهور
اختي مب كم الدكاتره كله صح صدقيني خلها تروح على دكتوره اوراس اللي في الشارقه مقابل سوق الذهب
او تروح على دكتوره ميسون القيسي في مركز حمر عين وان شاء الله خير

[هوتميل]

خليها تتريا شوي يمكن كلام الدكاتره خرييط ... الله يعوضها خير ان شاء الله

[حنان الهاجري]

الله يعوض عليها يا رب
خل تراجع اكثر من دكتورة احسن عشان كلام الدكاترة مب واحد ومن تتاكد خلاص انه ميت خل تسال الدكتورة شو تسوي

[غاية الضوء]

الله يعوضها ان شالله ..~

[honest]

لاتخليها تسوي شي خل تتأكد لانه انا نفس الحاله والله خلوني اموت بكي وقالو لي مافيه نبض ولا شي عاد رحت على دكتوره شاطره والحمدلله طلع مافي شي مرات يكون القلب مايدق او غير مسموع
والله الحمدلله الحين ولدت وصار عمر ابني اربع شهور
اختي مب كم الدكاتره كله صح صدقيني خلها تروح على دكتوره اوراس اللي في الشارقه مقابل سوق الذهب
او تروح على دكتوره ميسون القيسي في مركز حمر عين وان شاء الله خير

يوم قالولج مافيه نبض كنتي باي اسبوع من الحمل ؟؟ و سولج السونار من برع على البطن و الا من الداخل ؟؟

[الجريحه_555]

للرفع

اللهم ارزق كل وحدة تتمنى الحمل بالذرية الصالحة عاجلا غير آجل اللهم آمييييييين

اللهم عاملنا برحمتك

وبشر الصابريييين

اللهم إني أحمدك على كل المحامد ما علمت منها وما لم أعلم وأشكرك على كل النعم ما علمت منها وما لم أعلم.

ربي لا تذرني فردا وأنت خير الوارثييييييين.

[أحلى بنوته8]

الله يعوض عليهااا ... واايد يصير الهم هالشي باول حمل ...

ان شاء الله ربي يرزقها فالقريب العاجل ...

اذا فالثاني مايحتاج انها اتلعوز عمرها تشرب الاشياء الحاره مثل القرفه والاناناس وبينزل روحه

•ஐ--------------❤---

āłl ćỏpψ © яiģĥτ Ḅψ a7la banota8 2009


استغفر الله ربي العظيم من كل ذنب عظيم..
•ஐ--------------❤---