أشعة الصبغة ؟

**الألمااسه** · 2010-03-22, 10:12

أنا الدكتورة قالتلي خامس يوم للدورة روحي لمستشفى النور وخليهم يسون لج أشعة الصبغة عند الدكتورة شانتي كومار؟؟؟

منو جرب اشعة الصبغة؟؟؟وهل هي تعور ؟؟لأني وااايد خايفة ومتردده أسويها ؟؟؟

علما انا ما عندي عيال وصارلي سنتين ونص؟؟؟؟

دعواتكم لي بالذريه الصالحة؟؟

المزيد من آخر المواضيع من نفس القسم:

**طموحه87** · 2010-03-22, 10:24

للرفع

**bint_alzaabi** · 2010-03-22, 10:45

حبوبه لازم هاي الاشعه عشان اتبين اذا لا سمح الله في التصاقات في قنوات فالوب
بيعطونج ابره اترخي العضلات وبعدين يمشون الصبغه من المهبل بتحسين بويع في بطنج شرات ويع الدورة بس حزتها وخلاص والويع دليل على ان كل شي اوكي واذا في التصاقات بسيطه ممكن تفتح من الصبغه لان ترشها بسرنجة الابره

**الألمااسه** · 2010-03-22, 10:56

يعطيكم العافية ..

**elegant store** · 2010-03-22, 11:47

الله يرزقج بالذريه الصالحه يارب

**الألمااسه** · 2010-03-22, 11:57

أتمنى اللي عندها تجربه أو معلومه ما تبخل علينا ..

ويعطيكم العافية اللي ردوا علي؟؟

**الجريحه_555** · 2010-03-22, 14:52

انا نفسج الغالية قالولي أسويها بس خايفة بس نزلت موضوع عنها في المنتدى ونصحوني الأخوات بأن أتوكل على الله وأسويييها هو في عوار بس مثل عوار الدورة والله يكون في عونا وييسر لنا أمورنا آمييييييين يارب.
توكلي على الله أختي وسويها والله يرزقنا بالحمل القريب إن شاء الله.
الله يرزقج ويرزقني ويرزق كل محرومة بالذرية الصالحة عاجلا غير آجل اللهم آمييييييييييين
ربي لا تذرني فرداً وأنت خير الوارثييين

**عيون المهاااا** · 2010-03-22, 15:38

انا سويتها فالاشعه و الحمد لله كل شي طبيعي طلع اهي صدق تعور بس شوي شرات الدورة و بيعطونج ابره قبل بس انصحج تروحي امج للتشخيص الطبي بالشارجه دكتورة هنديه وايد زينه وبسرعه ما بتحسي بشي و بعد ما تطلع الماده الزيتيه عادي ولا كانه فيج شي انا عندي ربيعه من دبي سوتها فمستشفى دبي تعبت وايد بعد ما سوتها واخذت مسكنات وحالتنها لله بس بعد يومين عادي راح العوار عنها اهو اوك بس ع حسب الي بتسويلج الاشعه ونصيحه سويها وتوكلي ع الله وان شاء الله نحمل انا و انتي وكل وحده خاطري فطفل جريب امين

**الألمااسه** · 2010-03-22, 15:45

يعطيكم العافية خواتي ما قصرتوا ,,رفعتوا وايد من معنوياتي وان شالله بسويها يوم الخميس وان شالله خير ...

الله يرزقنا ويرزق كل محروم ان شالله ...

**برقع فوشي** · 2010-03-22, 16:04

المشاركة الأصلية كتبت بواسطة bint_alzaabi

حبوبه لازم هاي الاشعه عشان اتبين اذا لا سمح الله في التصاقات في قنوات فالوب
بيعطونج ابره اترخي العضلات وبعدين يمشون الصبغه من المهبل بتحسين بويع في بطنج شرات ويع الدورة بس حزتها وخلاص والويع دليل على ان كل شي اوكي واذا في التصاقات بسيطه ممكن تفتح من الصبغه لان ترشها بسرنجة الابره

أنا رايي من راييها الغلا ,,
بس هالفحوصات وااايد اوكيه ^^

الموضوع: أشعة الصبغة ؟

أدوات الموضوع

عرض

أشعة الصبغة ؟

المزيد من آخر المواضيع من نفس القسم:

المواضيع المتشابهه

أشعة الصبغة للانابيب ..؟

أشعة الصبغة

أشعة الصبغة

أشعة الصبغة

أشعة الصبغة