كلمة حلوة منكم أوصل للي أبغيه في يومياتي ^_^

[كلي عطا]

ونطق الحجر ..

وأخيرا .. وبعد جهد جهيد .. قررت أختكم المصون ( كلي عطا ) ببدء كتابة يومياتها ..
من بعد ما كانت اتابعكم بصمت من خلف الكواليس ..


خلوني في البدايه أعطيكم نبذه عني ..


أنا انسانه يوم كنت اسمع كلمة ريجيم ..
ما كانت هالكلمة تدش مزاجي ابدا ...
كنت اقول انا لو الموت ما بسوي ريجيم جي خبله >>

ولكن عقب ما طاح الفاس بالراس ..
ووصلت في يوم من الأيام للـــ 76 ... حزتها عرفت جيمة الريجيم ..

وقلت لي متى بتم جي ...!! كان جسمي حلو .. واستوى فظييع ..
وهذه كله بسبب إني آكل من بين الوجبات وتالي الليل بدون حسيب ولا رقيب ..
لين غديت شرى النفاخه

واستوتلي ظروف كانت عصيبه .. والله لا يردها إن شالله ووصل وزني خلال اسبوع إلى 66 ..
وعقبها بفتره رديت هالوزن مره ثانيه لين ما وصلت 73 ..

وخذت عهد على نفسي إني اضعف لو شو ما استوى
المهم اضعف وبسني اكل وإهمال لجسمي ..

فبديت الريجيم تاريخ 18 - 10 - 2009 ..
واليوم كملت شهرين ..
ونقصت فيهم 6 كيلو .. وباجيلي للهدف الأول 7 كيلو ..

أنا طولي 157 .. و وزني حاليا 67

وماشية على نظام التخفيف + المشي والرياضه .. مب مشكلة عندي انزل بطيء المهم إني انزل ..
وما احرم عمري عشان صحتي وشعري ..

أدري في ريجيمي هذه يمكن ما نقصت وايد ..
ولكن انا مرتاحه للي وصلت له حاليا .. وما زلت أقاوم ..

انوع في أكلي آكل كل شي .. بس ابتعدت نهائيا عن البيبسي والجوكلت ..
العيش شي أساسي وآكل مقدار ملة صغيره ..
يمكن بتستغربون من إللي آكله في تقريري .. بس الحمدالله أنه نزلني ..

والحمدالله امداومه على لترين من الماي في اليوم + شاي أخضر بالنعناع والزنجبيل مرتين في اليوم .. وبما إني اشتغل فأنسى إني اشرب في الويكند شاي أخضر..

وأتمنى إني ألقى التشجيع منكم .. والله يوفقنا اجمعين ..

تقرير اليوم بيكون بدون صور .. وإن شالله من باجر بصور لكم

اليوم اوني كنت بخليه فري دي .. ولكن احس إني خبصت ... فسووا طاف ما عليه ..



الريوق :

كنت راقده ونشيت الساعه 2 .. أول ما نشيت شربت ماي 500 مل .. واتريت ساعة كاملة عشان اتغدى


الغدا :

تغديت صحن صغير فيه خاشوقتين فول + 3 توست اسمر الحجم الصغير كلتهن مع الفول

وبفك الإمارات >>> ما خليته في خاطري

وعقبها بساعه بالضبط شربت ماي 500 مل


العشا :

عالساعه 6 بالضبط المغرب .. كلت حبة سمبوسة بطاطا + قطعه صغيره سنابون
+ قطعة صغيره انجلش كيك >>> قلت لكم اليوم فري دي ..

وعقبها بساعه بالضبط .. سويت رياضة .. مشي 20 دقيقه + نط
+ حركة المقص للريل + تمرين للزنود + تمرين لشد البطن ..

وعقبها بساعه شربت ماي 500 مل ..


وعقب سرت بيت عمي عالساعه 9.. وجان تحلف عليه بنت عمي إلا تتعشين معانا
.. جان أقول لها انا متعشيه واصرت .. وجان افتشل .. وخربت علي ..
وكلت 4 حبات شيش طاووق + 3 خواشيق سلطة جرجير ..


وعقبها بساعه شربت ماي 500 مل ..
وعقبها شربت شاي أخضر بالنعناع والزنجبيل ومعلقتين صغار سكر الريجيم ..



وبس ...


لا تهزبوني دخيلكم ..

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[زوجة بن بطوطه]

خليييج مستمره وماعليج لو ينزل بطئ بعد فتره بينزل اسرع وبتلاحظين توكلي على الله

[كلي عطا]

تسلمين يا حرم بن بطوطه ...

والله كلامج ريحني .. تراني متبعه هالقاعده .. والله يقدرني وأوصل للي ابييه

[ام المزيون]

ههههههههههه !! من بدايتها !!!

يللا حبوبهـ ماعليهـ ... شدي حيلج وربي يوفقج دوومـ ...

[كلي عطا]

ههههههههههه !! من بدايتها !!!

يللا حبوبهـ ماعليهـ ... شدي حيلج وربي يوفقج دوومـ ...

لا وين هاي نص البدايه

الله كريم إن شالله ... خلاص من باجر ماشي دلع ..

[بنـــت الفلاسـي]

يومج حلووو ( كلي عطا ) بس اتعرفين شو التخبيصة مب عشا الساعة 9 ،، لا عشا الساعة 6 ههههههههههههههه خبصتي باشيا غريبة عجيبة دسمة ههههه ،، بس ما عليه كله ولا تحرمين عمرج ،،

ولانج سويتي رياضة ومشيتي وشربتي ماي ما بقولج شي ،، اهم شي تواضبين ع الرجيم بالطريقة اللي اتحسينها مناسبة لج ما عليج من حد لووول ..


كله ولا تحرمين عمرج ^_^ ،، وان شاء الله نزووولج ايكون اسرع باذن الله ... يلا كلنا بمكان وااحد بنشوف منو بيوصل 65 قبل لوووووووووووووووول

[رووورووو]

ماعليه اليوم بس حلووو احس مب وايد

ان شاء الله باجر يكون افضل من اليوم

واحنااا مابنقصر وياااااااج ياقلبي

ربي يوفقج ,,

[نهـر]

يلا حبيبتي .. شدي حيلج .. انج نزلتي في شهرين 6 كيلو .. احسن من ما يمر الشهرين و انتي على وزنج او ازيد ..
اهم شي التخفيف و الرياضة .. احسن من هالرجيمات التعبانة اللي اساسها الحرمان ..
الله يوفق الجميع .. و نوصل ِللمثالي ..

[بنت88]

مبروووك النزول


موفقة ان شاء الله ..

متابعة لج ..

[كلي عطا]

يومج حلووو ( كلي عطا ) بس اتعرفين شو التخبيصة مب عشا الساعة 9 ،، لا عشا الساعة 6 ههههههههههههههه خبصتي باشيا غريبة عجيبة دسمة ههههه ،، بس ما عليه كله ولا تحرمين عمرج ،،

ولانج سويتي رياضة ومشيتي وشربتي ماي ما بقولج شي ،، اهم شي تواضبين ع الرجيم بالطريقة اللي اتحسينها مناسبة لج ما عليج من حد لووول ..


كله ولا تحرمين عمرج ^_^ ،، وان شاء الله نزووولج ايكون اسرع باذن الله ... يلا كلنا بمكان وااحد بنشوف منو بيوصل 65 قبل لوووووووووووووووول

أخ قلبي وأخيرا في حد رضى عليه

تراني اتفسلف في الويكند وأتعشى دوم الساعه6 والحمدالله دايما أقاوم.. بس أمس ماعرف شو استوابي ...

وعالوزن .. اليوم وزنت أول ما نشيت جان استااانس .. اشوف عمريه نازله تقريبا كمن جرام يعني 66 وشي جرام ... أحس بصيييح من الوناسه ..


تسلمين حبيبتي على ردج إللي يرفع المعنويااات ... إن شالله كلنا نوصل مع بعض للــ 65 .. يا ويلج إن غلبتيني ..

[كلي عطا]

ماعليه اليوم بس حلووو احس مب وايد

ان شاء الله باجر يكون افضل من اليوم

واحنااا مابنقصر وياااااااج ياقلبي

ربي يوفقج ,,

فديتج والله ما تقصريييين ..

كلامج ريحني وشجعني أكثر ..

[كلي عطا]

يلا حبيبتي .. شدي حيلج .. انج نزلتي في شهرين 6 كيلو .. احسن من ما يمر الشهرين و انتي على وزنج او ازيد ..
اهم شي التخفيف و الرياضة .. احسن من هالرجيمات التعبانة اللي اساسها الحرمان ..
الله يوفق الجميع .. و نوصل ِللمثالي ..

صدقج والله .. دايما يوم اشوف البنات يسون هالريجيم الكيميائي ولا غيره .. احس راسي يعورني .. يعني اوكي بسوي ريجيم بس بخفف لأني انا مره جربت اسوي الكيميائي وشعري كله طاح مع اني ما داومت عليه ...

بس الحمدالله الحينه أنا راضيه على إللي اسويه .. واحس إني ماشيه صح لو النزول عندي بطيء اهم شي ما ارد لوزني القبلاني ..


وتسلمين حبيبتي على تشجيعج ومرورج .. والله يوفقنا اجمعين إن شالله ..

[كلي عطا]

مبروووك النزول


موفقة ان شاء الله ..

متابعة لج ..

الله يبارك في حياااتج حبيبتي ... ما تقصرين

[كلي عطا]

تقريري ليوم 19 - 12 - 2009


الريوق :

ما اتريق في الويكند لأني اكون راقده ما اصدق طول الأسبوع دوام




الغدا :

نشيت عالساعه 1 وربع .. شربت ماي 500 مل ..

واتريت ساعة كاملة .. عالساعه 2 وربع تغديت


حبة خمير الحجم الصغير( نسيت أصورها ) + اموش ( عيش وعدس ) + نص حبة برتقاله + 2 حبه سنطره






وعالساعه 4 العصر .. شربت ماي 500 مل


عالساعه 5 مشيت عالآله 20 دقيقه وعقبها شربت ماي 500 مل .. وما سويت رياضة وايد اليوم لأني كنت مشغولة ..



العشا :


تعشيت من وقت تقريبا 6 و45 دقيقه .. كلت كورن فلكس مع حليب قليل الدسم وخاشوقتين من سكر الريجيم في ملة صغيره + حبتين كيوي







وعالساعه 9 شربت ماي 500 مل

والحينه يالسه اشرب قرين تي





وهذا كان يومي ..

[مــــلاك شوق]

بالعافيه عليج

ربي يوفج خيتووو