همومي... ابا مشورتكم

[بنت بلااادي]

السلام عليكم

شحالكم بنات

الله يسلمكن عندي شوية مشاكل ومب عارفه كيف اتصرف صح

مشكلتي في ابوي انه مااادي وايد

وانا تخرجة والشغل موجود بس ماجلتنه وما قدمت في اماكن وايد بس هو اكيد بيحصلي واسطه ويقدر يشغلني

بس اخاف ابوي ياخذ كل الراتب

ودوم يقولي اشتغلي واشريلي سياره ويبى سياره يديده بعد يعني ديون واقساط

وانا بصراحه مستخسره فيه الفلوس لانه ابدا ما يصرف علي ...

من يوم كنت في الاعدادي وهو ما يصرف علينا لا انا ولا خواتي ...
وحتى لو عطيته ما بيبين في عينه.. واخاف يعيبه الراتب ولا يعرسني..

غير هذا هو ما يصرف علي واخوي الي يصرف علي وهو معرس انا ما ابا اكون حمل ثقيل عليه
ابوي ياخذ كل شونتي ولا يعطيني منهن ربيه ومعتمد على خواني في كل شئ
غير هذا انا ملانه من البيت ومعاملته مب زينه لي
اخواني يعرفون ابوي عشان جيه يقلولي لا تشتغلين اتريي الين ما ييج ولد الحلال

بس افكر الين متى بتم جيه وابا على الاقل اقد اوفر مصروفي الشهري وبس ما ابا شئ

ما ابا وحده تقولي هذا ابوج وعادي تعطينه

الي ايده في النار مش مثل الي ايده في الماي

انا اعرف ابوي اكثر عنك والي عندها مثل ابوي فاهمه الوضع

دعواتكم لي بزوج صالح

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[bobi]

الله يرزقج بولد الحلال الي ايقدرج عاجل غير اجل ان شاء الله
استغفر الله الذي لا اله الا هو الحي القيوم واتوب اليه
استغقري .....

[شموخ أم شخبوط]

الله يرزقج الزوج الصالح عاجلا غير آجل ..
والله يهدي أبوج إن شاءالله ..

[$$ أم سعود $$]

الله يهدي ابوج ان شاء الله

[غرامي العين]

اممممم حاسه فيج بس لو اشتغلتي بتتعلمين وبتاخذين خبره بدال يلسة البيت صح انه يمكن ابوج او اكيد بياخذ راتبج بس اذا عرستي سوي بدل فاقد لبطاقه السحب وبتنتهي السالفه
مافي حل ثاني
قاعده فالبيت لا يصرف عليج ولا شي بس لو اشتغلتي بيعطيج الي يمشي حالج فالدوام
الله يوفقج في حياتج

[دموع اليتيم]

الله يهدي ابوج ويرزقج الزوج الصالح عاجلا غير آجلا آمين يارب

اللهم يرزق كل بنت مثل حالتج ويفكها من ابوها وعوار الراس آميييييييييييين يارب العالمين حاسه فيج والله
ماعليه استغفري وايد وادعي لنفسج ولغيرج بالزوج الصالح بظهر الغيب
اللهم صلي وسلم على سيدنا وحبيبنا محمد عليه الصلاة والسلام

[اذكروا الله]

يمكن صدق على قولتج بيعيبه الوضع دامج تصرفين عليه ومابيخليج تتزوجين

انزين اذا انتي تدرين ان شغلج كله بيضيع ومعاشج بيشله ابوج ليش اتعبين عمرج وتكرفين عالفاضي

تريي ولد الحلال وعقب سوي اللي تبينه لانج الحين تحت رحمة ابوج من بعد الله

[حزينة المساء]

الله يكون في عونج

[غرنوجه]

ربي يرزقج ويرزق كل وحده مب معرسه بالزوج الصالح

[بنت بلااادي]

الله يكون في عونج

الله يكون في عون الجميع

مشكوووره فديتج

الله يرزقج الزوج الصالح عاجلا غير آجل ..
والله يهدي أبوج إن شاءالله ..

الله يهدي ابوج ان شاء الله

آآآآآآآآآآآآآآآآآآآمين

اممممم حاسه فيج بس لو اشتغلتي بتتعلمين وبتاخذين خبره بدال يلسة البيت صح انه يمكن ابوج او اكيد بياخذ راتبج بس اذا عرستي سوي بدل فاقد لبطاقه السحب وبتنتهي السالفه
مافي حل ثاني
قاعده فالبيت لا يصرف عليج ولا شي بس لو اشتغلتي بيعطيج الي يمشي حالج فالدوام
الله يوفقج في حياتج

ما ادري.. اقول مثل كلامج مرات بس مجرد ما اعرف انه بياخذهن وبيصرفهن على عمره بس اقول خسااااره فيه
انا اولى بالراتب وهو ما سوا شئ عشان يستحقهن.
مشكووره

الله يهدي ابوج ويرزقج الزوج الصالح عاجلا غير آجلا آمين يارب

اللهم يرزق كل بنت مثل حالتج ويفكها من ابوها وعوار الراس آميييييييييييين يارب العالمين حاسه فيج والله
ماعليه استغفري وايد وادعي لنفسج ولغيرج بالزوج الصالح بظهر الغيب
اللهم صلي وسلم على سيدنا وحبيبنا محمد عليه الصلاة والسلام

اميييييييين يارب

يمكن صدق على قولتج بيعيبه الوضع دامج تصرفين عليه ومابيخليج تتزوجين

انزين اذا انتي تدرين ان شغلج كله بيضيع ومعاشج بيشله ابوج ليش اتعبين عمرج وتكرفين عالفاضي

تريي ولد الحلال وعقب سوي اللي تبينه لانج الحين تحت رحمة ابوج من بعد الله

خير ان شاء الله

الله يرزق كل عزابيه زوج صالح يارب وذريه صالحه
والله يهني كل وحده متزوجه ويوفقها يارب

[دمعة مجروحة]

الله يعيينج ..من رايي أنج تكلميين أبوج بهدوء وتحاوليين توصليين معاه على حل يرضي الطرفيين .. مثلاً تعطينه جزء من راتبج والجزء الثاني لج ومابلازم تخبرينه اشكثر تستلمين ..
ورايي الثاني ليش ما تخبرين حد من أعمامج أو خوالج يكلمه (ويكون له أسلوب مقنع )بكل هدوء يمكن يقتنع ويشوف أنه اللي يسوييه غلط ...
الله يفرج همج ..ويسر أمرج ..وييلين قلب أبوج ...ويرزقج حب الوالد والوظيفة والزووج ..إن شاء الله ...
وحياج الله في المنتدى ..

[مجروحة وأكابر]

تدرين انا حاسه فيج بس رايي انه ابوج
انا لو ابوي يضربني بنعال على راسي بدون سبب احبه على راسه
انا حبيبتي اخوي كان يصرف علي وكبرت واشتغلت وصرفت على البيت كله والحمد لله مرتاحه من راحتهم تدرين ليش لاني اعطيهم بحب مب بخوف
حتى ابوي لو يطلب اعيوني فدوه له ها ابوي غيري يتيم خاطره يعرف معنى انه يقول ابوي الله كريم والله ييسر امرج

[ابتسامة قمر]

الله يرزقج الزوج الصالح عاجلا غير آجل ..
والله يهدي أبوج إن شاءالله ..

[بنت بلااادي]

تدرين انا حاسه فيج بس رايي انه ابوج
انا لو ابوي يضربني بنعال على راسي بدون سبب احبه على راسه
انا حبيبتي اخوي كان يصرف علي وكبرت واشتغلت وصرفت على البيت كله والحمد لله مرتاحه من راحتهم تدرين ليش لاني اعطيهم بحب مب بخوف
حتى ابوي لو يطلب اعيوني فدوه له ها ابوي غيري يتيم خاطره يعرف معنى انه يقول ابوي الله كريم والله ييسر امرج

كلام مثالي بس انا مش مثاليه
انا انسانه واقعيه الي يخدمني اخدمه
لو اخواني يطلبون مني الفلوس والله اعطيهم عن طيب خاطر لانهم هم الي يصرفون علي

يمكن ابوج مب قادر ولا ما عنده
بس انا ابوي عنده ويقدر يصرف علي وعلى بيته بس الانانيه وما تسوي

شئ يمكن ما بتفهمينه
بس حلو فيه انج مرتاحه وللاسف انا ما اقدر اكون مثلج احس بظلم

[بنت بلااادي]

الله يعيينج ..من رايي أنج تكلميين أبوج بهدوء وتحاوليين توصليين معاه على حل يرضي الطرفيين .. مثلاً تعطينه جزء من راتبج والجزء الثاني لج ومابلازم تخبرينه اشكثر تستلمين ..
ورايي الثاني ليش ما تخبرين حد من أعمامج أو خوالج يكلمه (ويكون له أسلوب مقنع )بكل هدوء يمكن يقتنع ويشوف أنه اللي يسوييه غلط ...
الله يفرج همج ..ويسر أمرج ..وييلين قلب أبوج ...ويرزقج حب الوالد والوظيفة والزووج ..إن شاء الله ...
وحياج الله في المنتدى ..

اكلم حد لا مستحيل ما اتجراء

اكلم ابوي ممكن بس راعي الطبع ما يوز عن طبعه

مشكوره