زيت اصغر علي 555

[سكون الروح]

السلام عليكم ورحمة الله وبركاته

اشحالكن ياخواتي ان شاء الله في احسن

بغيت اخذ رايكن في زيت اصغر علي 555 صناعة البحرين

لان فيه حد مدحه في المنتدى ودورت على الموضوع بس ماحصلته عشان ابا اخذ فكرة

لان من فترة مربي ووايد شعري يطيح ونوعيتة تغيرت وايد مضايقة ماعرف شو الحل

وهذا الزيت عيبني لان اقدر احطه في اي وقت لان مافي ريحة اضايق

يلا ياخواتي ابا شوركن نفيد ونستفيد

والكم دعوة حلوة من الخاطر

المزيد من آخر المواضيع من نفس القسم:

• خلطة عصير البصل السحرية لتطويل الشعر حصري
• طريقة استخدام المايونيز لترطيب الشعر
• ابرز فوائد بذور الكتان للشعر
• طريقة عمل شامبو طبيعي للعناية بالشعر الجاف...
• افضل خلطة طبيعية لعلاج قشرة الشعر نهائيا
• افضل خلطات زيت الارغان الفعالة للعناية بالشعر
• ماسك طبيعي لترطيب وتغذية الشعر الجاف حصري
• خلطة البيض والزبادي لاستعادة صحة وجمال الشعر...
• 3 أسباب تجعل زيت جوز الهند معجزة للشعر حصري
• 6 أسباب تجعل زيت الزيتون رائعًا لشعرك حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[فديت _الغالي]

هلا اختي سكون الروح
انا تعرضت لهذي المشكله عقب ما ربيت نفسج بس فترة واتعدي ....
بس بعد انصحج بكورس علاج وهو كالأتي وعن تجربه بصراحه شعري نما بس يباله التزام
بس لازم تتبعين النصيحه لمدة شهر أو اكثر لو تبين شعرج يرجع صدق والتجربه اكبر برهان
1_ تسوين كورس علاج من الزيوت 3مرات في الاسبوع لمدة ساعتين تحطينه على الفروه مع عمل مساج لمدة 3 دقايق او على الاقل دقيقتين
2_ الزيوت زيت االخروع تخفيفنه بزيت الثوم, زيت الصبار او الامبولات واايد اوكيه , زيت البابونج , زيت اركان المغربي اي زيت هندي للشعر براشوت او فاتيكا يعني كل مرة تحطين اي واحد منهم او اي زيوت مفيدة للشعر
3_تبشرين زنجبيل اخضر وتحطينه على الفروه اول شيء بيحرق بس عقب عادي بتتتعودين يطلع الشعر فنان
5_سوي كيراتين بس شوي غالي
6_ودني حلبه في ماي وشربي منه كل يوم ووو أكلي قفشه حلبة مودنه في ماي بس حطيه في الثلاجه ع اساس ترومين تاكلين منه كل يوم لنه برع الجو بيخيس بس عقب طبعا ما تودينينه ويلين الحب حطيه في الثلاجه لنه الحلبه خطيره اطلع الشعر عن تجربه والله الشاهد علي
وجربي لمدة شهر ودري علي
والسموحه منج

[لمعة خرز]

اصغر علي جديييم كنا نحطة يوم كنا يهال

[سلطانة الغرام]

مااعرف

[ظبية_الإمارات]

أحيده ها الزيت يدوا الله يرحمها تستخدمه وأظن شفته في السوبر ما ركت

[~ ديمة ~]

ما شي شراته اصغر علي

أحسه اخف الزيوت
و تقدرين تحطيته أي وقت
و يوم تغسليته بالشامبو بسرعه يطلع ,,

اما باراشوت ما يطيع يخوز ,, يباله غسلتين


و بالتوفيق

[حروف الحب]

انا صراحة جربته و ما حبيته !!!

احس فيه ريحة نفس ريحة الغاز !! لاعة جبدي من الريحة .. و يوم اغسله ما يخوز بسرعه !!

انا هذي تجربتي ويااه مادري اذا حد له راي ثاني..

[سكون الروح]

هلا اختي سكون الروح
انا تعرضت لهذي المشكله عقب ما ربيت نفسج بس فترة واتعدي ....
بس بعد انصحج بكورس علاج وهو كالأتي وعن تجربه بصراحه شعري نما بس يباله التزام
بس لازم تتبعين النصيحه لمدة شهر أو اكثر لو تبين شعرج يرجع صدق والتجربه اكبر برهان
1_ تسوين كورس علاج من الزيوت 3مرات في الاسبوع لمدة ساعتين تحطينه على الفروه مع عمل مساج لمدة 3 دقايق او على الاقل دقيقتين
2_ الزيوت زيت االخروع تخفيفنه بزيت الثوم, زيت الصبار او الامبولات واايد اوكيه , زيت البابونج , زيت اركان المغربي اي زيت هندي للشعر براشوت او فاتيكا يعني كل مرة تحطين اي واحد منهم او اي زيوت مفيدة للشعر
3_تبشرين زنجبيل اخضر وتحطينه على الفروه اول شيء بيحرق بس عقب عادي بتتتعودين يطلع الشعر فنان
5_سوي كيراتين بس شوي غالي
6_ودني حلبه في ماي وشربي منه كل يوم ووو أكلي قفشه حلبة مودنه في ماي بس حطيه في الثلاجه ع اساس ترومين تاكلين منه كل يوم لنه برع الجو بيخيس بس عقب طبعا ما تودينينه ويلين الحب حطيه في الثلاجه لنه الحلبه خطيره اطلع الشعر عن تجربه والله الشاهد علي
وجربي لمدة شهر ودري علي
والسموحه منج

فديت قلبج ماقصرتي .. بس عندي كم سؤال

1- الزنجبيل كم مرة استخدمه وكثرتة متأثر على الفروة ؟

2- والكراتين بكم سعره وفي اي صالون ؟

3- وبالنسبة للحلبة ماتطلع ريحة في الجسم الله يعزج اذا سويتها بنفس طريقتج؟

[سكون الروح]

ماقصرتوا هو صح جديم بس له ناسه لين الحين

وين عنا الخبيرات نبا خبرتكن

[شموه العنابي]

أنا بصراحه هذا الاسبوع بديت أستخدمة بس بغيت أسأل الحلبة ماتمتن

[aashiqa]

أنا بصراحه هذا الاسبوع بديت أستخدمة بس بغيت أسأل الحلبة ماتمتن

الحلبة تمتن عزيزتي