كلمتين فخاطريه

**ZELDA** · 2009-09-22, 01:51

مرحب بنات ...

مممم .. مادري شوو اقول ولا اعرف شوو اكتب وما عندي ذااك الاسلوب الي يخليني اعبر عن الي فخاطريه بطريقه واضحه... بس لنه هالشي من زماااااااااان فبالي ولا قدرت اني اتكلم مع حد عنه

الموضووع ومافيه اني احس انه ما عندي ربيعات .. كااان عندي بس ربيعات مال فتره .. يعني الربيعات الي تلتقوونهن في مكان العمل او اي مكان او حتى مدرسه .. ومجرد ما تنتهي الفتره الي جمعتكم تفترقون .. انا اكره هالنووع من الصداقات ودااااايما دااايما تمنييت ربيعات يتمن وياايه على طووول يعييشن معايه واعييش معاهن الحلوه والمره .. يوم احتااي حد القا ربيعتيه عندي , يووم اظاايج القاها تسمعني .. يووم اعرس اشووفها اول من يفرحلي وتبدا تخطط ويايه حق عرسيه .. انا حتى لوو عرست ماعرف منوو اعزم من ربيعاتي .. الي اعرفهن قبل سنه والا قبل كم شهر وماا كلمتهن فحياتي الا لوو في شي وماافي بينا الا المسجاات مجاامله بس وطرشت ما طرشت كله واحد... مادري شوو اقوول .. بس لني شويه مظاايجه ولنه عييد ما عندي ربيعات يعيدن عليه واحس بنوع من الوحده وبغيت اطلع الي فخاطريه ..

المزيد من آخر المواضيع من نفس القسم:

**فزاعه** · 2009-09-22, 02:08

وعليج السلام والرحمه ..

عيدج مبارك

فهالزمن ماتلقين وايد ينعدن بس اما الباقيات بس مصالح

يدقن حق حايتهن فلانه شحالج تعرفين حد يسشور فالبيت

فلانه علومج تعرفين وحده شاطره تمكيج فالبيت

فلانه وينج من زمان تعرفين وحده يحني واتي البيت

الدنيا مصالح

وانا الي عندي ينعدن بعد

**أم مها11ري** · 2009-09-22, 02:10

لاتياسين عزيزتي
رابعي بنات خالتج بنات عمج جيرانكم ربعكم
كوني صداقات ....عشان تصير عندج فرص اكبر لايجاد الصديقة المقربة
يمكن لانج ماتعرفين تعبرين ويمكن قليلة الكلام صديقاتج مايتمن وايد
او ماتندمجين وياهم ذااك الزوود

الله يوفقج ويسهل دنيااج واعتبري كل العضوات صديقاتج
دشي المنتدى الاجتماعي شي وايد مواضيع عن الصداقات
ولكن كوني حريصة في الاختيار

**حنونة الصغيرة** · 2009-09-22, 02:15

الله يعينج

**غرااااامي** · 2009-09-22, 02:28

فديتج والله ...........

أنا أعرض صداقتي عليج إذا ماعندج مانع ؟؟؟

وكل عام وانتي بخير وعيدج مبارك .................

**جزيرة الأمان** · 2009-09-22, 02:28

صدقتي الغااااالية،،،،

صداقة هالزمن صلاحيتها فترة بسيطة وتنتهي (كأنها حليب مراعي ما صار كم يوم إلا انتهى)،،،

بس شو نقول،،، الله المستعان،،،،

بس مثل ما قالت وحدة من الخوات ... كوني صداقة مع وحدة من قرايبج،،، وابدي معاها والله يوفقج،،،

**شووواقي** · 2009-09-22, 02:29

وانا ماعندي ربيعات خير شر وخاطري ارابع وحده يعني مثل ماالله قال رجلان تحبا في الله يعني ربيعه لي هب لمصلحه

**ريحه المسك** · 2009-09-22, 02:31

مبارك عيدج ............انا مثلج ما عندي ربيعات ابد .......

حتي ايام الدراسه .........كنت وحيده

الحياه ما توقف عند وحدتي ..........

الحين عيالي كل دنيتي

وكلنا خواتج ....................وعيدج مبارك

اختج ام محمد

**كلى دلال** · 2009-09-22, 02:52

السلام عليكم ورحمة الله وبركاته

اختى لاتستعيلين على رزقج كلنا مرينا بفتر من هذه الفترات ويستحيل اى وحده منا ما مرت بهذه المسئله في فتره من حياتها وبى اليوم الى بترابعين فيه الصديقه الى فى خاطرج وصدقينى انا صراحه تعرفت على وحده في اخر كورس لى من الجامعه ووبالرغم من قصر الفتره الى تعرفت عليها الا انا تواصلنا مع بعض وبالرغم انى عندى النوعين من الربيعات الى يكون فتره والى يكونون متواصلين وهذيل المتواصلين ما تعرفت عليهم الا اخر ثلاث سنوات لى في التخصص شفتى مرحله وبتعدى وبترابعين الى في خاطرج و لاتحطين في بالج انج تبين ربع لانه عندج ربع بس انتى دورى حواليج والله ييسر امرج يارب العالمين .

**منورة** · 2009-09-22, 03:01

الله يعطيج على قد نيتج

**مهرة بلا فارس** · 2009-09-22, 12:34

هلا

هاي الدنيا .. زمن المصالح والله

بس اعرض عليج صداقتي موافقة؟

**Crazy MinD** · 2009-09-22, 13:07

حاسه فيج والله لأني مفتقده هالشي
كانت عندي ربيعه .. الروح بالروح
الكل كان يتكلم عنا ويحسدنا ع صداقتنا
دوم يقولون ماشفنا ربع شراتكم .. ويا بعض بكل شي
نطقم ويا بعض بكل صغيره وكبيرة حتى وصلت السالفه انه نشتري نفس السيارة ونفس اللون
وعمرنا ما تزاعلنا من بعض ومانحب حد يدخل من بينا ..

بس سبحان الله ..
كل شي تغير وعلاقتنا صارت عاديه .. من بعد ما كنا نتصل في بعض 5 او 6 مرات باليوم غير المسجات وسوالف ع المسن
الحين كملت اكثر من اسبوعين ما كلمتها!! يختي الناس ما ترحم

احس اللي صارلنا عين ..

سووري بس حبيت افضفض .. البارحه ماقدرت ارقد والسبه هالسالفه

**شيوخيه ستايل** · 2009-09-22, 13:32

كلنا جي

انا بعد شرااتج

احينه الربـع حق المصالح
^.^

**ZELDA** · 2009-09-22, 13:36

المشاركة الأصلية كتبت بواسطة فزاعه

وعليج السلام والرحمه ..

عيدج مبارك

فهالزمن ماتلقين وايد ينعدن بس اما الباقيات بس مصالح

يدقن حق حايتهن فلانه شحالج تعرفين حد يسشور فالبيت

فلانه علومج تعرفين وحده شاطره تمكيج فالبيت

فلانه وينج من زمان تعرفين وحده يحني واتي البيت

الدنيا مصالح

وانا الي عندي ينعدن بعد

هلا الغاليه وعساج من العايديين والسالمين .. كلامج صحيح ميه ميه صعب اني احصل هالربيعه بس انا واثقه من عمريه اني مب من هالنوع فا اكيد بيكون في الي تفكيرهن مثلي واحسن بعد .. بعدها الدنيا بخير بس حظوظ ^^ ومشكووره فديتج ع الرد
\
\

المشاركة الأصلية كتبت بواسطة أم مها11ري

لاتياسين عزيزتي
رابعي بنات خالتج بنات عمج جيرانكم ربعكم
كوني صداقات ....عشان تصير عندج فرص اكبر لايجاد الصديقة المقربة
يمكن لانج ماتعرفين تعبرين ويمكن قليلة الكلام صديقاتج مايتمن وايد
او ماتندمجين وياهم ذااك الزوود

الله يوفقج ويسهل دنيااج واعتبري كل العضوات صديقاتج
دشي المنتدى الاجتماعي شي وايد مواضيع عن الصداقات
ولكن كوني حريصة في الاختيار

يليت لوو عندي بنات خال وعم اقدر اكون علاقه قويه مهاهم .. عندي بس للاسف علاقات سطحيه وما بتتتغير .. والحمدلله ع كل حال
\
\

المشاركة الأصلية كتبت بواسطة جزيرة الأمان

صدقتي الغااااالية،،،،

صداقة هالزمن صلاحيتها فترة بسيطة وتنتهي (كأنها حليب مراعي ما صار كم يوم إلا انتهى)،،،

بس شو نقول،،، الله المستعان،،،،

بس مثل ما قالت وحدة من الخوات ... كوني صداقة مع وحدة من قرايبج،،، وابدي معاها والله يوفقج،،،

خخخ حلوه حليب المراعي عيبتني ... بس نفس الكلام بعد
\
\

المشاركة الأصلية كتبت بواسطة ريحه المسك

مبارك عيدج ............انا مثلج ما عندي ربيعات ابد .......

حتي ايام الدراسه .........كنت وحيده

الحياه ما توقف عند وحدتي ..........

الحين عيالي كل دنيتي

وكلنا خواتج ....................وعيدج مبارك

اختج ام محمد

عساج من عوادة العيد ختيه .. كلامج واايد حلو والله يعلم اني ارتحت يووم قريته .. مشكوره عنني فداج
\
\

المشاركة الأصلية كتبت بواسطة كلى دلال

السلام عليكم ورحمة الله وبركاته

اختى لاتستعيلين على رزقج كلنا مرينا بفتر من هذه الفترات ويستحيل اى وحده منا ما مرت بهذه المسئله في فتره من حياتها وبى اليوم الى بترابعين فيه الصديقه الى فى خاطرج وصدقينى انا صراحه تعرفت على وحده في اخر كورس لى من الجامعه ووبالرغم من قصر الفتره الى تعرفت عليها الا انا تواصلنا مع بعض وبالرغم انى عندى النوعين من الربيعات الى يكون فتره والى يكونون متواصلين وهذيل المتواصلين ما تعرفت عليهم الا اخر ثلاث سنوات لى في التخصص شفتى مرحله وبتعدى وبترابعين الى في خاطرج و لاتحطين في بالج انج تبين ربع لانه عندج ربع بس انتى دورى حواليج والله ييسر امرج يارب العالمين .

انا وياج حبيبتي وانا مب قصة مستعيله وجيه بس اذا ما لقيت ربيعات الحين متى بحصل يووم بعيز .. حلات الربيعات وهن وياج فسن صغيره ويكبرن وياج ^_^
\
\

المشاركة الأصلية كتبت بواسطة منورة

الله يعطيج على قد نيتج

آمـــــــــــــــــيـــــــــن ياا رب ويعطي الجميع ع قد نياتهم
\
\

المشاركة الأصلية كتبت بواسطة Crazy MinD

حاسه فيج والله لأني مفتقده هالشي
كانت عندي ربيعه .. الروح بالروح
الكل كان يتكلم عنا ويحسدنا ع صداقتنا
دوم يقولون ماشفنا ربع شراتكم .. ويا بعض بكل شي
نطقم ويا بعض بكل صغيره وكبيرة حتى وصلت السالفه انه نشتري نفس السيارة ونفس اللون
وعمرنا ما تزاعلنا من بعض ومانحب حد يدخل من بينا ..

بس سبحان الله ..
كل شي تغير وعلاقتنا صارت عاديه .. من بعد ما كنا نتصل في بعض 5 او 6 مرات باليوم غير المسجات وسوالف ع المسن
الحين كملت اكثر من اسبوعين ما كلمتها!! يختي الناس ما ترحم

احس اللي صارلنا عين ..

سووري بس حبيت افضفض .. البارحه ماقدرت ارقد والسبه هالسالفه

ويييي اظيقت والله علي استوى .. ليييييييش جيه ياا ربي .. اخس شي يووم تعزين حد والايام تفرقكم وما تعرفين شوو السبب .. حرام والله .. والله اني يووم اشووف بنات لابسات نفس الشي ومطقمات ويتمشن مع بعض ووووو اغااااااااااااااار اقول انا بعد اباا ياا رب ترزقني ربيعات اطقم وياهن فكلشي ونكون دووم ويا بعض ... ماعليه فديتج لا تظايقين حاولي تردين تكلمينها وتردين العلاقه والله يعطينا ع قد نياتنا ...

**سلطانة زماني** · 2009-09-22, 13:40

كلنا فالهوا سوا فديتج

الموضوع: كلمتين فخاطريه

أدوات الموضوع

عرض

كلمتين فخاطريه

المزيد من آخر المواضيع من نفس القسم:

المواضيع المتشابهه

فخاطريه ورق عنب

كلمتين فبلادج الغالية

فخاطريه اتعلم انجليزي اكثر