عانس.........

[Anwaar]

الغالية انوار ...

أول ما كملت قراءة موضوعج بكيت .. نعم بكيت ... بكيت من قلبي .. أول شي بكيت لظلم نساء الخليجيات وظلم نساء مجتمعنا بالذات وطول لسانهن ... أنا آنسة عمري25 سنة .. صديقاتي كلهم تزوجوا (( الله يسعدهم ويهنيهم يارب ))) بس اتغيروا واتكبروا علي واغتروا بنفسهم سبحان الله بني آدم يغتر بعمره لما يحصل على شي ..... صديقاتي ابتعدوا عني وايد .. بس يرجعون يتصلون فيني لما يتطلقون او لما يبغون مني شي (( مصلحة)) بس لما انا ابغي أسأل عنهم لوجه الله لا غير ما ابغي منهم شي بس للسؤال ما يردون على وحده عانس مثلي على وحده مب امعرسه .. بس نسسوا إن النعمه زواله ... والله قدر يرزقهم يقدر ياخذ نعمته بلحظه ... والله اللي تغتر بعمرها ربي قادر إن يحرمها .. ...

بكيت وبحرقه لأني تذكرت رحمة ربنا وكرمه .. تذكرت عظمته سبحانه .. وتذكرت إنه هو خالقنا .. وتذكرت إنه هو اللي اوجدنا من العدم ... وتذكرت إنه هو يقدر وحده إنه يعطي ويرزق الحرومين ... صدقيني موضوعج رجع لي روحي مرة ثانية ..


واقع مجتمعنا الغاليه إن لما الولد يبغي يعرس وامه راحت شافت عروس حقه .. تعجبها البنت وايد جمال وأخلاق وأدب ودين وحتى ولدها لما شافها بالنظرة الشرعية عجبته البنت ...

إتخيلوا يا خواتي ..

الأم أول ما إتعرف إن البنت أكبرمن ولدها بسنة أو بنص يوم ترفض البنت وبشدة !!!!!!!!!!!!!!!!!!!!!!!!!

مع إنه شكلها صغيرة أصغر من البعير الضخم اللي معاها ...

انزين ترفضها بس لهذا السبب وكأنها هي المعرس مب الولد .. يعني الولد ماله راي ...

همها بس إنها تختار عروس اصغر منه بعشر سنوات عادي لو خسفه وصايعه او ما عندها اخلاق بس المهم اتكون صغيرة !!!!!!!!!!!!!!!!!!!!

وأم ثانية اتدور عروس لولدها انزين تدخل بيت بيت ما خلت فريج إلا راحت له ما خلت بيت إلا دخلته ما خلت بنت في البلاد إلا شافتها بس هذه الأم ما يعجبها العجب !!! أم الولدعندها شروط انزين .. ما أدري يمكن هي المعرس !!!!

اللي يتنقى عقب يطيح .......................


حبيبتي هذ واقع أنا ارمس عنه وبالذات في مجتعنا والمجتمع الخليجي ..



هذا واقع الحريم في مجتمعنا



أنا وايد فرحت لج الغالية .. ربي يهنيج ويسعدج ياااااااااااااااااااااااااااااااارب
الله يسعد كل عروس ... ويرزق الجميع يارب

فديت روحج الله يرزقج ويسعدج وتسلمين عالمشاركه الروعه والدعاء الاروع.. فعلا وايد من البنات بعد ما يعرسن اختفت عنج وتغيرت عليج كأنج بتخطفين ريلها.. استغفر الله

تسلمين حبيبتي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[خيوط الزعفران]

فعلا الكلمة ما لها معنى ... وكل شئ في هالدنيا مكتوب

[Anwaar]

موضوع مهم جدا يستاهل النقاش

صار لي فتره وانا افكر في كلمة (((( عانس )))) ومن وين يت هالكلمه وعلى اي اساس تم تحديد العمر ؟؟
عمري ماسمعت انه في دينا الاسلامي انه الزواج له عمر معين .. وفي احدى المرات قريت هذي الجمله وانا اتصفح النت وابحث عن موضوع العنوسه وما اساسه ولقيت هذي الجمله (( العنوسه شبح صنعناه بأيادينا )) وهذي هي الحقيقه.
ليش الوحده من يوصل عمرها لثلاثين يقولون عانس ولا طافها قطار الزواج ياناس هل الزواج له قطاار!!
ياناس الزواج ماله عمر ولا له قطار ولا طياره ولا حتى صاروخ الزواج قسمه ونصيب .
اللي صار عمرها فوق الثلاثين شو فيها ؟ خلاص ماتنفع انتهت صلاحيتها غير صالحه للستهلاك؟؟ ولا شعرها كله صار ابيض ولا ويها امتلا تجاعيد ولا ماتروم تمشي وتقوم بنفسها؟؟ تراها البنت حالها حال اي وحده في العشرينات ليش هالنظره السلبيه كل الامر انه نصيبها ماياء بعده .. ليش الكل حاط عليها المسكينه ونظرات الشفقه واللي يقول يحليلها عانس !!! البنت في عز شبابها ومب ناقصها شي واذا ماتزوجت ويابت عيال ترا اكيد عندها اهل مب مقطوعه من شيره (شجره) متى الله بيرحمنا من هذي العادات السلبيه .. خواتي تصدقون ان من كم يوم انا وامي كنا نتكلم عن عرس وحده الله يوفقها جان يقول اخويه الصغير وانتي متى بتزوجين انتي خلاص عنستي تخيلوا اخويه الصغير يقولي هالكلام وانا كم عمري الحين انا عمري 24 سنه بس هو مايعرف انا كم عمري ولا يعرف شي عن العنوسه هو يشوفني كبيره ويسمع من هني ومن هني اذا الياهل قال هالكلام عيل الكبار شو بيقولون .. كيف نتخلص من هالمعتقدات واحنا ننقلها الليهال ونكرر دايمن .. وفي الاخير اقول ان الزواج قسمه ونصيب وكله من عند الله سبحانه وتعالى واذا ربي كاتب لي اني اتزوج تراني بتزوج حتى لو صار عمري 50 سنه و لو ربي ماكتب لي اني اتزوج ترا مابتزوج لو الخطاطيب واقفين طابور عن الباب و اسمحولي طولت وااايد بس من القهر ابي الناس تفهم ان الزواج ماله عمر محدد ومافي شي اسمه قطار وتذاكر وخرابيط

فديتج خذي راحتج.. انا لو متفيجه بسوي رسالة دكتوراه عن هالموضوع بس خليها على الله
الله يرزقج بالنصيب اللي يسعدج ويريح بالج

[اخت بوحميد]

الله يرزكم بالزززوج الصااالح

[دبي 1313]

المشكله مب بكلمه عانس ما تودي ولا اتييييييب

المشكله بمضمون هالكلمه الي هو الواقع

الله يرزق الجمييييييع

[basko0ota]

ماشالله عليج كل كلمه قلتيها صح
الحين لو وحده استوا عمرها 22 ما يتم حد ما يسألها ليش ما تعرسين وليش ما وافقتي علا هذا وليش وليش ! ! !
المشكله في مجتمعنا وتفكيرهم

[دانه @]

--------------------------------------------------------------------------------
كلامج درر
والقناعه كنز لا يفنى
وكل حد ياخذ نصيبه والمكتوب له فهالدنيا
ماحد ياخذ نصيب غيره
مشكوره

[jameela200]

الصبر زين
والدعاء
والثقة بالله
وكلمة عانس مب موجودة في قاموسي ولله الحمد

[Anwaar]

تسلمون حبيباتي....

[LADY LOVE]

الي تعاير اي وحده بكلمة عانس او تتشمت لانه فلانه ماعرست هاي انسانه
بلاااااااا أخلاق كريهه
والدنيا دواره وبيي اليوم الي محد بيدق باب بيتها وبيخطب بنتها
عشانها اهانت غيرها بنظراتها او بنغزاتها
الله سبحانه الي بقدرته وبفضله عطاج زوج ممكن في لحظه ياخذه منج ويكون ملك وحده ثانية
اتقي الله في خواتج نحن مسلمين عيب هاي مب من اخلاق دينا السمح
الله يزوج خواتنا واخوانا المسلمين اللهم آميييييييييين

[شووواقي]

الله يرزق كل محرومه يارب

[راعية_دبي]

كل البنات بيعرسون محد يفوته القطار .............على قوله المصاروه كل فوله ولها كيال هههههههههه

[أم أحمد2008]

اللهم ازرق جميع أخواتنا المسلمات الأزواج الصالحين والذرية الصالحة عاجلا غير أجل، اللهم استر علينا وعليهن، اللهم لا تشمت بنا ولا بهن عدوا ولا حاسدين أمين يا رب العالمين

[أم أحمد2008]

الي تعاير اي وحده بكلمة عانس او تتشمت لانه فلانه ماعرست هاي انسانه
بلاااااااا أخلاق كريهه
والدنيا دواره وبيي اليوم الي محد بيدق باب بيتها وبيخطب بنتها
عشانها اهانت غيرها بنظراتها او بنغزاتها
الله سبحانه الي بقدرته وبفضله عطاج زوج ممكن في لحظه ياخذه منج ويكون ملك وحده ثانية
اتقي الله في خواتج نحن مسلمين عيب هاي مب من اخلاق دينا السمح
الله يزوج خواتنا واخوانا المسلمين اللهم آميييييييييين

عيبني كلامج ، صح لسانج LADY LOVE

[روكي ركان]

في القاب لازم تنمسح من حياتنا و للابد ويا ريت كلمة عانس بس المزعجة من بينهم
في عقيمة و في مطلقة و في خادمة
و ,,,,,,,,, و وووو

الله يهدي الجميع و ايسر لكل وحدة امورها