شو الحل؟؟

[عـروسه]

شخباركم بنات؟؟

بدخل بالموضوع لأنه صدق مب عارفه شسوي؟؟

انا ماصارلي شهرين متزوجه و من اسبوعين احس ان ريلي واايد ويا الفون ومسجات وجي,, و هو حاط قفل عالفون و انا اعرفه بس مايدري ويوم رحت اجيك عرفت انها بنت و الحين والله مب عاااارفه شسوي كيف اكلمه مع انه اعامله عاادي يعني ما ابين له ابدا اني اعرف شي او مضاايجه خليت كل شي بقلبي وسكت عسب ما اخرب حياتي ونتضارب والله يوم يقولي بطلع اييب شي مثلا اتم ضاايجه لأنه اعرف بييب الشي وبيتم يكلمها لي يوصل البيت لأنه يوم يرد على طول اجيك بدون مايحس و اشوف انه متصلين لبعض او مسجات وانا اخلي عمري عاادي او حتى يوم يروح بالدوام اتم ضاايجه لأنه اكيد بياخذون راحتهم وبيكلمون بعض وانا مااعرف شي

مع انه هو موااضب على صلاته و كل شي الحمدالله وأنا مو مقصره وياه بشي حتى هو يقولي بس لييش يسوي جي ونحن تونا معاريس
خبرووني شو اسوي وياه كيف افاتحه والله مب عاارفه وخاايفه يوم بقوله بيقول انتي كيف تعرفين واذا خبرته اني اجيك فونك بعد اكييد بيعصب يعني شوو اسوي بليييييز لا تبخلوون عليه

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم سـ ع ـيـد]

عندج حلين غناتي يا انج تواجهييينه بالصدق وتصارحينه انج عرفتي بالموضوع واتقوليله اذا ما اعتدلت كلن له درب ...

تبغين الصدق اعرف انا تجربتين في وحده صارحته وقالتله كل واحد في طريق اذا مابتعدل ... وليش معرس دام عندك حياتك الثانيه؟؟؟ وكلن يبني الحلال في طريقه( وقالتله بسير بيت اهلي يومين وفكر في الموضوع واذا مابغيت وبالتم نفس ما انت بينا الطلاق) وردوا لبعض ...


واذا انتي مش متحمله رمسه الناس ومالج قدره تواجهييينه او الانفصال لاقدر الله اتحملي بما فيه وحاولي تكسبينه بطيبتج وعندج اسلوب السياسه ...

اما اذا كان من النوع الذكي والخبيث عادي بيحلف بالقرآن كذب ان مايرمس بنات وساعتها لاتحاولين تشتغلين شغله المحقق كونان ... اذا تبغين ريلج اكسبيه بالمعامله وتحمليه ...

باختصار الحلين قدامج ياما انج تسكتين وتصبرين يا انج تواجهين واتحملي ساعه المواجهه على حسب شخصيه الريال ...

وحبيت اقولج ابغيج تعرفين صنف ريلج من اي اصناف هل هو العصبي او البارد؟؟؟ يعني ينفعله التهديد او بيطنش و اللي بيبيعك بيعه مليون مره وانتي توج عروس ويسوي هالحركات عيل لو عندج اعيال شو بيسوي؟؟؟

اولا وثانيا علييييييييج بالاستغفاااااار غناتي ...

قلتلج يا انج تسكتين وعليج بالاستغفار او انج تواجهينها حلين عندج ...

والله يوفقج غناتي ...

[زيتونة(><)]

للرفع ~

[غزاله بوظبي]

الله يكون في عووونـــــج,,

حآآولــي تتفاهمين وياه ايبيله بالسياسه بس لاتقوليله ,,

وبينيله انج تكرهين الخيانه واخس شي هي الخيانه ويمكن يراجع عمره.

[shaikah3]

والله يا بنت الحلال موقفج صعب جدًا .. بعدكم معاريس ما وحالكم
أكيد كان من قبل يعرف هالبنت .. قبل ما تعرسون
والله يوم اسمع جي قصص اكره الرياييل و اتعقد.. والله ما اعرف شو اقولج ..اخاف اقولج واجهيه يمكن تصير بينكم مشاكل و انتو توكم معاريس حرام عكرون مزاجكم أو تتحملين و ترا هذا نصيبج بس حليلج والله مالج ذنب تتحملين كل هل عذاب وانتي وتوج ....................................."اللهم إني لا أسألك رد القضاء ولكني أسألك اللطف فيه"

ما أدري شورايج تصلين استخاره ؟؟؟

بس هاي هيه الحياة لازم تعيشنها بحلوها مرها والله غمضتيني اتوج عروس ما وحالج .. حسبي يالله ونعم وكيل

ونصحيتي :
لا تقولين حق حد من اهلج ابدًا ولا اي مخلوق فالكون أنه جي جي صاير

الله يكون في عونج والله

[Um_Mahrah]

انا لو مكانج باخذ رقمها وروحي بكلمها بدون اي تردد

ولا اخليها تتمادى وتاخذ راحتها ... اما ريلج لاتقولينله شي .... تصرفي ويا البنت وادبيها

[فلونة]

المواجهة غلط في مثل هالمواقف

المفروض تسحينه صوبج بأي طريقة

لأنج إذا واجهتيه ممكن يعترف إنه على علاقة وإنه بيقطعها

ويقوم يغير اللوك اللي على تلفونه

ساعتها بتعيشين في دوامة شك

وبتعبين عمرج

يعني ما بتعرفين هل هو يرمسها ولا لأ

فديتج...

حاولي تشوفين مسجاتها وتشوفين شو اللي يحبه فيها

وسوي كل شي يحبه ريلج ولا تعطينه مجال يفكر ولو للحظة يدور غيرج

اليوم علاقة بالفون باجر بتحصلينها ع راسج شريجة لا سمح الله إذا ما عرفتي تتصرفين..

البارح قريت قصة ليلى ووائل

لو حصلتها بحط لج الرابط

شوفيها كيف سحبت ريلها صوبها عقب ما عرفت بعلاقته

الله يرد لج ريلج يا رب ويخليه لج ولعيالج مستقبلا

أكثري من الاستغفار والصلاة وقيام الليل

وتمي ادعي

[كلي_جاذبيه]

شوفي انتي زوجه للبيت تراعينه واتيبين له عيال وجدام الناس متزوج هذا دورج كزوجه وبس
اما البنت لوقت الملل والتسليه والكلام الحلو والسوالف والطلعات الثانيه الحلوه
وبلاوي ثانيه


افضل شي انج تخبرين حد من اهلج يتصرف وياه
عبنو توكم معرسين ويسوي جي

[Girlish]

استغرب في مثل هالمواضيع معظم ردود البنات تكون واجهيه ،، و المواجهة ما تسوي شي غير تحرق اعصابج و تعور راسج فترة و يمكن الريال يسوي عمره اعتدل و هو من هناك ماخذ رااحة عشان يرد يلعب الاشوااط اليايه ،،


انا اقول اتريي ،، لا تواجهينه الحينه // مب قبل لا تيودين دليل على مكالماتهم ، عشان ما يطلعج مجرد شكاكه و تفتشين تيلفونه ،، اتريي اتيج فاتوره تيلفونه مثلا ،، او موقف يمكن ,, بما انج تووج عروس .. معناته هذي الحادثة الأولى و اذا ما تعاملتي وياها صح من أول مرة ،، بتتعبين في كل مرة تكتشفين هالشي ...

مثــلا ،، تعرفين لو تسوين مشكله بينهم و هو مايدري انج سبببها .. بقولج كيف ..

خذي رقم البنت اذا قدرتي و دوري حد من اخوانج توثقين فيه يكلمها و اييب معلومات عنها ممكن تستخدمينها ،، و اتريي لين ايي الوقت المنااسب ،، عقب قوليله وحده دقت لي و تقولي عنك جي و جي بس انا ماصدقتهااا لأني مستحيل اصدق فيك شي .. واستخدمي المعلوماات اللي بتعرفينها عنها عشان يتأكد انها هي .. وبتلاحظين حاله ..

اذا هي وحده بتزرعين الشك في قلبه انها تسبب مشاكل بينكم و يمكن يقطعها ،، بس شطاارتج مطلووبه جداا في هالموقف .. كوني كوول للحظة الأخيرة و ابداا لا تواجهينه انج شفتي رقمها في موبايله سوي عمرج وااثقه فيه يمكن يحس على دمه و ما يتمادى ف الموضووع //

ونقطه ثااانية كل ريال له مدخل معين او نقطة ضعف تؤثر فيه ،، دموع حرمته ،، عياله ان شاء الله يوم الله بيعطيكم ،، أهله ،، اكتشفي شو نقطه ضعف ريلج و استغليها في صالحج .....

انا وايد خربطت بس ان شاء الله اكون قلت شي مفيد مممكن ينفعج ....

ربي يعينج و الصبر زيييين

[مره حيل]

الله يكون بعونج كلنا مبتلشين

[نـادره]

لاتواجهينه

بس مثلاا قولي له سوالف عن الرياييل اللي يخونون وانتي كيف تكرهين هالشي وقولي له ما اتخيل ريال معرس ويخون حرمته وهي مب مقصره !! وشوفي شو ردت فعله

خلج طيبه وياه ولاتواجهين وحاولي تكسبينه اشغلي وقته قولي له بطلع وبنتحوط ويوم بيظهر طرشي له مسجات الله يحفظك ومن هالكلام

وربي يعينج

[المتحنيه]

استغرب في مثل هالمواضيع معظم ردود البنات تكون واجهيه ،، و المواجهة ما تسوي شي غير تحرق اعصابج و تعور راسج فترة و يمكن الريال يسوي عمره اعتدل و هو من هناك ماخذ رااحة عشان يرد يلعب الاشوااط اليايه ،،


انا اقول اتريي ،، لا تواجهينه الحينه // مب قبل لا تيودين دليل على مكالماتهم ، عشان ما يطلعج مجرد شكاكه و تفتشين تيلفونه ،، اتريي اتيج فاتوره تيلفونه مثلا ،، او موقف يمكن ,, بما انج تووج عروس .. معناته هذي الحادثة الأولى و اذا ما تعاملتي وياها صح من أول مرة ،، بتتعبين في كل مرة تكتشفين هالشي ...

مثــلا ،، تعرفين لو تسوين مشكله بينهم و هو مايدري انج سبببها .. بقولج كيف ..

خذي رقم البنت اذا قدرتي و دوري حد من اخوانج توثقين فيه يكلمها و اييب معلومات عنها ممكن تستخدمينها ،، و اتريي لين ايي الوقت المنااسب ،، عقب قوليله وحده دقت لي و تقولي عنك جي و جي بس انا ماصدقتهااا لأني مستحيل اصدق فيك شي .. واستخدمي المعلوماات اللي بتعرفينها عنها عشان يتأكد انها هي .. وبتلاحظين حاله ..

اذا هي وحده بتزرعين الشك في قلبه انها تسبب مشاكل بينكم و يمكن يقطعها ،، بس شطاارتج مطلووبه جداا في هالموقف .. كوني كوول للحظة الأخيرة و ابداا لا تواجهينه انج شفتي رقمها في موبايله سوي عمرج وااثقه فيه يمكن يحس على دمه و ما يتمادى ف الموضووع //

ونقطه ثااانية كل ريال له مدخل معين او نقطة ضعف تؤثر فيه ،، دموع حرمته ،، عياله ان شاء الله يوم الله بيعطيكم ،، أهله ،، اكتشفي شو نقطه ضعف ريلج و استغليها في صالحج .....

انا وايد خربطت بس ان شاء الله اكون قلت شي مفيد مممكن ينفعج ....

ربي يعينج و الصبر زيييين

ماشــــــــــــــــــــاء الـلــــــــــــــــــــــــــــــــه عليج

كـــــــــــــــــــــــلام منطقي ونابع من العقل اتمنى تتبعين كلام الاخت

[^حلـى قلبـي^]

اتبعي كلام جيرلش

والله يعينج ويسخر لج ريلج

[نبضي استغفاري]

الله يعينج عليج بالقيام والاستغفار

وربي يحنن قلب ريلج عليج

[نك نيم]

هاي شكلها من بقايا حياته العزوبيه ...


انا في رأيي تصبرين عليه .وتدعين له بالهدايه وانه الله ينظف قلبه.. و اكيد مع الوقت بيمل من الخش والدس .. وبيي اليوم اللي بينفضح فيه جدامج .. وعقب واجهيه وقوليله انج اتعرفين كل شي من قبل وساكته << وهنيه بتكبرين في عينه وبيحس باللوم .. وبيعرف انه هو المقصه مب انتي .!!

والله نفس هالمشكله صايره في بيتنا .. وحرمة اخويه ما استفادت شي من المواجهه .! بالعكس اخويه الله يهديه صار متمرد اكثر واكثر .!! كنه السالفه استوت سالفة اعناد .!!!