الحر وشعري

**غاية لا تدرك** · 2009-08-07, 15:55

مرحبا
اشحالكم ؟؟؟؟؟؟؟؟؟؟
حبيت استفيد منكم
انا شعري من كثر الحر احس فيه ريحه مع اني اغسله ثلاث مرات فاليوم
لاني بسرعه احر
ما اعرف شو اسوي له علشان تروح الريحه
بعد ما اغسله تروح واول ما احر ترجع
اللي صار لها مثلي تخبرني شو سوت
واللي عنها خبرة تقول لي لانها اول مرة تصير لي

المزيد من آخر المواضيع من نفس القسم:

**mayaasy** · 2009-08-07, 18:19

مي تو اداوم ف الجامعه وتعرفين الجامعه حر وصلاخ ومن احد المشاكل هي نفس مشكلتج يالغاليه

**رعبوبة99** · 2009-08-07, 19:30

مااعندي الحل بس مب زين تغسلين شعرج 3 مرات فاليوم غلط هالشي (:

**!! غرور !!** · 2009-08-07, 19:34

انا بعد شراتج لان شعري دهني مع اني ماطلع بالنهار يعني ماداوم ..

**::AmOoOl::** · 2009-08-08, 00:33

انتي تنشفين شعرج زين ؟؟؟

حتى لو شعرج دهني ،،ما شي سبب لريحة الشعر اذا كل يوم ينغسل إلا اذا الشعر ما يتهوى...يعني فيه ماي ورطوبه واتمين مغطتنه بشيله..

انصحج فجي شعرج في الليل ،،،ونشفيه عقب ما تتسبحين ،،،اذا ما ترومين تنشفينه طبيعي بانج تخلينه على راحته يلين ما يجف اوكيه ... على الاقل استخدمي البلودراير ...

وان شالله تستفيدين من ردي

ونصيحه لا تغسلين شعرج 3 مرات اصلا الاطبا ما ينصحون انه الوحده تغسل شعرها يوميا !!! فكيف 3 مرات في اليوم !!؟

**شهد المناعي** · 2009-08-08, 00:43

مب زين تغسيلينه 3 مرات فاليوم

حاولي تجففينه عدل وتبخرينه

جربي وادعيلي

**Ego-Girl** · 2009-08-08, 11:03

مرحبا

1) غسلي شعرج مره يوميا بعد ماترجعين من الكليه بماي بارد
2) استخدمي شامبو دووف مع البلسم .. ريحته حلوه الدوف الازرق .. متاح في الجمعيات .. او جربي تسيرين الصيدليه تاخذين شامبو طبي عن فطريات الشعر لان الفطريات هيه اللي تسوي ريحه
3) عطري شعرج بعطر شانيل اسمه hair mist اختاري اي نوع ... قيمته تتراوح مابين 200 الى 250 .. عطر مخصص حق الشعر .. ويسوي لمعه طبيعيه للشعر وريحته اتجنن ... طبعا العطر لازم تحطينه وشعرج بعده خرسان

بس غلط تغسلين شعرج ثلاث مرات يوميا بيحت عليج ... جربي عقب ماتخسلينه تنشفيه عدل وتخلينه مفتوح .. لاتلفينه او تربطينه

ان شاء الله افدتج

**{ .. مذهلــهـ** · 2009-08-08, 13:59

ما بزيد ع كلام خواتي

غلط هالشي حبيبتي و بيدمر شعرج وايد

بتتقرعين اصلا من كثر ما تغسلينه

فـ خلي غسل الشعر كل يومين .. يعني يوم هي و يوم لا ..

و غيري الشامبو .. اذا الشامبو مال الاستعمال اليومي - جربي واحد غيره

وربي يوفقج

**غاية لا تدرك** · 2009-08-08, 20:21

المشاركة الأصلية كتبت بواسطة { .. مذهلــهـ

ما بزيد ع كلام خواتي

غلط هالشي حبيبتي و بيدمر شعرج وايد

بتتقرعين اصلا من كثر ما تغسلينه

فـ خلي غسل الشعر كل يومين .. يعني يوم هي و يوم لا ..

و غيري الشامبو .. اذا الشامبو مال الاستعمال اليومي - جربي واحد غيره

وربي يوفقج

كيف وحدة معرسه ما تغسل شعرها كل يوم (فهمتيني صح)

***7amdooh*** · 2009-08-08, 21:06

بيتقطع شعرج T.T

استخدمي Chanel Hair Mist

**ماحد شراتي** · 2009-08-09, 11:49

ما بزيد على كلام البنات ماشاءالله عليهن ما قصروا.. اهم شي تخلينه ينشف وييبي فرشاه ورشي عليها عطرج المفضل بس هالطريقه استخدميها على شعرج وهو مبلول وخليه ينشف على راحته

الموضوع: الحر وشعري

أدوات الموضوع

عرض

الحر وشعري

المزيد من آخر المواضيع من نفس القسم:

المواضيع المتشابهه

السدر وبشرتي وشعري

الرضاعه وشعري...

فستــــــــــــــــــاني أسود وشعري شوه

مكياجي وشعري