الحجاب...هل سيختفي من المجتمع الإماراتي؟؟؟

**بنت آل مرة** · 2009-08-03, 23:01

مرحبا خواتي
اليوم حبيت أناقش ظاهرة انتشرت بشكل كبير خلال ال5 سنوات الماضية
ألا وهي الحجاب أو الشيلة المتعلقة بالقباضة واللي بدونها بطير في الهوا
يعني مول ما يعني لهم الحجاب شي؟؟!!

واللي صابغة شعرها أشقر فاقع
واللي قصتها شوي وبتدخل في عيونها وبتعميها

خاطري أعرف ما يعرفون أنه كل شعرة بجمرة؟؟!!!
وليش مافي توجيه من الأهل
اسمحولي للي بيقولون خل الناس بحالها وما يخصج فيها
بس أنا ما أقولها تتنقب أو تلبس عباة الراس
ها فرض علينا
وأنا بروحي عندي ربيعات ما يتحجبن عدل ويوم أسأل يردون علي
أنه شكلها غلط ومب شي يوم ماطلع قصتها
بذمتكم ها سبب؟؟!!!
أرجو أنه اناقش هالموضوع وأسباب انتشار هالظاهرة بشكل كبير بهداوة
وأنا أتقبل أي نقد بشرط أنه يكون بناء (ما أنلام دارسة علاقات عامة

)

والسموحة

المزيد من آخر المواضيع من نفس القسم:

**اذكروا الله** · 2009-08-03, 23:17

لا ان شاء الله هالفئة من البنات ما بيخفون الحجاب عن مجتمع الإمارات الأصيل

وكل شخص ذنبه عليه بس مانقدر نقول الا الله يهديهم

**الهوامير** · 2009-08-03, 23:20

انا فخاطري صراحه نفس السعوديه ايكونون عنا الامر بالمعروف والنهي عن المنكر جان طلعت السواهي كلها

**انثى بس غير** · 2009-08-03, 23:22

الله يهديهن يارب

**::ملاك::** · 2009-08-03, 23:25

الله يهديهن يارب

**سيده الوادى** · 2009-08-03, 23:25

الله يهدى البنات والمسئوليه الكبرى على الامهات الام متنقبه والبنت تمشى صوبها عبايه مفتوحه وبنطلون الجنس والشعر مثل ما قلتى كله برع
وين اهلها ابوها اخوها مافى غيره على بناتهم

**درر_مضيئة** · 2009-08-03, 23:28

اللهم استرنا فوق الارض ويوم العرض عليك

**بنت آل مرة** · 2009-08-03, 23:29

المشاركة الأصلية كتبت بواسطة اذكروا الله

لا ان شاء الله هالفئة من البنات ما بيخفون الحجاب عن مجتمع الإمارات الأصيل

وكل شخص ذنبه عليه بس مانقدر نقول الا الله يهديهم

آمين وربنا يسمع منج وأشكر مرورج

المشاركة الأصلية كتبت بواسطة الهوامير

انا فخاطري صراحه نفس السعوديه ايكونون عنا الامر بالمعروف والنهي عن المنكر جان طلعت السواهي كلها

هيه والله يبالنا خاصة في الفترة الأخيرة مع الأشياء الغريبة اللي انشوفها
يسلمو عالرد ^__^

المشاركة الأصلية كتبت بواسطة انثى بس غير

الله يهديهن يارب

أمين وتسلمين عالمرور

المشاركة الأصلية كتبت بواسطة الغلـــــا

بسم الله علينا عاد مب لهالدرجه
تعالي العين وشوفي 90% من البنات منقبات ومتغشيات نااااااااااااااااادر اشوف وحده مطلعه قصتها
الحمدلله والشكر

هيه أختي صدقتي
حتى صوب بوظبي
بس والله قبل كم من يوم شفت بنتين حدرن محل العبي ولا تعليق
وصدقيني هالظاهرة يالسة تنتشر بشكل فظيع وما خفي أعظم
الله كريم وأشكر مرورج أختي

**أميرة بضحكتي** · 2009-08-03, 23:30

فعلآ هالظآهرهـ منتشرهـ في الامارآت بشكـــل مو طبيعي ،،
وأسبابهاآ معروفهــ ، بس ما أبي ادخل في التفآآصيل عن اييني شي من البنآت..لووول ،،
و إن شاآآء اللهـ مآ راح يختفي الحجاآب من دولتنا الحبييهـ ،،
واللهـ يهدي الجميع،،
أتركـ المايكـ للعضوهـ اللي بعدي ،، هههه
يسلمو ع الموضوع خيتووو ..

**dolfii** · 2009-08-03, 23:31

التربيه تلعب دور

المفروض الاهل يحببون البنت في الحجاب ..لكن للاسف البعض فارضينه فرض عليهن ومن يشمن الهوا ويبلغن عقن الحجاب وراهن !! والبعض ولله الحمد الامهات من تبلغ البنت قالن خلوها على راحتها عدها صغيره وبرايها تراها حلوه ويوم بياخذها الريل بتتحجب !!
المهم.....الواااااازع الديني وييييين!! التربيه مب سهله ..بس عيالنا امانه عندنا ..الله يهديني وعيالي وعيال المسلمين اجمعين .......اااامين

**El Noor** · 2009-08-03, 23:32

الحين ماترومين تنصحين حد ! الله يستر علينا و على كل بنات المسلمين ..

**الهوجسية** · 2009-08-03, 23:40

طبعا هذا راجع لقلة الوازع الديني واول شي الاهل هم المسئولين عن التربية والنصح والارشاد نحن عيالنا في هالزمن يحتاجون النصح ومعرفة امور دينهم .. والله يهديهم

**اسيره الليل** · 2009-08-03, 23:49

الله يهديهن

**Miyabi** · 2009-08-04, 00:12

والله احتقر هالفئة من البنات احس اشكالهن غلط !!! الله يهديهن

**Єℓĵoяч** · 2009-08-04, 00:13

الله يهديهن ان شاء الله

الموضوع: الحجاب...هل سيختفي من المجتمع الإماراتي؟؟؟

أدوات الموضوع

عرض

الحجاب...هل سيختفي من المجتمع الإماراتي؟؟؟

المزيد من آخر المواضيع من نفس القسم:

المواضيع المتشابهه

70% من المجتمع الإماراتي مدين للبنوك

هل تظنون ان الحجاب خاص للمرأة فقط ! ادخل وشاهد صور الحجاب للرجل؟