قروض الاسكان

**صخرةقاسية** · 2009-08-01, 18:22

المشاركة الأصلية كتبت بواسطة روح الشامسي

كيف يطلع حق ناس واسطة
واحنا مالنا رب
يمكن عشان جذيه ألغوها لأنه حرام ناس تاخذ القرض وناس قاعده.............................................

ولا تحلمو فيه القرض
والله لو اشتغل بنيت فلتي بروحي انا وريلي

الغالية انا سرت وسألت عن 60 اسم الي طلع لهم القرض وتوهم محصلين الاراضي قالو هذيل واسطة ؟؟؟مثل مايقولو بعظمة لسنها الموظفة قالت لي هذيل واسطة قلت لها ونحن قالت الغو القائمة الاولية واصبرو لين يجتمعو ويسو قائمة جديدة؟؟؟؟ انطر يا..............

**مرايم2000** · 2009-08-01, 18:24

الحمدلله رب العالمين ترليووووووووووووووون مره....والله يطول بعمر شيوخنا يا رب العالمين...خذنا القرض بسرعه بدون واسطه والواسطه رب العالمين......

**أم ريمـاني** · 2009-08-01, 18:30

احنا بعد طلع اسمنا بسرعه بدون واسطه ولا خرابيط ,,

الله ييسر امووركم الغلاا ,,

**أشوق** · 2009-08-01, 20:31

بالعكس حبوبة انا اخوي اكثرمن 6 سنين مقدم على القرض وامس طلع له لا واسطة ولا شي وحمي وريل اختي بعد نفس الشي... والدولة الحمدالله ما مقصرة بس يبالهم مراكض اختي
وان شاء الله الله يطلع لكم باذن الله

**صخرةقاسية** · 2009-08-01, 23:11

الي طلع لهم انتو تطرون القرض الي من هيئة القروض ولا زايد للاسكان كيف اذا انتو حصلتو من هيئة القروض مبروك عليكم هذا يعطينا امل بس نحن راكضنا وماخلينا حد بس قالت لي الموظفة اختي لاتعبي عمرج مافي فايدة عندج واسطة امورج بتمشي اذا لا انطري قلت لها انا نطرت عشر سنين قالت ماعلية انطري بعد قلت لها يعني انطر عشر سنين ثانية قالت يمكن ؟؟؟؟

**phc** · 2009-08-02, 01:06

اخت اشواق كيف نزلت الاسماء امس من هيئة القروض؟؟ ما سمعت انه في اسامي نزلت؟؟يمكن اسامينا نزلت؟؟

**فطمطم** · 2009-08-02, 01:07

الله يسخر امورج ان شاءالله اختي

**خاله حليوه** · 2009-08-02, 07:20

المشاركة الأصلية كتبت بواسطة صخرةقاسية

حبوبة سمعة بلادنا ماعليها غبار والحمدلله رايتها بيضاء بس الغالية نحن نناقش قضية ازالية وبعدين ماله داعي كل ما تكلمنا عن مشاكلنا قلتو شوهتو سمعت البلد نحن ندور حل وثلاث ارباع هذيل وينهم ؟؟؟ في ناس وايدين لهم اراضي في خليفة ب و مدينة محمد بن زايد اشوف محد بناء الاعلى القروض الشخصية ؟؟؟ الغالية نحن تيبس رجولنا من كثر المراجعة وبعدين الي ايدة في نار مب مثل الي ايدة في الماي ونحن نهيب في دولتنا تساعدنا مثل ما عودتنا بدل الاسماء الي تطلع بالواسطة

ادورين حل في المنتدى..اهني مكان اطلعين اللي فخاطرج بس مب مكان اتحصلين فيه على حل..ومثل ماقلت مب كل شي ينقال...وانتو بكيفكم

**ورود مجففه** · 2009-08-02, 07:25

الله المستعان

**صخرةقاسية** · 2009-08-02, 09:41

المشاركة الأصلية كتبت بواسطة خاله حليوه

ادورين حل في المنتدى..اهني مكان اطلعين اللي فخاطرج بس مب مكان اتحصلين فيه على حل..ومثل ماقلت مب كل شي ينقال...وانتو بكيفكم

ختية المنتدى يدخلونه ناس وايد وللمعلوماتج ان اغلب المسؤليين يتابعو شو الي يصير بالبلد من هذي المنتديات واذا على الي في خاطري مابحصل احسن عن هذا المنتدى الغالي اطلع فية الغصة الي في قلبي وحق بنات بلادي

**روح الشامسي** · 2009-08-02, 09:47

والله أحسن شئ أحد يتكلم في البث المياشر ويشوف شو سالفة هيئة القروض
وليش الواسطة .............................توقعت انه هي الوحيدة ألي ما تمشي عليها الواسطة طلع كل شئ في هالدنيا واسطة..............................
الله يفرجها علينا إن شاء الله

دلال العين* · 2009-08-02, 14:49

الحين خواتي في قائمة اسامي طلعت ...والاشو ؟
اليوم انا اتصل ما حد يردابدا ؟ طمنونا ...
والله المستعان

**روح الشامسي** · 2009-08-02, 15:23

الله كريم ما اظني فيه قروض

**بدر0البدور** · 2009-08-02, 15:27

الله المستعان

**صخرةقاسية** · 2009-08-03, 12:05

المشاركة الأصلية كتبت بواسطة دلال العين*

الحين خواتي في قائمة اسامي طلعت ...والاشو ؟
اليوم انا اتصل ما حد يردابدا ؟ طمنونا ...
والله المستعان

ختية مافي اسماي ولا شيات هذيل الي طلع لهم الي مسجلين في زايد للاسكان وبنسبة للي طلع لهم بسهولة حبايبي هذي واسطة وماله داعي يا بنات تقولو غير لان في ناس منتظره على 10 و15 و20 سنة ليش مايطلع لهم القرض لايكون نحن مانستاهل ولا في شي ثاني اقصد نحن بس الي يطالبونا بالواسطة وغيرنا لا ..ختية انتظري ان الله مع الصابرين بعض البنات يعلق ومن عنده فكرة عن الموضوع بس تبي تدافع عن شو ؟؟ماتدري وكأننا اعداء لهذي الجهة ما كاننا اصحاب حق نطالب جهة حكومية انها توفي وبوعدها وتطلع الاسماء وتعطينا القروض وترحمنا من الاجارات الي شابة ضو

الموضوع: قروض الاسكان

أدوات الموضوع

عرض

المواضيع المتشابهه

قروض الاسكان

قروض الاسكان

قروض الاسكان الى متى ؟؟؟؟

قروض الاسكان الى متى ؟؟؟؟؟