و بعدين وياهم الدكاتره

**روكي ركان** · 2009-07-17, 01:38

مرحبا خواتي المتأخرات في الحمل و الي بتحملن بحوله و بقدرته قريب إن شاء الله

حبيت اتناقش في موضوع قهرني واااااااااايد و مب قادرة اتحمله فقلت اطرحه و اشوف

وجهات النظر المختلفة ...

و من العنوان الي اخترته ((((((((((((((وبعدين وياهم الدكاتره)))))))))))))))

اظني البعض فهمن قصدي و البعض لأ
صدق الشكوى لغير الله مذله بس الواحد شويسوي مع دكتور اختاره من بين آلاف الدكاترة
لخبرته الطويلة و لشطارته في مجاله و لاسلوبه الراقي مع مرضاه و يبدأ يتعالج عنده
و بعد ما يثق فيه ويرتاح له و يفهم الدكتور مشكلته و يبدأ في علاجه ..
يقرر فجأة و بدون مقدمات إنه ..

يستقيل

أو

يشل شنطته و يسافر
أوكي برايه خلي يسوي الي يباه بس اذا كان انسان عادي ما وراه مرضى متوقعين منه
كل خير و سلموه ارواحهم و هم مطمنين انه حريص عليهم و بسوي المستحيل علشان
يبر بقسمه يوم اتخرج من كلية الطب ..

انا ابى اعرف ليش الدكتور ما يفكر بصالح مرضاه قبل ما يتخذ اي قرار ضد مريضه
ليش ما يحط نفسه مكان المريض الي عنده من الهموم و المشاكل الي تكفيه عمره
وتزيد ..

هل اتخاذ قرار الاستقالة او السفر لمؤتمر او في اجازة اهم من المريض
و لجنة حقوق الانسان شو رايها في هذي القرارات .. ؟؟؟؟؟؟؟؟؟؟؟؟؟؟؟؟؟؟
و يوم ادورين على اسباب استقالة بعض الدكاترة تشوفين ان الموضوع
شخصي يمكن خلاف بين الدكتور ومديره اولانه يريد يحقق طموحه و
يفتح مركز علاج خاص فيه او لانه بيحضرمؤتمرمهم
على حد تعبيره .. و يوم نحتج و نشتكي يقولون ترىكل شي نسويه
لصالحكم فانا فتحت مركز طبي بروحي عسب اهتم فيكم اكثر و الي حضر
مؤتمر يقول حضرته عسب افيدكم في العلاج و ايب
لكم اخر ما توصلت له البحوث العلميةو الدراسات الطبيه وعادي عنده
مرضاه يعقهم على دكاترة ثانين اول
مرة يشوفهم و يشوفونه والحاجز النفسي من بينهم كل يوم يكبر و
يتوسع و يزيد ...

ومهــــــــــــما كــــــــــــــانت الأسبـــــــــــــــاب
ما في أهم من الانسان و ما في اهم من زرع ابتسامة امل في نفس مريض سلمك
الخيط والمخيط و هو راقد مطمن انه في يد أمينة بتساعده و بتحافظ عليه و بتخفف عنه ...

بتقولن الدكتور تراه انسان يتعب و يمل و يتضايج و من حقه يفكربنفسه و بمصلحته وبمستقبله
ما عندي غير رد واحد برايه يفكربنفسه بس يكف شره عن مرضاه و يوم عارف نفسه مب
قد المسؤوليه لا يلعب بمصير مريض حط كل امله فيه و اختاره من بين كل الدكاتره و الانسان
بانسانيته و حبه لغيره مثل ما يحب لنفسه

المزيد من آخر المواضيع من نفس القسم:

**إمنوره بيتي** · 2009-07-17, 03:10

السلام عليكم

معاج حق الغاليه ,, المفروض اي دكتور قبل مايسافر او يقدم استقالته او يغيب عن مرضاه يبلغهم ويعطيهم خبر ويخبرهم يروحون عند امنو او كيف يتصرفون مب يحطهم بالامر الواقع ويوقف العلاج وخلاص ..

احس ماشي اهتمام بمستقبل المريض وحالته النفسيه ترا اسمه مريض لازم يراعيه اكثر من نفسه دام انه اتخذ هالمهنه له ..

الله المستعان ..

**العيناويه3** · 2009-07-17, 13:57

صدقتي والله ..حرام هاللي يسوونه فينا الله يصبرنا ويرزقنا خير ان شالله

**روح المستقبل** · 2009-07-17, 16:09

صدقت يا روكي ركان والله قهر أنا كان موعدي في نهاية الشهر أنا كنت أبى موعد قريب شوي بس بعد صدموني إنهم أجلوه شهر غيره لأن الدكتوره مسافرة على الأقل يكون في بديل يعني كل هاي الفلوس اللي ياخذونها بعد مواعيدهم مذلة ، مستشفى بدون دكاتره " الله المستعان"
الله يرزق الجميع بالذرية الصالحة ياااااااا رب

**حبك محلل** · 2009-07-17, 16:20

الله المستعان ماحد يملك حد ياختية وكلن يمشي على هواه ولا يحاسب عن غيرة

**الجميييلة** · 2009-07-17, 18:46

الله المستعان

**ملكة الليل9** · 2009-07-17, 20:14

صدقتي يا روكي ركان عدم الاحساس بالمسؤليه ولامبالاه
الله المستعان

**روكي ركان** · 2009-07-17, 23:40

منورة بيتي .. مشكورة الغالية ع المرور و شكلج تعانين مثلي من برود و اهمال الدكاترة
يااااااااااااااااااااارب اتنولنا الي في بالنا بدون دكاترة و بدون علاج و بدون ضغط و سكر

اللهـــــــــــــــــــــــــــــــم آميــــــــــــــــــــــــــــــن

**روكي ركان** · 2009-07-17, 23:46

المشاركة الأصلية كتبت بواسطة العيناويه3

صدقتي والله ..حرام هاللي يسوونه فينا الله يصبرنا ويرزقنا خير ان شالله

مشكورة فديتج ع المرور و ان شاء الله بنفتك قريب من هم الدكاتره
و بيرزقنا رب العالمين بالذرية الصالحه بحوله و بقدرته

**روكي ركان** · 2009-07-17, 23:50

المشاركة الأصلية كتبت بواسطة روح المستقبل

صدقت يا روكي ركان والله قهر أنا كان موعدي في نهاية الشهر أنا كنت أبى موعد قريب شوي بس بعد صدموني إنهم أجلوه شهر غيره لأن الدكتوره مسافرة على الأقل يكون في بديل يعني كل هاي الفلوس اللي ياخذونها بعد مواعيدهم مذلة ، مستشفى بدون دكاتره " الله المستعان"
الله يرزق الجميع بالذرية الصالحة ياااااااا رب

لا حول و لا قوة الا بالله ..

حبيبتي الله يهونها علينا و نحمل بحوله و بقدرته

و الا المستشفيات هاي الايام مب للعلاج

لتحميل امراض يديدة ومزمنه ..

**روكي ركان** · 2009-07-17, 23:59

المشاركة الأصلية كتبت بواسطة **حبك محلل**

الله المستعان ماحد يملك حد ياختية وكلن يمشي على هواه ولا يحاسب عن غيرة

الغالية نحن ما نبى نملكهم اونشتريهم او نستعبدهم نبى صدقهم و اخلاصهم و صفاء نيتهم مع المرضى

و ما اعتقد ان الصدق و الاخلاص و صفاء النية معادلة صعبة عند الدكاترة على الاقل .. و ما نباهم

يفنون حياتهم و يضحون بمستقبلهم علشانا نحن نباهم ياخذون عدد معين من المرضى يعالجونهم و يوم

يخلصون من علاجهم بامكانهم يسوون الي يبونه .. و محد له حق يرمس و بيكون عداه العيب و كثر

الله من امثاله ..

مرورج الغاليه اسعدني و مداخلتج قيمه تنضاف للموضوع

**روكي ركان** · 2009-07-18, 00:02

المشاركة الأصلية كتبت بواسطة الجميييلة

الله المستعان

مشكورة الغاليه ع المرور و صدقج الله المستعان

ياااااااااااااااااارب ارزقنا الذرية الصالحه بدون علاج و مذله يااااااااااااااااارب

**روكي ركان** · 2009-07-18, 00:05

المشاركة الأصلية كتبت بواسطة ملكة الليل9

صدقتي يا روكي ركان عدم الاحساس بالمسؤليه ولامبالاه
الله المستعان

مرورج اسعدني فديتج و الله لا يحوجنا لمثل هالنوعية من الدكاترة

يااااااااااارب ارزقنا الذرية الصالحة قريب يااااااااااااااااااارب

الموضوع: و بعدين وياهم الدكاتره

أدوات الموضوع

عرض

و بعدين وياهم الدكاتره

المزيد من آخر المواضيع من نفس القسم:

المواضيع المتشابهه

مستشفى النور وافضل الدكاتره

مليت من الدكاتره والعيادات والكلوميد

شو سالفة الإتصالات..و بعدين وياهم يعني...أنا الحين امعصبة..وخرواعني ههههههه

إذا كنت مضايجة شووو تسوين اول شي و بعدي و بعدين و بعدين