خبيرات بومبي .. فزعتكم

**~ عز ~** · 2009-04-06, 17:04

مرحبا بنات

شلونكم

ان شاء الله بخير

اخييييرا فعلوا اشتراكي و قدرت ادخل معاااكم

انا عضوه في كذا منتدى حتى في منتديات السفر والسياحه .. بس بصراحه انتوا بنات و اقدر اخذ واعطي معاكم براحه و شفت انكم نافعات و تشورون عالواحد وتوجهونه من قلب ... لذلك قلت انظم لكم بارك الله فيكم

المهم ..

انا ودي اروح الهند .. رحتها من زمان وحبيتها و الحين طايح خاطري اروح اتسوق هناك

تراني سافرت وايد لفيت اوربا كلها و البلدان العربيه اغلبها حتى امريكا رحت ..

ابي التغييييييييير .. انا احب الشغل المميز وهالشي مانلقاه الا في الهند

يعني بشتري خام مشغول من هناك بسوي قمصان و جلابيات

عموما ناس وايد مدحوا لي سوقها

ابي رايكم انتوا بعد وابي توجهوني

شي ثاني بالنسبه للفنادق .. بحثت بالمنتدى و قريت اغلبكم يمدحون اسكوت !! و يمدحون تاج محل

وهم قريت يمدحون ريجنت اظن ؟؟؟

ودي في تاج محل بس شيكت سعره غالي .. مشكلتي ابي غرفتين عشان بودي شغالتي معانا

طيب في شي راقي و نظيف بس اقل سعره من تاج محل ..

بانتظاركم عزيزاتي

المزيد من آخر المواضيع من نفس القسم:

**~ عز ~** · 2009-04-06, 22:20

**أم عمار 81** · 2009-04-07, 00:43

مرحبا اختي سكوت حلو هو يسوي الغدا ومشي حالج بالعشا في مطعم ايبلج خبز نان او براتا وياه اي شي ريجنت ما عيبني

**~ عز ~** · 2009-04-07, 00:53

تسلمين اختي ام عمار

بسألج حبيبتي كم سؤال اذا ممكن

متى اخر مره رحتي الهند ؟؟

وشنو الحلو في سوقهم ؟

هل صحيح الحين في مجمعات و عندهم محلات تبيع لبس عالموضه ؟

سامحيني اختي بشغلج معاي شوي

**ماماة الامارات** · 2009-04-07, 00:56

يوم تشلين الخدامه تكون في غرفة بروحها ولا كيف ؟؟؟؟؟

هههههههههههههههههههه الحرمة بروحها تسأل وانا قمت أسأل

**~ عز ~** · 2009-04-07, 01:03

ههههههههههههههه ماماة الامارات اشتغل الفضول عندج

لا حبيبتي ليش احطها بروحها .. باخذ لها غرفه مع اليهال عيل ليش انا بوديها الا عشان

تراكض وراهم

يلا جاوبي على اسئلتي ياماماة

**ماماة الامارات** · 2009-04-07, 02:23

انا رحت بنغلور وبخصوص التسوق عجبني الاقمشة وايد
خاصة اللي فيهن شغل وكرستالات واشياء تناسب الفساتين والجلابيات الفخمه

وبعد اشتريت عقد تراثي من المحلات اللي تكون مختصة بالتذكارات التراثية للبلاد اللي تزورينه
وماشاء الله لاقوة الا بالله العقد وايد حلو
وبعد رحت محل وخذت منه عقود واكسسوارات حلوة
واشياء راقية ومش انها واضحه انها هنديه .... لا يعني افكار مختلفه ومتنوعه
فيه اسوق تكون معفاية من الضرايب وتكون اسعارها معقوله
حتى من حلاة القطع وانه الاسعار بعد زينه قلت لو الواحد يسوي تجارة واييب منهم البلاد ويبيع خخخخخخخخخخخخخخخ
عاد انا لو اسوي تجارة بتفشل من اول يوم ههههههههههههه

**~ عز ~** · 2009-04-07, 18:23

يعني مارحتي بمبي ؟؟

ابي اعرف الفنادق هناك ..

**غزالة_دبي** · 2009-04-07, 21:34

هلا الغاليه

اسكوت اوكيه
ريجنت بعد وااااايد عرب يلسون فيه
التاج حلو وراقي خمس نجووم
الاوبوروي بعد خمس نجوم
الهيلتون بعد خمس نجوم

بالنسبالي انا احب اسكن في ريجنت معنه مب راقي بس ايمشي الحال او اوكيه حق بمبي

اذا تبين بعطيج رقم واحد هوه ممكن ايوديج كل مكان وهوه الصراحه انسان خير وووايد زين شو ما تبين هوه حاضر و في الشوفه

**ريمي** · 2009-04-08, 00:04

سكود حلوووو بس سعره غالي شوي السنه اللي طافت كانت الليله ب 750 درهم

في مراكز حلوه في اشياء تناسب لبسنا وفي محلات بس للمشغولات الهنديه مثل الساري والقطع المشغوله

اذا اكيد بتروحين احجزي من الحين لان السنه اللي طافت اتبهدلنا الين حصلنا فندق

**Miss Cavalli** · 2009-04-08, 00:06

التاج حلو بس بيكلفج وايد ... احسلج اسكني في اسكوت روعه ... و جان لقيتي جناح الامارات في الطابق الرابع بيكون اوكي .. دوم عليه ضغط هالفندق لنه حلو و نظيف و موقعه مسكت ..

انا بعد جربت غودوين بعد زين و نظيف بس المصعد ماله ضيييييييييق وايد و يقهر العامل الي عندهم لازق لزقة فيه اونه هو الي يوصل الناس .. و احنا نرتص وياه حتى اغلب الاحيان اخذ السلم احسن هههههه ....

**~ عز ~** · 2009-04-08, 02:42

المشاركة الأصلية كتبت بواسطة غزالة_دبي

هلا الغاليه

اسكوت اوكيه
ريجنت بعد وااااايد عرب يلسون فيه
التاج حلو وراقي خمس نجووم
الاوبوروي بعد خمس نجوم
الهيلتون بعد خمس نجوم

بالنسبالي انا احب اسكن في ريجنت معنه مب راقي بس ايمشي الحال او اوكيه حق بمبي

اذا تبين بعطيج رقم واحد هوه ممكن ايوديج كل مكان وهوه الصراحه انسان خير وووايد زين شو ما تبين هوه حاضر و في الشوفه

مشكوره اختي ماقصرتي

بشيك عالفنادق اللي رشحتيهم لي بشوف الاسعار

ويليت يا قلبي ابي رقم الريال اللي قلتي عنه .. جزاج الله خير حبيبتي

**~ عز ~** · 2009-04-08, 02:47

المشاركة الأصلية كتبت بواسطة ريمي

سكود حلوووو بس سعره غالي شوي السنه اللي طافت كانت الليله ب 750 درهم

في مراكز حلوه في اشياء تناسب لبسنا وفي محلات بس للمشغولات الهنديه مثل الساري والقطع المشغوله

اذا اكيد بتروحين احجزي من الحين لان السنه اللي طافت اتبهدلنا الين حصلنا فندق

تقصدين اسكوت حبيبتي ؟؟؟

ان شاء الله بنحاول نتخذ قرار نهائي خلال هالاسبوع

مشكوره ياقلبي

**~ عز ~** · 2009-04-08, 02:50

المشاركة الأصلية كتبت بواسطة Miss Cavalli

التاج حلو بس بيكلفج وايد ... احسلج اسكني في اسكوت روعه ... و جان لقيتي جناح الامارات في الطابق الرابع بيكون اوكي .. دوم عليه ضغط هالفندق لنه حلو و نظيف و موقعه مسكت ..

انا بعد جربت غودوين بعد زين و نظيف بس المصعد ماله ضيييييييييق وايد و يقهر العامل الي عندهم لازق لزقة فيه اونه هو الي يوصل الناس .. و احنا نرتص وياه حتى اغلب الاحيان اخذ السلم احسن هههههه ....

مرحبا اختي
الف شكر حبيبتي

يعني لي بغيت احجزه من النت القى مكتوب جناح الامارات ؟؟

انا دخلت موقع الناس ماكانت تمدح قدوين .. يقولون قديم و اثاثه تعبان

طيب مافي شي شريتوه من الهند بعتبر مميز وماعندنا منه ؟

**بليانا** · 2009-04-08, 03:32

احلى مكاااااان رجنت وانا كل سنه اروح هناك وبنسبه لاسووق تقدرين تاخذي لي بخاطرج واسعارهم معقوله

الموضوع: خبيرات بومبي .. فزعتكم

أدوات الموضوع

عرض

خبيرات بومبي .. فزعتكم

المزيد من آخر المواضيع من نفس القسم:

المواضيع المتشابهه

خبيرات البلاك بيري ... ابي فزعتكم ........

خبيرات الشوكولاته .... ابغي فزعتكم؟؟

خبيرات تايلند بليز فزعتكم

خبيرات ماليزيا ... فزعتكم

فزعتكم يا خبيرات المكياج