دخيييلكم تعبــت ،،،

**أم شـهـد ^_^** · 2009-03-13, 00:59

بصراحـه اترددت وايد قبل لااكتب مشكلتي مع ريلي ،،،
بس قلت مالي غير خواتــي وانشاءالله تسااعدوني ،،
الموضوع ومافييه انه ريلي يدرس ويشتغل وبناء على هذا طبعا يرد البيت تعبااان ومايسويلي سالفه بالمره يعني طوول الاسبوع على هالحال اكييد بتقولون معذور بس تعالوا ايام الويكند ماشي ماااشوفه بالمره 3 ايام ويكند كل يوم مداوم فالسينماا ها طبعا فالليل وفالويكند في النهار يا انه بييلس مع اهله لان نحن ساكنين وياهم والا انه بييلس عالنت والا بشوف تلفزيوون ولماا ايي ارمسه والا اقوله اني بظهر ويااك والا شي يعصب ويقول مب فاظي بالمره مافي اي نقاش ولا حوار من بينااا وانا تعبت احس اني وااااايد اشتاقله واليوم كلمته فالموضوع بس سوالي طاااف وطلع طبعا سار السينما والله احترت ويااااه مع انه بالمره مب مقصر وياااي ودوم يقولي ناقصنج بيزات انا مقصر بشي اقوله ماابى بيزات بس اباك انته يقولي شو هالخرابيط والله تعبت ومب عارفه شو اسوي ييلس مع اهله وخواته يسولف ويضحك اكثر من لما يكوون وياي حتي يوم نطلع بالمره مايسولف وياي بس قابض التيلفون يرمس ربعه ولما حد من اهله ويانا طالعيين صك سوالف والله اني كرهت الطلعه وياااه مب عارفه شسوي تعبت احس اني انا اخر همــه ودوم يزاعج عليي جدام اهله بسبب والا بدون سبب مع اني مووول مااارمسه لما نكوون كلنا مع اهله بس اذا بغى اسويله مثلا جاي والا اييبله ماي يصارخ جدامهم مايرمسني عدل ومايحترمني جدامهم مع انه طيب وهادي وحبوب مع الكل الا انا ،،مع انه اتزوجني وهو يحبني يعني هو اختارني

المزيد من آخر المواضيع من نفس القسم:

**(الحمادية)** · 2009-03-13, 01:03

حبيبتي
الله يعينج على ريلج
بس المفروض اتحاولين اتصارحينه..وخبريه باللي فخاطرج..
جوليله مثل ما انت لك حق على اهلك...لك حق علي...لازم تشرحين له الموضوع...
يلسي معاه ابروحج واتفاهمي بالهدوء...العصبيه في مثل هالامور ما تنفع والله...
والله المستعان...

**نجمة الفجر** · 2009-03-13, 01:08

الله يكوون في عونج

أن شاء الله فتره وتعدي0 يمكن عنده شي 0صبري

ترا المشااكل هب هينه

والله يفرجها عليج

**أم شـهـد ^_^** · 2009-03-13, 01:14

المشاركة الأصلية كتبت بواسطة (الحمادية)

حبيبتي
الله يعينج على ريلج
بس المفروض اتحاولين اتصارحينه..وخبريه باللي فخاطرج..
جوليله مثل ما انت لك حق على اهلك...لك حق علي...لازم تشرحين له الموضوع...
يلسي معاه ابروحج واتفاهمي بالهدوء...العصبيه في مثل هالامور ما تنفع والله...
والله المستعان...

والله تعبت دوم ايلس وارمسه بالهداوه يسمع ويطنش لا واخر شي احصل هزاب وكلام جارح
الله كريم

**أم شـهـد ^_^** · 2009-03-13, 01:15

المشاركة الأصلية كتبت بواسطة نجمة الفجر

الله يكوون في عونج

أن شاء الله فتره وتعدي0 يمكن عنده شي 0صبري

ترا المشااكل هب هينه

والله يفرجها عليج

انشاءالله
الله كريم

**فانتاستك** · 2009-03-13, 01:26

تعرفين اختي ........... ريلج يباله طوله بال وصبر

بعطيج حل .... خلج عادي هو يطلع وعاطنج تصريح تطلعين ويا خواتج ولا ويا اي حد من هلج

لمهم اطلعي وسيري وانسا موضوع ريلج فتره .... يعني لاتاذينه بتذمرج وزعلج لانه مابييب وياه ... اهم شئ اطنشين عمرج يعني لاتفكرين انه ريلج مايطلع وياج ولا مايسولف ولا وولا ولا ...
اقومي بواجباتج تجاهه من غير ماتتريين مقابل

حسسسيه انج متغيره وانج مب مفتكره اذا هوو طلع ويا ربعه ولا سار السنما دايما خلج صابره في هالامور وصدقيني هو بيلاحظ انج سكتي

بهالطريقه ترا بيحس بتانيب الضمير ........ يمكن واحتمال صحيح ماضمن لج بس عالاقل انا اطلب منج اتريحين بالج لانه ريلج مستحيل يتغير وياج اذا تميتي انتي اطالبينه يقوم بواجبه

هم جيه الريااييل يعاندون ... خذيه بسياسه يديده وعليج الصبر وودري عنج االتبرطيم والتحرطيم خلج كوووووووووووووووووووووول عالاخر لين اتشوفين بعينج انه هو لاحظ شئ يديد فيج

والله يوفقج يارب ويا ريلج ويسر لج كل امورج

**أم شـهـد ^_^** · 2009-03-13, 01:26

للرفـــــع

^^

**أم شـهـد ^_^** · 2009-03-13, 01:29

المشاركة الأصلية كتبت بواسطة فانتاستك

تعرفين اختي ........... ريلج يباله طوله بال وصبر

بعطيج حل .... خلج عادي هو يطلع وعاطنج تصريح تطلعين ويا خواتج ولا ويا اي حد من هلج

لمهم اطلعي وسيري وانسا موضوع ريلج فتره .... يعني لاتاذينه بتذمرج وزعلج لانه مابييب وياه ... اهم شئ اطنشين عمرج يعني لاتفكرين انه ريلج مايطلع وياج ولا مايسولف ولا وولا ولا ...
اقومي بواجباتج تجاهه من غير ماتتريين مقابل

حسسسيه انج متغيره وانج مب مفتكره اذا هوو طلع ويا ربعه ولا سار السنما دايما خلج صابره في هالامور وصدقيني هو بيلاحظ انج سكتي

بهالطريقه ترا بيحس بتانيب الضمير ........ يمكن واحتمال صحيح ماضمن لج بس عالاقل انا اطلب منج اتريحين بالج لانه ريلج مستحيل يتغير وياج اذا تميتي انتي اطالبينه يقوم بواجبه

هم جيه الريااييل يعاندون ... خذيه بسياسه يديده وعليج الصبر وودري عنج االتبرطيم والتحرطيم خلج كوووووووووووووووووووووول عالاخر لين اتشوفين بعينج انه هو لاحظ شئ يديد فيج

والله يوفقج يارب ويا ريلج ويسر لج كل امورج

تسلميين والله عالنصايح الغاليه وانشاءالله اقووم بهاا
والله يجدم الي فيه الخير
ماقصرتي فديتج

**أم شـهـد ^_^** · 2009-03-13, 01:32

سبحان الله وبحمده .. سبحان الله العظيم

**UAE_CONDOR** · 2009-03-13, 01:35

الصبر مفتاح الفرج

اصبري علية صدقيني عقب بيمل من تصرفاتة صوبج و بيرجع لج

ربي يسعدج

**:: DUBAI ::** · 2009-03-13, 01:41

الله يعينج .. الصراحه أخس شي ..

حاولي قد ما تقدرين اتصلين و تدعين ..

**أم شـهـد ^_^** · 2009-03-13, 01:43

المشاركة الأصلية كتبت بواسطة UAE_CONDOR

الصبر مفتاح الفرج

اصبري علية صدقيني عقب بيمل من تصرفاتة صوبج و بيرجع لج

ربي يسعدج

الله يسمع منج
تسلميين عالطله

**أم شـهـد ^_^** · 2009-03-13, 01:43

المشاركة الأصلية كتبت بواسطة :: DUBAI ::

الله يعينج .. الصراحه أخس شي ..

حاولي قد ما تقدرين اتصلين و تدعين ..

انشاءالله
تسلميين الغلا

**أم شـهـد ^_^** · 2009-03-13, 01:45

الحمدللـــــــه

**ام وزوز** · 2009-03-13, 01:48

الله يعينج حبيبتي وعليج بالصلاه والاستغفار والدعاء والله يهدي ويصلح حاله ويسخره

الموضوع: دخيييلكم تعبــت ،،،

أدوات الموضوع

عرض

دخيييلكم تعبــت ،،،

المزيد من آخر المواضيع من نفس القسم:

المواضيع المتشابهه

ساعدني دخيييلكم

ساعدونـــــــي بليز تعبــت

ام تعبــت من رضاااعه ولدها ......شوفوو وش سوت

كــل اشوي يغيــر راااااايه ،،، والله تعبــت ياخذنــي علــى قد عقــلي ولا شــو ...

دخيييلكم ادخلن..؟!