اللي عندها بيبي بعمر التسع والعشر شهور اتفيدني !

**غرور_انثى** · 2009-02-18, 01:14

السسسسسسسسلام عليكن امهات

شخباركن؟؟

ربي يحفظ لكن عيالكن .................................

ولدي الحمدلله من عمره خمس شهور وانا منظمه له طريقة اكله بشكل حلو والحمدلله

بس من دش شهره الثامن جنه عين وصابته !! مو راضي يتقبل الاكل !! خصوصا الاكل اللي اسويه له ف البيت

جربت له منتجات ميلوبا من ارز وخضروات مشكله وقمح وموز وكل كل منتجاتها بعد ياكل مره مرتين وعقب ابد ما يبى ولا يتقبل !!!!!!!!!!!!

جربت السيريلاك بعد بأنواعه .. ياكل لقمه لقمتين وبعدين مايرضى يكمل .. ماحب اي نوع من انواع السيريلاك !!!!!!!!!!!!!!!!!!!!!!!!

جربت له حتى المعلبات وانا مش مقتنعه فيها ابدا ابدا ابدا .. اتقبل بسسسسسسس كاسترد فانيلا واشوي موز زبادي وفواكه مشكله بس ياته حساسيه من المشمش والبرتقال ف قالي الدكتور لا تعطينه غير تفاح وموز !! انزين هو مو متقبل شو اسوي !!!!!!!!!!!!!!!!!!!!!!

بشوو اعوضه عن الخضروات والفواكه اللي احس انها ضروريه !!

جربت له الشوربات المعكرونات .. مايبي شي !! شو اسووي

دخيلكم ساعدوني اذا عندكم وصفات ثانيه اقدر اسويها له اتساعد على نموه

بسم الله عليه كان بصحه زينه الحمدلله بس الحين صاير ضعيف كل من يشوفه يقول ضعف !!

شو السالفه والله انه نفسيتي تعبانه مب عارفه شو اسوي وكيف اتصرف !!

سسسسسسساعدوني ياللي عندها خبره بليييييييييييز لا تبخلن عليه

يزاها ربي كل خير اللي بتساعدني واللي ماتعرف ياريت ترفع لي الموضوع لو بدعوه حلوه لولدي حبيبي

المزيد من آخر المواضيع من نفس القسم:

**شوااقي** · 2009-02-18, 01:24

الله يحفظه لج ياارب..

الغاليه اذا تعطينه حليب صناعي خذي 3 تمر خلاص وخاشوقة فانيلا وخليطيهم له فالخلاط .. وان شاء الله بتشوفينه بخير ..

والله يحفظه لج يااارب .. والله يحفظ عيالنااا

**plume** · 2009-02-18, 01:37

الغاليه هذا شي عادي حتى بنتي استوت جي ماتتقبل اي شي لين ماكملت سنه ونص احين الحمدالله
احسن عن قبل

الله يخليلج اياه

**غرور_انثى** · 2009-02-18, 01:46

المشاركة الأصلية كتبت بواسطة شوااقي

الله يحفظه لج ياارب..

الغاليه اذا تعطينه حليب صناعي خذي 3 تمر خلاص وخاشوقة فانيلا وخليطيهم له فالخلاط .. وان شاء الله بتشوفينه بخير ..

والله يحفظه لج يااارب .. والله يحفظ عيالنااا

مشكوره ياقلبي
ان شاء الله من باجر راح اسويله
ربي يخليلج عيالج ان شاء الله

**غرور_انثى** · 2009-02-18, 01:49

المشاركة الأصلية كتبت بواسطة plume

الغاليه هذا شي عادي حتى بنتي استوت جي ماتتقبل اي شي لين ماكملت سنه ونص احين الحمدالله
احسن عن قبل

الله يخليلج اياه

احبطتيني :ٍ
يعني بيتم جي مايتقبل الاكل لين يصير عمره سنه ونص !!
لا ماتخيل عادي اتخبل
والله اني ااكله وانا على اعصابي ومشتطه ومعصبه
ولو حد صوبي عادي ارتكب فيه جريمه خخخ

الله يحفظ لج بننوتتج .. تسلمين يالغاليه

**أوتار الحنين** · 2009-02-18, 02:02

انا بعد كانت تاكل الميلوبا بالأرز وقطعته فجأة جربت بالقمح جربته مرتين وقطعته خلاااااااااااااص لاعت الجبد هههههههههههههههههههه بس تعالي انتي تقولين ولدج عمرة 9 عشر شهور ما شا الله خلاص قطعي عنه الصناعي والمعلبات خلااااص كله فرش على فرش
سويله بطاطا مهروسة بالخلاط مع طشووونة مليحة،وممكن تفورين جزرة وكوسة و بطاطه ورشي طششونة ملح،ممكن تعطينه اياة مع العيش المهرووووس يعني خلطيهم مع بعض في الخلاط ،كل يوم العصر تفاحة واليوم الثاني العصر موزة واليوم الثالث العصر كمثرى والي عقبه حصة العنب يعني نوعي، والغدا عيش مهروس مع خضار مفورة وتخلطينهم كلهم بالخلاط واليوم الثاني عيش مع قطع دجاج مقطع صغاار وخلطيه مع العيش في الخلاط، واليوم الثالث عيش مع عدس مفوروعندج عيش مهروس مع مرقة بطاطا عوديه ع النكهات فديته كبر وهكذا والعشى عندج معكرونة مع جبن وعندج معكرونة مع حليب فرش ، شوربة خضار ، دجاج، هريس،عدس، الريوق حليب مع صمون ,حليب مع شابورة، صمون مع جبن أو جام، مع كل وجبة عصير فرش تفاح و بطيخ أو أفكادو بالحليب يعني انتي لازم تعطينه من كل شي عشاااان تلاحظين الحلو شو يفضل وشو الي يحبة عشان الماما تحط في بالها
والسموحة ماعرفت شوكتبت بااااااااااااااي

**أم ود!د** · 2009-02-18, 02:30

هذا شيء عادي

سبحان الله اغلبهم جيه

أول شيء ما شاء الله عليهم ياكلون زين

وعقب يبطرون

يوعيه

**هيل وزعفران** · 2009-02-18, 02:38

أهم شي يلسي معاه وحطي طبق الاكل جدامكم وأكلي جدامه وفرفشي من نفس الطبق وعقب عطيه لانه بيحاول يقلد وياكل

**FrAsHa** · 2009-02-18, 02:53

بنتي عمرها تسع شهور...تيها هفات...ساعات تاكل ..وساعات لا....

ما تبا تمضغ..كسوله كله تبا المرضعه....

احاول اقدملها الاشياء اللي تحبها...ساعات الصراحه اغصبها...واتم تصيح...واحصل هزبه من يدها...قبل كنت اعذب عمري واطبخلها...وماتاكل وكله في الزباله...الحين قمت ااكلها من طبخ البيت...الغذا والعشا...وفي النص..شي خفيف..بسكوت...كستر..روب...خبز وجبن...

واسوي حركه...اخليها فتره طويله بدون حليب...الهيها باللعب...وعقب يوم ااكلها تاكل ماشاءالله

وبعدين دايمن حصني ولدج...لو حتى مب محسود اقري عليه...دوووم...

يوم اقرا على بنتي احسبها تهدا...ومزاجها حلووو...

**FrAsHa** · 2009-02-18, 02:57

وصح انا معوده بنتي حزت الاكل....لو ما بتاكل بس اتم ياسه على كرسيها...اعطيها خبزه...تفاحه...اي شي تقرمه...

**أم الشيخ سعيد** · 2009-02-18, 10:45

يمكن لانه يسنن؟؟

**الرحيق** · 2009-02-18, 11:48

خلي وجبته مع وجبتكم .. يمكن لما يشوفكم تاكلون يبي يقلد وبياكل
وبين الوجبات والرضعات .. حطي بايده خبزه او شريحه خيار او بسكوت .. شوفي هو شو يحب وعطيه
اهم شي .. لا تبينين له انج متوتره ومصره على اكله .. ترى الياهل يحس ويعاند
وثاني شي جربي حد ثاني ياكله .. لان وايد يهال يدلعون على امهاتهم وياكلون من الغير..
لا تتازمين ... كل اليهال جي ..

**أموناليزا** · 2009-02-18, 12:07

الغالية جربي له هذي الاكلات وشوفي شو يتقبل: شوربة كويكر يمكن يحبها // روب بالفراولة مال المراعي // مثلث جبنه أو قطعة جبن كيري // كريم كرامل مال المراعي // طعميه فردتين أو ثلاث تمر خلاص دوريله لييييين بس عاد نتف صغيييييييييرة //اكليه وهو يوعان . والله يباركلج فيه انشالله يارب

**الماركة** · 2009-02-18, 13:58

مثل حالج
بس تريد اكلنا سرت اعطيها خبز رقاق مع جبنة وعيبها واعطيها الرز الي احنا انسويه لمارنا شوية روب وصالونة ما فيها فلفل ويعيبها

**um sarah** · 2009-02-18, 14:34

الله يعينج ويعينا على تربيتهم
أنا ولدي من كمل ال6 شهور بديت وياه أكل ولين أحين كمل سنه ما ياكل إلا ملعقة أو هنتين وإذا أكلته غصب يعني أعصر مرضعة الأكل في حلجة يتم يزاعج لين مايرجع عزكم الله ودوم يقولولي تحت الوزن الطبيعي ماعرف شو أسوي محتارة

الموضوع: اللي عندها بيبي بعمر التسع والعشر شهور اتفيدني !

أدوات الموضوع

عرض

اللي عندها بيبي بعمر التسع والعشر شهور اتفيدني !

المزيد من آخر المواضيع من نفس القسم:

المواضيع المتشابهه

اللي عندها بيبي عمره 8 شهور .. تعالي خبرينا شو تاكلينه ؟؟

اللي عندها خبره فالتكيس اتفيدني

ساعدووني اللي عندها معلومه اتفيدني

الي عندها ياهر بعمر 7 و8 شهور تدخل وتفيدنا

اللي عندها موضوع حلو اتفيدني ^_^