اللي عندها بيبي بعمر التسع والعشر شهور اتفيدني !

**غرور_انثى** · 2009-02-18, 01:14

السسسسسسسسلام عليكن امهات

شخباركن؟؟

ربي يحفظ لكن عيالكن .................................

ولدي الحمدلله من عمره خمس شهور وانا منظمه له طريقة اكله بشكل حلو والحمدلله

بس من دش شهره الثامن جنه عين وصابته !! مو راضي يتقبل الاكل !! خصوصا الاكل اللي اسويه له ف البيت

جربت له منتجات ميلوبا من ارز وخضروات مشكله وقمح وموز وكل كل منتجاتها بعد ياكل مره مرتين وعقب ابد ما يبى ولا يتقبل !!!!!!!!!!!!

جربت السيريلاك بعد بأنواعه .. ياكل لقمه لقمتين وبعدين مايرضى يكمل .. ماحب اي نوع من انواع السيريلاك !!!!!!!!!!!!!!!!!!!!!!!!

جربت له حتى المعلبات وانا مش مقتنعه فيها ابدا ابدا ابدا .. اتقبل بسسسسسسس كاسترد فانيلا واشوي موز زبادي وفواكه مشكله بس ياته حساسيه من المشمش والبرتقال ف قالي الدكتور لا تعطينه غير تفاح وموز !! انزين هو مو متقبل شو اسوي !!!!!!!!!!!!!!!!!!!!!!

بشوو اعوضه عن الخضروات والفواكه اللي احس انها ضروريه !!

جربت له الشوربات المعكرونات .. مايبي شي !! شو اسووي

دخيلكم ساعدوني اذا عندكم وصفات ثانيه اقدر اسويها له اتساعد على نموه

بسم الله عليه كان بصحه زينه الحمدلله بس الحين صاير ضعيف كل من يشوفه يقول ضعف !!

شو السالفه والله انه نفسيتي تعبانه مب عارفه شو اسوي وكيف اتصرف !!

سسسسسسساعدوني ياللي عندها خبره بليييييييييييز لا تبخلن عليه

يزاها ربي كل خير اللي بتساعدني واللي ماتعرف ياريت ترفع لي الموضوع لو بدعوه حلوه لولدي حبيبي

المزيد من آخر المواضيع من نفس القسم:

**شوااقي** · 2009-02-18, 01:24

الله يحفظه لج ياارب..

الغاليه اذا تعطينه حليب صناعي خذي 3 تمر خلاص وخاشوقة فانيلا وخليطيهم له فالخلاط .. وان شاء الله بتشوفينه بخير ..

والله يحفظه لج يااارب .. والله يحفظ عيالنااا

**غرور_انثى** · 2009-02-18, 01:46

المشاركة الأصلية كتبت بواسطة شوااقي

الله يحفظه لج ياارب..

الغاليه اذا تعطينه حليب صناعي خذي 3 تمر خلاص وخاشوقة فانيلا وخليطيهم له فالخلاط .. وان شاء الله بتشوفينه بخير ..

والله يحفظه لج يااارب .. والله يحفظ عيالنااا

مشكوره ياقلبي
ان شاء الله من باجر راح اسويله
ربي يخليلج عيالج ان شاء الله

**plume** · 2009-02-18, 01:37

الغاليه هذا شي عادي حتى بنتي استوت جي ماتتقبل اي شي لين ماكملت سنه ونص احين الحمدالله
احسن عن قبل

الله يخليلج اياه

**غرور_انثى** · 2009-02-18, 01:49

المشاركة الأصلية كتبت بواسطة plume

الغاليه هذا شي عادي حتى بنتي استوت جي ماتتقبل اي شي لين ماكملت سنه ونص احين الحمدالله
احسن عن قبل

الله يخليلج اياه

احبطتيني :ٍ
يعني بيتم جي مايتقبل الاكل لين يصير عمره سنه ونص !!
لا ماتخيل عادي اتخبل
والله اني ااكله وانا على اعصابي ومشتطه ومعصبه
ولو حد صوبي عادي ارتكب فيه جريمه خخخ

الله يحفظ لج بننوتتج .. تسلمين يالغاليه

**أوتار الحنين** · 2009-02-18, 02:02

انا بعد كانت تاكل الميلوبا بالأرز وقطعته فجأة جربت بالقمح جربته مرتين وقطعته خلاااااااااااااص لاعت الجبد هههههههههههههههههههه بس تعالي انتي تقولين ولدج عمرة 9 عشر شهور ما شا الله خلاص قطعي عنه الصناعي والمعلبات خلااااص كله فرش على فرش
سويله بطاطا مهروسة بالخلاط مع طشووونة مليحة،وممكن تفورين جزرة وكوسة و بطاطه ورشي طششونة ملح،ممكن تعطينه اياة مع العيش المهرووووس يعني خلطيهم مع بعض في الخلاط ،كل يوم العصر تفاحة واليوم الثاني العصر موزة واليوم الثالث العصر كمثرى والي عقبه حصة العنب يعني نوعي، والغدا عيش مهروس مع خضار مفورة وتخلطينهم كلهم بالخلاط واليوم الثاني عيش مع قطع دجاج مقطع صغاار وخلطيه مع العيش في الخلاط، واليوم الثالث عيش مع عدس مفوروعندج عيش مهروس مع مرقة بطاطا عوديه ع النكهات فديته كبر وهكذا والعشى عندج معكرونة مع جبن وعندج معكرونة مع حليب فرش ، شوربة خضار ، دجاج، هريس،عدس، الريوق حليب مع صمون ,حليب مع شابورة، صمون مع جبن أو جام، مع كل وجبة عصير فرش تفاح و بطيخ أو أفكادو بالحليب يعني انتي لازم تعطينه من كل شي عشاااان تلاحظين الحلو شو يفضل وشو الي يحبة عشان الماما تحط في بالها
والسموحة ماعرفت شوكتبت بااااااااااااااي

**غرور_انثى** · 2009-02-18, 18:43

المشاركة الأصلية كتبت بواسطة أوتار الحنين

انا بعد كانت تاكل الميلوبا بالأرز وقطعته فجأة جربت بالقمح جربته مرتين وقطعته خلاااااااااااااص لاعت الجبد هههههههههههههههههههه بس تعالي انتي تقولين ولدج عمرة 9 عشر شهور ما شا الله خلاص قطعي عنه الصناعي والمعلبات خلااااص كله فرش على فرش
سويله بطاطا مهروسة بالخلاط مع طشووونة مليحة،وممكن تفورين جزرة وكوسة و بطاطه ورشي طششونة ملح،ممكن تعطينه اياة مع العيش المهرووووس يعني خلطيهم مع بعض في الخلاط ،كل يوم العصر تفاحة واليوم الثاني العصر موزة واليوم الثالث العصر كمثرى والي عقبه حصة العنب يعني نوعي، والغدا عيش مهروس مع خضار مفورة وتخلطينهم كلهم بالخلاط واليوم الثاني عيش مع قطع دجاج مقطع صغاار وخلطيه مع العيش في الخلاط، واليوم الثالث عيش مع عدس مفوروعندج عيش مهروس مع مرقة بطاطا عوديه ع النكهات فديته كبر وهكذا والعشى عندج معكرونة مع جبن وعندج معكرونة مع حليب فرش ، شوربة خضار ، دجاج، هريس،عدس، الريوق حليب مع صمون ,حليب مع شابورة، صمون مع جبن أو جام، مع كل وجبة عصير فرش تفاح و بطيخ أو أفكادو بالحليب يعني انتي لازم تعطينه من كل شي عشاااان تلاحظين الحلو شو يفضل وشو الي يحبة عشان الماما تحط في بالها
والسموحة ماعرفت شوكتبت بااااااااااااااي

فديتج مشكوره اختي
المشكله مب في شو اعطيه !! انا كل هذا كنت اسويه الحمدلله وكان يتقبله
وماكنت اعطيه اي شي من المعلبات الا الحين بعد مارفض اكل البيت !!

**أم ود!د** · 2009-02-18, 02:30

هذا شيء عادي

سبحان الله اغلبهم جيه

أول شيء ما شاء الله عليهم ياكلون زين

وعقب يبطرون

يوعيه

**غرور_انثى** · 2009-02-18, 18:45

المشاركة الأصلية كتبت بواسطة أم ود!د

هذا شيء عادي

سبحان الله اغلبهم جيه

أول شيء ما شاء الله عليهم ياكلون زين

وعقب يبطرون

يوعيه

طمنتوني انه هالشي طبيعي الحمدلله
ايوعه اختي بس يتم طول الوقت يصيح وبعد مايتقبل الاكل لو هو يوعان
فديته الله يحفظه لي
مشكوره اختي ع الرد

**هيل وزعفران** · 2009-02-18, 02:38

أهم شي يلسي معاه وحطي طبق الاكل جدامكم وأكلي جدامه وفرفشي من نفس الطبق وعقب عطيه لانه بيحاول يقلد وياكل

**غرور_انثى** · 2009-02-18, 18:47

المشاركة الأصلية كتبت بواسطة هيل وزعفران

أهم شي يلسي معاه وحطي طبق الاكل جدامكم وأكلي جدامه وفرفشي من نفس الطبق وعقب عطيه لانه بيحاول يقلد وياكل

صح .. اليوم جربت اكل من اكله وهو يشوفني ويقلدني !!
هالفكره حلوه وطبقتها لكن ماخذت اكثر عن دقيقه وردت حليمه لعادتها القديمه !! خخخ
الله كريم الغاليه .. مشكوره ع ردج

**FrAsHa** · 2009-02-18, 02:53

بنتي عمرها تسع شهور...تيها هفات...ساعات تاكل ..وساعات لا....

ما تبا تمضغ..كسوله كله تبا المرضعه....

احاول اقدملها الاشياء اللي تحبها...ساعات الصراحه اغصبها...واتم تصيح...واحصل هزبه من يدها...قبل كنت اعذب عمري واطبخلها...وماتاكل وكله في الزباله...الحين قمت ااكلها من طبخ البيت...الغذا والعشا...وفي النص..شي خفيف..بسكوت...كستر..روب...خبز وجبن...

واسوي حركه...اخليها فتره طويله بدون حليب...الهيها باللعب...وعقب يوم ااكلها تاكل ماشاءالله

وبعدين دايمن حصني ولدج...لو حتى مب محسود اقري عليه...دوووم...

يوم اقرا على بنتي احسبها تهدا...ومزاجها حلووو...

**غرور_انثى** · 2009-02-18, 18:49

المشاركة الأصلية كتبت بواسطة FrAsHa

بنتي عمرها تسع شهور...تيها هفات...ساعات تاكل ..وساعات لا....

ما تبا تمضغ..كسوله كله تبا المرضعه....

احاول اقدملها الاشياء اللي تحبها...ساعات الصراحه اغصبها...واتم تصيح...واحصل هزبه من يدها...قبل كنت اعذب عمري واطبخلها...وماتاكل وكله في الزباله...الحين قمت ااكلها من طبخ البيت...الغذا والعشا...وفي النص..شي خفيف..بسكوت...كستر..روب...خبز وجبن...

واسوي حركه...اخليها فتره طويله بدون حليب...الهيها باللعب...وعقب يوم ااكلها تاكل ماشاءالله

وبعدين دايمن حصني ولدج...لو حتى مب محسود اقري عليه...دوووم...

يوم اقرا على بنتي احسبها تهدا...ومزاجها حلووو...

تسلمين يالغاليه
حلو اللي قلتيه .. ان شاء الله اني بطبقه والله يهديه يارب وياكل

**FrAsHa** · 2009-02-18, 02:57

وصح انا معوده بنتي حزت الاكل....لو ما بتاكل بس اتم ياسه على كرسيها...اعطيها خبزه...تفاحه...اي شي تقرمه...

**أم الشيخ سعيد** · 2009-02-18, 10:45

يمكن لانه يسنن؟؟

الموضوع: اللي عندها بيبي بعمر التسع والعشر شهور اتفيدني !

أدوات الموضوع

عرض

العرض المتطور

اللي عندها بيبي بعمر التسع والعشر شهور اتفيدني !

المزيد من آخر المواضيع من نفس القسم:

المواضيع المتشابهه

اللي عندها بيبي عمره 8 شهور .. تعالي خبرينا شو تاكلينه ؟؟

اللي عندها خبره فالتكيس اتفيدني

ساعدووني اللي عندها معلومه اتفيدني

الي عندها ياهر بعمر 7 و8 شهور تدخل وتفيدنا

اللي عندها موضوع حلو اتفيدني ^_^