ابي اشارك بمعرض وابي ارائكم بليز دشوا ؟!!

**$$ أم سعود $$** · 2008-12-25, 19:38

هلا عزيزاتي
وحده من ربيعاتي شجعتني اشارك بمعرض الربيع
بس انا محتارة بشو اشارك لاني ما اسوي الا ع الطلب
فخايفة اشتغل واسوي اشياء واخر شي ما تنباع ؟!
انا فكرت اسوي يا ربطات شعر او طواقي
يعني تكون اشياء سهلة وممكن اسوي كمية مب شرات أطقم الفساتين
فأحين انا محتارة شو اسوي ربطات ولا طواقي
سويت نموذج من كل نوع وحبيت اخذ ارائكم ؟
شو برأيكم اكثر شي يمشي ؟ وشو اكثر الالوان اللي اسويها ؟
ترا ما عندي وقت
المعرض بتاريخ 15 يناير
فبلييييييييييز لا تبخلوا علي بأرائكم ؟!

الربطة

الطاقية

وهذه طاقيه بس بديزاين ثاني

المزيد من آخر المواضيع من نفس القسم:

**أم أسما** · 2008-12-25, 20:14

ماشاء الله تبارك الرحمن .. شغلج نظيف ومرتب وروعة

الغالية عندي لج فكرة ..

إنج تعرضين مبدئياً .. نماذج من شغلج للأطقم وكل شي دزاين واحد .. وهذا يكون بالطلب . يعني اللي تبغي وعيبها تدفع لج عربون وتاخذين عنوانها وعقب اطرشيليها حسب الموعد..

وفي نفس الوقت اتسوين ربطات وأطواق .. بكميات وألوان مختلفة لأن الذواق تختلف وهذي تكون للبيع المباشر

ليش ما تجربين اتسوين شغابات .. والتك تك .. وهذي الشياء السريعة ..

وإن شاء الله شغلج بيمشي .. والأهم الدعاية اللي بتسوينها

وأهم شي لا تنسين تستخيرين قبل كل شي .. فإذا فيه خير لج الله سبحانه وتعالى بيسر لج الأمر

والسموحة طولت عليج ..

**ام عبدالرحمن1** · 2008-12-25, 20:28

ما شاء الله تبارك الله
موفقه حبيبتي

**$$ أم سعود $$** · 2008-12-25, 21:15

فديتكم اشكركم عزيزاتي ع الردود

**منصورية خسفه** · 2008-12-25, 22:44

وايد شغلت حلو ياليت تستمرين في الفساتين والطقم كامل أختاري الوان متدرجه من الوردي الفاتح حتى الغامق وكذا الألوان الباقي ونشاءالله بتتوفقيين وتعبت مبب رايح خساره

**$$ أم سعود $$** · 2008-12-25, 23:16

اشكرج يالغالية ع الرد ^_^

**السيليه** · 2008-12-25, 23:20

ما شاء الله تبارك الله
موفقه حبيبتي

**"شموخ"** · 2008-12-26, 00:25

ما شاء الله تبارك الله موفقه باذن الله

**$$ أم سعود $$** · 2008-12-26, 00:40

أشكركم عزيزاتي ع الردود بس أتريا أرائكم

**انت غـلاي** · 2008-12-26, 01:02

ماشاءالله شغلج حلو

شو رايج تعرضين الاطقم كامله .. احس بيكون عليها طلب اكثر لانها احلى في اللبس .. وسوي كم حبه من الطواقي وحاولي تسوين من كل لون وكم حبه من الربطات بعد من كل لون.. وسوي مثل بروشور صغير توزعينه في المعرض وتحطين صور شغلج ورقمج وانج تسوين حسب الطلب عشان اللي يبغي يقدر يطلب عن طريق التليفون
عيبتني الطاقيه البيضاء.. شي عليها جاكيت بنفس اللون ؟؟!! وكم سعرها؟؟!!!

**$$ أم سعود $$** · 2008-12-26, 01:08

المشاركة الأصلية كتبت بواسطة انت غـلاي

ماشاءالله شغلج حلو

شو رايج تعرضين الاطقم كامله .. احس بيكون عليها طلب اكثر لانها احلى في اللبس .. وسوي كم حبه من الطواقي وحاولي تسوين من كل لون وكم حبه من الربطات بعد من كل لون.. وسوي مثل بروشور صغير توزعينه في المعرض وتحطين صور شغلج ورقمج وانج تسوين حسب الطلب عشان اللي يبغي يقدر يطلب عن طريق التليفون
عيبتني الطاقيه البيضاء.. شي عليها جاكيت بنفس اللون ؟؟!! وكم سعرها؟؟!!!

فديتج ما عليها جاكيت بس ممكن اسوي لها جاكيت
وهالطاقية اسويها ب120 لانه فيها شغل وايد
اما الثانية قب60
بس مشكله الطقم ياخذ اقل شي 3 ايام وانا ابي اسوي كمية للمعرض
يعني ما يمديني الوقت ففكرت اسوي اشياء اقدر اخلص كمية منها

**rozee** · 2008-12-26, 01:11

**$$ أم سعود $$** · 2008-12-26, 14:06

استغفر الله العظيم

**$$ أم سعود $$** · 2008-12-26, 14:47

للرفع

**rozee** · 2008-12-26, 19:38

الموضوع: ابي اشارك بمعرض وابي ارائكم بليز دشوا ؟!!

أدوات الموضوع

عرض

ابي اشارك بمعرض وابي ارائكم بليز دشوا ؟!!

المزيد من آخر المواضيع من نفس القسم:

المواضيع المتشابهه

بليز ادخلوا وعطوني ارائكم

ارائكم بشي لتوحيد لون الجسم بليز

منو يريد اشارك بمعرض ؟؟؟؟؟