مشترياتي

[أسكادا]

السلام عليكم
شلونكم حبيباتي
بعد معاناة إستمرت شهر ونص يايه أحطلكم مشترواتي اللي بعضها صار قديم

على ما تعلمت أعدل قياس الصور .. وتعلمت أنزل الصور ..
وكان عندي عطل في الموقع كل ما أفتحه بعد فترة يتصكر والمشكلة بس في موقع حواء
فقصـــــــــــــــــــة على ماأنزلهم .. مو عشان إستيعابي بطيء ولا ما أفهم بس مشغولة
وكنت بهون وما حطهم بس لأني قايلة في أحد ردودر على أرتوسه إني بنزل موضوع مشترياتي
وما أحب أقول شي وما أسويه

يالله على بركة الله

هذي الجنطة

شوفوها شلون مقسمة حلوة ومرتبة

اللـــــــــــــــــــــه وكل شي بمكانه ويفتح النفس

أكيد تقولون هذي شفيها إحنا بقسم المكياج والعطور مو قسم النجارة
عفوا هالجنطة جنطة عدة ريلي حبيت أوريكم شفيها عشان مو بس إحنا عندنا جناط ونهتم بأغراضنا ومثل مى آنا أحب جنطتي بعد ريلي نفس الكلالالالالالالالام <<<<<<<<<<< لووووووووووول
يالله عاد هذي الجنطة





كنت رايحه أبشتري من بيضون بس مريت محل وأمي موصتني على لوشن جان أشوفها
إهي ب10 كويتي عطاني ب7
وألحين مستانسه أقول لو ما خذه من بيضون بنفس حجمهاجان جم إطعلت سعرها فوووق 20

آنا قبل عندي جنطة بس مو مقسمة والله مع هالجنطة شغلج تخلصينه بسرعة وما يتوصخ المكياج بعد

هذولي 3 مسكرات حبيت أجربهم دفعة وحده
1 على اليمين إيف سان لوران
2 لوريال
3مايبلين

صراحـــــــــــة إيف سان لوران حلوة بس عادية مو يعني تحسين كثافة مو طبيعية
لوريال وااااااااااايد حلوه ومايبلين كثفت وطولت

بس أكثر وحده حبيتها لوريال <<<<<<<< لأنها عطت مظهر حلو للعين
حتى فرشتها غريبة علي بالبداية بس ألحين وايد أحبها وشكلي دايما باخذ منها

هذا بيس كانيبو آنا إستخدم كريم وبودرة وكونسيلر كانيبوا صارلي سنتين ومرتااااااااحة عليه
بس ما كنت إستخدم بيس
بس صج بيس كانيبوعجيب لما تحطينه جنه ويهج مبلول وفي لمعة
طبعا أبي أنبه على شغله دايما أسمع يقولون جنه ويهج فيه لمعة حسبالي اللمعة اللي مثل القليتر أقول بالنسبة لي ما أبي جذي
فبيس كانيبو لمعة مو لمعة مثل القليتر لمعة جنها لمعة نظافة
شفتي لما تلمعين المنظرة أقصد جذي <<<<<<<<< لوووووووول
مو تقولن مو فاهمين

طبعا إختي تستخدم بيس فور إيفر صارلها فترة راح شرت بيس كانيبو
تقوووووووووووول فرررررررق وايــــــــــــــــــــد أحلى وأنعم
والثاني كونسيلر كانيبو طبعا تغطيته خفيفة بريشة ووايد مريح يناسب اللي ما عندهم هالات غامجه حيل

كريم أساس كفر دريم
كانوا حاطين دعايته بالجريدة إن يغطي الحروق والكدمات .... وأصعب البقع <<<< جنه صار غسيل مو بشرة
قلت باخذه يمكن يعطي تغطية حلوة للبشرة وآنا ويهي صافي وما عندي شي أخفيه
فشريته من اللقافة وأول ما حطيته طلعت .... يابانية ....
طبعا نقطة منه كفيلة تغير ملامحج كلها وآنا كنت حاطه شكثر فتخيلوا المنظر وتخيلوا شكلي
بس لاتضحكووووووووووووون

المهم اللي فهمته ألحين إني لازم أخلط نقطه منه مع كريمي
نفس طريقة الديرماكول بس للحين ولامرة سويت الطريقة

لانكوووووووووووم
رووووووووج من درجة الوردي الواضح والناعم بنفس الوقت
وقلوس درجة البنفسجي واايد حلو وطعمه حلو


باليت من فور إيفر 3 درجات للوردي ورجة من البنفسجي ودرجة من البيج
واااااااااااااااايد حلو ودايما إستخدمه بعد ما تحطين منه جنج كنت حاطة مرطب
طبعا اللون الوردي اللي على اليسار ( لون انوثة ) آنا ماكلته أكل من كثر مأحط منه وأحبه
وكل الألوان حلو وعلى حسب تحديدج تتغير درجة الألوان
وفي روج أحمر حق البيت أحط أجمر صريح
بره البيت أدمج البيج معاه يطلع لونه وايد حلو

وفي كحل تركواز عجيـــــــــــــــــــــــب لونه هالأيام كله أحط منه وواضــــــــــــــــــــــــــــــــــــــــــح على العين
وفي بالصورة بعد الدايموند درجة الوردي أهو في لمعة لمعة قليتر
حبيت بيس كانيبو أكثر منه
بس أحط منه للتغير



ماااااااااااااااااااك
بيجمنت
فرشة البلاشر
فرشة الدمج
كحل ماك روووووووووووعة رووووعة أسسسسسسسسسسسسود فضيع وإنسيابي

جيرلان

الغسول والتونيك للبشرة العادية
وايد حلو أحس بشرتي مرتاحة طول اليوم لأن يزيل المكياج وكل الأوساخ على البشرة
وبعد ما أحطه بشرتي أحس فيها نظارة ونظيـــــــــــــــــــــــــــــــــــفه عدل وتلمع من النظافة

البلاشر الكريمي كان عند إختي وحبيته وايد خاصة ريحته
والبلاشر الثاني خذيته على مدح أرتوسه وطلع صج لونه واضح وخرافي مثل ما قالت أختنا وشوفوا فرشته شلون عجيبة


كحل جيرلان العربي فيروزي على أزرق نيلي وفي لمعة بسيطة حلو
بس للحين ما أستخدمه بكل سهولة

المزيد من آخر المواضيع من نفس القسم:

• كل ما تحتاجين لمعرفته عن عطر كلوي نرسيس...
• حل مشكلة تكتل كريم الاساس بخطوات بسيطة وفعالة
• خطوات تطبيق مكياج شتوي ساحر للسهرات
• اخطاء في تطيق البرايمر انتبهي لها
• طريقة عمل مزيل مناكير طبيعي في البيت حصري
• طريقة عمل منظف فرش مكياج سهل وفعال في المنزل
• طريقة عمل منايل ازالة المكياج في البيت
• كيفية تنظيف فرش المكياج بفاعلية
• خطوات بسيطة وفعالة لتثبيت العطر
• نصائح هامة قبل شراء العدسات اللاصقة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[وحداوية غاوية]

حلوين اغراضج واايد ...

الله يهنيج فيهم ^_^

[الحب الاول]

روووووووووعه


استانس يوم اجوف المكياج

روعه والله اغراضج

ان شاءالله باخذ لي من كل بستان زهره

[شيخة الحريم]

وعليكم السلام والرحمه

هههههههه ضحكتيني بداية الموضوع

وانا اقول شسالفه عدة نجاااااااره وين رايحين لوووووووووووووول

وبعدين شفت المكياج ماشاء الله يجنن ^.^

تتهنييييييين فيه حبيبتي

وماقصرتي على الموضوع الطيب

اختج
شيخة الحريم

[افطيم 2007]

عليج بالعافيه واغراضج حلوة ومرتبه حبيبتي ليش ماتحطين صور موضوع وتدمجينه بموضوع مشتريات سيدات الامارات بيكون احسن ينضاف للموضع السابق
http://www.uaewomen.net/showthread.php?t=74404

[أم بو مايد]

ناااااااايس

تتهنين فيهم يارب

[thariya]

ماشالله..........حلويييييييييين

[Sweety]

هههههههههههههههه ضحكت اول شي يوم شفت عدة النجاره


اغرااااضج حلوووووووووووووووه وااايد ماشاءالله ...تتهنين فيهم ان شاءالله

[الحور الغيد]

~::~

حلو تتهنين فيهم ان شالله ^ــــــــــــــــ^

~::~

[أسرار111]

سبحان الله طلع ذوقج نفس ذوقي في المكياج والماركات والالوان

["فراوله"]

وااااايد حلو مشالله لكن جربتي مسكرة ذي بودي شوب لتكثيف وتطويل الرموش
انا استخدمها وااااااايد حلوه000وعن الجحال الصرااحه ماك نفس ما قلتي وااااااااااااايد روعه
ابدا ما حصلت احسن عنه000ومشكوووره اختي عالموضوع الراائع

[أم الفناتك]

الله يهنيج

[*nawari*]

أباااااااااا اسييير اتشرى مكياااااااج

مول ما نشبع هههههههه

أغراضج وايد حلوه

[ليل الوداد]

رووووعة ماشاءالله واحلى شي جيرلان
تتهنين فيهم ^_^

[بنوته راك]

ناااااااايس