شنطة باريس هيلتون وغيرها من الشنط للبيع مع الصور والتفاصيل

**شيخة الحريم** · 2011-12-20, 20:54

السلام عليكم ورحمة الله وبركاته

شحالكم يا حلواااات

شنط كشخه توصلج للبيت !!!

مجموعتي الخاصة

منها شنط يديده غير مستعمله
ومنها استعمال مره وحده فقط

كلهـا من خارج الإمارات

والأسعار مميزه جداً .. ماتحصلينها في مكان

ومع الصور والتفاصيل ..

اتفضلن ..

الشنطة الأولى

ماركة Thames
من تايلاند .. جديدة وغير مستعملة

لونها يونيك (( أسود + أزرق مميز ))
وطبعاً عالطبيعة الشنطه أحلى .. والتصوير ظالم الشنطه

معاها ميداليه كيوت .. وتبين من بعيد ... والسعر على الصور

ومن داخل معاها قطعه تقدرين تشلينها أو تحطينها علشان تقسمينها من داخل وما تختلط أغراضج

الشنطة الثانية

من ماركة Francesco Biasia

أصلية نوعيتها جلد
لونها ماروني أحمر غامق على بني

شكلها راقي جداً وتنفع للطلعات الخاصة أو عزيمه

استعمال شخصي مره وحده فقط .. نظيفة وايد

والصراحه ماعرف السعر الأصلي لأنها هدية ولكن اخترت السعر بعد ماسويت بحث في النت عن هالماركة وشفت الأسعار

الشنطة الثالثة

من بوتيك Paris Hilton الموجود في سوريا
أصليه
اللون ( وردي + شفاف )
السعر الأصلي تقريباً 800 أو 900
سعر البيع 750 درهم
غير مستعملة ((جديدة))

أحلى شي فالشنطه أنه أغراضج تبّين وهي فيها

يتبـــــــــــــــع ،، يرجــــــــى عـــــــــــــدم الرد

**شيخة الحريم** · 2011-12-20, 21:03

الشنطة الرابعة

هذي لفئة البنوتات اليونيك

من تايلاند ..

جديدة وغير مستعملة
حجمها كبر ورقة A4

ماذكر السعر الأصلي .. بس سعر البيع 60 درهم فقط

الشنطة الخامسة

لونها أسود مزخرفة بأسود
مخمل مزخرف
شارتنها من سوريا - شارع الحمراء

من محل Miss Doris
بضاعتهم من فرنسا .. المحل راقي وغالي

( عن تجربه قديمه شنطهم حق كرااف )
مستعملة استعمال خفيف

وأحلى شي فالشنطة انج تتحكمين بطول السير + كبيرة تكفي أغراضج كلها
وممكن تخلينها شنطة لاب توب وتكونين مميزه عن غيرج

سعرها الأصلي فوق 500 درهم
سعر البيع 350 درهم

هالصوره يوم السير طويل ..

وهني تقدرين تفصلين السير وعددهم 2 تقدرين تركبينهم مع بعض علشان يكون طويل أو تفصلينهم وتخلينه سير واحد وتكون الشنطه قصيره

للأمانه فيها فص تقدرين تخيطينه مع الشنطه لأنه انجلع من صوب واحد

الشنطة السادسة

جلد من تايلاند

جديدة غير مستعمله

لونين ( أسود + اللون الي تحت يونيك ومميز )

ومعاها شنطه صغيره للأشياء المهمه .. مثل الموبايل أو البوك

الشنطة الأخيره

من القرية العالمية ..
استعمال خفيف
لونها أسود على بني غامق

عملية جداً ..
سعر الشراء 180 .. سعر البيع 140

*********************

*********************

الحين وصلنــــا عند طريقة التوصيل والدفــــــع

ارجوووكم يا بنااااات انتبهوا معايه ..

الدفع يكون مقدم عن طريق الأنصاري للصرافه ..

وأول مايوصلني مسج من الأنصاري للصرافه

راح يتم اعتماد الطلب .. والتوصيل عن طريق شركة أرامكس
ومبلغ التوصيل يكون على الزبونـــه

وطبعاً ما بستلم الفلوس إلا يوم الشنطه بتوصلج للبيت ..

وشركة الأنصاري للصرافه عندهم نظام انه انا يوم استلم الفلوس يوصلكم مسج اني استلمتهم

*****************

يرجى الجدية في الطلب

الطلب على الخاص
اختيار الموديل ...
ترسل البيانات كاملة عبر الرسائل الخاصه

البيانات المطلوبة
الاسم:
الامارة:
المنطقة:
رقم الموبايل:

التوصيل لجميــع أنحاء الدولة ...

وأهم شي عندي الأمانه ولله الحمد الكل يعرفني فالمنتدى .. قبل لا أكون تاجره فأنا أخت الجميع ومشاركاتي تشهد

اختكم
شيخة الحريم

**pink lady** · 2011-12-20, 21:09

موفقة حبيبتي

**فطـــامي 750** · 2011-12-20, 21:11

موووووفقه

**صاحبة السمو85** · 2011-12-20, 21:18

ما شاء الله ذوووقج حلو في الاختيار ..موووفقه غلاتي

لا اله الا الله محمد رسول الله ...

استغفرالله الذي لا اله الا هو الحي القيوم واتوب اليه.

&&لا اله الا انت سبحانك اني كنت من الظالمين&&