و انتي شو دخلج

**دلوعه حمودي** · 2011-03-25, 01:30

لاتكوني انتي المديره هع لو هالاطفال عيالج مابتي دافعي عن هالشريره اخخخخ بس متقهره منها وحده مثل هاي المفروض ماتكون مديره وحده مافي قلبها رحمه حشي
وفديت ام حمدان ربي يحفظها ان شاء الله اللي سويتها صح

**احلى فلونه** · 2011-03-25, 01:43

المشاركة الأصلية كتبت بواسطة مواليد2010

الله يهديكم يا حريم لا تحكمون بقلوبكم و عوا طفكم و حاولوا تحكموا عقولكم
و لا تدعون على المديرة المسكينة لا ترد عليكم الدعوة
و انتوا خواتي تذكرتوا حديث الرسول أنا و كافل اليتيم في الجنة
و نسيتوا الحديث اللي يقول : ..اتق دعوة المظلوم إذا دعا ..
و أخيرا أقول اني ما اعرف المديرة و لا المرأة اللي اشتكت و ما قريت الموضوع الا في منتدانا و خفت عليكم تكونون ظالمين

وانا وياج الصراحه الموضوع مبالغين فيه
الام لو مهتمه جان سلمتهم للمديره مب تركتهم والله انا مستغربه ليش ما تعاتبون الام على اهمالها لعيالها انتوا امهات ولو كنتوا مكان الام بتتصرفون ها التصرف تخلونهم يسيرون الحديقه بروحهم
المديره تصرفها صحيح 100%

وانا وياج الغاليه الام مب مهتمه ابدا وهاي الحرمه شاله الدنيا على راسها انزين احترمي المديره حرمه كبيره وتصرفج بعد احسه غلط مافيه احترام
والامور ما تنحل بها الطريقه المفروض تقولين للاطفال عطوني رقم الوالده واتصلي واستفسري ليش تركة عيالها بروحهم بدون ما تسلمهم لادارة المدرسه

**أم سما77** · 2011-03-25, 02:08

والله انتو الحريم تسوو من الحبه قبة وبعدين هذي ام حمدان انسانة متطفلة ورزة شو يخصها بالسالفة يعني تبا تشتهر مثلا يوم شافت المنطقة ما عبرتها راحت لين الصحافة اونه كسرو خاطرها اليهال انتي شو يخصج
وبعدين المديرة الي سوته امر قانوني الكل يعرفه ان الطالب لازم اييب موافقة قبل الرحله مب اهله يطرشوه مكان الرحلة الحمدلله والشكر يعني قبل ماكانت تعرف ان في رحله شو هالمصخرة وبعدين المذيع وايد زودها كل شوي ويعيد لها نفس السؤال ونفس الكلام والله ماعندك سالفة في اشياء وااايد اهم من هالشي مخلين كل شي وقاعدين يتناقشو ويتضاربوا ع اشياء تافهه

**ميمي5** · 2011-03-25, 02:20

المشاركة الأصلية كتبت بواسطة أم سما77

والله انتو الحريم تسوو من الحبه قبة وبعدين هذي ام حمدان انسانة متطفلة ورزة شو يخصها بالسالفة يعني تبا تشتهر مثلا يوم شافت المنطقة ما عبرتها راحت لين الصحافة اونه كسرو خاطرها اليهال انتي شو يخصج
وبعدين المديرة الي سوته امر قانوني الكل يعرفه ان الطالب لازم اييب موافقة قبل الرحله مب اهله يطرشوه مكان الرحلة الحمدلله والشكر يعني قبل ماكانت تعرف ان في رحله شو هالمصخرة وبعدين المذيع وايد زودها كل شوي ويعيد لها نفس السؤال ونفس الكلام والله ماعندك سالفة في اشياء وااايد اهم من هالشي مخلين كل شي وقاعدين يتناقشو ويتضاربوا ع اشياء تافهه

شوو متطفله و رزه !!!!!!!!!!!!!!!!!!!!

يوم دافعت عن الايتااام قلتي رزه و شو يخصها
شو من القلب عنج !! لو عيالج اللي صاير فيهم جيه ماتسكتين

انتي سمعتي من الطرفين شفتي اسلوووب المديره ف الحوووار كيف كان تصارخ و تنرفز !!

الصحفيه جذابه + ام جذابه + الاداراي جذاب + ام حمدان جذابه +اليهال جذابين بس هي الصااادقه
رووحي يااا ماماه ماتعرفين شي لا ترمسين

تصرفي قاانوني و تصرفي قااانوني ذلتنا ياختيه درينا انه قانوني بس المفروض شي رحمه هذيلا ايتام .. بعدين ع كلامج يمكن الام رفضت انهم يسرون الرحله بس صاحو ولا غمضوها خلت حد يوديهم !!

الحديقه عاااااااااااااااااامه مب ملك لمدرسسه يعني اي حد يروم يدخلها

**رتوـش** · 2011-03-25, 02:31

المشاركة الأصلية كتبت بواسطة ميمي5

واللي كااتبه الموضوع ليش دافعين عنها من اسلوبج احسج معلمة عربي و انتي وياها ف السكول عسب جيه دافعين عنها !!

الحديقه مب حديقتهاا شو هاعقليه يعني اي طالب بسير مول وهي موجوده فالمول مابتخلي يدخل المول عسب المسؤوليه هههههههههههههههههههههههههه

ههههههههههههه

أم سما (( من لم يهتم لأمر المسلمين ليس منهم )) أو كما قال عليه الصلاة والسلام

وأم حمدان مب رزة بالعكس نموذج للمسلمة اللي ما ترضى بالظلم الله يكثر من أمثالها يارب ويوفقها دووم

أصلا ما وهقنا غيرالمداحين و المطبلين أصحاب الطار والدرنقة لوووول

**ام رشوودي** · 2011-03-25, 02:38

بوراشد سخافة بلاااااااحدود

**أنا الحزن** · 2011-03-25, 02:59

المشاركة الأصلية كتبت بواسطة ياقوتةخضرا

اختي العزيزة

كلنا سمعنا راي الطرفين وما خذينا أحكام مسبقة مثل ما انتي صورتي الموضوع ..

أنا سمعت الحلقة على البث المباشر عشان ما أظلم الحرمة ...

للأسف ختيه ...المسألة مب مثل ما انتي مصورتنها قضية حرمتين
كل وحدة منهم هددت الثانية وكل وحدة حبت تنتقم بطريقتها ..

المسألة أكبر من جذيه بواااااااااااااايد

النقطة اللي ما عليها خلاف أبدا من أي رد من الردود
ان تصرف المديرة قانوني !!

لكن الله يقول في حديث قدسي :"ورحمتي سبقت عذابي"

يعني ممكن الاتسان يكون تصرفه قانوني والقانون ما بيحاسبه عليه
لكن أحيانا المسؤولية تتطلب انه يكون في نوع من الرحمة والليونة في تطبيق القوانين
خاصة اذا كانوا متعلقين بأطفال وأيتام في نفس الوقت !!

لنفرض ان الأم مهملة ! ان اللي يابت اليهال غير مسؤولة !!
ولنفرض ولنفرض ..!

لكن اني أحرم الأطفال من اللعب في حديقة عامة وأخليهم واقفين برع الحديقة
يطالعون رباعتهم يلعبون وياكلون عقابا لأمهم اللي ما يابت ورقة موافقة !!

هذا شي ضد الانسانية والدين !

انزين شو فيها لو خلتهم يلعبون لين ما يجي حد ياخذهم ؟
هذي مب حديقة عامة الدولة سوتها عشان مواطنيها ؟

حتى المذيع قال للمديرة هذا الكلام :
قالها أنا ما أتخيل عيالي مكان هالأطفال !!

وعلى العموم لكل حد وجهة نظرة اللي نحترمها وأولهم وجهة نظرج

وعلى فكرة اللي خلى الناس ما يأيدون المديرة ان كلامها كان وايد فوقي
وأسلوبها أبدا ما كان حلو خاصة بعد ما جذّبت كل الأطراف ومن بينهم الإداري اللي في المنطقة التعليمية !!!!

صحححححححححح100/100
مسوية مديره حتى في الحديقة مصدقه عمرها مديرة على الكل حتى أم حمدان ما سلمت منها شو دخلج لو واحدة ذوق و أدب كانت ترد بطريقة مهذبة على فعلتها السووووودة ضد ايتام

**ام بدر1** · 2011-03-25, 02:59

المشاركة الأصلية كتبت بواسطة أم سما77

والله انتو الحريم تسوو من الحبه قبة وبعدين هذي ام حمدان انسانة متطفلة ورزة شو يخصها بالسالفة يعني تبا تشتهر مثلا يوم شافت المنطقة ما عبرتها راحت لين الصحافة اونه كسرو خاطرها اليهال انتي شو يخصج
وبعدين المديرة الي سوته امر قانوني الكل يعرفه ان الطالب لازم اييب موافقة قبل الرحله مب اهله يطرشوه مكان الرحلة الحمدلله والشكر يعني قبل ماكانت تعرف ان في رحله شو هالمصخرة وبعدين المذيع وايد زودها كل شوي ويعيد لها نفس السؤال ونفس الكلام والله ماعندك سالفة في اشياء وااايد اهم من هالشي مخلين كل شي وقاعدين يتناقشو ويتضاربوا ع اشياء تافهه

الصراحة ردج غريب جدآ وتحاملج على ام حمدان اغرب لكن بغض النظر عن الحريم على قولتج ما فكرتي في هاليتامى المساكين لو استوالهم شي لا سمح الله ما فكرتي في دمعة اليتيم الي انكسر خاطرة شو ما شي رحمة ولا انسانية اسمحيلي كلامج غير مقبول ابدآ
ام حمدان جزاها الله خير ان شاء الله والله يكثر من امثالها .

**المياسه 2** · 2011-03-25, 04:19

السلام عليكم

اي وحده بدافع عن المديره اما تكون هيه نفسها او من اهلها او ما عندها ضمير
الكل سمع اسلوبها في اذاعة الشارجه
ام حمدان لو بغت يكون الامر شخصي جان طلبت الشرطه لانه المديره الفاضله قالت لها انتي مينونه
حلو والله مديرة مدرسه ومربيه اجيال فاضله تقول هالكلام !!
بس ام حمدان اهتمت بموضوع الايتام اكثر واي انسان في قلبه رحمه بيهتم فيهم
وكلنا سمعنا اسلوب ام حمدان الراقي واسلوب المديره .... ؟؟؟!!!!
والافضل جان تحبون المديره ما تنزلون مواضيع عنها لانه الكل منقهر منها وكل ما نتذكر السالفه نقول
حسبي الله ونعم الوكيل في كل من يقهر يتيم

**kitten55** · 2011-03-25, 04:28

تسمحوا لي اخواتي
انا اول مرة قريت عن الموضوع كان في موقع الامارات اليوم وبعدها قريت موضوع الاخت ام حمدان في منتدانا بس ما سمعت الحلقة لكن تقريبا عرفت مضمونها وقريت بعد موضوع رد المديرة اللي انشر بجزئين على موقع الامارات اليوم
وتسمحوا لي اقول وجهة نظري بالموضوع لاني محايدة وبنفس الوقت مدرسة وام
اولا خلينا ناخذ الموضوع من وجهة نظر ام حمدان كانت تنتظر هي وربيعتها اولادهم يخلصون امتحانات وشافت 3اولاد صغار خارج الحديقة العامة وجزاها الله خير لانه سالت عنهم وقالوا لها انهم ممنوعين من الدخول لانهم ما دفعوا الستين درهم........طيب كم وحدة بتشوف اولاد صغار بره الحديقة وتشغل نفسها بيهم بدل ما تفكر بس بامتحان ابنها ...كم وحده شافت صغار وسالت نفسها ليش هم بره الحديقة وليش ما في حد معاهم؟ الله يجزاها بخير اللي خافت على 3 اولاد وانتبهت الهم
طيب يعني الاولاد عارفين انهم محرومين من الرحله بسبب الستين درهم لانه ماعطوهم الستين درهم مو لانه ورقه الموافقة ماجت

ام حمدان اتصلت بالمدرسة لانه الاولاد بلغوها انهم ممنوعين من دخول الحديقة والله يجزاها بكل خير انها حبت ترجع تدخلهم للحديقة ويكونون مع اصدقائهم وتحت اشراف المدرسة ....كيف اي وحدة تعرف رقم مدرسة اولادها مموجودين فيها؟ اكيد اتصلت بخدمة الدليل وهالخدمة بفلوس مهما تكون قيمتها وانتظرت لما اجاها الموظف المسؤول بالرقم وبعدها المدرسة خبروها ان المديرة موجوده مع الرحله ...يعني ما في حد مسؤول في المدرسة ومعناها انه منع الاطفال من الدخول هو بسبب امر من المديرة ...طيب كيف تتصرف مع شخص مسؤول ترك 3اطفال بره الحديقة لاي سبب سواء فلوس او ورقة موافقة ...اتصلت بالمنطقة التعليمية ...وممكن يكون رقمهم عندها مخزون او رجعت اتصلت بالدليل ...وجاوبها الموظف المختص وخبرته بالموضوع
في هذه الاثناء شافت المديرة جت وسالت الاولاد محد جاء وشالكم ومن خلال الكلام قالت لام حمدان انت اللي اشتكيت علينا؟
طيب يعني الاولاد بره هالمدة كلها ما سالت عليهم الا بعد ما اتصلوا فيها المنطقة التعليمية ..وصار اللي صار بينها وبين ام حمدان واللي سمعناه
ثانيا من وجهة نظر المديرة فوجئت بوجود الطلاب ال3 داخل الحديقة ...كيف اجوا ما ذكرت هل سالتهم عن اللي جابهم وكيف اجوا للحديقة وهم غايبين الصبح في المدرسة
طيب ...انا كمديرة ليش امنعهم مادام هم مسجلين عندي غياب وما اجوا للحديقة الا مع حد ثاني ومو عن طريق باص المدرسة ما علي منهم هم مو تحت مسؤوليتي اخليهم داخل الحديقة واذا ما ردت اتحمل اي مسؤوليه اخلاقية اخليهم يلعبون داخل الحديقة اامن لهم خصوصا انهم صغار واتصل بوالدتهم استفسر منها ان هي سامحه الهم او تاركتهم وهل هم مع حد ثاني تركهم داخل الحديقة وبعدين يرجع لهم ...خصوصا ان الستين درهم هي ثمن الوجبه فما هي مشكله خليهم لاياكلون بسخلي يلعبون مع الاولاد ...ما اتصور في مسؤوليه عليها من الاساس لانهم ما جايين من بدايه اليوم الدراسي
ممكن حتى اذا الام ما ردت عليها تتصل باي احد ثاني وممكن حتى تتصل بالشرطة تخلي مسؤوليتها على اساس الاطفال متروكين في الحديقة بدون رقيب وهي تخاف عليهم وهي بالحالتين ان اتصلت بالام او بالشرطة مشكورة وما عليها اي عتب او مسؤوليه قانونية
نجي لموقف الام اللي هي ارمله وبرقبتها هالايتام ال3 الاولاد يعرفون ان اصحابهم رايحين رحله وهم محرومين بسبب ال60درهم اللي مادفعوها لانه راتب الاب موقوف وتخيلوا قلب هالمسكينة اللي فقدت زوجها وابو عيالها وهم يصيحون وحقهم اولاد يريدون يروحون رحله والله اعلم بالهم والقهر اللي شافوه وخاصة ان ابوهم ماصار له فترة من مات وكلنا نعرف الحاح ولد واحد فكيف ب3 انكسر قلبهم وطلبت من قريبتهم انه توديهم خاصة ان الحديقة عامة ومسموح بدخولها وهي وثقت بقريبتها انه راح تراعيهم وما تتركهم ... ما اتصور لو خلينا روحنا مكانها نشوفها غلطانه لانه هي حبت تفرح الاولاد اللي كسروا قلبها انه فوق قهرهم على ابوهم انحرموا من الرحله والسبب 60درهم
طبعا انا اعتب على قريبة والدتهم اللي تركتهم وراحت

بس يا اخوات رجاءا حتى لو الموضوع فيه عناد ..شو نب الاطفال المس اكين اللي اجوي يلعبون ومنعوهم وقعدوا يتفرجون من به الحديقة

واخر شيء اقول الله يلهمنه باي موقف انه نتصرف صح وما تاخذته العزة بالاثم وانه رب العالمين ييقدرنا على رحمه الناس قبل ان ننظر الى اخطائها
وتحيه طيبة لام حمدان ....اكبر غلط انه نقول وهي شو اللي يخصها

**شوروق** · 2011-03-25, 07:33

لو كانو ها الاولاد اولاد مسؤليين اكبار كان تتجرء هذى المديرة أو ها التعبانات الى ويها يخلونهم بره حتى لو كانو ناسين يدفعون أو حتى قرروا فى أخر لحظة يوون الحديقة على فكرة من وين يايبين هذى المديرةالشرسة

**sakura-san** · 2011-03-25, 08:34

المشاركة الأصلية كتبت بواسطة lailee

البلاد عمرها ما بتنمو اذا كان فيها فساد اداري وهب دايمن الغلبه اتكون للناس ال vip وخل الي يحتمون بفلوسهم ومناصبهم يفهمون هالشي واحنا انعرف شو الي بيرفع اسم بلادنا ترى الظلم بداية الفساد

.

معاج 100%

**NonaSecret** · 2011-03-25, 09:01

http://forum.uaewomen.net/showthread.php?t=893483

**M!SS UAE** · 2011-03-25, 09:30

نفس الكلام انا كتبته ومسحته قبل ما احط الرد مافيني ياكلوني الحريم
قلت حكموا عقولكم قبل عواطفكم
واللي ياب اليهال الحديقة هو المسؤول عنهم ليش ماقلتوا كيف الشخص هذا ترك اطفال بهالعمر عند باب الحديقة وروّح عنهم بدون حسيب ولا رقيب يبون المديرة تراقبهم ...هالشخص اللي مفروض يتعاقب وينشهر به؟؟!!

**بيبي كات** · 2011-03-25, 11:08

حسبيى الله ونعم الوكيل ع اللى كسر خاطر اليتامى

المديرة قلبها قاسى ما فيه رحمه

الموضوع: و انتي شو دخلج

أدوات الموضوع

عرض

المواضيع المتشابهه

~[ انتي الذوق انتي الحسن انتي الزين بألوانه..الدفعة (1)..أساور و سلاسل و تراجي كيووت

~[ انتي الذوق انتي الحسن انتي الزين بألوانه..الدفعة (1)..أساور و سلاسل و تراجي كيووت

~[ انتي الذوق انتي الحسن انتي الزين بألوانه..أساور و سلاسل و تراجي كيووت (الدفعه (1))