موضووع المديره الي في مدرسة جلبااااا

**بـــــس جي** · 2011-03-22, 13:49

السلاام عليكم ورحمة الله وبركاته
انا هي ام حمدان لي اشتكيت على المدييره
وانا ما اشتكيت عليها من الهوا
المديره طردت العيال اول ما وصلوا...
ويلسوا قريب مناا..ويوم سالناهم قالوا ان ناسيين الفلوس ومادفعنا..قمت وقلت لوحده من المدرسات ليش معاقبينهم قالت مادفعوا لكنتاكي...قمت وقلت لها ان انا بدفع عنهم فقالت لي لا المدديره مش طايعه حد يدفع عنهم والا كنا نحن((المدرسات يعني)) بندفع عنهم..!!
المهم خذت اسم المدرسه ودقيت وقلت برمس المديره وبقوولها عشان العيال..ومحد رد..عقب سالت وحده وقلتلها ابا ارمس المديره وقالت المديره موجوده فالحديقه معاهم...!!
المهم انا دقيت للتربيه وخبرتهم وقلتلهم قسم بالله انهم أأدب عن عيالي وحرام عليها حق60 درهم تعزلهم عن العيال وهم عندهم فعاليات ولعب وغيره..قمنا وعطيناهم من الموجود عندنااا انا والي كانت معاايه((ام صديقة ولدي في الروضه الاولى في مدرسة خاصه))كنا نتريا عيالنا صف2 يخلصون الامتحان..
ودقيت للجريده وخبرتهم وطبعا ماعيبهم تصرف المديره..وعطوني رقم الصحفيه الموجوده فالفجيره..وانا دقيت لها..وفي نفس اللحظه لي كنت اكلم فيها الصحفيه..يت وحده وقالت للعيال محد ياا يشلكم...!!قالوا محد يانا..
قمت وقلت للصحفيه لحظه..وصديت صوبها اطالعا فقالت لي العيال هذيل وياج..قلتلها لا هالعيال لي انتوا رغتوهم عشان60درهم..فقالت معناته انتي لي اشتكيتي علي فالتربيه..قلتلها هيه نعم انا..قالتلي(( وانتي شولج تدخلين في شي مالج فيه))..!!
واقسم بالله اني كنت اكلمها بادب..وقلتل لها حرام هاليهال مخليتنهم معزولين عشان كنتاكي..انا بدفع عنهم...
قالت انتي منوو دخلج الحديقه وانتي مالج حق تدخلين..ومن هالكلام...وسالتني اذا عيالي عندها فالمدرسه..وقالتلي انها مابتقبلهم فالمدرسة عندها اصلااا ..
واطنزت على حجابي..وقالتلي مثل معناته اني انا مينونه وهي العاقل...وقالتلي لو بنتي ما يابت موافقه ماكنت بييبها..اصلااا بنتها مستحيل يكون وضعها مثلهم بما انها مديره...وقالتلي ماتقدرين اتسوين شي وانا قانونيه ومن هالكلام..والمدرسه لي كانت معاها شاهد ثاني عالكلام بعد الصحفيه..
وعلى فكره وحده من المدرسات قالت لنا ان المديره قالت طلعوا العيال برع الحديقه..
يعني خافت عليهم لا يطيحون او يتاذون من اللعب وما خافت عليهم لا حد يخطفهم او حد يدعمهم..........!!
قمة التناقض..!!
ووحده من المدرسات قامت وعطت الايتام كل واحد 5 دراهم...
باقي الطلبه غادروا الحديقة الساعه وحده مع المشرفات بس
وتمن المدرسات بالاكل والجدور الكبيره فالحديقه يتغدون بعد مغادرة الطلبه وعلى الدنياا السلاااااام
والله العظيم اني مازدت من عندي ولا حرف ..واذا هي جذبتني في ذمتها ...

المزيد من آخر المواضيع من نفس القسم:

**الفـــــــرس** · 2011-03-22, 13:56

خييييييييييييييييييييييييييييييبـه .. شو هالناس .. ما عندهم دم ؟؟

ما عندهم قلوب ..

حبيبتي .. ما عليج .. اتصلي على استيديوا 1 .. اللي هو البث المباشر

ونزلي مقال في الجرييده .. وطلعيها لفوووق بأسم المديره والمدرسات 0000000
اللي معاها

**كنه الشامسي** · 2011-03-22, 13:56

الله يعينهم الايتام و يعينج على الحق دايما

**o0oM_MaYeD** · 2011-03-22, 14:04

حسبي الله ونعم الوكيل

**لحظة 88** · 2011-03-22, 14:05

حق الايتام ما يضيع
سبحان الله
الله سخرج لهم انج تكونين موجودة ف الحديقة وتشوفين شو يصير عشان تنفضح المديرة
انصحج اتصلي في برامج البث المباشر وقولي اللي شفتي خلي يسمعونج
الناس
شو ها الناس عفان الله بدون قلب
الله يقويج

**لحظة 88** · 2011-03-22, 14:06

حبيبتي اتصلي في برنامج الرابعو والناس ف عيمان
اكيد بسمعون لج

**دهن_العود** · 2011-03-22, 14:09

تصرف لا يليق بربة اجيال انا مستحيل أأمن ع عيالي عندها

**Reem dxb** · 2011-03-22, 14:11

الله المستعان

**بـــــس جي** · 2011-03-22, 14:11

اتصلت ويوم خبرتهم منووو انااا ماطاااعوا يخلوني عالهواااا
دقيت لبو عمررر
وبووراشد تميت ادق ولا رد ...وطرشت مسج ومادقولي بعد

**mousy** · 2011-03-22, 14:15

الله يــــعين

**rozee** · 2011-03-22, 14:15

تصرف غير تربوي وعلى وزارة التربية والتعليم والمنطقة التعليمية التحقيق والمتابعة

**أم المساكين** · 2011-03-22, 14:27

الله المستعان

**بنوتـــهـ** · 2011-03-22, 14:44

حسبي الله عليهآ
اتصلي الحيين في البث المبآشر الشآرجه وان شااء الله بيتصرفوون معآهآ
60 درهم جييه تسوي فيهآ تخبلهآ >.<

**صغيره بس خطير** · 2011-03-22, 14:50

حسبي الله ونعم الوكيل

ماتت الرحمه من قلوب الناس

**يابانيه كوريه** · 2011-03-22, 14:53

زين سويتي يوم ما سكتي عن حق اليهال...الله يقويج حبيبتي

الموضوع: موضووع المديره الي في مدرسة جلبااااا

أدوات الموضوع

عرض

موضووع المديره الي في مدرسة جلبااااا

المزيد من آخر المواضيع من نفس القسم:

المواضيع المتشابهه

بلييييييييز لل .. المديره و المدرسه