مكاتب سياحية مجربة

[أحلى قمورة]

إن شاء الله معزمين نسير زيلامسي عن طريق مطار ميونخ

وحجزنا التذاكر خلاص لكن نبا سكن زين ومب عارفين

فقررنا نستعين بمكاتب سياحية والأفضل تكون في دبي وإلا الشارجة وممكن عيمان

فبليييزاللي تعرف مكتب زين وأهم شي مجربينه لا تبخل علينا ....

ومشكورة الي بترد بدعوة حلوة وترفع الموضوع عسى الله يرفع قدرها يا رب

المزيد من آخر المواضيع من نفس القسم:

• اهم المعلومات عن وسائل المواصلات والتنقل في...
• ألينتيخو البرتغالية اجمل الوجهات السياحية...
• جزيرة بالاوان اجمل الجزر الطبيعية في الفلبين...
• كانازي قرية إيطالية خيالية بأجواء لامثيل لها...
• اجمل الأماكن السياحية في كوتور
• جولة سياحية لاجمل المعالم في ألبانيا
• بولندا تفتتح أعمق مسبح في العالم
• اجمل اماكن سياحية من العصور الوسطى في كوينكا
• طيران الإمارات و«فلاي دبي» تستعيدان 70 و50%...
• لقطات مثيرة من جودبور المدينة الهندية...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[loverose]

هلا شوفي شركة سناتا SNATTA اللي في الشارجة او الشرق

[الغر الحشيم]

ما يحتاي مكاتب سياحية فديتج

انا بساعدج في الحجوزات .. خبريني كم العدد ؟ و من تاريخ كم لين كم ؟

و كم الميزانية تقريباً ؟

[أحلى قمورة]

مشكورة أختي loverose

ما قصرتي

[أحلى قمورة]

ما يحتاي مكاتب سياحية فديتج

انا بساعدج في الحجوزات .. خبريني كم العدد ؟ و من تاريخ كم لين كم ؟

و كم الميزانية تقريباً ؟

هلا أختي الغر الحشيم

نحن الله يسلمج 3 كبار و3 صغار ورضيع

ومن تاريخ 20 \ 6

إلى 9 \ 7

والميزانية للسكن نباها تحت ال 15 ألف

ونفضل السكن في شقق مفروشة

وإن شاء الله جدولنا بيكون ليلة في ميونخ فقط للمبيت يعني فندق متوسط المهم نظيف

لأن الوصول بيكون متأخر ف الليل

وبعدها زيلامسي 12 ليلة

وبعدها نبا نسير إيطاليا بس ما عندي فكرة عن المسافة وبنتم فيها3 ليالي أو 4

ومنها على ميونخ 3 ليالي

ما أدري تحسين الجدول جذه زين

ومشكورة الغالية

[الغر الحشيم]

هلا أختي الغر الحشيم

نحن الله يسلمج 3 كبار و3 صغار ورضيع

ومن تاريخ 20 \ 6

إلى 9 \ 7

والميزانية للسكن نباها تحت ال 15 ألف

ونفضل السكن في شقق مفروشة

وإن شاء الله جدولنا بيكون ليلة في ميونخ فقط للمبيت يعني فندق متوسط المهم نظيف

لأن الوصول بيكون متأخر ف الليل

وبعدها زيلامسي 12 ليلة

وبعدها نبا نسير إيطاليا بس ما عندي فكرة عن المسافة وبنتم فيها3 ليالي أو 4

ومنها على ميونخ 3 ليالي

ما أدري تحسين الجدول جذه زين

ومشكورة الغالية

مادري فديتج 12 يوم مب وايد على زيلامسي ؟

انتو سايرينها من قبل ؟ صح انها حلوة و فيها وايد اماكن سياحية بس احس حدها اسبوع و اكثر عن جيه ملل

عموماً الناس اذواق و يمكن انتو تحبونها و ترتاحون فيها ^.^

بالنسبة للسكن في زيلامسي ارشحلج شقق ترينكر Trinker Appartement

نحن كنا نسكن فيها كل سنة .. الشقق نظيفة و مرتبه و واسعه و مكانها في السنتر و اسعارها رخيصة

و تبعد 5 دقايق مشي عن البحيرة و حذالها في نفس الشارع ماكدونالدز دقيقتين مشي

هذا موقعهم على النت : http://www.appartement-trinker.at/

و عندهم صفحة بالعربي بعد .. ممكن تشوفين صور الشقق و مواصفاتهن و اسعارهن

شوفي الشقة رقم 9 هاي اللي نحن ناخذها دوم .. فيها غرفتين نوم و صالة فيها سرير و مطبخ و حمامين الله يعزج و سعرها في الفترة اللي بتسيرون فيها 144 يورو = 750 درهم تقريباً

و اذا بغيتي تحجزين راسليهم بالايميل و جان ما تعرفين انا بساعدج براسلهم ^_^

و عن السكن في ميونخ اول ليلة عندج فندق Mercure Altstadt

3 نجوم لكن نظيف و الغرف ممتازة و المكان استراتيجي في نص المارين بالتحديد ورى محل مانغو و الأسعار معقولة يعني الغرفة بحدود 550 درهم تقريباً

هذا موقعهم على النت : http://www.mercure.com/gb/hotel-3709...dt/index.shtml

و ممكن تسوين الحجز من موقع booking.com مضمون و مجرب و يعطيج اسعار حلوة =)

و عن ايطاليا مادري حبوبة اي مدينة بتسيرون ؟ اقرب مدينة حق زيلامسي هي فنيسيا (البندقية)

و المسافة من زيلامسي لين فنيسيا 382 كيلو .. بحدود 5 ساعات تقريباً او اكثر

و السكن آخر 4 ايام في ميونخ ارشحلج شقق اطلس Hotel ATLAS Residence

نحن كل سنة نسكن عندهم و شققهم متنوعة مب شرات بعض بس كلها بغرفة نوم و صالة و حمام و مطبخ و بعض الشقق فيها سرير في الصالة و ممكن يحطون لج اكثر عن سرير و الشقق اللي من الدور الخامس لين السابع فيها تكييف اما باقي الشقق بدون مكيف

و اسعارهم بحدود 120 لين 130 يورو للشقة الوحده

هذا موقعهم على النت و فيه صور الشقق : http://www.atlas-residence.com/en.html

و الحجز عادي بالتيلفون و ما ياخذون مقدم

[أحلى قمورة]

فديتج الغالية والله مب عارفة كيف أشكرج ... أحس فجيتي الأزمة وإن شاء الله نحصل في الشقق الي ذكرتيهم ...

بس سؤال بعد ؟؟؟ نحن نبا نأجر سيارة فشو تنصحينا ناخذها من أول يوم لين آخر يوم وإلا بس بنحتاجها في زيلامسي

وهل نقدر نروح يوروب بارك من ميونخ ونبات ليله وإلا وايد بعيدة

و يزاج الله كل خير الغالية

[NONE_LIKE_ME]

انتا عجمان

[الغر الحشيم]

فديتج الغالية والله مب عارفة كيف أشكرج ... أحس فجيتي الأزمة وإن شاء الله نحصل في الشقق الي ذكرتيهم ...

بس سؤال بعد ؟؟؟ نحن نبا نأجر سيارة فشو تنصحينا ناخذها من أول يوم لين آخر يوم وإلا بس بنحتاجها في زيلامسي

وهل نقدر نروح يوروب بارك من ميونخ ونبات ليله وإلا وايد بعيدة

و يزاج الله كل خير الغالية

العفو حبيبتي و لا شكر على واجب ^_^

بالنسبة للسيارة بتحتاجونها من اول يوم لين ما تردون ميونخ

و يوم توصلون ميونخ تسلمونها لانكم ما بتحتاجونها آخر 4 ايام في ميونخ

اممم يوروب بارك بعيده عن ميونخ يعني ما ينفع تسيرونها يوم و تردون

اذا تبغين العاب و ملاهي عندج حديقة سكاي لاين وايد حلوة و وناسة .. صح انها مب كبيرة شرات يوروب بارك لكن العابها حلوة حق الكبار و الصغار و الحديقة شرحه

شوفي هالتقرير انا حاطه معلومات عن الحديقة :

http://forum.uaewomen.net/showthread.php?t=617411

[أحلى قمورة]

تسلمين الغالية ما قصرتي من بحجز بخبرج إن شاء الله

[أحلى قمورة]

NONE_LIKE_ME
مشكورة حبيبتي بتصل الاستعلامات وباخذ رقمهم

[أحلى قمورة]

هلا الغالية

شفت هاي الشقق ف النت وحسيتها فخمة ما أدري لو عندج فكرةعنها

وهذا موقعهم

http://www.appartements-steiner.com/...ts_3&menue=app

[ريوف ابوظبي]

السلام عليكم ....شجعتونا على السفر

[أحلى قمورة]

هلا والله ريووف بوظبي

شو نسوي ما نصدق تخلص الامتحانات نبا نغير جو ونشرد كمن يوم عن الحر^__^

[أحلى قمورة]

للرفع